德國佬餐廳

營業中

休息中

我們一行三位嚟過無限次都冇試過Pizza, 食到悶悶哋又未食過Pizza一於叫個嚟試下啦，我哋還有叫了兩份紐西蘭牛扒。先講個湯係波菜湯，一貫作風上枱時非常熱辣辣，很幼滑好香濃，好得。再嚟係紐西蘭牛扒，煎到很香口，起碼有七八成熟我覺偏熟，所以不太腍，個醬汁好濃配牛扒好正所以加番分，個意粉即炒所以都係好熱辣辣，唔錯。黑松露Pizza等了有廿分鐘，但好有驚喜，Pizza底好夠薄又夠脆非常香濃, 用好簡單材料已好正，有芝士有Parma Ham有黑松露醬，每種材料味道都很分明好平均，唔會搶咗對方味道，一定要推介比朋友! ^ ^ 😋😀🍕👍👍熱咖啡係即磨咖啡所以咖啡味香濃細滑，如餐廳一杯普通餐飲直頭係超晒班! ^ ^ 😋😀☕👍👍

德國🇩🇪咸豬手同啤酒係好難抗拒嘅美食，我講嘅當然係出色嘅咸豬手啦！$198@其實都唔算細，最重要係佢d皮真係好脆係脆卜卜ga!而且好欣賞佢配嘅兩個汁，黃芥末就唔使多講，另一個燒汁原來係用牛肉烹煮，好濃白肉汁味，同豬手超配合！係德國野當然冇理由唔叫德國腸嘅！佢呢度有個腸腸set都幾抵，$138@任選3條腸再加杯細杯啤酒，happy hour 送送酒都算係一個好選擇🙈其實佢每個菜都見到廚師嘅用心，材料新鮮，值得一試

記得之前我叫過大蜆炒扁意粉，但係好多沙最後換了第二樣，今次再試過，當然第一口要試蜆先，係無沙的，再食扁意粉硬度剛剛好，係要我嘅嘢，再有蒜片濃香味道，餐湯係西蘭花湯，非常好飲細滑夠健康又夠熱，至於熱咖啡以餐飲嚟講又不須加錢直頭超值，咖啡香濃幼滑即磨即煲即沖，以上嘅嘢絕對有heart，所以值得推介比朋友去食 ^ ^ 😋😀👍👍

我已幫襯了無限次Lunch，因為老板很細心會記住客人嘅飲食習慣，記得有一次我們叫了兩個餐，沒有叫走"洋蔥"，於是老板嗌出嚟問係咪走"洋蔥"呀，因為以為係我食，其實係我朋友食所以不用走，每次一樣麵包上枱前都會焊脆佢才上枱，所以卜卜脆又夠熱，再上湯都非常之熱上枱，唔同出面一般食肆啲湯係暖而不是熱，再嚟係廣島蠔墨魚圈意粉，蠔係會煎脆外面裡面剛剛好熟，唔會煮過熟恰到好處，再上餐飲可揀咖啡 茶 檸茶，我本人推介係熱咖啡，即磨咖啡夠熱又香，好啱我個人口味，同出面啲餐飲咖啡差好遠，正呀! ^ ^ 😋😀👍👍👍#老板會轉崗位，有時做服務員有時廚師 ^ ^ 👍

我已幫襯了很多次Lunch, 老闆有時做廚師有時 侍應生，所以很有趣, 未到永遠保持水準, 可推介! ^ ^ 😋😀👍 香脆麵包 蕃茄湯和西蘭花湯煎帶子大蝦辣意粉 煎廣島蠔墨魚圈意粉 卡邦尼意粉 煎帶子墨魚圈菠菜意粉 紐西蘭牛扒意粉紅酒燴牛尾意粉煎雞扒咖哩意粉黑松露雜菌長通粉白酒蜆意粉熱咖啡

幾個麻甩仔去元朗午餐, 好少可會去高質素西餐,通常大排檔, 茶餐廳, 點心專門店, 求其是旦粥粉麵飯又一餐就算,不過今日經過呢間"德國佬", 咦午餐都唔貴呀, 而且一樣可以快有快食, 慢有慢食唧,日本帶子南瓜意大利飯 / 香煎"魚立"配紅椒汁 / 燒紐西蘭西冷配意大利陳醋燒汁$68 + $58 + $78, 包埋餐湯麵包, 仲有飲品今時今日呢個價錢, 食到呢個級數既野, 我覺得都係性價比極高的了,餐廳交足晒呢個價錢有突了, 幾十蚊覺係抵食, 特別係個魚同西冷,不過如果外區人要搵呢個位置的話, 就比較唔易搵到, 佢係鳳琴街體育館對面一條後巷,食好野, 食抵食野, 值得細心搵下

