方太糕品舖

營業中

休息中

成日經過佐敦都想幫襯呢間曾獲必比登推介嘅小店幫襯完反而覺得一般般🫨𓂅 芝麻卷 ᴴᴷᴰ 𝟹𝟻個人覺得糕點唔算好平芝麻卷嘅芝麻味都唔叫濃郁而且食落膠膠地😳 而且衛生水平欠佳，可能開始熱多咗烏蠅總結就是不會encore

夜晚8點叫肥司機去買砵仔糕，佢搵到呢間，相信其他糕點店鋪已收工了，我喺屋企品嚐咗個砵仔糕，砵仔糕應該係自家製低糖糕點，因為佢唔會有種死甜嘅感覺，砵仔糕個面同個底都有紅豆，不過如果多啲就更加好，砵仔糕咬落去係煙煙韌韌，所以係幾彈牙，同埋食完兩個好飽，但自己偏好一啲更甜嘅食物，如果可以揀普通版同低糖版會更加好！

話說以前都有幫襯開佢嘅芝麻糕，超級濃嘅芝麻味真係好正。一排冇幫襯去開附近發現原來搬咗去廟街嘅新舖，即刻9秒九衝過去排隊，點知一經過門口見到竟然一個人都冇嗰下已經覺得奇怪，玻璃櫃入邊嘅糕點款式都冇以前咁多，仲要喺個玻璃櫃入邊見到好多一隻隻嘅昆蟲….唔理啦，一場嚟到就照買！返到屋企就急不及待食啦，點知一放落口….究竟我食緊啲咩？🤮完全冇芝麻味，得少少甜，口感仲要完全唔掂….當吓我仲懷疑自己係唔係幫襯左山寨舖…..真心好失望….

今日去本舖見唔使排隊，就買咗啲糕點試吓😜馬豆糕，馬豆只有面嗰陣有，入邊根本就係一舊冇椰汁味嘅粉糕😫紅棗糕，簡直差到一個點！冇紅棗味不特止，感覺食緊得個甜字嘅一舊粉😣椰汁紅豆糕，只有輕微紅豆味，又係唔好食😣芝麻卷，完全冇芝麻味，又厚，真係食咗一件就唔再食😤好老實，啲糕根本好似完全同一個味咁樣，質感已經唔好，又偷工減料；真係唔值得特登去排隊買！

每次經過都必定見到排長龍，不過去貨速度快，所以每一次都忍唔住排缽仔糕：正正常常，無乜特別芝麻糕：太硬，膠質太重，有芝麻味，但都係芝麻卷好食啲紅棗糕：略嫌紅棗味唔夠出，比較彈牙，但我個人就比較鍾意煙靭啲嘅口感抹茶糕：有驚喜，抹茶味比我想像中濃，而且夠煙韌，可以一試椰汁紅豆糕：最出色，香甜煙靭，椰汁味同紅豆味都幾出，紅豆泥好幼滑椰汁馬豆糕：有大大粒豆增加口感，椰汁味都好出，但比較起上黎椰汁紅豆糕好食啲買太多，最後擺咗喺雪櫃兩日都keep到個口感

小兒最愛吃冇豆砵仔糕，家住鰂魚涌，一直都揾唔到，同事介紹廟街有間方太糕品做冇豆的。放假同仔去旺角，就撘多個站地鐵去買冇豆砵仔。去到果然有，所以買了三個，等佢食到夠。另外亦買了芝麻卷，芝麻糕，紅豆糕，馬豆糕。離開途中，佢已急不及待試食冇豆砵仔，佢話好好味，爽爽韌韌的，不會淋patpat。當晚回家，就同公公一齊消滅其餘四款。最好是芝麻卷，好有芝麻香有口感又太甜。紅豆也不錯，大大粒紅豆很有質素，芝麻糕同芝麻卷差不多味道，不過都係芝麻卷得意啲。馬豆糕有椰汁味，不過馬豆不多，也可以試下。總括糕品時有水準的，而且不太甜。老闆娘一家服務也很好，會主動同客人傾計，撩下小朋友，氣氛很好。一眼望落店舖清潔乾淨，對他們的衛生都有信心。下次再過九龍，都會再惠顧，除了冇豆砵仔及芝麻卷，會再試下綠豆糕及千層糕。今次食得太心急，所以忘記影相，唯有以文字代替。

上次太晏去到，已經賣晒我最想試嘅芝麻糕😢今次早啲過去，買咗個芝麻糕試一試，點知好失望，食落係完全無芝麻味，得少少甜味，雖然唔係死甜，但係都唔知自己食緊咩...呢個價錢$7一件，唔算貴，但我唔會再食呢度嘅芝麻糕...

