常嚐食•深燒堂

營業中

休息中

而家收得夜既地方真係冇乜🫠🫠🫠要搵地方食宵夜或者食夜少少都有d難度～好彩呢間花甲粉收半夜2點🤤🤤我係超鍾意食粉絲，花甲粉啱晒👍🏻～呢度d花甲粉大大碗～D花甲勁多仲可以加好多配料🤤🤤🤤湯底濃郁唔會好似滾水烚咁👍🏻嫌剩係花甲粉悶，另外仲可以叫串燒～都好多野揀😆😆之前試過都燒得幾惹味，調味料set得唔錯都唔會燒到好乾～有時好彩仲會撞到貓店長響度😆試過有次全程坐響我隔離陪食tim🤣🤣🤣

昨天提早收工，約左朋友晚餐，在旺角行行下見到呢間常嚐食.深宵堂，然後見有花甲粉和串燒就入去一試，我地叫左花甲粉，花甲粉既面底可以選粉絲，烏冬等，我地選左粉絲，辣度亦有好多選擇，至於串燒我地有燒雞皮，燒茄子，燒羊肉，雞腎，其中燒雞皮我最中意，好脆好香口，茄子🍆調味也很足夠，最後花甲粉好味，配備材料充足，有菜，萵筍，豆卜等、辣度我地選bb辣，個人認為岩岩好。好岩d好中意食辣，但又唔係食得到好辣既朋友仔

常嚐食·深燒堂。旺角人生第一次宵夜體驗食港式串燒，感覺同想像有點出入😅。出入地方可能是個人口味關係，覺得調味比想像中重口味，有時遮蓋到食材本身的味道，口味亦較為單一。 花甲粉方面，湯汁唔多覺有花甲味，湯汁偏向辣味口感。花甲肉新鮮彈牙。 燒海鮮方面，蒜蓉味不足，主要是辣粉椒鹽支撑，蟶子略生，鮑魚味道ok肉質爽口。 燒物方面，燒菠蘿是今餐的vip，酸酸甜甜幾刺激食慾，燒了後鎖住水份更突出甜味。五花肉肉質較硬身。 串燒較為重調味粉味，腸及雞翼皮脆口，雞翼肉質較乾身，台灣腸與調味粉味道幾夾。全部串燒大致味道同一樣。 如果食物以送啤酒及飽肚來說，算係可以的一餐，不送酒的話不太建議⋯我不喝酒的🥲。 《麵食》深燒花甲粉 《燒海鮮》蒜蓉燒鮑魚蒜蓉燒蟶子 《燒物》韓燒五花肉酸酸甜甜燒菠蘿 《串燒》台灣脆皮腸燒安格斯一口牛快燒台灣腸脆皮雞中翼爽口燒雞腎一串唔夠喉雞軟骨

喺旺角返工返學嘅人食宵夜，極力推介呢一間，唔知大家經過有冇見到，我就每次收工經過見到最令人吸睛嘅係花甲粉，經過咗幾次之後就決定入去食，人流都幾多，而且有陣時都需要排隊，佢哋嘅花甲粉係花甲多過粉🥹而且花甲都幾大隻，推介大家湯底嘅時候叫小辣會好食啲，因為清湯就比較淡味，另外都叫咗幾款串燒，味道都唔錯，值得一叫，可以試吓佢哋嘅串燒牛，因為味道比較重會濃味啲👍🏻而且呢間營業時間係開到兩點，真係非常之適合去食宵夜😍

打完風第一時間出去揾宵夜食，落旺角兜咗個圈，喺家樂附近比一間串燒·花甲粉「常嚐食•深燒堂」吸引咗，本身兩個人諗住食少少嘢，結果每人嗌咗一碗花甲粉再加幾款串燒😆深燒花甲粉中辣·粉絲·海帶結BB辣·米線·鵪鶉蛋一碗入面大概有7,8隻花甲，花甲新鮮乾淨冇沙，湯底加入大量蒜蓉、芫荽同葱，特別惹味，豆卜吸滿湯汁更加好食，花甲粉真係好受歡迎，賣埋我呢兩碗已經賣晒，要食花甲粉一定要早啲黎😆燒薄切牛脷比較靭有啲難咬，可能燒得有少少過咗火燒韭菜平時我唔鍾意食韭菜，但串燒嘅韭菜就唔同啦，冇咗嗰陣青草味，加入辣椒粉同孜然粉再灑上芝麻，香口又惹味生燒大啡菇厚肉juicy，燒得啱啱好，入口充滿菇香味，正👍🏻📍常嚐食•深燒堂 (旺角)旺角花園街1號鴻禧大廈地下2號舖人均消費：$150-200食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️

Whole dining experience is average. Food are alright, they were served pretty quickly. Moreover, there were high flexibility as you can choose different seasoning for individual food. They were nicely done and we did not feel thirsty at all afterwards. It was our second time to have dinner in the same month. However we may not come again as the catering service we received from a female staff was relatively poor and disappointing. It affected the dinning experience.

