德國廚房

營業中

休息中

想食西餐除咗典型美式或者意式外 德國菜都係個唔錯嘅選擇德國菜澱粉質比較少 相對更多肉類菜式 今次就食德國最著名嘅兩款食物秘製蜜糖黑啤豬手 同埋德國腸拼盤 豬手好巨型 厚切都分到七件小插曲係本身豬手上碟係無切開 正當我同老公苦苦鑽研可以點分嘅時候老闆二話不說就幫我地拎入廚房切好細心 值得加分👍🏻至於豬手味道 黑啤入饌 每啖豬手肉都食到黑啤嘅麥香味豬手外皮經過焗後 非常脆口 但肉質仍然保持嫩滑 有水準再點埋秘製蜜糖 中和番麥味 去除黑啤輕微嘅苦澀味配菜有薯角同埋酸菜 大愛❤️德國腸拼盤包括慕尼黑白腸 法蘭克福腸香烤過嘅腸肉味更加突出加上肉醬同埋薯角份量兩個人食啱啱好難得有機會試懷舊飲品 我就揀咗黑牛可樂加雪糕 無論大人細路都一樣咁鍾意 下次再去一定要試埋德國啤酒咁就完美啦

係大埔想食德國野選擇唔多，我個人就鐘意伊間多過d 字頭個，主要係價錢同服務因素。伊度豬手既味道唔駛再多講，亦食過幾次，所以今次無嗌，反而叫佐豬仔脾配洋葱圈同火腿煙三文魚pizza。豬仔脾偏鹹，但配埋個醬算唔錯。pizza有一定水準，但係有啲邊位烤過火佐，影響口感。加埋兩杯啤，推介。

<<生在美食天堂，點可以唔識食>> <<I born in Paradise of Food，but what Food do we have?>> 在平民住宅區的一間德國餐廳，燈光略暗，座位一般。不過唔好失望住，食物熱噴噴的上場普通~香辣牛肉PIZZA，味道配合不錯，肉既比例再多少少會比軷好正~堅係脆既豬手，入味又大份，個人喜好:如果酸菜煮過，淋少少會更好，同份量!好味~香草烤雞~店主聲稱即叫即整，的確肉嫩多汁，香草又入味，雖然配菜不突出，好味係比隻雞既。總結:適合不追求賣相同配菜既各位食家，價錢與份量相稱配菜和裝修可以再修飾，店主有心有禮，感謝

好友誠意拳拳地邀請下，早前一起到 Lacker's Kitchen品嚐德國菜。提到德國食品，不能不提的便是香腸。這裡的德國腸拼盤由香草豬肉腸、紐堡倫腸、法蘭克福腸等組成，配上炸薯皮及特別調配的微辣肉醬汁，色香味俱全。今次我們不吃德國咸豬手，反而選擇香港餐廳不常見的，秘製蜜糖黑啤豬手。據店長所說，他們在煮豬手之前，先用黑啤把豬手浸一天一夜，所以豬手特別入味。第一次嚐試吃黑啤豬手，微帶苦澀的黑啤味道，配上略帶油膩的豬手，還有香脆的豬手皮，感覺清新可口。黑啤的苦澀，加上甜甜的蜜糖，正好是美好的配搭。我們都是薯條控，即使今晚每道菜都有炸薯皮，我們還是要了一客煙肉蜜糖芥末薯條。煙肉味道濃郁，點點咸味配上芥末和蜜糖，味道豐富。既有德國美食，又怎能沒有德國啤酒？店裡提供多款手工啤酒，我們都選擇了味道比較清淡，適合配合味道濃郁食物的Kustritzer Kellerbier。

世界杯正打得火熱，其實一班男人追住個波走黎走去真係唔知有咩好睇。聽說上屆冠軍德國隊打破不了魔咒，早早敗北而回。在他們收拾行李回家鄉時，晴頴發現了一間德國菜小店，於是晴頴找來好友同行，一起到 Lacker's Kitchen品嚐德國菜。對於德國菜，我最深印象的當然是德國豬手，這亦是此行最必食之選。這小店裡有四款豬手，分別是港人熟悉的香脆德國咸豬手、經典的柏林炆燉豬手、滿足視覺味覺享受的火焰咸豬手。而我們最終選擇的，是店長秘製的蜜糖黑啤豬手。 晴頴曾經吃過黑啤燒雞，反而黑啤豬手是第一次嚐試。據店長所說，他們在煮豬手之前，先用黑啤把豬手浸一天一夜，所以豬手特別入味。微帶苦澀的黑啤味道，配上略帶油膩的豬手，還有香脆的豬手皮，感覺清新可口。黑啤的苦澀，加上甜甜的蜜糖，正好是美好的配搭。吃德國食品，少不了的便是香腸。晴頴是香腸愛好者，對於各式香腸都深感興趣。當看到餐牌上的德國腸拼盤，晴頴立即兩眼發亮。這裡的德國腸拼盤由香草豬肉腸、紐堡倫腸、法蘭克福腸等組成，配上炸薯皮及特別調配的微辣肉醬汁，色香味俱全。既有德國美食，又怎能沒有德國啤酒？店裡提供多款手工啤酒，這晚店主給我們推介了Benediktin

