意素園

營業中

休息中

無生意系正常嘅，因為實在系太難食兼且不負責任，仲要貴到死，如果吳想中伏嘅人，千萬千萬千萬不要幫襯，重要嘅事情講三次，明明落單1:30拎，12點幾經已收到通知有得攞，認真O咀，心諗你開左咁耐，應該吳會犯咁低級嘅錯誤呱。真系好嘅吳靈，拎到番嚟，d嘢只系暖暖哋，大佬，你d系雲吞，你如果分開裝我都算啦，點知你連湯一齊放，攪到痴埋曬一舊，d菜黃到咩咁，見到都吳開胃，本來諗住求其食醫肚，但奈何真系太難食，唯有丟左，我嘅同事都係同我同一命運。總然之，永不再食，太嬲啦，時間都吳睇，搞到浪費曬d嘢，真系太嬲先出嚟講，希望大家以此為鑑。

一間超冇誠意、冇責任心、不負責任的餐廳。睇到該餐廳食評的評論不錯，今天決定一試，結果中伏。約12:11左右落單，註明1:30取餐。過左約10分鐘左右，收到取餐通知，當時以為寫錯時間，馬上查看，證實取餐時間係1:30。於是馬上打電話餐廳確認時間，但電話忙音，嘗試多次也未能接通。以為餐廳一定係繁忙，以致冇法打通電話。1:25左右去餐廳取餐，見只有三枱食客，其中2枱各一人，另外一枱有三人。同櫃枱職講取餐，該位男士不知是否忙於接訂單，低頭不停㩒電話，頭也不抬手指向左後方一指。取餐後我忍唔住問一句，食物是否做好好耐，佢竟然答係。雲吞真係好難食，加上浸左咁長時間，食左一粒已不想食，滷水蛋同白烚蛋冇分別。上當一次足夠，唔會再帮襯

真漢子再訪北角嘅意素園，一間加入咗福建菜元素嘅素食小店。上次嚟食係剛開張冇耐，咁耐冇嚟唔知有咩新嘢食呢？😋餐牌多咗自選麵餐，類似車仔麵，但嚟到呢度梗係食啲其他地方冇嘅特色嘢啦。我睇中咗「福來麵線」 $58 連小食同飲品，係純素㗎。👍🏻麵線食落好滑，又大碗，配料有好彈牙嘅貢丸，火腿，湯底有好多切碎嘅菜，紅蘿蔔絲同菇絲。麵線索哂啲湯，好入味，同埋由於麵線唔使點咬，基本上可以連埋湯當粥咁食都 okay 。😆小食係我上次食完好掛住嘅福建菜果（兩件），唔使問都係超好食啦。如果鍾意食蛋嘅素友亦可轉做炒蛋。🥚飲品我揀咗紅棗茶，真材實料，好味又有益。💪🏻另外試咗素肉羹湯 $48，原來湯底係蕃茄薯仔湯，好清甜。素肉應該係豬嚟嘅，味道同口感都幾可亂真，同埋真係好大舊同有好多舊，食極都仲有嘅感覺，鍾意素肉嘅朋友下次識嗌啦？😁食飽梗係食甜品啦，我試咗香芋餅 $25，個皮煙煙韌韌，個餡甜度啱啱好，食落真係充滿家鄉嘅味道。🥹以家鄉菜做主打嘅素食餐廳似乎冇乜，唔知有冇祖籍福建嘅朋友食過，覺得還原度高唔高呢？我自己鄉下係中山，又唔知有生之年會唔會食到有中山/石岐菜特色嘅素食呢？🤔

去了一次便愛上了意素園，他們不單不用味精做到很出色的福建麵，他們更是用滿滿的愛心做麵的。他們這間小店是非常優雅的，佈置別有心思，讓我們在很舒適的環境享受熱燙的麵。除了車仔麵和雲吞麵好好味，一定要介紹兩樣炸物：三角形的福稞及芋餅。至於咁抵嘅套餐還送非常好味的紅棗水，所以一有時間便會和家人來的。我們每次雖然只幫襯$200左右，但他們給我家人5星級的服務。所以我會大力推介這間小店。祝福他們越做越受歡迎👍🏻😋🌈

