星級好德來小籠包店

營業中

休息中

星期二夜晚7點入座，餐廳座左一半左右。餐廳環境簡潔光猛。同屋企人一齊共8人，冇訂位可以直接入座，員工都好有禮貌，推介餐點比我地。必食窩貼 餃子底部煎到好脆，入面仲可以保留到肉汁👍招牌小籠包 皮薄多汁，夾起時個皮又唔會爆👍紅油抄手 唔係好夠辣酸辣湯 好飲，夠酸上海炒年糕 好味，只係份量太少銀芽鱔糊 鱔肉彈牙雞絲粉皮 粉皮好滑鹽水牛𦟌 有少少麻油味黃橋燒餅 個皮好鬆化鮮肉小雲吞 味道清淡食物質素都幾好，但份量有啲少。比較推薦窩貼、小籠包、炒年糕。呢間餐廳好近地鐵站，雖然好方便但係位置唔起眼。

今日經過佐敦，咁啱見到呢一間老字號重新開店。以前喺德興街好多年，尤其係小籠包極之出色。 現在相隔多年後重新見佢有開舖頭，即刻入去嘗試叫返小籠包，味道仍然出色，依然係香港最皮薄多汁嘅小籠包，雖然而家四月叫唔到蟹粉小籠包或蟹粉拌麵，要到10月份先叫到，但已經極之期待了！今次除咗叫小籠包之外，亦叫多咗分上海擔擔麵及酸辣湯雲吞。擔擔面嘅雖然配料唔算好多，但麵質偏幼，而且幾香幾嘢味。酸辣湯雲吞都算OK，不過冇其餘嗰兩樣餸咁出色。

今次到訪主要是想一試小籠包，點了一籠四隻的小籠包，皮薄餡好食，呢個如再訪亦會再encore另試了酥皮酸辣湯，呢個配搭幾特別，但始終還還是喜歡西餐整的酥皮，牛油香會較濃厚忘記了以上呢個炒飯既名，但記得佢炒得粒粒分明，有蛋香，份量亦很足夠順帶一提呢度無水提供，店員會問會想要香片定普洱，每位會收$8/茗茶費。同埋除呢問茶水外，點餐係掃QR code點餐的（感覺加一服務費，有少許不值，因為呢度既食物價錢都偏高）最後點了焗焦糖杏汁燉蛋，呢個甜品有驚喜，焦糖整得好脆，杏汁燉蛋火喉同味道都剛好諗唔到呢間仲食餐廳入邊會有呢個咁出色嘅法式甜品，值得一試

原本在佐敦街角的小籠包店, 前年結業, 上年加上”星級”這名字, 搬到恆豐商場的地庫, 變成商場內的食肆, 價錢比起地舖時候更貴, 但通貨膨脹嘛, 就沒有辦法. 新店裝修光線, 座位間的空間更大, 感覺更乾淨. 以小籠包為餐廳的名字, 當然要品嚐一下被有些食客點名是香港最好的小籠包, 感覺就是有點過譽, 皮夠薄, 餡內湯汁豐富, 但摺型不太美觀, 而且包皮厚薄不太一致, 不是頂後底薄的問題, 而是周邊的厚薄有點不均.典型的客飯點了麻婆豆腐, 做得不錯, 肉粒爽口有脂粒提升口感, 炒夠香也不韌, 醬汁除了麻辣香味, 豆瓣醬的豆香和甜味也令本身的味道層次感豐富. 豆腐口感嫩滑, 也不會煮得糊化, 用來送飯一流, 也比起小籠包更有驚喜.

之前貪近貪平，係深水埗間上海餐廳食小籠包，但係食物資素下降，小籠包d 肉好梅。旺角好多人食個間小籠包又係差左，又貴份量又小。所以好想搵間好食又正宗嘅上海餐館。第一次食好德來，我老公話依間開左好耐，老字號，近來搬左入商場。餐廳唔大，6點幾黎已經冇乜位淨，有d仲訂左檯。我地係經QR code 落單，見到餐牌食品價錢都唔平，蟹粉小籠包2粒要$70。都要叫返普通個d先。招牌小籠包6粒$78，分左2籠，每籠3粒。夾起唔會穿，皮薄豬肉新鮮，好好食。酸辣雲吞湯(有4粒雲吞)$75，酸辣湯唔係出面個d重豆瓣醬味，又唔會好浠似水。料好足，飲完唔口乾，雲吞d肉又係好新鮮。雪菜肉絲炒年糕$108，正正常常嘅一道菜，冇乜挑剔嘅。炸排骨$50，真心好食，成吋厚，唔嚡唔乾炸完仲好juicy，個炸皮唔會同舊肉分開，冇加鬆肉粉有五香粉味。如果想飲茶，就$8位菜茶錢。叫水就應該唔駛錢。總共食左360連加一，感覺d食品新鮮有保證，一分錢一分貨，貴得黎係好味唔係俾行貨你。

