座銀

營業中

休息中

座銀@跑馬地景光街一間好耐之前已經想試嘅拉麵店，喺香港佢有中環同埋跑馬地兩間分店。今日去到中環，因為係午膳時間非常多人排隊，所以臨時決定轉場去跑馬地。舖頭環境其實都幾舒適，裝修上都有少少日本拉麵店風，同時黑色格調又帶有種高級感，有正常餐枱同吧枱可揀，都坐得幾舒適。啱啱坐低侍應就已經主動詢問要熱茶定凍茶，可能因為小人，落單同埋各樣嘢手腳都好快。呢間嘢最出名嘅就係雞白湯湯底，我今日就點咗佢嘅海鮮 •雞拉麵。咁其實呢個都係雞白湯底，只係加左蝦乾魚乾去熬製個湯底，我覺得味道更加鮮，而且Creamy得來黎唔會太漏，亦唔會飲到好口渴。個湯有少少偏鹹，但冬天食就夠晒暖笠笠。伴麵嘅餸就只係得一片日式叉燒同雞肉，整體都係唔錯，食落夠嫩滑唔會話太乾柴。拉麵嘅面底係偏粗身嘅，而且師傅煮到啱啱好，食落去煙韌彈牙，亦都好掛湯。最後梗係唔少得本店嘅特色炸牛蒡條，絕對係打卡一流，夠薄夠香脆。配料嚟講都好有質素，既特別又好食。

跑馬地這間日式拉麵店，真係非常之值得推薦。之前試過中環嗰間，覺得都唔錯。人氣拉麵，海鮮湯味濃，但香港人可能會覺得比較鹹。今次試咗雞白湯味，意外驚喜地覺得味道啱啱好，唔太鹹亦都唔會冇味，啱啱好呀😘👍🏻👍🏻👍🏻拉麵亦都非常好食，可以同師傅講要硬啲定係腍啲，再溝埋個好好味嘅雞白湯湯底， Yummy Yummy😋😋😋😋😋😋😋😋😋😋最欣賞佢個炸牛蒡，炸得非常出色👍🏻唔容易喺其他舖頭食到啊！

回訪多次的白雞湯拉麵。第一次吃的時候是在日本大阪。當時只是想找一家在飯店附近又開到好晚的店，想不到吃完第一次後， 念念不忘。之後座銀在香港開店，偶爾我也會去吃，我覺得香港跟大阪的味道沒有大的分別。 ❈ 白雞湯拉麵 HK$148每一次都會叫白雞湯拉麵！濃濃白滑的雞湯底，微微蛋香軟硬度適中的拉麵，低溫真空慢煮的雞胸肉和豚肉，再加上鮮炸牛蒡。這個組合簡直無敵，超好食。每次都會喝完湯底。 個人覺得湯拉麵比沾麵更出色，可能沾麵的湯底比較快涼。 服務方面，佢地都好體貼，見到你食完會幫你換熱茶。另外，有次前面有位孕婦客人點了湯拉麵，侍應主動問客人雞肉需不需要再煮熟一點，好體貼。 本人極力推薦白雞湯拉麵。❈ 座銀炸雞 HK$58炸雞即叫即炸，皮脆肉嫩🍗，非常惹味！必點！

由銅鑼灣坐叮叮去到跑馬地總站落車，行大概3分鐘左右到達.店內唔算窄，都有頗多位置，星期一晚到訪，唔需要排隊，可以直入坐低.雞白湯拉麵 $148座銀雞白湯一向出色，湯底香濃滑口得來唔膩。肉同樣出色，味道偏淡，但食到肉味，而且口感嫩滑。面底煙靭彈牙，成碗麵100分👍🏻.雖然真係好好食，但仲要加一，雞白湯拉麵要$162.8，其實性價比比較低，因為香港有好多都好出色做雞白湯拉麵嘅拉麵店，呢個價錢可能已經食到人哋兩碗～ 但間唔中食吓嘅話，都推介座銀，始終佢都係香港雞白湯拉麵一哥😎

專程去跑馬地食Pizza，點知無開🥲見附近有間人氣高企嘅拉麵店，就去試下🏃🏻‍♀️🏃🏻-下午茶時間唔洗等位🤭仲有梳化坐！一黎到店員就好好服務，問我地要熱茶定凍茶👀熱茶係岩岩可以入口嘅溫度，好貼心！-我地order左雞沾麵（$168）隨餐附送左包好靚嘅濕紙巾🤣抹完手即刻試啖湯先！一入口好順滑好creamy！雞味好濃郁，唔太咸，仲夾雜左D忌廉味，會忍唔著一啖接一啖咁飲！個湯入面有幾塊雞肉同荀。平時我唔鐘意食荀，覺得有怪味，但呢間嘅荀我竟然接受到！-沾麵上面有洋蔥絲、蔥同薄身大塊嘅日式叉燒。沾麵比拉麵粗身同彈牙，個人比較喜歡沾麵嘅麵質，而沾麵嘅份量都唔少🤭一旁仲有碟炸牛蒡，細嚐會慢慢食到牛蒡味👀唯一美中不足係食到後期，個湯凍左🥲-另外仲order左個海鮮雞拉麵（$148）呢碗打卡一流！有炸牛蒡山，仲有掛係碗邊嘅雞肉同油脂分佈平均嘅日式叉燒！湯底嘅海鮮蝦味好出，有少少搶左雞味，但都好濃郁好好飲。個人覺得最出色係掛係碗邊嘅雞片，超彈牙！拉麵比沾麵幼身，都好掛湯，而個湯食到最後仲keep著好熱🥵-可能因為拉麵太熱同射燈太多，食食下會覺得冷氣唔夠。但整體而言，環境舒服，食物出色，係會推介俾其他人嘅高質