因為見到外面餐牌有麵豉芽菜麵，所以想試吓芽菜面，就入去試吓，但餐牌上係冇呢個麵，最後要問店員，店員回應係要特別煮，所以要等10分鐘，由於其他麵食不太吸引，所以我願意等。另外店員話碗麵有貢丸，心想或許會有4-5粒貢丸；等了好一段時間，先來紅棗茶，飲了一口，味道不算甜，但也不夠熱。再來的麵鼓麵則有點失望，以為有多粒貢丸提供的，原來只有一至一粒半吧，因為他們是把貢丸是一分為四，至於芽菜，是食得到但又看不出的！味道方面；麵豉湯味重，麵底剛好，熱度也可以，唯一扣分的是配料太少了！

本來不打算到意素園食麵，但我媽是素的，她很想來一次。我哋試過一次便愛上了！她們做的不是普通麵，而是沒有用味精的愛心麵！我和屋企人都讚不絕口，我哋而家每星期都會來一至兩次。真係一間又雅致又喜出望外的福建麵店👍🏻😋

呢間我bookmark左好耐，離地鐵唔近但見好多人讚就一於去試下😇我叫左魚片雲吞雙拼麵，素魚片好好食，我平時好少食素都覺得ok湯底係好香但又唔味精既蕃茄湯，仲有一兩舊蕃茄👍🏻👍🏻雲吞皮好滑好靚，餡料好香麻油味😚😚啲麵先好食😋彈牙分明又香滑，唔會癡埋一舊舊，仲要好換份😍差啲食唔晒🤪杯菜蜜既熱度剛剛好，飲完好舒服！我一定會再encore （雖然我gluten intolerance 食完碗麵消化不良）😍😍

難得去北角，想起有間新素食餐廳就去試試看。其實我也不確定甚麼是福建菜，基本上就係食水餃和湯麵，味道偏清淡那種，想簡單食個麵都ok既。北角地鐵站附近，素之樂同一條街，地鋪唔難找。入面裝修簡單，二人四人檯為主。大概可以坐二十個人，平時午餐時間不算熱鬧。想吃湯麵可以叫這個自選麵，麵條配料湯座等等都可以揀。另外也不些水餃、雲吞套餐。散叫餐牌都係一系列麵和水餃之類。番茄湯素雞扒支竹菜心擔擔麵 HK$68番茄薯仔清湯味道偏清淡，麵條份量多，應該都算一分錢一分貨，總括來說都只係一碗普通的湯麵。香芋餅 +HK$12加個小食試試看，外層新鮮煎香，中間芋泥甜甜地，蠻有趣的甜品吧。

有日經過發現有間新素店，決定搵日要試試佢。呢次自己一個人黎，試唔到多款式，就揀左招牌的水餃麵🤩份量真係幾多，有5粒餃子，一整個麵。自問都唔係好細食，都竟然係無食早餐既情況下食唔曬🤪揀左蕃茄湯，其實好啱自己口味，因為好清甜，但係都知如果食麵個湯底其實要濃啲先會個麵有味，所以呢個麵係真係比較淡口，但好就好在真係可以飲下個湯！餃子餡主要係椰菜同木耳，有啲麻油香，皮都好煙韌。因為自己好怕食馬蹄呀沙葛呀嗰類既餃子餡，呢個餃子真係啱曬我🫶🏻下次會再試下佢其他小食，睇落都好吸引！

我們一行五人去完佛堂後找素餐吃，抱著試試「意素園」的心情去試新地方；我們點了廈門米線，水餃麵，自選擔擔麵，窩貼等。食物質素很高，廚師烹調用心，我哋要求加薑於湯麵內，薑片居然被煎至金黃色，廚師嘅認真程度真的另人難忘。值得安歌的意素園！

前身是一間東南亞菜式的餐廳，今天經過發現，原來已成為素食餐廳了，心想真好！素食又多一個選擇，因為附近素食始終不多，我是半素的人，有時候也真想方便吃素。由於不太肚餓，隨便點了一個水餃和飲品。餃子很足料又新鮮，伴隨的秘製醬汁麻、酸、辣都齊，很開胃😋飲品是雪耳杞子，很感動，就好像是屋企煲嘅一樣足料厚身好飲。提供雪耳飲品的快餐廳不多，大家真係要試呀，飲完好有家的感覺😄而且只係加好少錢（幸運星完全爭一大截，飲品不太足料又稀薄，而且另加價錢較高）作為有良心，精明的消費者，要大力支持用心製作的小店👍💪

餐廳入口在渣華道，不在open rice的標記上。食咗一碗手工餃子麵，麵有啲似即食麵嘅質地，比較吸水，湯好快就吸乾，口感唔錯。碗麵有幾隻餃子、少少菜同薯仔，材料唔算豐富。餃子餡調味好夠，湯底唔會好咸，味道主要靠餃子餡。整體味道清淡，唔錯。碗麵跟一杯飲品，紅棗茶偏細杯，唔會好甜。加咗份福建菜粿，有啲似炸過嘅蘿蔔糕，幾好味。

