彩福喜宴 (已結業)

好耐無去食彩福了, 有段時間唔知點解好難搵位, 今晚見無咩人, 叫埋老豆去食啦.我地3個人叫左4個菜...hehe, 其實係食唔哂囉....冬瓜盅真係好好食, 冬瓜盅多到一人3碗都食唔哂, 清清地有 d 花味, 好食呀!!!!脆皮燒腩仔就好新鮮, 老豆至愛, 食極唔夠, 不過唔比佢食太多囉.彩福既姐姐不嬲都好好人, 係 d 知客有小小性格囉, 除左呢 2 樣都 ok.

今日攪歡送會，簡左近公司既呢一間野打邊爐，2台人，叫左5算多野食，不過好飽簡左皮蛋湯底同豬肚楜椒叫左肥牛～偏厚切！幾香下！珊瑚x幾脆口，叫多左2碟！蠔好大隻！味都夠一包包既烏冬麻麻地，人地日本烏冬，但食落似普通$3包個d牛栢葉一開始以為大大碟，點知滾2野勁細舊lol，好似手指尾，縮得太嚴重！魚蛋腸仔正路野有個5知咩墨皮膠，有d蟹子，一碗仔自己不去個邊爐度～味道5好食不過都彈牙既隔離台有咩麻辣湯底，我5食得辣！感覺好辣間野無咩人打邊爐，計埋我地得個4～5台人，少到爆！野食一樣好少

由於是平日..一家人十點幾到場..不用等位就能進場了..一口氣便點了很多點心...小籠包不夠湯汁,而且太厚 感覺很硬...金錢肚好好味!! 好入味...食完再叫多一籠!推介既係叉燒飯 ...燒得好好,肥瘦適中!燒鵝都ok...個皮燒得好令...但唔夠肥..冇咬落去個種肉既甘香..腸粉就普普通通...個鮑汁雞腳不夠濃味....服務員好有禮貌,態度好好...加水都很快....坐左2小時...一家人團聚... 十分舒適...

昨天，我去了彩福酒家飲tea。帶位姐姐帶我去靚位坐，我叫了鮑魚，咕嚕肉和菜鍋，三碟菜快速地送到，鮑魚不腥，挺好味。咕嚕肉好鬆脆，又多汁。波羅好味，多汁!菜鍋有豆腐，菜心和各式靚肉，熱熱的，是最好吃的一碟菜。

今日突提議到寶湖飲茶，稱朋友推介有問酒樓好正，又唔知咩名喎，行黎行去最似咪彩福囉，是但啦。我都多年無黎喇，比次多次機會佢啦。 椒鹽鯇魚腩 salt and pepper deep fried Crispy Grass Fish，有新野喎 ﹗依個菜未試過，幾得意又特別喎，梗係要試啦 ﹗賣相不太討好，亦不覺是什麼椒鹽，睇落只不過係用脆漿炸吧。試吓先，原來係脆鯇黎架喎，口感爽脆，有魚味有肉汁，外層脆卜卜再配上喼汁，味道幾好喎。朋友不太愛脆鯇魚腩，只試左一舊，其他全部比我消滅晒，即係好食囉，好味道。 帶子燒賣皇 Steamed Pork dumplings with Scallop，見食得蟹籽燒賣多，想轉一轉口味，試完後，都係覺得食返蟹籽燒賣好啲。薄薄一小片帶子，軟棉帶鮮味。豬肉味香濃、肉汁都豐富，但跟蟹籽燒賣比較就稍為淡口及質地鬆散。總括而言，帶子燒賣皇免強滿意，一試無妨。 北菇棉花雞 Steamed chicken with fish maw and black mushroom，一見到長方形既魚肚就有陰影喇 ﹗恐怕味道跟上次稻香一樣，有油益味，味道同口感似豬皮味，好驚呀 ﹗但叫左都要試架

係屋企附近都無乜酒樓，呢間彩福既點心一般得嚟又貴，唯一好處係唔駛搭枱，今次係第一次來晚膳~由於只有三人，只點了三款餸~1) 鮑片扣鵝掌 ($8X)成個餸都好鹹，好味精，重調味，我只係食左少少冬菇，其他家人掃哂，佢哋都話鹹死了，乜D SALT 唔駛錢既咩?2) 上湯焗龍蝦伊麵底 ($138)隻龍蝦都幾多肉，都算新鮮，肉質彈牙，仲有伊麵底，好飽肚~3) 豉油雞半隻($6X)隻雞算係最好味，好入味，又唔係嗰D淋 PAT PAT既雞肉，不過缺點都係過鹹~這間酒樓的侍應不斷叫客人叫貴價餸，如海鮮，燉湯之類，真係好煩，我要食就會叫架啦，你愈叫我就愈唔叫，哈哈!!!P.S. 飯後飲好多水都唔掂，超重味精。

是日又無端端即興搵齊人腳打邊爐，彩福是我們的鐵竇，因為一至五必定有位，而今晚亦都可算是「多人」，打邊爐區域有一半入座率。物價高漲，記得兩三年前開始在這飯堂打邊爐，一個象拔蚌刺身都只是300元，現在已經over500了，實在驚人。而一碟海中蝦得七只亦售90元，只能歎物價真的與薪金不能同步湯底叫了栗米豬骨，湯底的粟米是細細件的，而且不太甜。反而自己另外order的栗米就大大段且甜。手切肥牛很軟滑，淥一淥已經好好食。炸響鈴完全難食，白雪雪，一點都冇物點炸過，冇一般的響鈴的味道反而打邊爐前叫了個小食青瓜海蜇做得不錯，青瓜夠爽脆夠酸甜，海蜇亦都夠脆口，一流！