難得唔係太多人排，今次終於有機會一嘗方太手勢，不過就失望而回我只買到呢D款，芝麻卷買唔到 我見到上面白色個舊唔醒係乜野糕，反返黎睇先知係馬豆糕面睇好似好多豆，入面放空城計，一粒都冇囉，好騙案砵仔糕尚可以，冇乜驚喜，紅豆都算大大粒馬蹄糕，都係得半層有料，唔係太滿足囉眉豆糕，第一次食，比想像好食綠豆糕，我本人唔太喜歡個口感，唔彈牙紅豆款係我至愛，不過呢度既就冇特別，不過起碼足料豆大大我落單係桂花糕，不過真心認唔出，又冇桂花味，沒有桂花既痕跡，顏色又唔吸引，唔知自己食左乜芝麻糕都算可以暫睇情況，只會有未食既芝麻卷會再吸引我去買，下次要浪費時間排咁耐，就唔會再試

下午經過試一試大概要等10張飛因為得一個人手，所以都等左大約二十分鐘排隊個陣見到好多人買芝麻卷同白糖糕試左砵仔糕($8)+芝麻卷($35一卷)+黃糖糕+白糖糕+椰汁紅豆糕($21/3件)佢既黃糖糕好味！煙煙韌韌之餘，濃黃糖味又唔太甜！砵仔糕味道正常，略嫌口感過實。但係淨返個三款(芝麻卷/白糖糕/椰汁紅豆糕)都好淡口無乜味，可以用失望來形容，尤其是見到咁多人買芝麻卷同白糖糕，唔少人重要幾盒幾盒咁買，真係咁好味咩？白糖糕重有少少酸雖然佢黃糖糕不錯，但係唔會再來了，其他好差🤪我都係幫襯返生隆了~

媽子大愛傳統糕點，經過油麻地廟街，醒起方太搬新舖就立即去買幾件孝敬媽媽！所有糕點全部新鮮製作，真材實料🔸黑芝麻糕 & 黑芝麻卷黑芝麻磨得幼滑，有淡淡芝麻香，熱賣之選小店仲有白芝麻卷，坊間少見！🔸馬蹄糖馬蹄清甜又爽口🔸椰汁糕比較普通，不過不失🔸白糖糕唔會太酸，發酵嘅氣泡層次分明🔸砵仔糕大愛推薦！軟硬適中，紅豆大粒👍🏻總括🔹人手製作，性價比高，傳統特色糕點，微甜適合注重健康嘅朋友，價得一試！

個日夜晚去到完全唔使排隊見到仲有一條黑芝麻卷本身好鍾意食芝麻卷又唔使排即刻買黎試食落冇咩黑芝麻味，偏爽口似馬蹄糕落多，黑芝麻反而冇乜好彩唔使排隊但唔會encore

平日lunch time搭一個站去買，要攞飛，等左12張飛，等20分鐘先買到，員工包裝好慢。平日1:30pm去到，最想買既龍眼紅棗糕已經賣曬。個日叫左紅豆椰汁糕 x 3件、綠茶椰汁糕 x 3件、杞子桂花糕 x 3件、芝麻糕 x 3件。$21/3件，總共$84。口感：不似預期，以為係煙靱口感，實質係大菜糕口感。味道：每種口味差唔多味道，味道都唔太出，食唔出每種有咩分別。芝麻糕應該係比較出名，芝麻香味係有小小，但食落都係無咩味道。

有米芝蓮加持嘅人氣糕品舖係佐敦廟街重開，今次專程到訪一嚐多款傳統糕點！大家黎到要先自行攞飛，等嗌no.再買~ 估唔到平日黎都要等半個鐘先買到今次就試左十一款糕，發現方太嘅糕大多都光滑富彈性，甜度低，但味道偏淡最搶手嘅芝麻卷滑嘟嘟，爽口富彈性，中間有白芝麻粒增添香氣同口感，不過芝麻味就淡左啲。反而芝麻糕就濃啲，一樣夠滑但偏硬身。千層系列同紅棗/桂花糕都麻麻。綠豆紅豆馬蹄糕就幾足料，但食材味道都唔算好岀~整體味道一般 少失望，未必會encore，唔洗排隊嘅話都有機會買條懷舊芝麻菲林卷咬下💰糕 $21/三件💰芝麻卷 $35/條

唔……芝麻卷真的好食有香濃既黑芝麻味間中有好少少量既白芝麻既口感➕香口層層既厚度ok令整片好彈牙🤩另外椰汁糕有啖啖既椰香👌🏻其他既就沒有感覺了…#芝麻卷#椰汁糕#方太糕品店

見新假期介紹好似好正咁，所以尋日走咗出去買比媽咪試吓順便大家一齊試吓。出到去3:30pm , 要拎號碼飛，睇一睇張飛幾號先，哇！痴線要等過百張！！買幾件中式糕點都等過百張飛😅但專登出到嚟又諗住買糕點應該唔會好耐嘅，就等吓。好彩有朋友陪我，我哋等咗一陣就提議去行下睇吓有冇咩掃街，點知好多都未開😂兜咗個圈就返去等。最終我哋等咗差唔多2個鐘😅排到我哋已經唔係得返好多種類產品（只有芝麻卷，芝麻糕，紅豆糕，黃糖糕同白糖糕）眼見我好想試嘅千層椰汁糕同椰汁馬豆糕同砵仔糕都無了，問佢仲其他糕會再出，佢就話5:30會有砵仔糕，睇一睇時間仲有15分鐘，更係等啦！等嘅時候就試吓佢好出名嘅芝麻卷先，一咬落去，um…….無乜芝麻香味又無乜甜味係個口感都叫ok有啲啲咬口，以為咬下咬下啲芝麻香會走出嚟，點知食曬一舊都無😭😭心知不妙，最出名嘅芝麻卷都唔得，其他應該都唔使點試，之後等到砵仔糕都有喇，就即刻買埋走人。當去到車站嘅時候拎咗一個試吓，☹️又中伏，啲紅豆硬硬地同埋個糕唔夠煙韌（開頭諗可能太新鮮，要再凍啲可能會煙靭啲，但到晚上再試，都係唔係好煙靭）😢等咗2個鐘，最後係失望，名大過實，太吹噓佢有幾好食仲係米芝連🤦🏻‍