新合發飯店

營業中

休息中

成日黎大圍，不過第一次食 新合發，所以決定試下先。6點幾去到，已經有幾枱客啦,唔洗等位。叫左4樣野：沙拉骨，豉油皇炒麵，蠔餅，馬拉盞通菜沙拉骨 沙律醬少得可憐得一、兩滴*我係為左食沙律醬先叫，e+變左京都骨😂😂😂下面用菠蘿墊底..所以下面有好多菠蘿水😅😅😅蠔餅第一次食蠔餅入面會有菜甫，仲要係好多好大粒既菜甫，唔係係咪用錯左菜甫蛋既漿呢😂😂定係佢真係有菜甫係入面。因為有好多好多菜甫，同菜甫本身已經咸，所以個蠔餅咸到不得了，唔洗點魚露已經夠哂味。都係好咸既豉油皇炒麵，炒到好散，d 麵斷開哂一條條好短，味道普通。食到差唔多一半個馬拉盞通菜都未黎，原來無落到單，店主問洗唔洗重新落單，因為佢d 野太咸，我地決定取消佢。

是日在大圍做完正經事已差不多10點幾，仍未食晚飯，於事揸車到附近找找有什麼好食，原來大圍食店越夜越精彩，好多好多選擇，小炒，打冷，雞粥，串燒，打邊盧，雲吞面，餃子.........任均選擇，最後老闆說想打冷，我們選擇了人氣最旺的新合發，店𥚃加門外的枱差不多坐滿，我倆也只有搭枱的四人抬，我們倆口子點了以下食物⭐️鹵水鵝片，份量很多，味道軟捻，入味但鵝偏肥，所以比較油⭐️鹵水鵝肝拼生腸，份量亦是很多，鵝肝太熟口感很硬，生腸過捻沒有應有的爽脆口感⭐️蠔仔粥不過不失，蠔仔份量偏少整體來說打冷質素非常一般，但店裏仍有很多小炒，相信小炒應該質素會好很多，因客人大部分也是吃小菜😎

聖誕節嘅時候唔知食乜好，天氣又好鬼凍，所以就同朋友去咗食羊腩煲，聽講大圍呢間係幾好食嘅，所以就黎試吓。佢個羊腩煲入面啲羊腩煮得好好味，唔會太un，全部都住得夠林，而且佢啲料非常之足，有菇有腐竹等等。佢個湯底都非常入味，而且啲羊肉一啲都唔腥，配埋飯一齊食真係非常之好食。加上天氣好凍，食完羊腩煲之後，個人即刻暖返晒，同埋啲餸好似食極仲有，特別係啲羊腩，非常之多，所以食完之後都好飽肚，下次應該會再嚟，天氣凍嘅時候真係非常正！

同舊朋友聚會當然要食幾碟小炒，再啤一啤佢！ 蒜蓉炒白菜仔 - 好香蒜蓉味，但太多油，食晒d菜都仲有好多油...... 蜆芥炸鯪魚球 - 一放落枱真係好香，而且係岩岩炸起，不過食落就真係無乜味，要靠個蜆芥汁。 牛油焗白飯魚 - 呢個無論賣相定味道都一致讚好，佢並唔係傳統直接炸，應該用左牛油包住先再炸，感覺無咁熱氣，仲食到裡面軟軟既白飯魚，外脆內軟，夾埋喼汁簡直係天生一對！ 燒乳鴿 - 真係好細隻，仲要無乜肉食，認真麻麻，同樣要靠淮鹽同喼汁先有味。

晚飯去左呢度食，一共嗌左六個餸1.京都骨2.鹽油水花甲3.西檸雞4.蠔餅5.沙嗲金菇肥牛煲6.椒絲通菜個京都骨好入味同夠都夠淋身，唔會好難咬得開,牙力唔好既朋友都食得😆花甲都好味，鹽油水聽落好hea，但佢都有襯下粉絲同菜，唔係得花甲咁dry既😂西檸雞麻麻地 咬落得粉唔覺得有肉，難道係素食?!😒蠔餅做得幾好,炸得好香脆，食既時候好明顯feel到係新鮮炮製，無番炸過👍沙嗲金菇肥牛煲，肉既份量都好多下，加埋啲汁，送飯真係一流 !通菜有幾個整法，而呢個椒絲就係店員介紹既，比腐乳好味，唔會好咸。

大圍大排檔出哂名咩咩雞粥 其實真係好普通潮洲打冷真係好吸引BB 鴿子 色澤加賣相已經好好炸蠔餅 相信個個都會叫 要配個汁先岩岩好鵝片真係潮洲野食既代表作👅👅👅蒸開邊蝦米粉加蒜容

大圍出名好多嘢食今次就想試吓地道啲嘅大排檔風味嚟到呢間新合興飯店見到佢有好多潮州美食身為潮州人嘅我當然要幫襯下啦酥炸豬大腸炸得好鬆脆啊而且冇怪味亦都唔會好肥！另外值得推介嘅係呢個潮州滷水拼盤你便有墨魚大腸鵝腸紅腸豬耳仲有豆腐喺底架！真係一次過滿足你嘅味蕾😋😋

晚上好多人，到這間食小炒(試下先)西蘭花炒班片西蘭花炒得爽口班片，肉好鮮嫩(用薑絲炒，蓋左魚的腥味)魚香茄子煲好香的肉碎，茄子煲得好軟身(吸收了肉的香味)炒雞柳醬料不太咸，颜色炒得好靚(肉好鲜嫩)蠔餅炸得香脆，蛋好香，蠔的分量算多粟米班腩栗米汁好濃班腩粉漿薄身魚好鲜甜整體小炒(好好味)