一直好想試下，今次朋友聚餐，就簡左呢度，七個人叫左2個plzza,一隻豬手，沙律，咖哩蟹包，芥末薯條，炸雞，青口risotto ，腸仔拼盆和店主介紹的黑啤，全部也十分好味，尤其plzza和豬手，非常香脆，意料之外，一定會再泥

再次黎大埔搵食, 係食街附近見到呢間德國廚房, 岩岩開業3週年, MENU有德國咸豬, 德國香腸等等, 入去同佢'損'下手先!呢間都算係清吧, 有德國啤油飲, 裝修以木色為主, 小店內有6張檯, 燈光暗暗的都幾好情調, 岩曬幾個人黎食飯傾計.MENU款色唔會太多, 沒有花巧, 小食, PIZZA, 主菜, 飲品都有齊.2個人撐檯腳, 想乜都試少少, 所以ORDER左1個德國火焰咸豬手SET, 已經包括有德國腸, 丸, 薯角, 伴菜, 酸菜等等.火焰咸豬手上檯後即場倒RUM酒, 點火! 好吸晴!!咸豬手都幾大隻, 十分多肉, 外皮勁脆, 豬手肉唔係好咸, 肉質較為爽, 完全無根, 啖啖肉好好食! 咸豬手有一半已經幫你切好, 另一半可以慢慢切, 成舊咋住食又得! 可以豪邁D! 德國腸有2款, 一隻香草豬肉, 一隻係維也納腸.伴菜係超甜粟米, 中和一下味蕾, 好夾!不得不提係個蜜糖芥末醬, 原來係自家的, 甜甜地, 沒有剌鼻的芥末味, 好正!另外ORDER左個小食 - 煙肉蜜糖芥末薯條, 比一般的薯條粗, 先炸再焗, 上面放了大量芝士, 100%香脆又香口, 蜜糖芥末味不太重, 反面條條都脆

今晚和朋友聚舊，搵到這間在太和火車站附近的「德國廚房」，有豬手食，有啤酒飲，正合我意！餐廳在小橫街中，甚具小店風味，入到去時店員正與一枱客人有說有笑，態度親切！【煙肉蜜糖芥末薯條】薯條係我同朋友最愛，坐低飲嘢傾計前菜一定叫佢！蜜糖甜甜地，放左好多煙肉和芝士喺面，越食越停唔到口，開咗個胃！【德國腸拼盤】食德國菜點都要食番啲德國腸，呢份德國腸拼盤份量兩個人食剛剛好。【特製肉醬】驚喜肉醬，諗住都係點下茄汁，點知配呢個特製肉醬，係用豬羊牛肉碎製成，好香濃仲有少少辣。點腸仔或者點薯角都好惹味！好match!【蜜糖黑啤豬手】豬手係我哋今晚非常之想食嘅主菜，店員推薦我哋食黑啤蜜糖豬手，佢個樣黑蚊蚊，但切落去豬手好林仲有少少麥香味，其實唔飲酒嘅朋友都可以食到，豬手嘅皮都炸到好脆，配啤酒真係一流。有細細兜蜜糖係側邊，方便點豬手；值得一提係呢度嘅德國酸菜，味道唔太濃，平時朋友唔鍾意食酸菜嘅呢晚都見佢密密食，我就覺得幾好味。其實都幾大兜㗎！另一個驚喜，就係泊車優惠喇！起初諗住係細舖唔會有停車場，原來喺呢度食嘢食滿＄500就可以喺隔離商場有兩小時泊車優惠！話明德國餐廳，當然就有德國啤酒啦，不過我哋係咁傾計同埋

雖然舖頭比較偏僻，唔係係好多野食既大街大巷，但其實地點都好容易搵到（因為有全能既Google Map 幫手😝）。舖頭唔算大，大概有廿幾個位啦，環境柔和舒適，如果大班人的話必須預早留位。好彩今次朋友一早訂定檯，因為全場爆滿。人整後點菜，因為人多今次可以放縱地叫🤣我地叫左一個火焰豬手，一個黑啤蜜糖豬手，兩款都好好味，味道適中，唔太咸，肉夠嫩。卡邦尼意粉超正，個個朋友都話好食👍🏻但本人更覺得個蒜蓉包仲好味，因為唔係坊間既一味只有牛油同蒜蓉，呢到仲有適量既芝士，連小朋友都食到要Encore 。仲有脆片、大啡菇、農夫包、Parma Ham pizza、青口等等，真係食到停唔到口😋另外最正既就係有不同款式既啤酒&餐廳職員推介既特飲-蜂蜜玫瑰蘋果茶，大人小孩都啱飲。呢間餐廳絕對值得再去幫襯，其待下次去食會再有驚喜及新菜式😉