💰389.4雞沾麵 $148座銀應該係我食過最最最好食既雞白湯沾麵🥹佢係熱湯凍麵，所以麵既口感會比較。沾麵汁係好濃郁，好香既雞味，但唔會過份咸🥰食拉麵或者沾麵最怕係食完個口好乾好頸渴，食咗咁多次座銀都冇呢個問題🙋🏻‍♀️雖然呢間好出名好多人都試過，但係以免有未食過嘅朋友仔，我都係決定要推介比大家！座銀炸雞 $58份量偏少，味道比較一般，唔太推介💦❤️真心推介鍾意食雞白湯拉麵或者沾麵嘅大家去試吓！！

之前有推介呢間拉麵, 今日問左舖頭話未截單, 立刻由銅鑼灣去跑馬地試試. 到店時8點半,  唔使等位, 但店內都有不少客人, 坐坐下仲有人陸續入黎. 餐牌擇主打三款麵，雞白湯拉麵, 海鮮雞拉麵同沾麵, 我同朋友都點左拉麵🍜雞白湯拉麵$148雞白湯湯汁熱辣辣, 奶白色鮮甜, 味道好濃好滑, 濃縮但一啲都不油膩, 加埋打出黎泡泡口感,  唔會"傑他他" 立住個口,同埋唔會過咸.配菜既炸物脆牛蒡, 甜甜地新鮮炸出黎好脆口,  多層口感, 加埋塊肉嫩滑柔軟,  成碗麵充滿誠意.從湯頭到配菜都做到一絲不苟, 白雞湯濃而不膩, 食完碗麵唔會口渴, 淨系個湯都非常讚,  絕對要再來試埋個沾麵

本身去跑馬地都冇諗住食呢間，朋友突然極力推薦，即刻轉咗試下SOBA。如果想味道淡少少嘅可以叫雞白湯拉麵，我就叫咗雞沾麵一試！果然朋友冇推薦錯，香港最好食嘅拉麵其中之一！最鍾意係佢個牛蒡，同埋湯底！未試過嘅朋友仔，快啲去試吓啦！認真無悔😛😝

午市晚市peak hours永遠大排長龍店內有吧枱或枱座 餐牌的選擇也不多只有三款拉麵，signature 是雞白湯拉麵和沾麵。 我的至愛就是湯底奶白色的雞白湯拉麵 湯汁非常濃郁 而且呈奶白色 口感非常豐厚 好creamy 我個人非常喜歡湯汁的配搭 分別包括香蔥 紫蔥花和脆牛蒡 令口感有更多layers 這樣一囗拉麵配上雞白湯的湯汁 真的好滿足 是營養豐富的雞湯滋味滿溢出來的味道！我特別推介大家記得點座銀炸雞🍗 一共三件但雞肉嫰滑彈牙 超級juicy! 令人一試難忘大家快點下班衝啊！太好吃了

冇介紹錯喎，濃到圍繞口腔久久不散嘅雞白湯香，加埋世一雞叉燒，怒食🔥・・・・・・・・・・・・・・・・・・・・🍜 雞白湯拉麵 HK$148 👍・味道：雞湯底極濃雞香味，每一啖都係雞精華，濃而不膩🫡一舊慢煮雞同一舊雞叉燒，慢煮雞正常出色發揮。舊pink pink雞叉好重雞味好嫩滑但冇羶味，impressive🤩炸牛蒡好香口0苦味，有紅洋蔥香味添😚・口感：拉麵掛湯，雞肉嫩滑。炸牛蒡未浸湯就脆，浸咗就一咬即開，唔會韌🫶湯底濃到有些微杰身，入口會留喺口腔一陣，癲🤘！🍜 海鮮雞拉麵 HK$148・味道：湯底係極重海蝦味，濃而不苦👍。之前食過啲蝦湯會濃到苦，呢到冇～食拉麵最怕嘅口渴呢到飲晒都冇hehe・口感：同上，yum yum！🍗 座銀炸雞 HK$58・味道：唔重味，主要食返雞件本來嘅香味。・口感：炸皮薄，亦貼住舊肉，冇皮肉分離嘅情況。雞係濕潤但未去到juicy，不過成舊雞咬每一個粒都可以keep住外脆內嫩，外乾內濕呢個境界都幾勁XD・・・・・・・・・・・・・・・・・・・・🤰性價比：高～🤰9衝度：9衝～🤰結論：肚波舉起大拇指，唔鍾意拉麵嘅肚波表示：好食欸👍・・・・・・・・・・・・・・・・・・・・環境

