123
5
1
| 餐廳: | 方叔叔重慶老火鍋 (新城市廣場一期) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
原名為「渝味曉宇重慶老火鍋」，招牌九宮格麻辣火鍋味道不變，辛香惹味，火鍋配料有數十款選擇，店舖設計則簡約而大氣。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | 方叔叔重慶老火鍋 (新城市廣場一期) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
每次從日本返來，一定要安排一餐麻辣火鍋。係香港食麻辣火鍋，方叔叔一定係最佳選擇。方叔叔晚市都幾full下，唔想排隊就要先定位啦。一落座，即刻送咗糖水同前菜，醃制蘿蔔皮，宜家好流行啲前菜，食落酸甜脆口。水仙烏龍檸檬茶，烏龍茶底透出淡淡檸檬香味，飲落好清爽。唯怡豆奶，豆香味好重同埋唔會好甜，解辣一流。鴛鴦鍋底揀咗番茄湯同麻辣湯，麻辣湯落咗大量香料炒制，煮再耐都唔會苦。小郡肝串串，大刀豬腰片，藤椒牛舌同稻田毛肚，食火鍋必食內臟，全部都處理得好乾淨，唔會覺得腥。口感都是偏脆口，一定要落入辣湯，食落更加惹味。紐西蘭精品羊肉卷，羊肉卷薄身但是好大一片，涮到微卷已經可以食。食落羊肉味重，肥膏處會有點脆口同奶香，唔錯。嫩牛肉，牛肉煮幾耐都仲好嫩，食落牛香四溢好嫩滑。長城小白豬午餐肉，食落肉粒感好重同埋好韌。功夫萵筍片，哩個餸比咗好大驚喜，一定要放落番茄湯，唰30秒就好啦，唔好太耐。萵筍片嗦曬湯底酸味，食落酸甜脆口，獲得我同FD一致好評！
繼續閱讀
冬天已經到啦 唔系唔食反個羊腩煲麻？每年冬天 方叔叔都會推出限定嘅羊肉鍋🙌🏻今次帶埋屋企人去試吓👍🏻🥰▫️雙拼鴛鴦鍋▫️麻辣普通鍋+羊肉鍋每人一碗紅棗雪耳羹 清甜滋潤一上枱已經聞到陣陣嘅麻辣味 辣得真係好過癮😍再叫咗個期間限定羊肉鍋 每人都只系加多$20 裏面有幾舊肉質軟嫩 無羊氈味既羊肉 湯底清甜滋潤 冬天食真係暖胃又好食😍▫️鮮拼九宮格都幾抵食🥰每一格都是2人份量左右 裏面有鮮黃喉、豬肉貢菜滑、鹵金錢肚、珊瑚蚌、鹵豬手、香菜牛肉滑、麻辣牛肉絲、鮮竹笙手打蝦滑、黑松露墨魚滑等 味道新鮮 款款都有驚喜 最愛金錢肚 爽口大塊 入味無比👍🏻▫️麻辣挑戰2人套餐▫️💓普通辣 💓羊肉湯（另加$20元/位）💓包漿豆腐（半份）💓功夫萵筍片（半份）💓皇帝菜（半份）💓鮮竹笙（半份）💓紐西蘭精品羊肉卷（半份）💓嫩牛肉（半份）💓鴨血（半份）💓手打魚籽蝦滑（半份）💓千絲柏葉（半份）💓重慶耗兒魚（半份）💓武隆苕粉（半份）除此之外 我地仲叫左個雙人套餐 裏面既食物都好豐富多樣🤤個人最愛重慶耗兒魚 嫩滑入味 特別環推介個鴨血 配埋麻辣鍋一齊食真系無敵 好滿足‼️
繼續閱讀
行到門口已經聞到好香嘅麻辣味，店舖都闊落，而且食物選擇都幾多，有得分半份/一份，就算2個人黎都可以叫多啲款式😎🔸鴛鴦麻辣鍋：辣度方面可以選擇，因為同行朋友唔食辣，所以就叫左個大骨滋補湯，湯底入面真係有好大舊豬骨，好真材實料啊😉肉類：整體黎講肉質都OK嫩滑🥓🔸嫩牛肉（HK$48/半份）🔸黑豚腩肉（HK$48/半份）🔸安格斯牛板翼（HK$98/半份）海鮮類：每次打邊爐都必叫，好彈牙😁🔸手打墨魚滑（HK$58/半份）🔸手打魚籽蝦滑（HK$58/半份）蔬菜類：份量都幾多，吸曬湯底正啊🫛🔸萵筍片（HK$28/半份）🔸油麥菜（HK$28/一份）🔸平菇（HK$28/一份）🔸炸芋頭（HK$28/半份）其他類：燕餃真係好mini，落完記得快啲食，如果唔係好難搵到佢🤣魚麵第一次食，個口感好新奇～🔸午餐肉（HK$28/半份）🔸千絲柏葉（HK$38/半份）🔸迷你燕餃（HK$38/半份）🔸炸酥肉（HK$38/半份）🔸鮮滑魚麵（HK$38/半份）
