新麻蒲 BBQ (東港城) (已結業)

上次入黎將軍澳探下朋友，之後就去左附近既東港城搵食醫肚。東港城商場有好多選擇，朋友話想食韓式燒肉，咁岩見到有promotion, 💲3️⃣9️⃣8️⃣ 有部隊鍋➕燒肉拼盤咁抵食，即時攞飛等位。晚市時間都好多人等位，新麻蒲係香港都有唔少捧場客，好彩時間尚早，等左十幾分鐘就有位入座。一早揀好左就直接落order, 先黎左一堆韓式前菜，一定唔少得有泡菜😋😋韓燒拼盤：最上層有海鮮🦐同雜菇🍄，中層有韓牛🐃😋（靚牛），底層有肥牛🐂。步隊鍋份量都好足料，絕無欺場。呢個套餐真係恰到好處，步隊鍋可以填補到韓燒既不足（唔夠飽），2人份量絕對可以飽肚，滿足。。。👍👍👍

今日就叫左一個牛肉套餐，$398，但係一次過滿足哂兩個願望呀！睇下究竟有啲咩食先：第一層有啲蔬菜同埋蝦！！！中間個層就有：靚牛，有啲係醃左嘅，尼層係超級高質架！最底係層係有啲肥牛，加左啲蔥再去燒，個味變得好香！再加埋另一邊嘅部隊鍋，睇到都知實好飽，部隊鍋入面都係好夠料，有麵有牛有豆腐午餐肉年糕咁樣，真係好豐富，個湯底亦唔會辣，即使滾到最後，我都仲接受到啲豆腐呀同埋有好多前菜，好多傳統前菜，真係擺到成枱都係，佢都整得幾好食好鍾意佢兩個汁，調較得好好，一個好香麻油味，一個就酸酸地，用生菜包住啲牛肉之後再點小小真係一流！個蝦又係好正！佢開左邊，一燒到熟左，個皮一整就甩哂，食得好盡興，好開心！第二層嘅牛真係超級高質，好嫩，唔係得啲根，咬唔斷咁！雖然唔係任食嘅韓燒，但係其實咁樣嘅份量都已經好足夠！好滿足！

唔聲唔聲原來東港城已經開左咁多間餐廳，上到二樓真係好多野食好多野揀，今晚就揀左新麻蒲食下韓燒我地差唔多八點半先尼到，唔算好多人，可能因為閒日喇，但係我地入左去之後，都keep住有人入尼。燒嘅位就好闊落好舒服，唔燒嘅就坐係另一邊，初頭都諗緊散叫定係套餐，但係真係懶得逐樣野諗😂同埋第一次尼食，都唔太sure佢啲野食嘅份量，所以就叫左一個牛嘅套餐喇一尼就上左極多前菜，真係唔使驚無菜食呀！有啲酸酸地，有啲就少少🌶，但係都真係好開胃一邊就韓燒，一邊就部隊鍋，兩個人真係夠哂食！都真係唔少野食燒，而且佢嘅牛肉都係好新鮮，當然唔少得係側邊個啲蛋，有一邊有啲泡茶嘅，唔會好🌶，但係好滑好好食，真係唔使食啲牛都飽左一大半呀！

唔明點解話好食。食過兩次都唔好食同無咩服務又係因為朋友生日，近近地，東港城又交通方便，又想食韓燒，就試下依間啦。炸雞乾爭爭，燒肉唔平而且唔覺新鮮。見咁多好評就再試多次，點知就伏多次。

嚟到東港城新麻蒲 BBQ, 見到門口餐牌 韓燒套餐happy hour set 1 $222幾吸引，於是同友人入去試下。座位扁狹小，坐下後我的點了韓燒套餐，套餐裡面可選種三種肉。本身套餐有2隻蝦、菇和蛋任食。點了套餐後，我地每人加12蚊叫咗2杯果汁飲。前菜有少少泡菜，主食用三層架送上，好似high tea feel 咁，可惜枱細。食物到後，慢慢燒，牛肉快熟，忍唔住快品嚐，肉質幾香。蝦呢，有層煙肉捲住，可惜燒完要剝蝦殼 。任食的蛋味道不錯，記得燒4-5分鐘就食，咁蛋會更滑。整體而言，食物質素不錯，服務員態度友善。

