春水堂 (太古城中心)

營業中

休息中

因為泊車方便原故，又去左太古城覓食！今次想食台灣野😙🌟朱古力珍珠奶茶🧋留意番呢個係冇得小甜/小冰， 係固定冰同糖。但佢個份量的確拿捏得幾好，朱古力味超級濃，仲有朱古力粒粒喺入面，呢個已被列入我必叫之選👍🏻🌟朱古力珍珠奶茶🧋🌟麻辣煙鴨胸鴨血米粉上面鋪上一層紅紅嘅辣油，見到都知道唔惹小，食得辣嘅不妨試試。而我就即刻叫左杯朱古力咖啡止辣。😂鴨血好入味，麻辣味好足夠。成碗overall 幾好食👍🏻🌟麻辣牛腩牛筋麵牛筋好滑，牛腩麵好入味好食！湯底都好惹味同牛肉味濃郁。雖然份量唔多，同埋價錢稍高，但都值得間唔時去食下☺️*不是試食活動

紅燒牛肉麵（$92）御品三寶牛肉麵（$105）和紅燒牛肉麵差不多，紅燒牛肉麵只有半筋半肉，三寶是有牛肉，牛筋和牛肚，其實三寶都醃得入味，牛肚腍些，牛筋腍度剛好帶點彈牙，牛肉比較嚡，湯底味道夠濃，麵質夠煙韌。 台灣肉圓（$40）是這店期間限定，是古早的台灣小食，點了一客，份量不算多，係小食。上枱時已有一陣濃味，應是味淋，鹹魚和蒜茸混合起來的氣味。 圓型的外皮是半透明的，煙煙韌韌，係QQ彈，外皮似煎炸過，有少少似食潮州茶果的糯米皮，係幾好食的，包著的係免治豬肉，有筍粒，醃得入味，整體不錯，值得試 培香麵茶珍珠奶茶（$44）係期間限定。麵茶同樣是台灣的古早小吃。奶茶面層已有一堆麵茶，勺少少試，係香花生加芝麻味，成杯都均勻混合了麵茶的粉，每一啖都有麵茶的味，很特別也好有質感，珍珠是比一般店的細粒很多，很彈牙有𡁻口，加了麵茶，整杯奶茶的質感和層次感提升了，非常之好的配搭，這個期間限定是有驚喜 Braised Beef Noodles ($92) and Three-Combo Beef Noodles ($105) were similar.Braised Beef Noodles conta

夜晚出開去太古城中心買野,買完野緊係食埋晚餐先返屋企,近排無乜食台灣野,即刻就諗起呢個商場有春水堂🤩嚟到嗰時啱啱無晒位,好彩等咗10分鐘左右就有位啦☺️我地叫咗紅燒牛肉麵(半筋半肉)紅燒湯底夠濃略帶點牛肉味牛肉夠腍👍🏻麵底軟硬適中魯肉飯(小碗)叫比小朋友食嘅,份量完全啱晒佢😂魯肉份量唔算多不過煮得好入味凍珍珠奶茶珍珠奶茶整體唔算太甜👍🏻珍珠咬落偏腍#hkfoodie#openrice#春水堂

試左呢間野，真係貼錢買難受叫左杯檸檬紅茶，飲左一啖。。酸到好似食緊超級檸檬糖我同侍應講杯嘢太酸，佢叫我加杯糖漿再試吓我加左，都係太酸。。叫佢幫我沖過杯佢就拎走左我杯野。。。之後有個戴眼鏡嘅經理出黎話無得再沖，叫我再加糖漿😅 我話緊係唔加喇。。之前都已經加咗成杯糖我都叫佢試下。。佢用左嗰比喻回覆我，令到我印象好深刻， 「咁唔通嗰客點左辣嘢，佢之後覺得太辣，食唔到，又叫我換呀？ 咁我唔使做生意啊？」大佬，如果唔食得辣叫辣嘢，咁抵死啦。你杯嘢真係酸到唔正常。。之後佢冇理到我，甚至冇俾返杯嘢我飲添。個感覺係叫你食唔到就過住啦。

點了一杯檸檬茶，但酸到不得了，飲了一口已飲不下去，叫我另一半試，佢都表示好酸頂唔順，結果同侍應講，佢話俾糖水我。我加完，結果係一樣咁酸，我要求換其他飲品，經理就過來話無可能換俾我。$33一杯飲品，沖到咁樣就逼客人接受，服務態度奇差！

