山本吉列料理 (已結業)

嗰日 day off，可以好舒適地瞓到自然醒， 瞓醒之後肚餓得好緊要，但係又唔想落街食嘢， 就連著對人字拖行出去搭𨋢到懶得去，所以就叫咗 網上外賣平台 外賣。叫 網上外賣平台 送嚟都用咗好多時間，車手就話好多單所以遲咗，真實係點真係不得而知。滑蛋吉列豬扒飯套餐係跟一個麵豉湯嘅一杯過嘅麵豉湯杯裏面根本就冇水嘅，即係得啲麵豉粉，我就要走去煲個熱水再衝落去，因為我屋企係冇飲熱水嘅習慣，咁我就要去煲水，真係想懶都唔得。個滑蛋豬扒飯個賣相唔係好靚，不過叫得外賣 網上外賣平台 都預咗，滑蛋唔係好夠滑，吉列豬扒唔夠脆身而且唔係好夠熱， 不過以外賣嚟講都算係唔錯，都幾好味。

喺附近洗完衫行入熟食中心睇吓食咩好之前已經有睇過雜誌介紹估唔到石籬都呢啲日本菜食本身諗住嗌醬燒雞肉芝麻沙津醬冷麵點知原來夜晚先有嗌咗個醬燒雞肉日式便當,入面有韓式炒粉絲,薯仔沙津,麵豉湯,仲有嗌咗炸餃子同一杯凍綠茶鋪頭得一個人,所以嘢食要等耐少少大約15分鐘左右原來店主養咗隻貓貓喺度,好得意,佢會自己同自己玩,等餐嘅時間冇咁悶啲雞肉都算多,幾好食個韓式炒粉絲就淡咗少少薯仔沙津幾好食,份量可以多少少味噌湯就同出面入到嗰啲差唔多炸餃子都好食留意呢度唔收$500紙,要唱定先去食啊

葵涌熟食市場可說是一個隱世的地方小小的地方雖然沒有冷氣提供但價錢足以抵消一切今日吃的是叫山本的日本料理店裡店外都有枱凳提供給顧客用我們選擇了坐店外感覺較涼爽🎐餐牌十分簡潔分為全日供應跟每日精選供應的還有一格是飲品類🍹在同行朋友極力推介下點了吉列厚切豚肉咖喱飯🐽跟菊花蜜🐝和是日精選吉列雞肉配醬冷麵🐥跟菊花蜜🐝菊花蜜🐝真的有一片片菊花🌻賣相相當吸引♥️味道十分清甜是淡淡的甜👍🏻👍🏻👍🏻吉列厚切豚肉咖喱飯咖喱是甜甜的♥️豚肉是厚厚的👍🏻肉感很足而且十分juicy!!🤤吉列雞肉配醬冷麵賣相還有豚肉吸引但冷麵卻意外地凍冰而且十分彈牙跟芝麻醬十分夾♥️♥️♥️吉列雞肉雖然沒有豚肉juicy但吉列雞肉較豚肉嫩喔🤤總結：$35 一個飯單單價錢已經值十分而味道卻是超水準👍🏻👍🏻👍🏻 值得一去再去🙌🏻♥️

自從試過第一次試過之後，就對佢念念不忘喇！之前食過034芝士豚肉漢堡咖喱飯同040吉列什菜薯餅咖喱飯都好好食，咖喱汁會分開裝等啲飯唔會林，而且仲用可以循環再用既飯盒裝 價錢只係廿零蚊而且自己去囉的話仲有野飲送添 最好食係飯，因為真係會用珍珠米架~ 唯一有少少唔方便就係要早少少打去落定order同埋要自己囉

身在葵涌區返工，有時亦幾羨慕在尖沙咀中環返工嘅朋友，唔係因為靚女OL多，而係美食選擇亦相對較好。不過，葵涌區都間唔中有驚喜，就好似在工廠區熟食市場入面，發現有間開左好耐但又唔起眼嘅日式飯堂，發覺款式唔單止多，價錢仲好經濟實惠添...山本吉列料理其實開左都一年有多，主力做學生哥外賣多，舖面好細，其實平時好少人走去堂食。佢地主打咖喱飯及吉列食品，亦有各類日本和風小食。老闆娘誠意推介我試日本咖喱黑豚豬扒飯($32)，見到咁嘅價錢就有黑豚食，毫不考慮就決定落單。等差唔多十分鐘，新鮮即炸，熱辣辣吉列豬扒飯送到，黑豚豬扒無其他吉列專門店咁厚身，但聞落香噴噴，咬落肉味香濃有彈性，而日式咖喱汁質感滑溜濃稠，中間夾雜水果香及雞湯味，味道絕對係水準以上。唔好以為熟食市場外賣店做學生哥生意就馬虎了事，米飯方面用上日本櫻城米，粒粒圓潤飽滿，咬落充滿米香，混上咖喱汁非常醒胃。成盒飯只係三十幾蚊，仲有凍飲半價，叫杯凍柚子蜜只加四蚊，絕對收貨!!