影片
營業時間
今日營業
13:00 - 00:30
星期一至四
13:00 - 00:30
星期五至六
13:00 - 01:00
星期日
13:00 - 00:30
以上資料只供參考, 請與餐廳確認詳情
小方糖甜品呢間我已經食咗好多次，如果唔計佢嘅服務質素同埋服務態度，淨係以甜品嚟講係不錯。每一次嗌我都嗌佢嘅龍珠系列。佢個龍珠改有雲呢拿冰沙，小丸子，椰果。而且佢有好多唔同種類嘅甜品例如心太軟抹茶冰沙等等。非常之多選擇，不過我自己覺得最好食嘅都係龍珠改，食落去棉滑，甜度適中，而且配料多。但係呢一間甜品舖唯一唔好嘅，就係佢嘅服務態度同埋服務質素，而價錢方面就非常之親民，平均三至四十蚊就可以食到一個甜品。
繼續閱讀
話說我哋喺出面買咗野食入去但係冇食 只係拎入去 個紮頭髮戴眼鏡嘅女人行過嚟態度極差同我哋講唔好喺度食呢啲野 好似命令我哋 成個訓導主任 開都未開 同埋會唔會喺人哋舖頭食嘢 話1點收工你12點就落漂白水喺地下 成陣味 完全唔想食
繼續閱讀
成枱人食嗮d甜品 得我嗰碗催極都唔嚟 仲要好唔耐煩 明明漏單就認啦 喺度咪咪摸摸 嘴藐藐咁 腐竹糖水又成陣水喉水味 桑寄生蛋又係白雪雪 質素差又冇服務一樣食開甜品 地茂館同金滿堂好食夾平又勁大碗 今次真係中嗮伏
繼續閱讀
朱古力粒粒拿破倫真係太出色啦！一啖啖入口，甜度剛剛好，唔會過甜。而拿破倫嘅口感好鬆脆，一咬就碎，充滿咗層次感。雪糕嘅溫度都啱啱好，令人可以充分感受到雪糕嘅順滑。至於店員嘅服務態度同效率一流。佢哋笑容親切，而且服務迅速，點餐後唔耐就有甜品上枱。佢哋的熱忱同專業態度令整個用餐體驗更上一層樓。絕對係一個值得再訪的甜品店，食完之後心情愉快，滿足度爆棚
繼續閱讀
好重冰感既刨冰🥶本來想嚟試下佢地既窩夫，但原來三角形個款普通窩夫已經冇再賣，唯有改叫同場有其他人食緊，睇落幾靚既刨冰🍧💜紫薯芋泥雪糕刨冰餐牌標示佢地既手作紫薯芋泥係限量供應，但係紫薯球味道非常麻麻，冇紫薯應有既香甜味，只得難以形容既味道，而芋頭雪糕球味道亦只屬一般而且較甜刨冰上面有好多椰果同白玉丸子，仲有芋泥淋係面。椰果好重糖水味，白玉丸子就夠煙韌所以比較好食。芋泥好香甜，芋頭味好出，味道幾有驚喜，可惜份量太少，食幾啖已經冇曬😞刨冰都幾多，但係冰粒感太勁，有部份仲痴埋變左一大舊冰，同埋好淡味，同食緊普通冰係冇分別中價位但呢個質素，仲要淨係收現金😕食完覺得浪費左個quota，希望係嗌錯野問題啦
繼續閱讀