北角素之樂附近開咗間新嘅素店，主打福建素食，以麵食為主。福建麵線 配迷你菜粿 ($56)配料: 魚豆腐、素蟹柳、素火腿麵線吸哂湯底嘅味，質感較淋，入口即溶。除咗素肉之外，配料仲有冬菇、金菇、甘筍等。迷你菜粿幾特別，係炸蘿蔔糕。入口好香蘿蔔味，外表香脆。跟餐加配: 手工鍋貼 ($20/ 3隻)手工鍋貼外皮脆口，但餡料冇味道，以椰菜、木耳為主，要靠枱面嘅醋調味。魚片雲吞雙拼麵 ($68)番茄湯底雲吞嘅餡料同鍋貼嘅一樣，而且都係冇咩味道。雲吞吸咗湯底嘅味，所以有淡淡番茄嘅酸甜味。麵條彈牙。跟餐飲品: 熱檸蜜跟餐飲品: 酸梅湯 (另加$9)本身係凍飲，可要求轉熱飲。

內文有烏龍笑話🙈🤭，記得睇哂佢1️⃣店鋪位置小提示店方地址是北角道10號，其實，門口是在渣華道的。如果素友們知道素之樂係邊的，簡單的說，在素之樂往炮台山方向步行🚶數分鐘，不用過馬路，便會看到意素園。2️⃣餐單簡介餐單以麵食為主，名字上頗見心思💕。例如 “春風滿面”類別，有數款湯麵可供選擇；而 “越撈越好”則有撈麵選擇。至於其他類別如 “稱心如意”、”家有暖心”、 “如意亨通”，也是一些幾好意頭的名稱。此外，店方有另一頁餐單是圖文並茂的，列出了以套餐方式點選麵食，有哪些飲品🥤選擇和可以加配甚麼小食🧈。這個麵食套餐，適合一人光顧的朋友，可以在點選麵食之餘，視乎胃口，再看看是否要品嚐小食。3️⃣我們的晚餐～笑話兩則當晚我們共3人光顧，點選了3個麵餐和幾款小食，以剛開業的水平來說，也算是中規中矩，有些食物和醬汁都有特色。🅰️素來麵線和菜粿的小笑話當一眾食品放到枱上時，我們突然發現，點解有咁多菜粿的？🤔原來點選素來麵線，是會附上菜粿的。我們當時只顧着揀麵線的配料，無視了 “跟菜果(粿)”3字🙈，另外添加了一碟菜粿，於是就出現兩碟菜粿這情景了。版主今次是首次認識菜粿這小食。它是福建閩南一帶盛行的傳統小吃，說穿了

北角新開咗一間素食餐廳叫意素園，今日真漢子就同大家睇吓有咩好嘢食先。🤩餐廳似係家庭式經營，店主同熟客都係講我聽唔明嘅方言，從餐牌有幾樣福建嘢食估計係福建人開嘅。🤔之前做咗功課知道雲吞係招牌菜，就叫咗秘製醬汁撈雲吞 （$48 有六粒），跟餐加 $18 加配細福建菜粿一份。另外散叫咗一碟素肴肉添 $48。🥟 秘製醬汁撈雲吞我相信佢真係招牌，因為開咗鋪唔夠一個鐘已經有客人外賣咗好多，所以我果碟唔夠雲吞，其中一粒要用水餃代替，非常誇張。😮雲吞好大粒，皮係屬於煙韌型，我鍾意。餡料有木耳，菇，椰菜，冇素肉㗎。🙅‍♂️至於秘製醬汁竟然係麻醬，入面仲有啲粗粒嘅花生粒，好似食緊 Skippy（其實會唔會真係 Skippy?）。🥜🍞撈雲吞第一次食，雲吞本身係高質嘅，但一來麻醬我麻麻哋，二來冇湯雲吞比較快凍，我諗下次再嚟要試下食放湯嘅雲吞比較吓，我相信會更加好食。😗🐽 素肴肉外型上都學得八九成似，味道都好接近，尤其點咗跟嚟有啲辣油嘅醬汁食更開胃，而肴肉最靈魂部份嘅凝固脂肪都被 “神還原” 過來，包括咬落去煙煙韌韌嘅口感。😬⏩ 福建菜粿未食之前唔知咩係菜粿，亦對呢幾件三角形嘅食物冇咩期望，點知原來係炸蘿蔔糕嚟。