和朋友於星期日在元朗午飯，在俗稱「雞地」的大街小巷「尋寶」，發現這家位置不顯眼的德國菜餐廳，便決定一試。午餐款式有數款，有餐湯、麵包、主菜和餐飲，價錢在$100以內，十分經濟。餐湯是波菜湯，有啖啖的波菜蓉，新鮮的青綠色，令人開胃醒神。麵包是長形硬身的法包，鬆脆可口。品嚐了餐湯和麵包，對午餐的主菜很有期望，我點的是牛脷意大利飯。等了大約10分鐘，仍未有食物送來，再過了大約10分鐘，仍然在等候，而且見旁邊的食客亦未有主菜。最後大約差不多半個小時才送來。牛脷有兩大片，煎得乾身亦很有香氣，肉質仍軟腍，帶有陣陣鹹香。意大利飯的米粒煙韌，外軟內硬，米飯亦混了紅椒和洋蔥，增加了口感。鮮茄汁甜度適中，不會太酸。食物質素不俗，環境可以，但上菜速度真的太慢了。

10月初已經約定Mike 哥食呢餐生日飯，由於大家都好忙，所以大伙人要約到月底!我哋一向係生日果個大晒，Mike話想食德國菜，咁我哋就揀咗去呢間德國佬開餐!我基本上入黑後就會發雞盲，同埋朋友係元朗地膽，一路嚟都係抆住佢衫尾行，所以完全唔知呢度喺邊樹。入面裝修好country feel，四方窗框加復古壁燈，簡單又不失優雅。舖頭唔算大，我哋一行8人坐咗成半間餐廳咁濟。餐廳備有各式餐酒黑啤，但我哋唔好酒，所以冇幫襯!Menu 只有兩頁都係大路嘢，頭盤有唔同嘅德國腸，沙律，前菜小食，餐湯，另外係德國豬手，牛扒，豬肋骨，豬鞍，羊架燒春雞，海鮮……等主食，再嚟Risotto 同pasta!有選擇困難嘅都唔易發作!餐包+黑醋橄欖油我本身唔好黑醋同橄欖油，所以無食到麵包，但見朋友sssss食得好開心，應該ok！煙三文魚凱撒沙律生菜都算幾生鮮，煙三文魚唔會過鹹，配上帶微酸嘅dressing，作為頭盤幾醒胃。 其實幾鍾意食凱撒沙律，佢個dressing每間餐廳都有唔同配方，主要都係Mayonnaise、蛋黃同 Parmesan cheese，加d黑胡椒碎同檸檬汁調下味已經好好味！牛油果蟹肉他他配多士呢個係

昨天幾家人Gathering要搵地方開餐，睇食評見到呢間德國佬餐廳，就諗住去試一試，打去訂位，室內位已訂滿，只有室外位置，有篷遮都ok喇，反正秋涼都無所謂，去到發現坐位上條排煙喉，起初食都唔大煙，食到中尾段煙味濃烈，所以大家有得選，千萬唔好坐室外。講番主菜，其實質素好好，豬手羊架必食，田螺薯容，豬肋條都好味，咖哩虎蝦意大利飯都食得過，帶有小朋友去食的話，肉醬意粉都好啱小朋友食，由其是贈送麵包好鬆軟，芝麻包最出色，德國麥啤都好好飲，夠麥味，唯獨要彈的一樣係墨魚意大利飯,本身幾好食，但太咸，食剩成半碟，德國牛肉條味道Ok,但太琳唔算好出色，唔一定要食