座銀人氣雞白湯拉麵和🐔雞白湯沾麵是香港跑馬地 Zagin Soba😛的招牌美食。無論你是喜歡濃郁湯頭的拉麵還是喜歡沾麵的口味，這裡都能夠滿足你的味蕾👍🏻👍🏻👍🏻。座銀是一家源於日本東京的知名拉麵店，其獨特的口味和悠久的歷史使其成為許多拉麵愛好者心中的經典之一。座銀的故事可以追溯到1967年，當時創辦人池田座銀在東京的麻布十番開設了一家小小的拉麵店。他對於拉麵的熱愛和對食材的追求讓他開始嘗試不同的配方和烹飪技巧，希望創造出獨特的拉麵風味。在經過多年的努力和實驗後，座銀開發出了一款獨特的拉麵湯底，以及配以細緻的麵條和精選的配料。這款湯底以豚骨為基礎，並添加了多種秘密配方的調味料，使其具有深厚的豚骨風味和濃郁的湯汁。座銀的拉麵湯底鮮美濃郁，經典又富有創意。隨著座銀口碑的不斷傳播，其店鋪逐漸擴展，並在東京各地開設分店。座銀的成功得益於其對品質的堅持和不斷創新的精神。他們不僅注重湯底的烹製，還對每一道配料進行精心挑選和處理，以確保每一碗拉麵的口感和風味都達到最佳狀態。🐔人氣雞白湯拉麵：拉麵的湯頭清澈透明，散發著濃郁的雞白湯香氣。每一口湯汁都帶來舒服的滋味，讓人感到溫暖。麵條彈牙有嚼勁，口感極佳，

上次食上環店，今次食跑馬地店，兩次都係因著唔同朋友慕名而來。向來都好鍾意食和食既我，食完兩次結論係覺得碗拉麵名過其實。朋友叫雞白湯拉麵，我上次都有叫，唔知係咪上環店太多人等位，d肉解凍唔切，上環店食雞肉中間係冰既，朋友今次跑馬地店正常，佢覺得整體味道都唔錯。我今次叫海鮮雞拉麵，d肉終於正常溫度，不過湯底好好好鹹，好彩可以狂添茶。跑馬地店環境係幾舒服，可能冇乜人。服務方面跑馬地店明顯優勝，叫安排座位、落單、上菜、加茶、埋單都隨傳隨到，女士洗手間更體貼女士需要配備周全。可惜餐廳重點係食物，食物未算出眾，cwb拉麵街隨意一間都有得fight。上次滿懷期待又加蛋又加雞塊，都係正常味道，不過不失。

雞 沾麵 $168雞白湯非常濃郁，入口好順滑，而且飲完唔會頸渴！沾麵配上嫩滑叉燒同炸牛蒡，沾麵麵質粗身有嚼勁，而且好掛湯😋海鮮•雞拉麵 $148海鮮雞湯好驚喜，湯底係加蝦乾魚乾落雞白湯到熬製，有海鮮嘅鮮味之餘，又唔會死鹹❤️ 拉麵軟硬度適中，有口感；雞叉燒嫩滑唔會乾柴，炸牛蒡份量比沾麵多，味道正常。座銀炸雞 $58炸雞肉質嫩滑，但炸粉偏硬，唔夠酥脆，可以唔食🥲〰️〰️〰️〰️〰之前睇網上介紹嘅3間雞白湯拉麵店，終於食到嚟最後呢間啦~ 餐廳食物質素高，招牌雞白湯果然冇令人失望，海鮮雞湯更令人印象深刻，湯底有蝦味貝味，但唔會有海鮮唔新鮮嘅腥臭味，好有驚喜❤️ 不過食物價錢偏高，食一碗拉麵平均都要$150以上，性價比唔高。中環店係長期人龍店，所以今次揀咗嚟跑馬地店，我哋星期六13:50到餐廳，唔需要等位，慳返唔少時間👍🏻綜合食物質素、價錢、等候時間、環境等，3間主打雞白湯嘅拉麵店，如果要回訪，我會揀鳥華亭，好味之餘，又唔洗排隊，正！😗😙〰️〰️〰️〰️〰️食物: 4.5/5性價比: 3/5 環境: 4/5服務: 4/5Revisit: Yes

座銀是我很喜歡的麵店由開業開始一直幫襯到現在初時因為想要熱湯的關係總是點選拉麵最近卻愛上沾麵感覺麵的口感比一直浸在湯底的更勝一籌炸雞也是出色的避開熱鬧的中午時段假日訓到自然醒再來座銀用餐成了一種享受

As a frequent returning customer of Zagin, I have to say that their ramen and tsukemen continue to impress me every time. The quality and consistency of their dishes is unparalleled, and it's no surprise that the restaurant originated from Japan.The creamy and flavorful soup of the ramen is perfectly balanced, complementing the delicious and consistently tasty noodles. The price is also reasonable for the high-quality ingredients and exceptional taste.In my opinion, Zagin is the go-to spot for a