小伊甸 (已結業) 查看

一間良心小店，非常支持，環境舒適，牆上有伊甸園的動物畫，地道台灣菜色，叫了台式肉燥飯併酥炸西檸雞，雞肉唔會乾身，好開胃，另外跟三道前菜有鹵蛋，芽菜，加醃製青瓜，好爽口。另外叫了波霸奶茶，珍珠煙韌，超好味，牆上還有很多香港人加油的標語，很有愛。

今日要返工🥺🥺午餐就揀喺小伊甸叫外賣。台式肉燥飯嘅肉燥𥚃面有一塊塊豬皮，增添咗不少口感，如果可以趁熱食一定更加好食。配料方面，肥牛份量多嘅，金菇就無乜，個人就唔太鍾意咁多嘅花椒撈埋一齊，挑極都仲有😢其實都驚喜個肥牛有啲麻味，只係唔想食到原粒花椒。午餐送一杯手搖飲品，我就揀咗波霸奶茶，發現原來係賞茶嘅😂送外賣嘅人唔記得咗俾飲管，最後仲特登送飲管過嚟。麻煩晒🥺服務唔差，觀塘返工嘅可以試吓叫佢哋嘅外賣！如果喺兩點半後落單叫午餐仲可以每個餐減5蚊添！不過佢哋下午茶餐都吸引嘅，留意返佢哋外賣最低消費係150蚊啊！

放工想食台灣野，知道觀塘工業區有呢間隱世餐廳，就黎左試下！綜合滷水配肉燥麵棉質彈牙，肉燥唔會太鹹，佢既滷水雞翼、牛展同雞蛋都好入味，我最鍾意佢嘅蘿蔔，滷水味濃之餘又有佢本身嘅蘿蔔甜， 十分推薦。炸雞扒配肉操飯，雞扒肉質結實、炸得好香口，仲好貼心咁幫手切埋，佢有鹹酥雞嘅香味，又唔會太油，飯既濕度同口感都啱啱好，肉燥唔太鹹加埋撈飯好好食。依間餐廳嘢食唔會好貴，好味又正宗，絕對值得推介，不過人客較多，要預早啲時間攞位！

佢個紅豆仙草芋圓好好食啊😋超鐘意啊為左個芋圓決定寫返個食評！仲有食埋佢個肉燥飯、櫻花蝦燙青菜都唔錯不過朋友嗌左一個沙茶烏冬就覺得一般，可能佢本身食野都好嘴刁，但整體黎講成餐食物水準都好！而且佢既飲品係賞茶出品，正！環境裝修都好有心機，同朋友坐得好舒服侍應好Nice，同有禮貌，🤗🤗🤗👍🏻👍🏻👍🏻👍🏻👍🏻今日一黎到已經有幾個人等緊檯，可見間餐廳幾受歡迎食物同環境都值得大家大大力去幫襯！

🔹 鹽酥大雞排拼台灣手作麵套餐 🔹 鹽酥豬扒拼肉燥飯套餐 ..係呢到可以一次等位，兩種懲罰🤣 套餐飲品竟然係賞茶！晚市只要加$15，就可以任選賞茶menu喇，連波霸鮮奶茶個啲都可以簡，真係抵到嘔😘.手作麵好有驚喜，真係有煙韌又有咬口，配埋肉燥食好夾！鹽酥雞排勁大塊又厚身，不過略嫌椒鹽味唔夠重，入面嘅肉亦無乜味，又有皮肉分離嘅問題，好彩尚肉汁，比較之下鹽酥豬扒就炸粉較薄，椒鹽味較香，下次會食豬扒！🤪肉燥飯都真係幾香，有落豬皮煮，營造肥瘦相間，入口即溶之感，幾正㗎！🙌🏻🤙🏻: 呢到午市係超抵食！座位又闊落，仲有小店嘅員工超好人，我漏咗嘢佢哋又幫我揾返，仲whatsapp sd翻張嘢比我😭

好日唔嚟觀塘呢邊，搵到間係工業大廈嘅餐廳估唔到係工業大廈搵小店食都勁多人排隊😲可能因為黃店多咗好多人嚟幫襯～★★★鹽酥豬排台式肉燥飯 $67豬扒都好酥香唯一就係肉燥太少了，唔夠送飯......味道亦唔算太濃味飯量亦比較少★★★手工芋頭鮮奶 跟餐+$15呢杯野真係要講講......等咗差唔多成45分鐘先有睇嚟人手真係非常不足...?好在奶味都OK，不過同樣芋頭少咗D總結雖然店嘅態度同立場值得鼓勵不過食物同人手方面真係希望做得更好🙈......小伊甸Little Eden整體評分★★★地理環境★★★細細間座位多而略窄服務★★★★態度良好，但人手不足食物★★★非常忙碌，上菜偏慢份量可適當增加價位＄＄＄