呢度個位置偏僻d 但係野食吾錯咩都有 有大排檔既鍋氣d野食又大碟 好岩一大班人食share返都抵 食左十幾樣菜 一百蚊都吾洗除左炸物好正 炒既都吾錯 雞煲都可以試下 料都好足抵食！

好耐無黎食飯啦，有一日去左油站對面間合發原來裝修左，但我重認得重系個個老闆，但可惜當日晚飯時間無位！於是老闆就推介我黎佢地分店新合發，之後有位紋身哥哥親自帶我過去，估吾到又年輕又有紋身嘅後生仔都咁好服務好禮貌，好不嫌煩咁詳細講解兩間舖嘅特色，難得！難得！坐底之後佢更介紹出名好食嘅比我，於是我叫左半隻鹹雞，椒鹽鮮魷，鹵水拼盤同一隻bb鴿！啤酒夠凍，姐姐們態度都幾好，大牌檔黎講算非常出色

朋友揸車去咗大圍，揀咗可以泊到車嘅新合發飯店。我哋幾個叫咗幾樣小菜，分別有咕嚕肉、蜜椒汁豬扒、春菜腩肉同香煎牙帶魚，有啲食咗大半先影相。呢度啲咕嚕肉同香煎牙帶魚都算OK，咕嚕肉個炸漿幾薄，又唔會有太多肥膏。乾炒牛河，每條河粉表面都有豉油，炒得夠乾身，唔會一舊舊咁。雖然香口，不過對女仔嚟講就真係有少少油。香煎蠔餅，炸得好香脆，入面啲蠔仔都唔少，唔係得幾粒仔，都唔錯。小菜嘅表現都算合格，勝在可以泊到車。

今晚同我個仔去食飯 叫左蝦 乳鴿 同瑤柱西蘭花 首先蝦係鼓油蝦 已經係用鼓油炒仲會有陣臭味 算 咁食乳鴿 真係一般 再來食瑤柱西蘭花 又係吾好食既 我無唸過隔左幾年再去食 呢間野仲係一d進步都無 好失望 好心就炒鬼左個大廚佢拉 野食難食就算 最難頂係咩 就係有個收銀 我地一路食緊飯 佢就一路咳痰直接吐落垃圾桶 我真係未見過咁核突既女人 當堂咩胃口都無晒 我同自己講過我吾會再幫襯呢間野 一定無下次

之前成日幫襯開既合發，裝修完後乾淨左，光猛左，可惜食物除了貴左外，仲冇咁好食了鮮魷炒麵，一樣有鑊氣，不會很油膩$120叫左個黄金蝦，但第一次見黄金蝦是開邊炸的，蝦細隻左d, 味道香濃的，不過因為開邊炸，啲肉變得硬身左，結果食左半碟後冇得喇京都肉排，酸甜度適中，不過有一半炸得太耐，太硬身後加個炒芥蘭，呢個令人最失望，冇鑊氣又冧到好似食緊菜心咁唉……以前既合發好好味架老細話冇換過師傅，但點解會變成咁差架?

今次係大圍新合發飯店食左餐飯 雖然係大圍住左都有一段時間，都好少係大圍附近食飯 今次叫左試下呢一間潮州菜館 食打冷黎講，呢一件環境叫左幾好 入到去唔會覺得好逼，張台又乾淨，店員d服務態度都幾好 未開始食野佢比我既印象已經好好 跟住終於上菜，我地唔係好多人，淨系叫左4味餸 我自己就最鍾意個蠔餅，真係幾好味 唔單止好香蠔既味，佢個魚露都好正個菜雖然有少少油不過勝在份量夠多同埋好新鮮但係整體黎講都okay其他兩樣都普普通通無咩台特別整體黎講我覺得呢間餐廳都幾好 埋單都只係六七十蚊一位 如果住大圍既都可以試下黎呢間食下 尤其是要食佢呢個蠔餅！

每年總有幾次和父親的家人吃飯，有時無論你喜歡不喜歡，這餐飯也要吃。 我奇怪的是大家都不想一起，卻不知為何還要一起吃，還真苦了大家。每次在我家麻雀耍樂後，都在附近吃東西，這次因為明星酒樓裝修，就找了新地方，就是在內街的新合發打冷。 雖然全大圍人都知道，打冷就該到生昌，但我們懶得排隊等位，也懶得走得那麼遠，就選了這裡。難得的是我們一行8人，竟然有間別緻的房間只供我們8人享用，不用在外邊和別人迫。這裡的醬油還是頗充足的，潮州辣椒油，辣椒醋和普寧豆醬都有~先說這大眼雞，啊…好「鞋」口，還要帶點腥，即使點丁普寧豆醬還要沒幫助…這條潮州冷烏頭，店方聲稱從元朗新鮮運到，但是魚身本來就不夠肥美，即使有點黃油，也不覺得魚味香濃，反而還有點腥，對……又是腥。這讓我明白了一點，吃打冷還是到生昌。不過這碟花生雞腳還是可以的，雞腳夠淋，婆婆也能吃得下，味道也算入味。另一碟鵝腸和墨魚只能說好壞參半，因為一半很入味，另一半不知為何沒味道，廚師是把另一半做實驗嗎？這碟簡單的蒜蓉炒白菜仔，反而做得不錯，吃得出鑊氣炒出來的白菜仔，蒜香四溢，入味非常。另一令在場家庭主婦都說要回家學煮的，是這碟金蒜勝瓜粉絲，簡簡單單，加點豉