八點鐘walk in有位，兩個女仔試下新野，店鋪環境少少暗都幾好feel（可惜我係兩個女仔），有outdoor都好好feel，等天氣涼d先台墊都好特別，唔係一般紙質。order後店員立即奉上熱辣辣既包，黑芝麻包好好味呀可以點醋食，但唔點都好好味之後再上左個水牛芝士波蕃茄！賣相嚇親我同朋友，因為好特別！！係一個白色大波波可惜食緊先記得個相機未食只係影到分屍樣！芝士味唔太濃，同沙律菜蕃茄mix埋一齊感覺好fresh！再黎一個豬肋條！好！好！好！好味！真心！店員示意可加海鹽一齊食，真係好好味，豬肋條原來係平時食一排豬仔骨，骨與骨中間條肉，油份加上海鹽味好帶出到豬味，不過配燒汁就麻麻地啦，唔加好d！呢個香草意粉都好好味，加埋松子仁，好正，好特別，唔係周圍食到，中意香草既人可以試下，不過食到最尾凍左感覺有d油。朋友叫左羊架，五成熟，肉味同油份同少少焦香加埋啤酒正到呢配菜都好味，豆同日本蕃薯，好特別！雖然價位在元朗屬於中價位，但一個月一次半次，好值得！返工更加有動力，因為為左食店員態度都唔錯都nice，有問必答！最後重點係廁所係好乾淨同好香，我相信呢點好多食肆都未必做到！我會再黎架！等我

食過大件壽司，食過泰國菜，掃過街，元朗仲有咩好食？今次黎到試德國菜！6:30到，walk-in 都有位，環境舒服，小店感覺食物:1. 香煎廣島蠔 (8/10) 好juicy, 有4隻，個白色嘅醬幾好食2. 香煎鵝肝(9/10)好甘香，煎得岩岩好，但一小塊份量有點小3. 德國牛仔腸 (7/10)無咩特別，但係酸菜好好食4. 德國豬手 (10/10)主角！好脆身，啲肉又腍，上枱熱嗱嗱，好好味！而且$198好抵食整體來說，食物質好，店員服務貼心，係高質德國菜！

父親節帶老豆去食德國菜， 有室外地方坐可以帶埋爱犬一齊去， 如果唔落雨的話 ，呢個天氣去坐室外都幾舒服 麵包 - 微熱好好味，麵包條味架鹹 德國豬手 - 炸得剛剛好,不會太乾身， 沒有豬騷味 煙三文魚凱撒沙律 - 用煙三文魚整出三朵花 ， 賣相好靚，味道都不錯, 沙律菜都好新鮮 蛇型豬肉腸 - 唔點任何酱汁都已經好夠味 帶子魷魚墨汁意大利飯 - 味道都不錯, 如果帶子或魷魚再多会更好 不過白麥啤酒 - 清清地幾好飲環境不錯 ，服務幾好， 價錢合理，一定會再去

有驚喜的一餐，由頭盆、麵包、小食開始，他們主張的是一道道菜的上，傾計一流，食得好舒服～很多餐廳只着重廚房的品質，但這間餐廳不只廚房手勢好，還做到食物及服務兩方面都一流，真的很難得

今日嚟元朗周圍搵野食， 無意中搵到呢間小店， 我哋十二點鐘嚟嘅時候都冇乜人， 十二點半左右就已經要等位， 店內裝修幾雅致， 有設有室外座位， 方便吸煙人士同埋帶寵物嘅人， 大家可以同自己嘅愛犬一齊享用美食。午餐平均價錢都唔貴仲要唔收加一， 真係幾抵食。我哋揀咗兩個餐， 當然一開波就嚟餐廳同麵包， 啲包已經令人好驚喜， 又熱又脆， 紅湯都非常濃郁。我哋叫咗個辣肉腸pizza， 好香芝士味， 仲好大個，一個人一定食唔曬。最令人驚喜嘅係個鰻魚意大利飯， 鰻魚汁好香， 鰻魚又一啲都唔腥， 原來鰻魚通意大利粉出奇咁夾， 真係要再嚟食多一次!

假日的晚上黎到，唔算多人，可以揀室外或者室內坐，天氣咁熱，都係入去涼下冷氣好。人少少，靜靜地，都幾有情調。點餐後先送上麵包，麵包夠熱夠軟熟，可配黑醋食。餐牌有set dinner或者散叫，我地叫左一個set，前菜有煎蠔，呢個煎蠔好好食😍。蠔好大隻，表面煎到脆脆地，但入面仲係似生蠔嘅口感，配埋襯底的洋蔥煙肉，真係好正👍🏼主菜有牛扒，五成熟剛剛好，另外有提供海鹽同芥茉醬等，但塊扒本身已經好濃味了，點埋其他調味就太鹹了。另外散叫了黑松露意大利飯配煎鵝肝，意大利飯落咗好多菇等等嘅配料，所以口感好豐富，煎鵝肝亦煎到外脆內軟，好食👍🏼最後有跟餐的小朱古力蛋糕作甜品餐廳食物大多都偏濃味，所以無點啤酒嘅話最好都係飲多杯水，免得太口乾吧😂