最重要的事放前面: 1. 飲品超級超級超級甜，建議叫少甜！2. 記得加$15 紅豆芋圓仙草食物：3/5食物還可，飲品大扣分。▪️鹽酥三寶配台式肉燥乾伴手作干扁麵三寶包括雞粒(肉質乾、口感硬)，台灣香腸(有黑椒，非常香口惹味)及花枝丸(彈牙，沒有太多粉，不錯)。干扁麵不是我喜愛的麵質，我比較喜歡再薄身、再寬一點的。而肉燥沒有特別，不香。▪️紅豆仙草芋圓必點之選芋圓真材實料，吃到芋頭及蕃薯味，口感煙韌度適中，仙草配的花奶非常香▪️手工芋頭鮮奶是由賞茶岀品。一入口，大概我一輩子都沒喝過那麼甜的鮮奶向店員反映後，只叫我下次可點少甜，沒有其他解決方法。我再嘗試喝一口，實在接受不了整杯放棄，很浪費是今晚晚餐最大扣分位！之後發現不少人都曾評價這裡飲品偏甜，所以要提醒大家：少甜少甜少甜‼️服務：2.5/5整體感覺不良好一進店，門口有位店員背對我，完全沒有意識要帶位。店員服務態度一般及較散漫，又不時在閒聊。特別是告知飲品過甜，卻沒有提岀仼何解決方法，有點令人失望。總結：可能只是我倒楣，縱觀網上評論大家的食評都是不錯的，大家可以去試一試再回來與我分享。

係觀塘到食飯，於是就黎左呢間黃店，要大大力懲罰一下！🤩叫左一個午餐A同一個類似常餐嘅嘢🧐首先個肉燥飯幾好食，唔算太咸，但肉燥略嫌唔夠，白飯同肉燥嘅比例唔太好🧐😢而個三杯雞有好輕好輕嘅酒味，食落幾好食，送飯一流。而個鹽酥三寶配沙茶醬撈烏冬就麻麻地，唔知係咪我落得太多沙茶醬嘅關係，我覺得好咸，可能下次唔好哂啲醬會好食啲🤯🥴相比之下，我覺得肉燥飯配三杯雞個餐好食同抵食啲😂而個甜品就無咩特別咁，啲仙草都係正正常常，唔算好滑咁。但啲芋圓就麻麻，雖然有芋頭味，但佢唔夠煙韌，好淋，不過加17蚊又唔太貴嘅🧐

今次揀左呢間位於觀塘工廈既一間台灣菜, 工廈既舖頭一般都比較大而且座位都好多, 所以都唔洗點等位😌 我地大概19:30去到已經好熱鬧好多人, 開頭以為佢既食物會細細份所以唔覺唔覺就叫左好多野😂 飲品既選擇十分多而且係賞茶, 所以完全係一次過滿足曬我兩個願望😍鹽酥大雞扒肉燥飯🐔($73)呢個飯用一塊大木板裝住所以造型已經夠吸引, 雞同飯既份量都頗多, 而且塘足料, 雞既炸粉完全唔厚而且食到雞肉係超嫩滑, 至於飯方面就係白飯上面淋左肉燥醬不過味道偏淡但係都唔錯台灣金牌高筋牛肉麵🐮($74)呢個麵係我地叫既食物當中味道最濃既一款, 麵既軟硬度啱啱好而且掛曬湯所以好好味, 牛筋又夠軟身, 湯係成個麵既精華十分正, 飲落完全唔味精, 好好味🤤鹽酥三寶配台式肉燥乾拌手作干扁麵🍜($66)呢個麵成個麵都好dry而且好淡味, 如果多d醬汁整濕多D啲都既話應該會不錯, 鹽酥三寶係有腸仔, 丸同埋雞, 全部都係偏dry🙈鹽酥薯條🍟($28)呢個真係好失望, 佢係用左茶餐廳果款薯條再加D鹽酥粉係上面, 當普通薯條食係唔錯既但係鹽酥薯條既話就完全唔合格😖綜合滷水($52)呢個拼盤入面有滷水雞翼, 蘿蔔, 牛展