繼續閱讀
近年大家越黎越注重健康 • 養生💪🏻其實唔同季節都會有唔同既養生菜🥢咁就趁天氣未好熱，捉緊打邊爐既尾巴吧🍲(*明明自己夏天都會去食)🤪揀左🆕新養生湯底 • 養生菜，本身想食埋新出既龍蝦拼盤🦞不過𝟐個人食唔到咁多，下次嗌多個朋友仔先再食過🤭~•~•~•~•~•~•~•~•~•~•~•~•~•~•~•~•~•~•~• 🥣 (餐前) 雪耳糖水🥣一坐低，店員就會上，叫我地先潤一潤，可以護腸胃，𝐑𝐞𝐚𝐝𝐲食麻辣啦🫶🏻.▪鴛鴦麻辣鍋底 ($38/位)麻辣(𝟑種辣度) : 重慶辣 • 特辣 • 普通辣(揀左依個)🌶另一邊我地就揀左春季限定🐷豬肚雞鍋🐔 (加+$10/位)好足料呀，舀起滿滿既雞件 豬肚，同朋友都即刻飲番𝟐碗先🥄重胡椒味，飲完成個人暖笠笠🔥朋友唔講我都唔知，豬肚係有豐富膠原蛋白😍靚靚們識嗌啦😏湯底仲有💁🏻♀️大骨滋補湯 • 山珍菌湯 • 蕃茄湯 • 皮蛋香菜湯 • 養生花膠雞鍋可揀。.▪配料雖然我地人少少，但有得揀半份 / 全份，我地梗係半份半份咁嗌啦，可以一次食多幾款嘛😌讚讚位💕每款配料都有個牌仔寫住要煮幾耐(參考時間)，仲有𝐓𝐢𝐦𝐞𝐫⏱好貼心.▫️鹽爆魚肚 ($48/半份)春季養生菜之一，魚肚含豐富蛋白質 鈣質，食落爽滑🐟▫️鮮活海蟶 ($45/半份)季節限定(𝟒-𝟖月)，肉身肥嘟嘟😝▫️鮮龍躉片 ($78/半份)好厚身，肉質結實🐟▫️鮮魚膘 ($38/半份)本身係脹卜卜，店員係我地面前先幫忙剪穿魚膘，可以容易𝐝灼熟，冇腥味🤍▫️手打四寶丸 ($58/半份) 手打蝦滑 • 手打墨魚丸 • 手打牛丸 • 貢菜豬肉丸▫️手打魚籽蝦滑 ($58/半份)手打真係特別彈牙，最鍾意蝦蝦🦐.以下依𝟑款都係口感爽脆✨▫️鮮黃喉 ($58/半份)唔係咁多地方有得食，爽得黎有少少咬口▫️鮮鵝腸 ($68/半份)煮完都唔會縮到勁細🦆▫️鮮豬心 ($38/半份)好新鮮，薄薄一片，𝟑款入面最鍾意🐷.▪野飲▫️水仙烏龍檸檬茶 (凍)▫️洛神花鮮橙特飲 (凍)雖然好多朋友仔打邊爐都會食汽水🥤𝐠𝐮𝐫下，但見大部份客人都飲依杯𝐌𝐞𝐠𝐚 𝐒𝐢𝐳𝐞🍹既特飲，我地都唔執輸🤩夠晒大杯食晒成餐邊爐都夠飲😎.▪茶位/醬料 ($20/位)係自助吧拎，有多款醬料外，仲有生果 • 醃漬物🧆.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻♀️需另加𝟏𝟎% 服務費🔺有一次性圍裙提供，唔驚整污糟件衫😎~•~•~•~•~•~•~•~•~•~•~•~•~•~•~•~•~•~•~•
繼續閱讀
即使天氣熱咗，但都唔會減低對打邊爐嘅熱情，方叔叔不時會推出不同口味嘅湯底，又會有時令食物，今次去見到仲多咗個醬料區，入面仲有幾款小食同水果，又幾好喎鴛鴦麻辣 x 豬肚雞鍋麻辣鍋係呢度必點！另一邊叫左豬肚雞鍋，入面好足料，湯頭濃郁，開始打邊爐前飲咗成碗！今期時令食物有鮮活海蟶 & 姬松茸菇! 蟶子以冰鎮上枱，食落好新鮮！姬松茸菇大大粒，好有口感又有營養！打邊爐點少得牛肉，安格斯牛板翼 & 美國牛板腱每款都叫咗半份，放落麻辣湯底食好惹味！手打墨魚滑 & 手打魚籽蝦滑真材實料，兩者都好彈牙又足料此外仲叫咗好多蔬菜同麵食，當中功夫萵筍片賣相精緻，排列得好似朵花嘅造型！武隆苕粉口感煙韌彈牙，掛湯吸湯一流，呢個必食！最後食埋佢哋嘅甜品，紅糖冰粉 & 紅糖爆漿糍粑! 兩樣都好得我歡心，冰粉清甜爽滑，解辣一流！紅糖爆漿糍粑口感軟糯，包住紅糖，香甜不膩
繼續閱讀