作為珍珠奶茶控🧋，見到春水堂出進化到將珍珠奶茶做湯底，就梗係要試吓啦😂🧋珍珠奶茶火鍋(肉+湯底+蔬菜配料+麵)💰$188肉揀左美國牛小排🥩大概有10片，主食揀咗冬粉，蔬菜配料有生菜、娃娃菜、蓮藕、菇類同牛丸🥬首先會上一杯酸梅湯用黎開胃☺️都幾貼心🤣然後湯底到左可以自行落埋個紅茶茶包同珍珠😆而本身個湯已經由有牛奶同埋豬骨湯組成🥛湯入面仲會有卜卜蜆、粟米同埋白蘿蔔幾豐富😍湯底好香奶味就咁飲會飲到最尾有啲茶味🤪，同埋會越煲越杰撻撻!同啲配料一齊食都唔會奇怪，比較搞笑係食所有野都會搭左幾粒珍珠😂煲得耐都仲煙韌既😛🍜酸菜白肉湯麵 💰$88麵質頗有咬口🤪而且白肉超足料，鋪滿哂成個碗面😆酸菜亦好爽口，湯底就易入口唔會太酸☺️整體來講，火鍋定價(特別係牛肉)覺得有少少貴🤏🏻如果其他肉類都要$158起，但Gimmick野如果鐘意珍珠奶茶既可以一試😛

隨便食個午餐，叫咗鹵水拼盤，鹽酥雞，紅燒牛肉麵，同埋細嘅滷肉飯92蚊一碗紅燒牛肉麵，味道一般，覺得唔值呢個價錢，尤其係個面，食落去好黏口，覺得煮得唔係咁好鹽酥雞就唔錯，新鮮炸起，好脆滷肉飯比較好食，雖然係小碗，但係兩個人分都覺得好足夠，味道最唔抵食同唔推薦就係88蚊嘅鹵水拼盤，係牛筋牛肚同埋大腸，大腸有少少內臟嘅味道，冇洗得好乾淨整，體嚟講個味同紅燒牛肉麵入面嘅牛筋差唔多，而且有一嚿牛肚唔知點解煮燶咗試過一次就夠啦

呢間野真的愈來愈難食😩服務態度又好差。前幾日先去食完。發現真的完全係大不如前😫以前我曾經都幾中意食。因為佢個牛肉麵和珍珠奶茶都幾好味。但呢間分店真係愈做愈衰。牛肉麵都仲ok ，但d鹽酥雞翼真係好難食🥺難食到我要花時間去寫第一個食評。最大問題係厚粉到顛☹️最敗北係仲要勁大陣雪藏味。我一邊食一邊內心不斷後悔點解要嗌😖另外就係搭正9點半就要我地馬上離場多一分鐘飲埋國啖飲品都唔得。個個都趕收工甘。真的唔會再幫襯！

平時一至五lunch hour必定大排長龍, 難得今日條隊短了很多, 一於試一試.冬冬地想食湯麵叫左牛骨濃湯麵, 味道唔錯, 食完都冇話好口喝, 不過牛肉就只有3小塊, 好似收近$100有點貴⋯⋯另外仲叫了熱珍珠奶茶, 味道都係一般般, 收呢個價錢可以有其他選擇

唔好以為平就唔好食呀！今次嚟到個店，空氣中瀰漫住咁滿滿嘅茶香，令人心情舒暢🍵。起頭，我試咗珍珠奶茶，個珍珠QQ嘅，茶味夠醇香，飲過一啱口啦～✨ 主菜嘅牛肉麵，佢個湯底濃郁得嚟唔過，牛肉腍化，嗜口得滯！麵條彈牙，我食得津津有味。再點咗一個涼拌黃瓜，脆嘅好清新，解解肉食嘅膩。食物賣相都幾吸引，色香味俱全，將心比己，都想照張相留念咁😄。港式粵語形容詞？我話你知喇，呢度嘅香酥雞「正到痺」，啖啖肉香口又唔膩。整體嚟講，質素同平民價錢真係成正比，食得開心，食得滿足，仲要食得暖笠笠！下次同屋企人拉隊過嚟，要食返件香港限定熔岩蛋糕先算！🍰💯

