新西貢 (已結業)

非常好的一餐晚餐有靚靚生牛肉，超正牛仔骨。勁大碗火車頭牛肉河套餐，勁抵食，用料足，湯底精心炮制還送春卷，夠曬脆。特式河內啤酒，味道超特別。食豐富味道既越南河，肯定要有杯酒答配。道地越南啡走。香，濃，滑。

近日在海港城食得多，有D悶。在網上找到這華僑開的越南餐廳。午餐都幾抵食，由四十多到五十多不等。生牛肉牛丸金邊粉：牛丸無乜味，但生牛肉嫩滑，唔太肥，又無筋，上枱時仍保持半生熟，不錯！湯底就非常一般，有D味咁，不過四十多元連飲品，都不能要求什麼。不過有超多金邊粉，一定飽肚。烤牛肉金邉粉，好細心咁用碗仔分開上，牛肉嫰又夠味，比生牛肉更有睇頭！最驚喜的倒是越南咖啡！好香醇又甘香，好滑，下次要再點這個！推介！

今日lunch 黎左試呢間越南野今日order左烤牛肉湯河+熱青檸水份量真係好大：好多牛肉，鋪滿面睇相以為會好喊，但食落又唔覺，牛肉煮到岩岩好，唔會好un~個河粉就無咩特別，經老闆推介下，加左有5種味既汁落去食是特別的！ 細心食下隻汁，真係感覺到有辣、喊、甜同酸味， 第5種味真係食唔出最後飲埋杯青檸水（好普通半粒青檸），畫上完美句號

都好一段非常長嘅時間無嚟呢度食野，一般嚟親都係食午餐或下午茶，今次同事叫我帶路，咁就醒起呢道嘅濃湯PHO~中午時間，又係尖沙咀，又要平平地又要好味，咁當然要排下隊喇！等咗大概15分鐘就有位喇！同事叫咗招牌生熟牛肉河，我就叫雞排湯濛，試咗少少牛河，牛肉肉味香濃，大大一片，質素仍然keep到！至於我個雞排濛，雞排炸得香口，調味亦夠，濛粉色澤似米粉，但比米粉身型漲啲啲，比平時食嘅濛粉滑身，當然最最重要係湯底喇！色澤夠，味道香，湯頭肉味濃，麵嘅份量亦非常足，各方面都到位，但就係有其味，無其髓湯頭色澤雖濃，但少咗份越式淆湯嘅清甜爽口。另加12蚊點左滴滴咖啡，只飲到稀薄帶苦嘅咖啡味，少咗份香厚濃郁。但以尖沙咀50幾蚊食到呢個質素，完全達標！

為左好人老闆同好好食嘅晚餐，我就獻上第一次食評喇。老實講，用心用靚料去做餐廳嘅人愈來愈少，希望岀一點點力，令呢啲餐廳唔係香港絕蹟。是咁的，前晚六個朋友食飯，又唔想食日本野個啲咁普通，我又記得呢到附近有間越南野就訂枱喇，原來轉左間新嘅，咁就照試！點知就一試難忘。個日我地就點左，兩個2人餐，其實份量都幾多。第一個令我驚喜就係個唔肥嘅豬肉煲，首先啲汁勁香，啲肥豬好似有幾層脂肪但一啲都唔油喎。第二個就係個生牛肉湯麵，我依家先知啲牛肉就半生熟咁食。一個字，好嫩！啲牛唔洗用牙咬！後來，老闆過黎搭嗲，放左條草落去食，搞到個湯又幾香喎。第三個，滴滴咖啡！老實講，本身唔想夜晚飲咖啡，但老闆又誠意推薦，就試下喇，點知又幾過引。首先佢個特別嘅漏斗慢慢滴啲咖啡岀黎，再混埋啲媡奶，老闆迫我地聞下，係一陣淡淡嘅香味，然後一定要加冰飲！超滑！平時咖啡熱先好飲，呢隻又奇怪喎，愈凍愈好飲。第四，手指公咁厚豬頸肉串燒。一個餐得兩串，本身以為唔夠要再加多幾串食（其實都要40蚊串），一上菜就嘩嘩聲，原來佢吉左塊扒仔岀黎，一舊肉分四舊食都仲得。仲燒到外脆肉軟。期間，我地已經聽哂老闆話喇，老闆話有私人推，餐牌冇，問我地食唔食。咁

小弟很少在尖沙咀「上樓」搵食，早排一直想食越南野未搵到 0岩既，今次去完中港城經過，竟然見到呢個招牌，俾膽粗粗上去試下。我叫左個蟹餅同海鮮湯檬 --- 先講蟹餅: 正! 份量適中，咬落有咸香! 呢個造法我印象中係第2次遇到，如果唔怕熱氣，真係幾好食架。再講海鮮檬粉 --- 也不錯，個湯夠香料味 (個人意見，這是越式湯粉很重要的一環，不容有失)，個麵質地OK，海鮮以魷魚為主，亦冇欺場。物價高漲，兩樣野埋單約100元，整體而言，已值一個高分。