影片
開飯介紹
彩褔皇宴位於始創中心1樓，這裏的裝修用上白色的地皮配上紅色的牆身效果，令人眼前一亮，而食肆本身有售賣海鮮，其他類型的食品也有宣傳，例如脆皮燒雞。
繼續閱讀
營業時間
星期一至日
07:00 - 00:00
以上資料只供參考, 請與餐廳確認詳情
招牌菜
又一Open rice search 嘅選擇, 好多朋友都會問, 其實Open rice d 食評係咪"跣稿"? 撇開自己寫食評, 查實好多食家都係用心製作既. $398靚湯自選4人套餐老火湯 - 唔知係咩名, 只知個湯有魚, 粟米, 豬肉, 朋友話有d 好似係牛蒡, 不過個湯都真係老火湯, 而且我飲到有d 蔘味.青蒸清斑仔 - 細條新鮮嘅斑, 都滑既.彩福金牌燒雞(半隻) - 皮脆肉嫩, 味道唔差.海味什菜煲 - 個菜煲好淡, 無咩味.豆豉南瓜牛仔骨 - 南瓜連皮一齊煮, 豆豉味好香, 朋友食嗰件牛仔骨話韌, 不過我食咗兩件都無喎! 另加香檳焗龍蝦 - 嘩! 一上碟就已經好吸引, $36/隻好抵呀! 但每2個人先可以叫一隻. 味道好鮮甜, 無香檳味, 好creamy, 好好味呀! 順德生煎骨 - 好香嘅薑蔥味, 不過味道麻麻.蛋黃白蓮蓉壽飽 - 蛋黃流油, 白蓮蓉唔太甜, 幾好! 紅豆沙 - 起晒沙, 不過甜咗d.
繼續閱讀
上星期四同D同事去左始創彩福飲茶4個女仔叫左8籠點心, 估唔到依間酒樓除左婚宴有口碑之外, d點心okay喎!!酥皮叉燒包錦卥雲吞三星燒賣流沙包芝士xx酥煎薄餐芋角蝦餃雷沙湯圓首先要讚下就是那籠酥皮叉燒包, 真係超有水準!!外皮脆, 入面d餡甜度適中, 汁多味美最緊要係新鮮熱辣! 所以好快俾我地KO左, 哈哈跟住要讚o既係錦卥雲吞, 皮脆少油, 個汁超得! 酸酸甜甜好開胃另外仲叫左個三星燒賣, 燒賣上面放著的是蟹柳﹑鮑片﹑冬菇幾創新, 不過味道普通啦, 我都係鍾意食傳統o既燒賣多d蝦餃d蝦好大隻, 咬落有汁流沙包都要一讚, 味道一流, 不過記住新鮮熱辣食, 咁樣d「沙」會流得勁d雷沙湯圓都係做得出色的, 甜度適中, 煙un有咬口, 唔會成舊粉團, 正!芋角都炸得幾香脆, 薄餐同芝士xx酥就一般, 不過都係少油, 幾好埋單每人都係$50左右, 都幾抵食!有機會會再o黎呀
繼續閱讀
到左始創之後1/F 再搭LIFT到4樓不停係甘SELL 係甘sel哂,冬瓜盅,唔知咩魚......叫左5碟餸..片皮鴨即場片比你睇 啫啫雞煲咸過咸魚壽包好大個... 3個有1個個王無漏油前菜10蚊1碟 茶錢10蚊位
繼續閱讀
與家人親友們沒見面一段時間，這天特地與他們在這裡飲茶暢敘一番。其實這酒樓去年也曾來過，印象不錯，傳統點心正正常常，有些特式點心更是令人吃得頗為滿意。這天由於是星期日，這裡的生意特別的好，座無虛席，這次舊地重遊，幸好前一晚預訂了檯，我們一行十多人才能即時有位可坐。坐了個多兩個小時，叫了的點心、飯麵等著實不少，這裡的點心雖未算特別的好，值得重點推介，但也有一定的水準，不會有哪款點心教人覺得難吃。飯麵方面，這次試的「肉絲炒麵」和「福建炒飯」味道都算及格，雖然始終還是人客太多，酒樓內的聲音嘈雜得很，不過，到酒樓喝茶，不是早已預料到會人聲喧嘩的嗎？當然，高檔的食府或酒店的中菜廳會是例外的吧！
繼續閱讀
彩福真係進步了不少 依家坐得舒服左野食又多左 早茶同牛茶既MENU已經唔同啦~今日去飲午茶食飯，order左一個set 加點心。個set 係燒味拼盤 + 炒飯。燒味拼盤俾人fake左有叉燒、油雞同煙鴨胸!! 煙鴨胸都算燒味?! 炒飯係蛋白茶譜粒炒飯，炒飯炒得很好，夠鍋氣但唔油口杏汁雪山包姐係墨西哥包杏汁餡，墨西哥皮脆身唔油，麵包就唔夠鬆軟啦。杏汁餡唔係好甜，但係好香杏仁味，試下無妨。生煎菜肉包細細個，比一般食到既細好多。肉汁豐富，底面都煎過幾脆口下。而且油味唔重，包都算鬆軟，不過細細個都啱架啦。鮑魚燒賣我就覺得又真係比一般燒賣好食既。除左面頭一小片鮑魚，下面就有一隻蝦，所以做到好脆! 豬肉唔係好鹹，燒賣皮夠簿，冇左啖啖肉既感覺。但係一籠四粒既鮑魚燒賣就已經係特點，成28蚊，咁又唔係好值啦...
繼續閱讀