呢區其實有好多串燒店，平時去開既無位又見呢間咁多正評就試試佢雖然落單係可以揀口味，但唔expect出到黎由菜到菠蘿食落都只係同一種味。調味過重，超越左”重口味” 食一半食唔到落去..成晚飲左好多好多水。未上既燒茄子叫店員唔好落孜然佢有照做🙏🏻花甲粉既花甲正常質素 但花甲份量偏少無水比，叫啤酒亦都無主動比杯。明白串燒店係即叫即燒但滿座平均野食要等30分鐘以上。。如果好肚餓黎既話要諗諗佢價錢上係優勢，但比多少少同區有更好既質素

今日同女朋友係旺角搵緊野食既時候無意中比佢門口既餸牌「花甲粉」同香味吸引住 唔認真d睇真係唔知呢到有間新開既串燒店🤣 最後決定兜多個圈就入去試下佢。我地比佢門口既花甲粉吸引住 首先一人一碗先一黎到哇 個份量大到 驚食唔落d串燒我簡既係小辣 辣到都好夠 仲有花甲份量都好多 好大隻 值得一讚係無沙！推薦之後我點左我最愛既雞肉軟骨棒！呢間既雞肉棒口感比較豐富 配上月見汁！ 可以翻食再翻食！最後點多條串燒必食既茄子 茄子蒜味夠 少少篇咸 不過不失 韭菜都係普通水平最後想講店主養左隻白雪雪 肥白白既貓主子 大家黎到都唔好太騷擾到佢呀 好有型呀！

睇食評好似幾吸引，所以諗住試下，點知原來係圖片僅供參考！真實得個4隻花甲、四五塊豆卜、兩條娃娃菜葉，都嗌左小小燒烤，味道都算ok，不過呢個花甲粉就真係真係幾搵笨

同朋友聚餐，其實已經食過幾次，每一次都咁滿意！價錢真係好平，我覺得值得一去，坐都舒服！服務態度又好，上菜都好快！選擇又多，但係牛仔骨真心真係麻麻哋好食，其他嗰啲真係一流！每次見到都有人點個花甲粉，今次終於都可以一試，又真係幾好食喎👍👍👍👍

難得出到旺角又開始想食串燒發現有一間舖名好型嘅深燒堂入到去見到有一隻貓貓瞓咗喺收銀到先知道原來店長係愛貓人士🥹🐱你間舖頭唔單止賣串燒佢亦都有近幾年好流行嘅花甲粉🐚佢哋嘅花甲不單止冇冇沙而且仲好大隻亦都可以自己再加餸佢係比想像中出色另外佢地所有嘅串燒都可以揀自己想食嘅辣度但因為呢間嘅主理人係比較食得辣嘅🔥所以所有嘅難度都會比坊間再辣一度🤣✨建議各位叫咗微辣先🤣佢哋唔單止有燒韭菜更加有燒芫荽🌿鍾意食荽嘅我我當然立即叫咗串🤣肉類嘅串燒都非常紮實亦都唔會有任何肉蘇味🥹當日店員都好清晰咁介紹咗好多唔同嘅嘢俾我哋食亦都好主動問我哋有咩需要比個like佢地🥰📍深燒堂

今次嚟到旺角一間串燒店「常嚐食·深燒堂」，呢度嘅燒一口京蔥豬頸肉、燒原條大茄子同埋日式正火燒飯糰真係好食，值得推介！燒一口京蔥豬頸肉 - 豬頸肉燒到好香脆，佢哋用上特別嘅醬汁，咬落京蔥既時候，仲會噴汁，真係幾好食。燒原條大茄子 - 燒得啱啱好，外脆內軟，茄子好juicy ，配埋啲蒜蓉、辣椒等調味，真係好惹味，正。日式正火燒飯糰 - 飯糰燒得啱啱好，外面脆卜卜，𥚃面嘅飯唔會乾，而且仲好好食，配埋照燒汁同埋啲切碎嘅海苔，真係完美嘅組合，大力推廌！除咗以上三款，重有啲串燒都好味，包括日本阿波尾雞皮、日本免治雞肉軟骨棒、好好食豆腐同埋酸酸甜甜燒菠蘿，都值得一試。呢度嘅師傅燒工一流，燒得啱啱好，保留食物本身適當嘅水份，唔會燒到乾爭爭。除咗串燒食之外，重有深燒花甲粉食，花甲好新鮮好鮮甜，有4款粉類可以選擇：米線、紅薯粉、粉絲同埋稻庭烏冬。五十幾蚊幾抵食。