新年假期不知不覺間已經步入尾聲，所以希望在上班前再好好果腹一下，吃貨如我當然要吃好才有力氣幹活去，很多的菜式我都喜愛，而上海菜更是我特別喜愛的一種菜式，雖說香港的上海菜館不少，但大部分都是集團式經營，消費高但吃不出靈魂，偶有好吃的小店都受不住高昂租金及疫情影響相繼倒閉結業，經爬文決定到佐敦重開的星級好德來小籠包店一試。晚市還有幾分鐘才開始，本想跟母親在門外等待一會，店員看到後馬上領了我們入座，覺得店員安排挺靈活，不會務必等到點才放客人內進，坐下後母親有點口渴，要問店員才奉上熱水兩杯，這方面確是有待改善，環顧店面地方不是很大，但坐下感覺清潔企理，看過餐牌我們就點了招牌小籠包、排骨湯麵、蘿蔔絲酥餅、黃橋燒餅，流沙煎堆，每道菜都是熱熱的上桌，調味各方面都很不錯，吃得出食材都很新鮮，應該是即叫即做的，店員上菜還提醒食物比較熱，讓我們吃時小心慢吃，其間問我們對食物是否滿意又跟我們介紹了一些預訂菜式，中間都有主動再幫忙添了兩次水，服務已經算是很不錯，不過如果可以待我們把全部菜都吃掉才一次收走碗碟會比較好，每吃掉一道菜就馬上被收起，感覺有點趕客，如果店外很多客人在等位可以理解，但當時店裡還有很多空桌

屹立佐敦德興街十幾年的《好德來》老字號，等到年多終於重開了，好開心且感動，每次一得閒就要食，好怕又再又再消失…新店位置在佐敦彌敦道216-228號恆豐中心商場內（英語：Prudential Centre），地鐵E出口行一分鐘就到，打風落雨也不怕濕身了。除左〈舊愛〉小籠包及〈至愛〉排骨外，今期新愛-新店出品的“咖喱牛肉湯麵”，保存正宗老上海的風味(令我回憶起10幾年前在上海路邊吃過的小楊生煎味道)，湯帶咖喱清香而不辣，牛肉牛展肉質軟卻不柴，配上自家制的面條，滿滿的幸福感😍，全碗吃清一滴不留，卻不口乾，比起那些近百元的臺灣牛肉麵更抵吃。仲有仲有:鍋貼、黃橋燒餅、蘿蔔絲酥餅、炒膳糊……等，一個胃~唉，真係分好多次才吃得夠😂

喺舊舖食咗好多年，之前知道結業傷心咗好耐，一聽到重開真係興奮到叫出嚟！試業期間已經即刻食咗兩次！入到去全部見到熟悉嘅面孔，夥記好好招呼！聽講師傅應該係原班人馬，食過一次就知係真既！招牌小籠包皮薄餡靚，終於食返呢個味道👅真係香港獨有！真係皮好薄，咬落啲汁會爆出嚟！仲有呢碗又夠辣又夠酸既酸辣湯排骨面！排骨鬆化大件，個麵應該係手工麵，軟硬適中，淨係食麵都好正仲食咗好正嘅素鵝，係冷盤黎點少得蟹粉小籠包，蟹味好香好濃

偶到佐敦，見到新開入去一試。當晚未到7:00，全店得兩枱卡位客，9成空枱。我話一人，都安排我去座最迫的位，只係落左閘既閘前面。🙄🙄🙄照QR code落單、落完要杯水，太熱再問有冇室溫水。職員：冇，等佢涼🙄🙄🙄（有加一服務費的）叫左碗擔擔麵同4粒小龍包。$54/4粒算大隻多汁。擔擔麵湯底唔太鹹有蝦米味，但花生粒有油漬味，唔香口。🙄🙄🙄擔擔麵有蝦米、炸菜粒同花生都基本，花生味出事，碗野都可減一半分。

一向對上海菜有情意結店舖環境衛生，坐得舒服。小籠包皮薄餡多，包住鮮美的豬肉饀和濃郁的湯汁，非常好食獅子頭外皮金黃酥脆，入面鬆軟多汁。高力荳沙球即叫即炸，唔會太甜，口感好好。 炸排骨酥脆不油膩。蘿蔔絲酥餅口感十分香脆，輕盈不膩，入面蘿蔔絲饀綿蜜青甜。生煎包煎得金黃酥脆，內饀鮮嫩多汁，濃郁不膩，十分鮮香。荳沙窩餅煎到金黃色，外脆內軟，甜度啱啱好。銀芽炒鱔糊，鱔肉充滿醬汁，口感滑嫩，加上銀芽十分入味，送飯一流。雲吞皮很薄，粒粒真材實料。店員很有禮貌，很親切，很客氣，上菜速度快

好德來之前係德興街，因疫情關係結業，搞到我無得食小籠包，好彩2年後佢星級回歸，我又有小籠包食啦⋯⋯小籠包，皮薄多湯，肉汁鮮味，推介推介再推介蟹粉小籠包，俾小籠包更多了大閘蟹嘅鮮香炸排骨，炸嘅火候適中，外脆內嫩，肉汁鮮嫩銀芽炒鱔糊，黃鱔肉彈牙，味道一流黃橋燒餅，即叫即燒焗，鬆脆香酥，配合裡面嘅火腿蓉同香葱，無得輸星級版酸辣湯，加咗酥皮，味道一絕，酸辣醒胃即炸無骨薰魚，無骨，啱晒拍魚骨嘅我，即叫即炸，熱辣辣配合秘製醬汁，更勝傳統嘅冷盤薰魚總結，全新舖面但味道依舊，無得輸