7
7
3
營業時間
星期一至日
11:30 - 21:30
以上資料只供參考, 請與餐廳確認詳情
今日在意葡點食馬來炒貴刁，好難食，咩料都無！只是三片腊腸，兩條薯條般大的魚片，20條牙菜仔和兩粒蝦仁仔（像魚皮花生咁大的蝦仔）用老抽炒埋一碟，超難食，永不再去也！這間食肆，一向出名是材料少，無配料又點食呀，等於係食豉油炒淨河粉囉！最離譜係用臘腸炒，超級不健康，食了三啖已經無晒料，之後係食緊淨河粉，服務態度又麻麻，難食到呢，我食了幾啖就放下筷子，食到一肚火，仲發誓以後都不再幫襯這間咁慳料既餐廳，祝佢好運囉！
繼續閱讀
卡邦尼煙肉雜菌長通粉長通粉最方便🙈用匙羹筆。呢個份量好多啊，又平價，煙肉同蘑菇既份量都好充足，完全係好好既配角💕香濃蛋黃汁味，又唔係好稀咁，so creamy 💕🥰
繼續閱讀
而家午餐多咗人出外用餐, 平日食開嘅100 米長期有人排隊。LUNCH TIME 就只得一個鐘, 連搵食、等餐同返公司嘅時間, 真係唔可以再浪費時間排隊。咁100 米人多就唯有去隔離果間西餐廳食啦! 易搵位D! 但本身對意葡點印象一般, 記得之前食過係唔好食的。一入去安排咗坐卡位, 睇MENU 選擇都多, 望落都吸引, 而且價錢合理。我點咗L11 紅酒燴牛肋條配薯菜, 熱齋啡等咗一陣就上湯同包, 湯有忌廉湯同什菜湯揀, 今次揀咗什菜湯, 味道可以, 唔會好淡咁。包係蒜蓉多士, 焗到好脆, 好味! 紅酒燴牛肋條配薯菜薯條脆脆的, 正!什菜就係洽嘅, 清清哋, 幾好! 紅酒燴牛肋條, D 牛肋條炆到勁淋同好入味, 係略嫌份量少咗D。齋啡嚟講, 比較淡, 如對咖啡有要求, 不建議點。整體嚟講, 食物多選擇, 上菜快, 味道亦不錯, 價錢算抵食! 而且都常有位, 唔駛等。下次到附近食LUNCH, 都係一個選擇!
繼續閱讀
有一段時間無光顧，今晚係商場唔知食乜，就是是但但，本來老婆話食隔離100米，唔知點解行咗入黎，反正見到有卡位，座就座啦! menu一拿上手，原來晚餐菜單轉咗，咁就叫咗個日式豬扒飯$56，卡邦尼意粉$54，座咗無10分鐘，上菜，先來紅湯兩個，蒜蓉多士兩塊，記得之前食係多士旁邊有塊牛油，今次無咗，原來已經搽咗係多士面，一咬，正，脆口，牛油多士唔錯，好食過以前幾次，再飲羅宋湯，比以往好飲，唔會水還水。上菜，日式咖哩豬扒飯，同心中所想一樣，就係超市$10包果隻，而且加水過多，淡口，豬扒就口感正常，一般般無驚喜，跟住卡邦尼意粉到，賣相唔錯，味道更唔錯，而主要要講吓個汁，食落唔會覺得槳口，唔會覺得頂著喉嚨，飲品就選咗熱0T，總體黎講，有多士，有湯，有主菜，有飲品，無加一，對面茶記新香城，叫個飯都四十幾，無湯無飲品，而且呢度環境舒適，光線柔和，講真，正體計，好過食茶記多多聲，但唯一問題，主菜份量細。
繼續閱讀
懶洋洋的下午來到樓下，吃了一個有驚喜的下午茶。滑蛋蕃茄讚岐烏冬配瑞士雞中翼，佢啲蕃茄湯超濃郁，烏冬又煮得幾彈牙，軟硬度適中，估唔到咁好食。瑞士雞翼夠濃味又唔會過龍，肉質唔會好韌仲有少少嫩滑感😋😋 分量方面一個女仔食都夠飽，$38抵啦
繼續閱讀