大家都知旺角花園街最多好嘢食～基本上呢條街好多間餐廳我哋都試過，就係差今次呢間串燒店🤣！佢有日式及中式串燒，唔同風味都食到，同埋每串串燒都可以自選辣度夠晒貼心，店員會仲將燒好咗嘅串燒放喺火爐上面，就算慢慢食住吹下水都唔怕嘢食會凍😉▪️花甲粉 $58▪️花甲中等size好爽口，最緊要冇沙抵讚👍🏻，配菜除咗花甲外仲有金菇、豆卜、娃娃菜同生菜，仲可以加錢要其他餸，我地就加咗$10要埋肥牛🤭麵類可以揀米線、紅薯粉、粉絲或者稻庭烏冬(+$3)，我哋就推介大家揀粉絲，配埋鮮甜花甲湯底好正😍而且份量都多，如果一個人去食一碗都夠晒飽，好抵食！▪️日式焦糖芝士年糕 $30▪️呢個絕對要大推！店員話係心機作，芝士年糕加埋焦糖燒到外脆內軟🤤▪️日式免治雞肉軟骨棒 $38▪️免治雞軟骨棒燒到有少少焦香味，配埋日式醬汁同生蛋黃係絕配😍▪️燒原條大茄子 $48▪️茄子真係超大條，表面有大量蒜蓉🤤，裡面茄子肉又好鮮甜！▪️串燒必食羊肉串 $30▪️▪️慢慢燒雞全翼 $28▪️▪️大大條司華力腸 $30▪️呢３款串燒都係中式風味，加得比較多孜然粉，唔鍾意食孜然粉味嘅話都可以同店員事先講聲。特別推薦勁大隻嘅雞全翼，表皮燒得勁香口🤭

為何深夜總是餓🥹夜晚行完街朋友話想食串燒，搵到呢間串燒店開到凌晨2點，即刻過嚟醫肚餓😆我地叫咗好多嘢，以下淨係介紹我覺得特別好食同唔好食嘅比大家做個參考👇🏻👍🏻深燒花甲粉 ($58) 4/5呢個價錢嚟講花甲同粉絲分量算多，花甲肥美，湯底也好惹味，粉絲吸曬湯底嘅味好正！第一次食所以叫咗bb辣，我同朋友都覺得唔夠辣，下次去可以試小辣😆👍🏻日本免治雞肉軟骨棒 ($38) 4/5口感豐富，配埋蛋黃食好滿足，即刻encore咗！👍🏻焦糖日本芝士年糕 - 2件 ($30) 4.5/5身為煙韌控當然要試下！面頭有一層焦糖，燒到好香脆。芝士年糕好煙韌，配埋甜甜嘅焦糖好滿足又好特別🤤👎🏻燒安格斯一口牛 ($38) 2/5牛肉燒到好韌，好難咬開，唔推薦。👎🏻串燒必食羊肉串 ($30) 2.5/5羊味唔重，份量都比較細。呢度所有串燒都可以簡唔同嘅口味同辣度，唔鍾意食辣嘅朋友都可以簡椒鹽和蜜汁味。整體食物質素都幾好，雖然當日係閒日，但到11點幾都仲座無虛席，係旺角又想食串燒嘅大家可以一試😋Overall rating (5粒⭐️為滿分)味道：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️性價比：⭐️⭐️⭐️⭐️

如果大家有喺旺角蒲開應該都會留意到呢間串燒鋪，入面好乾淨，仲有一個位可以做小包廂，如果大家夜晚想食串燒又想去啲乾淨嘅地方，呢間一定啱曬你！———————————————🌟深燒花甲粉 $58呢個花甲粉本身已另外包金菇、豆卜、娃娃菜同生菜，如果需要加料可以另外加錢。花甲粉整體都幾滿意，個人選擇粉絲底食返最原味嘅花甲粉，佢地呢間用嘅花甲係肥美大粒果種，同出面完全唔一樣。雖然我選擇咗中辣，但係都依然可以試到湯底果種鮮甜味，如果下次再食花甲粉，呢間應該會係我嘅義選。.🌟免治骨棒 $38呢個免治骨棒完全就係平時日或果種串燒配月見汁，免治雞肉本身醃製過有少少甜味，入面仲可以咬到雞軟骨果種爽口感，再連同蛋汁配搭味道一流。.🌟日式焦糖芝士年糕 $30呢個我相信平時應該都唔多人叫，我今次都係心血來潮想試，結果完全係出乎意料地好食。中間果層係偏甜同埋重奶味，外皮燒得超脆，同入面煙韌嘅年糕有好大反差，口感超豐富。.🌟娃娃菜 $18呢個娃娃菜我都特別想highlight一下，因為有時出面食到嘅燒娃娃菜都係偏乾身，但呢度嘅燒得好好鎖曬啲汁係入面，加埋本身特製嘅辣粉食落超惹味。.🌟整體串燒呢度嘅串燒仲會放係一個小爐