小弟住香港仔！住得遠都值得老遠入嚟大埔食呢間德國嘢！今日朋友生日飯，第一次嚟食...好味又唔貴服務友善。黑啤蜜糖豬手同火焰豬手都好香，唔肥好脆口，唔會好乾又唔好鹹！卡芝士蒜蓉包好香，芝士可以拉長個種，但唔會好流。咖喱軟殼蟹農夫包 正！辣度個人覺得適中（唔食得辣可以食唔到好多）想食清清地都有架！青蘋果沙拉 香草白酒煮青口配法包 香煎石斑柳配大啡菇 份量唔係細細份架，食完真係好滿足！重點係有不同口味德國啤酒，又有紅白酒。值得推介的德國餐廳

黑啤蜜糖豬手，火燄豬手，2個都勁好味😋有得睇有得食，火燄豬手絕對係呃like既必選。軟殼蟹咖喱農夫包好香!parmaham pizza 大細好好，唔會食完食唔到其他嘢。卡邦尼意粉味道好適中。蒜蓉飽真係冇得頂，青蘋果沙律好清新不同味道既啤酒，要濃有濃，要淡有淡，Happy Hour 晚飯一take過!唔鍾意飲酒既朋友唔駛擔心，仲有好多款特色既特飲。蜂蜜玫瑰蘋果茶好香好有驚喜。大人小孩都啱，價錢十分相宜。平，靚，正。

3家朋友晚飯，5大4小， 野食啱大人細佬，因為有小朋友關係地點要就番有小朋友既家庭。我好少係大埔區搵食，但今次呢間餐廳確有驚喜!今次由朋友發扳order, 覺得每樣都好好食，d小朋友又食得勁開心，大人自然更開心啦～先黎沙律(因有蘋果關係，本人好like)，火焰豬手拼德國腸，Pizza，仲有意粉(不過唔記得影相，但份量唔係好大，我地原本叫2蝶意粉，點知班仔叫encore，我地d auntie緊係話叫啦～ 最後叫3蝶佢地都食得哂)餐廳雖然細，但食物有水準，我個friend住附近，仲話下次去佢屋企開party可以叫呢間外賣

街坊小食店難得有賣德國豬手，當然要遠渡而來試一試。原本想食佢個秘製蜜糖黑啤豬手，不過已經一早沽清唯有轉戰個德國豬手加香腸拼盤。$188 呢個價錢唔會要求咁多，拼盤上既香腸係大路野，唔特別，唯一寄望既係隻豬手。豬手size 有兩個拳頭大，減去舊豬骨，肉既份量都好多，不過肉質好實好難咀嚼，大概30%肉係唔會食，反而近骨位既肉有帶脂肪同煮到冇咁實，嫩口好多，食落個味係ok 的。問題係，豬手係原隻上，餐廳方面幫你𠝹左幾刀，由於豬手皮厚，肉質又偏硬，普通刀具切落好費力，女士們可以話無從下手，一定要店家幫手切。我作為力水大既男士都要慢慢庖丁解豬半個鐘，建議店家提供更鋒利既刀具。

食完番尋味，約班朋友再去食豬手飲下啤酒吹下水的好地方。平日人流比較少，因為鋪頭位置唔算多，我地都打左去book位。佢都有唔同啤酒選擇，生啤有兩款，侍應都有介紹唔同既分別比我地揀，好專業好細心，呢款1605有少少果香味既。（$22）荔枝特飲，好清新，上面再有忌廉。（$28）黑牛，佢用罐裝沙示加朱古力雪糕。（$108）德國腸拼盤，6條款，佢應該用蜜糖煎，脆皮又甜甜地，好味。（$98）煙肉蜜糖芥末薯條，好好食，薯條炸得好脆同埋熱辣辣，加埋個汁，無得彈。（$128）香草什錦海鮮pizza，係薄底既pizza，有芝士，反而海鮮唔算多類。（$118）香脆德國咸豬手。其實本身想叫佢個蜜糖黑啤豬手上次叫過非常掂，可惜今次無，所以叫左普通咸豬手，都好好食，好脆皮，加埋酸菜同個汁。（$118）加大拿穀飼豬鞍配士多啤梨醬，豬鞍超級冧，加埋士多啤梨醬好襯。推介！（$88）墨西哥脆脆，其實係芝士粟米脆卡佢再加左少少汁同椒仔既野，本身有味既脆片，會有驚喜。5個人，坐左都有2.5小時又食左咁多野，價錢合理！

今次試左蜜糖黑啤豬手$138，好好味，真係食到黑啤味，隻豬手個皮脆卜卜，啲肉又好夠嫩，真係正，配啤酒真係一流!另外再叫左個腸拼盤$108，有7款腸，都好好味。 至於啤酒方面，選擇都多，生啤就有2款 ，問職員介紹下啤酒口味，佢都好熟悉咁介紹，好專業👍最後揀左生啤1605$48。下次可以約一班朋友去，再食多幾款菜，佢有dinner set 都大約$100內，都唔錯。呢度個環境好舒服，燈光柔和，好relax,係收工同朋友黎食飯吹水既好地方。