復活節假期晚餐🥣book 枱時講眀左有BB車同埋怕焗束，店員貼心地安排左尾左卡位，同埋俾左個冷氣比較大嘅位置俾我地。主打點左一個牛肉套餐，再加牛舌，同牛肉石頭飯！上菜速度快捷，食材新鮮，價格亦合理，值得再次光顧

一行四人唔知食乜嘢好行過東港城2樓見到出邊張poster寫住午餐三位送一位，所以大家就決定入去一試。佢雖然午餐做緊買三送一但係佢依然都有啲配菜俾你食仲要係無限refill。我哋都覺得嗰個燉牛排骨好出色，甜甜地入邊仲有啲年糕。我哋叫咗4分唔同一齊share食，每一個餐都有跟白飯同嘢飲。

今日過坑口整啲嘢順便搵個friend食lunch係東港城經過呢一間新麻蒲韓式餐廳見佢個午市套餐好吸引於是就同朋友決定入去試一試午市套餐同朋友決定點左一個燒肉加一份湯窩套餐點完餐就即刻送上伴菜小食有泡菜 好清爽唔會酸 正生菜沙律 飯前小食海帶 酸酸地醃得好味又開胃洋蔥絲 好清新大蔥芽菜 份量十足主菜未到淨係伴菜都好豐富韓式燒烤牛/豬肉套餐牛肉脂肪紋路靚燒過食落口肉質軟綿 點上醬汁好味道燒烤套餐窩邊有烤蛋附上生菜 將豬肉包裹配埋泡菜、蛋同洋蔥等一齊食 唔錯海鮮嫩豆腐窩海鮮有蝦、青口、蜆 好豐富豆腐十分嫩滑 湯底微辣 配飯最夾兩個套餐既飯都係紫菜飯套餐包飲品揀左石榴果醋 酸酸地好開胃但對飲開微甜既我黎講有點點甜

已經幾年無食過韓燒，最近心血來潮好想食韓燒，就約左老公去東港城新麻蒲bbq食韓燒。入到餐廳，未叫餐已經有幾碟小菜加調咪料。唔好以為食韓燒通常都多肉少菜，返而依間餐廳跟餐都有幾款菜提供，岩晒鍾意食菜既我地。我地叫左個$398既牛肉套餐，個餐都好豐富,有降霜牛肉，秘制五花腩同牛肋排，燒好既肉可用生菜包住黎肉食,生菜包住肉汁，可配三款唔同既醬料黎食，yummy yummy!除左燒肉，仲有個人好鍾意既部隊鍋，湯底味道好濃，唔會好辣，岩晒我地唔食得辣，想湯底更濃可加少少韓式豆瓣醬，部隊鍋又點少得即食麵、香腸、冬菇、芝士同肉呢？！有齊晒傳統部隊鍋既元素！套餐包埋什錦拼盤，大蝦、甘菇同年糕，我地攞左黎燒，我諗放埋落部隊鍋，索左湯底食仲好味！依個餐份量好足，兩個人食到飽飽，好滿足，下次值得encore再食。

今日嚟到東港城覓食，見到新麻蒲有做午市優惠，之前喺佢其他分店試過晚市烤肉，餐廳特色係烤肉配菜可以無限添加，依家lunch set嘅烤肉套餐最平$98有交易，睇落唔錯，一於試試！同朋友兩人叫咗兩個套餐：牛/豬肉韓式燒烤午市套餐（配有紫菜飯同餐飲）（$118）同牛胸肉大醬湯（配有白飯同餐飲）（$68）。係套餐未上之前，侍應已經將配菜擺滿成個枱面，有泡菜、海帶、豆芽菜、沙律、生菜等，仲有爐邊蛋，睇落非常豐富！當中嘅泡菜非常好食！烤肉套餐有：新麻蒲護心肉80g、牛肋排80g、什錦菇類，兩類肉燒完之後都非常之好食，肉質唔韌，用生菜加配料將燒肉一齊食非常好食！牛胸肉大醬湯，湯裏面有牛胸肉、金菇、豆腐等配料，大醬湯微辣，咸度適中，配白飯一流！通常食呢一啲韓式湯類料理，我自己習慣嘅食法係將湯倒入白飯，製成湯泡飯，咁樣每一啖飯都會熱辣辣好好食！另外餐飲都好高質，以茶餐廳來講，係屬於餐廳特飲😂，同朋友兩個都叫咗石榴果醋，以梳打水將果醋調開，飲落似汽水，但依然有果醋解膩嘅功效，正！