小伊甸係位於觀塘工業中心既台式小店。由一開業時已幫襯，因基督教會而成立既餐廳，周圍都可以見到聖經插畫，當中一定唔少得可愛既「挪亞方舟」壁畫❤️因為食物有質素，而且服務有誠意，小編見證住小伊甸愈來愈多人幫襯，午市條人龍排到出街咁滯，真係好欣慰😊講咁耐，講番d野食先😝下午茶餐都可以叫all day breakfast真係好正！鹽酥雞扒肉燥飯，雞扒炸得香脆鬆軟，肉燥味道剛好，好好味😋好燒牛肉麵，個湯天然香濃，不含味精。麵質麵好彈牙入味😋鍾意健康既可以試埋藥膳鴨腿飯。小編d女性朋友好鍾意，話好保身喎😂餐廳重設有包場服務，又有音響結他鼓，邊食邊搞music show或者教會event 一流！👍

其實食左兩次，都吾錯先寫食評，今晚一同二人再黎食，食左鹽酥雞扒滷肉飯，三寶加沙茶醬烏冬拌麵，麻醬讚山崎烏冬。味道都吾錯，每次都會最後加紅豆仙草芋圓，十五蚊，大大碗，真心抵到爆。多人食，員工吾多，但仍然保持好好禮貌，值得讚許，如果有細心一點，員工身上黑色衫上面有一個燈泡嘅圖案，寓意生命要作鹽作光，發光發亮，照亮人生，好有意義，餐廳不時會播放Hillsong 。餐廳內仲有唔同嘅board game ，wii等可以一路食一路玩，一間良心又有meaning既小店，好值得支持！！

🐽台式肉操飯拼鹽酥雞扒 $72午餐食物款式選擇唔多，但基本既肉燥飯、牛肉麵都會有，今次就嗌左個鹽酥雞扒肉燥飯，仲會有碟青菜同兩粒花枝丸，份量都好多，食完都好飽，肉燥味道就比較淡啲，冇咁濃味，雞扒都炸得脆同滑，而花枝丸就幾好味🤩 ••••••••••••••••••••••••••••••🐽蜂蜜綠茶個餐仲會配一杯加大左既野飲，係賞茶既手調飲品😋唔使加錢仲可以飲到賞茶，超抵，不過賞茶既飲品都比較甜，建議嗌少甜 ••••••••••••••••••••••••••••••🐽紅豆仙草竽圓 $17跟餐加$17可以換埋個仙草竽圓，裏面會有紅豆、仙草同竽圓，竽圓係煙韌，成杯野甜度岩岩好，食埋好滿足🤤

係觀塘返工嘅我其實都留意左「小伊甸」好耐，終於搵到機會黎試餐廳每日中午都會有5款唔同嘅套餐，主要款式係台式、中式、咖哩同粉麵，餐廳既某社交平台會每個禮拜upload午市菜單上去，幾方便食客巧合地我想食既餐已經售罄，其餘款式又唔多啱我胃口然後就見到佢地有個特盛皇牌套餐既Menu，當中有一款係鹽酥三寶 (花枝丸、一口雞、台灣腸)+沙茶醬撈烏冬、紫菜貢丸湯呢個反而幾吸引我，因為我幾鐘意食丸類同鹽酥雞，連埋大大杯蜂蜜綠茶都係$63餐廳環境幾舒服，唔會好逼，氣氛都唔錯~雖然有好多食客，但唔會覺得好嘈好辛苦烏冬好快送到黎啦份量唔細，沙茶醬係另上沙茶醬氣味香濃，有少少微辣(可能因為蒜蓉比較多)，用黎撈烏冬都唔錯!鹽酥雞炸到卜卜脆，仲係熱熱地帶有肉汁，yummy!花枝丸內裡食到有墨魚粒，彈牙好食，同我係台灣食既一樣，應該係向台灣拎貨吧?得兩粒真係唔夠喉而台灣腸同樣外脆內多汁，呢款台灣腸好似偏瘦少少，唔見有肥肉粒，good呀紫菜貢丸湯味道就唔識品評，個人口味黎講唔太識欣賞台式既湯品在我角度佢只係一碗用黎煮貢丸既「有味滾水」跟餐既飲品其實都有好幾款揀不過我自己唔鐘意飲奶茶，所以無揀到波霸奶茶，只係揀左蜂蜜