今日同家人到大埔彩福飲茶，其中點了一籠野菌XX餃，當點心上桌時熱氣騰騰，即時已經嗅到有些蝦＂叔＂味，嘗試咬上一小囗，即刻確定蝦不夠新鮮，並請求侍應小姐更換。殊不知三分鐘後，一名魯性經理帶住籠餃上前質疑我，「點解會覺得＂叔＂？我地公司有品質保證，點心即蒸！如果你唔鍾意，我咪換比你囉！」 態度之差勁，簡直枉為經理！我對酒樓食物偶一變差完全體諒，但這名所謂經理的態度就完全不能接受！彩福集團，食物質素固之然重要，但員工質素亦不能忽視!!!這名魯先生可以官至經理，難怪梁先生都做到香港之首長啦!!!**註** 我最後請惺惺作態的魯經理離開，並為這有＂叔＂味的點心付上$17，作為今次教訓的費用!!!

初六下晝黎飲茶, 好多人丫 前一晚訂左位都仲有等半個中先可以入座基本上都係食大路既點心, 有印象好食既係蝦餃, 帶子燒賣, 鮑汁雞腳 & 燒腩仔反而係menu上面見到有得叫金牌得獎炆豬肉, 賣$98, 就叫左黎試下一打開個蓋就聞到好香丫, 好香既老抽&醬油味, 加上雪菜蒜頭一齊炆, d五花腩已經入哂味, 而且肥膏既部分入口即溶, 用黎送飯真係一流呢味豬肉真係做到比坊間既好食好多, 攞獎係實至名歸既

原來我在北角我光顧過呢間店從環境看.呢間店主要客人是婚宴的新人,但飲茶也絕對不是三幾十元有交易的...椰皇燉奶:50元...點解貴因為是加了松露.其實味道唔錯.奶夠滑.也有松露香味.如果甜品店食會有不同的匙羹.酒樓不是主力做甜品.也值得原諒.燒鵝米粉35元.真係激死人.一碟5件左右有4件肥油.點食...反而米粉細細碗.夠熱.已經合格......埋單2人...150元..茶錢也要8,5元...但食物只是一般...有機會先再來...

好耐無出去飲茶茶, 今日同埋老豆, 細佬去飲啦!! 3個人叫左唔係多嘢, 除左個蝦腸好似細碟左........其他嘢都好味同埋好食!! 好似好過之前咁囉!!!! 不過..飯好大碟, 要拎去第二日做 lunch 呀!!!

一行四人於下午六時45分到酒樓,在111号枱坐,另一人會30分鐘到,因遲些會冇東瓜盅,所以先點菜,但到另一朋友到後請上菜,再等15分鐘,女經理來話東瓜盅冇,叫我們點例湯,他話我們的單給落單時放到最後,所以冇留東瓜盅給我們.最後我們氣頂一定要後,經理給回東瓜盅,但所點餸菜遲出,很咸,這歺飯共有乳豬,龍蝦伊麵,東瓜盅,炸子雞,美極蝦.其中龍蝦伊麵不新鮮,可能平價関係掛!$68.及美極蝦很重味很咸,奉勸大家不要食平價嘢,有嘢送,一分戲錢一分貨,共用歺價共$400元.過我會主動到這间大埔彩福食飯.

一早起身，好耐都無去過飲茶，之前去過呢間，但因為無寫食評好耐，但我真係忍唔住要介紹下呢間，佢地D點心一流，我地點咗好多野食，可惜無帶相機黎，今次我去推介係佢地既馬拉千層糕，好正，而其他就有蝦餃,腸粉、粉果等都好出色。而且呢度D侍應好快手，值得一讚，其實唔單止呢間，我去過諾富特果間彩福，D野都好好食。所以如果有得揀，我都會去返彩福集團，雖然係貴少少，但都值得

平日的日子，一家人來補食母親節飯，幾百元，食完餐飯都唔飽。只有火。ｄ　餸煮得好無誠意，煮熟就算，難食。有碟類似生炒骨的肉，那些骨炸到乾哂，個汁又咸又硬。很普通的一個金銀蛋波菜，勁重出前一丁的麻油味，其他野已難食，想條菜都食唔落。我老爸求其講句，『快的落喇，一陣ｄ餸要等』，個侍應走埋嚟話，『好快，即刻得嫁喇。』我老爸打完場咁話，『上次食都要等』，佢再博我老爸，『咁都要睇下咩日子嫁』公平的講，那裡裝修完係靚左既。

是日晚上慶祝生日，訂了一圍連團年$2388全包由於人數(15人)頗多，大家坐得比較迫少少。★五福臨門乳豬拼盆★叉燒幾軟，唔嚡口，乳豬亦很好！★碧綠炒鴛鴦蚌★鴛鴦蚌脆口，西蘭花軟硬度適中！★高湯焗生猛龍蝦★寫明兩斤十兩，配上伊麵底，多大份，好味！★生財大利好市★蠔豉豬利加生菜，一般，冇驚喜！★紅燒花膠海皇生翅★好水，料唔足！★金錢翡翠海鮑片★冬菇超大件，鮑片亦都OK！★生蒸生猛大老虎斑★大老虎斑？距離大差很遠，但蒸得頗滑，時間拿捏得食準！★當紅脆皮炸子雞★很嫩滑，席中算是出色的菜。★生炒糯米飯★很濕的糯米飯，少料！★幸福壽桃包★一般！服務方面，可能席多，上菜超慢，亦都上左比第二檯先(係個阿姐自己講上錯左比第二檯)，員工大都懶懶散散咁！