很久沒有去旅行了，很懷念往年韓國旅行的味道，因此繁重工作過後，相約有人於韓國燒烤店聚一聚。這間韓國燒烤店是連鎖經營的，內在格局有點像韓國的餐廳氣氛。但座位有點狹小，而且抽氣的系統不是十分完美，有點油煙的感覺。由於單點有折扣的優惠，我們今次沒有點套餐。前菜沙律生菜泡菜等到時任吃的，連鑪邊蛋也是免費任吃，非常好吃。生肉方面，點了護心肉，霜降牛肉，牛舌。霜降牛肉和護心肉比較好吃，牛舌份量有點小，味道方面亦不是十分好。熟食方面，點了粉絲和芝士飯，粉絲非常好吃，但芝士飯十分一般。今次安排座位位於餐廳的最入邊，亦沒有叫人鈴，因此點餐或需要服務時十分不方便。

之前我生日朋友帶咗我黎依間度食燒肉，我哋呢叫咗個二人餐，啱啱好夠兩個人食。呢個二人餐佢嘅食物包括左一個部隊鍋、一個有三層裝住肉同埋蔬菜嘅架、一啲沙律菜，同埋我哋仲有個湯。我覺得呢個餐幾抵食因為每人200到就可以食到好高質嘅燒肉，而且仲有唔同類別添。我最鍾意就係放喺個架嘅第二層嘅牛肉，佢嘅油脂分布好平均，雖然每人只係得兩塊，但係因為佢好厚身嘅關係，所以都唔會唔滿足。另外值得一提嘅係呢間店係有爐邊蛋嘅！而且係無限供應咖！啲蛋汁仲加咗泡菜添！不過大家記得熟咗就快啲食啦，因為我唔記得咗啲蛋煮緊，結果要食啲好乾爭爭嘅蛋。

之前係將軍澳想食韓燒都主要係得某一間 係任食 肉質素唔係好高 肉選擇都唔係好多 見新麻蒲BBQ係將軍澳開左就試下佢午餐好抵喎 有買3送1 星期1至5 仲有唔同餐再特價 不過我同朋友已經食左少少野 純粹想過下燒肉癮 所以點左特級午市套餐 呢個餐其實一個人食會好飽 有個海鮮豆腐湯跟埋飯 仲有烤肉 加上韓國餐必定附有小菜 烤肉餐包捨牛霜降肉 牛肋排 護心肉 五花肉 試左幾款之後 每款都唔差 霜降肉原味 有口感 好味 但我地決定再加多一份秘製牛肋排肉 因為鐘意食醃好左多d 最後食埋烤爐隔離的蛋 熟得岩岩好 又熱又嫩 應該唔係淨蛋 覺得可能加左少少芝士 呢到座位幾闊落 食物又好食 絕對絕對會再食

今日朋友同我慶祝生日，我話想食燒肉，佢就帶我黎左呢間bbq燒肉。我地叫左個餐，岩岩好夠兩個人食，而且大概一人200都唔會太貴，比起仼食又無質素既燒肉放題，我更喜歡呢類燒肉店，而且佢有爐邊蛋呀！不過千其唔好燒得太老呢個餐有肉，一啲蔬菜，一個部隊鍋，同埋一個湯。肉方面，佢個餐包左d好高質既牛肉，再加d肥牛，同埋有d已經調過味葉過既牛肉，其實基本上所有肉都好好食，佢既牛肉紋理同顏色好好，燒完亦唔會太煙un，另外調過味既牛甜甜地幾好味。至於另一個主角！？部隊鍋，就好普通無乜特別。可能下次再黎，就只會叫個幾款肉黎食，唔會再叫餐了。

係屋企附近商場入面 之前幾次行過都留意到 見今日天氣凍凍地 就來個韓燒吧 餐廳佈置幾年輕新潮 入面播住K-Pop 一邊燒一邊嘆烤肉 開心先點左特級午市套餐(燒烤)點菜後小菜陸續送上 有沙律 泡菜 蘿蔔 呢個套餐附有個海鮮大醬汁(湯物)張餐檯設計實在太讚 有個位置可以煮住個大醬汁 每一啖飲都係熱辣辣 爽之後肉同埋包菜都到啦 馬上開始 牛肉同豬肉都有 有醃左及未醃 覺得霜降牛肉好食 於是又追加左 單點一客有5片 肉質太好啦 輕輕燒一燒 又嫩又多汁 跟餐有幾款特色飲品可選 揀左酸梅汽水 唔錯幾特別