今日放假特登過來想試新品火鍋，睇完整個廣告都沒說明時間，我問店員先知原來6:00p.m.後才有，大家記得要小心，最後買了普洱特飲，味道不錯但性價比一般，真的喜歡甜甜的普洱可以一試。個人更推介拿鐵版本。

最近在香港常會吃到的台式餐廳大概就是 春水堂。因為好像我會去行的商場總會有店，這次去吃的是太古城中心分店。沒想到星期日下午2點左右都很多人等位，大約排了10分鐘。沒有實體餐牌就直接 QR Code screen menu & 下單。比起我之前去東涌那間，這間的座位比較寬敞。🍜麻辣鴨胸鴨血冬粉 (HKD 88)超紅的一碗🌶️ 但說是辣其實是偏麻多一點。冬粉完全吸收了湯汁的味道，整個就是超惹味。鴨血亦比想像中多和大舊，而且質感煙韌，不是那種像果凍的。🍜麻香烏骨雞麵線 (HKD 98)感覺麻香不夠濃，不知是不是因為麻辣太重味有影響!?🧋朱古力珍珠奶茶 (HKD 41)這裡的珍珠是細粒的，個人比較喜歡正常尺寸較有咬口。不過都算大杯，朱古力味亦算濃，應該是加了朱古力粉的關係。吃到差不多3點還見到有人在排隊🤔是因為太古城中心沒什麼台式料理選擇嗎？

春水堂只係試過係apm食過，基本上都要等位，人流屬於多，係太古城既春水堂，比較平靜，6點左右只有2，3枱客人，可能我太早，入去大把位置，任由選擇。叫左3杯台式特飲，1杯百香果，另1杯檸檬愛玉，百香果比較清新，愛玉比較甜，飲到尾尾覺得似雀巢檸檬茶沖劑沖出黎，叫左2個小食，雞翅膀+青瓜，味道ok 再叫左1碗半肉半筋牛肉麵同埋伴麵，2樣尚算可以。睇到好多其他食評都有批評服務比較差，我也這麼想，因為入座完全無人帶位，2位女侍應只顧傾聽，食物算可以，不過太古城太多選擇，要有好食物水評以及好既服侍質素，先可以有長期客人，希望服務及食物下次有侍進步。

👆🏻麻辣牛肉麵(半筋半肉）😼麵條算彈牙，牛肉滑滑嫩嫩，但份糧小辣椒同花椒刺激你嘅味蕾，而且湯底香味撲鼻，但整體來講唔算出息，價錢偏貴。👆🏻麻香烏骨雞麵線😼雞肉滑滑嫩嫩，麵線纖細，麻香味好重，食落都唔會好油，我烏雞加麻油真係好香嘅配搭，但都唔太特別，份量都偏小。👆🏻珍珠鐵觀音奶茶😻茶嘅苦澀同奶嘅甜滑交織喺口度，而珍珠嘅Q彈咀嚼感係呢杯奶茶嘅亮點，冇論你飲凍定熱，呢杯珍珠鐵觀音奶茶絕對可以解暑同滿足你口腹之慾！果然珍珠奶茶先係呢度主打！...💸.消費. $250 （每人）🈵.回頭率. 6.0 / 10📸.打卡率. 3.0 / 10

雖然網上見春水堂的食物被投訴跌wat，但由於與朋友相約太古城，又想吃得簡單一點，於是選了這春水堂吃台灣菜。每次吃台灣菜也是吃紅燒牛肉麵。於是先order了紅燒牛肉麵（半筋半肉），味道正常，是我愛吃的紅燒牛肉麵味道和質感。另外也叫了黃金香酥雞、黄金地瓜條和金沙竽泥丸，還有苿香奶茶。黃金香酥雞 - 雞件有點乾，可能炸得過頭。黃金地瓜條 - 香香脆脆，味道與薯條非常不同，算是新體驗。金沙竽泥丸 - 竽味皮脆薄，配合流沙，非常好味。小心熱辣辣，辣親嘴。茉香奶茶 - 味道不過不失。整體而言，可能大家期望過高，於是失望越大。但我只抱着吃台灣菜、想再吃紅燒牛肉麵的心情，所以我覺得食物還是不錯。