影片
開飯介紹
火鍋主題店「家嫂」的副線，裝修簡約，並注入典雅的中式元素，主打的海鮮火鍋包括多款小吃、環球海鮮等，分量十足！
繼續閱讀
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
有關獎賞計劃
早兩個月嘅時候有朋友就嚟要移民，問佢走之前想食啲乜嘢，其中一樣講起嘅就係雞煲/打邊爐！🍲 而咁啱我哋都無食過「家嫂」，就決左book位試試佢😛 除咗有雞煲同邊爐，仲有刺身船+任食海鮮！淨係睇餐牌已經夠吸引～ •🥢 環游海鮮火鍋放題 $428/位 (晚市)📸 季節當造刺身刺身唔係任食嘅，只會上一次～ 因為我哋得4個人食，所以就係一盤～ 同場有見到其他枱多人食就有隻成張枱咁長嘅刺身船🫢 不過其實刺身款式都算多：油甘魚、三文魚、帆立貝、大蝦、北寄貝、八爪魚同埋一碟辣辣哋嘅醃魚生（有啲三文魚粒、八爪魚、青瓜、芝麻同埋蟹籽）～ 刺身質素都唔錯，解凍得好好，而且切得厚薄適中～特別一讚原粒上嘅帆立貝，好厚好大粒😛P.S. 之後睇返人哋食嘅相，刺身款式好似都會隨人數而增加，人少好似無咁抵🥹•📸 精選𠮩𠹌小食食完刺身，一下子就嚟咗7款小食😯 黑松露蝦多士、紅糖糍粑、麻醬螺肉沙律、上湯雜菌、麻辣寬粉、麻辣花生，同埋一碟好似翠玉瓜但原來係青色嘅茄子🍆鍾意食麻辣嘅朋友都覺得麻辣兩款幾惹味，但寬粉嗰碟就入味啲，而且寬粉好q彈～ 炸嘅兩款都炸得乾身唔太油，但紅糖糍粑就較有驚喜😛 表面脆脆哋，入面好煙韌，再加埋個紅糖餡唔會太甜👍🏼麻醬螺肉都好食，螺肉好彈牙，但就有啲太多醬🫢食得多有啲膩～小食都可以逐款追加，不過因為我哋驚食唔到之後嘅嘢就無追加到了🤣•📸 惹味雞煲雞煲我哋就叫咗小辣，對於食開10小辣米線嘅我嚟講，食咗幾啖就食唔到🙈 呢到嘅雞煲同平時出面食嘅味道幾唔同，呢款唔係麻辣味，食落好似無咁惹味😬雞方面份量係多，但都偏向多骨😕 但特別啲就係有彈牙索汁嘅豬皮同埋蜆～ 我哋一人食咗幾嚿就放棄咗，侍應就幫我哋將啲雞倒落隻碟到，然後換過個火鍋湯～ 不過其實最後碟雞都係無食返🤭 因為後面嘅海鮮同邊爐先係重點！•📸 四季湯底 - 家嫂花膠老火湯底呢個湯底要提早預留嘅，因為我喺WhatsApp訂位，侍應會喺當日再確認出席，然後佢就會問要唔要加錢預留是日甜品/海鮮，同埋仲可以預留唔使另加錢嘅花膠湯底！不過就數量有限，先預留先得～ 花膠湯底有蓮藕、紅蘿蔔同埋每人一件嘅花膠！湯底飲落鮮甜濃郁，而且有肉香，無乜味精味👍🏼我哋都每人飲咗一至兩碗先開始打邊爐！🤤花膠都唔細塊，發到好腍，而且無腥味😛•📸 環游海鮮船當日嘅海鮮款式都幾多：鮑魚、貴妃蚌、珊瑚蚌、蟶子、蜆、蝦、魷魚、帶子、墨魚滑釀菇同埋兩款魚～😍海鮮整體都好新鮮，而貝殼類都唔會食到有沙～ 我哋就特別encore咗兩次鮑魚、貴妃蚌同珊瑚蚌！👍🏼 要記得睇住時間撈起啲海鮮，如果唔係就會韌晒🫢•📸 極上牛肉 / 豚肉卷 / 手工火鍋配料 / 蔬菜組合牛肉同豬肉都各得1款，牛肉就係普通肥牛咁😂火鍋配料嘅選擇就相對少啲，都係手打丸同餃子為主，另外仲有個「籠」裝住嘅魚皮同響鈴～蔬菜種類都有唔少，但一次過上一堆菜有個唔好處就未必樣樣都啱食🙈 不過食過好食都可以再個別追加～•📸 飲品自助飲品區除咗有罐裝汽水、果汁、烏龍茶，仲有啲應該係自己製嘅飲品，例如竹蓆茅根、蘋果雪梨茶、紅棗圓肉杞子茶、檸檬薏米水等～ 另外仲有侍應會推住架車仔，入面有各式各樣嘅紅白酒，有免費嘅紅白酒任飲，但靚啲嘅酒要當然要另外加錢啦~
繼續閱讀
一開始，店員便先講清楚食店上菜及進食的流程。除了刺身，其他如雞煲、餐前小食（炸蝦多士、炸茄子、蒜蓉蒸帆立貝等）、海鮮（鮑魚、鱔、蝦、蠔、珊瑚蚌、大蚌、蜆等等）、牛、豬、手打丸、枝竹、炸魚皮等等。飲品除了汽水、王老吉，還有自家製竹蓆茅根、水果茶等。那刺身船真的很震撼，刺身厚切，鮮甜肥美，還有海膽、魚子醬。刺身有珍寶帶子、鯛魚、章紅魚、八爪魚、大大隻的紅蝦。。。真的很開心🥳。蒜蓉帆立貝都幾大隻。生蠔滾完都是飽滿大隻，不太縮水。所有刺身和海鮮質素高。午市無限時，我哋1點坐到3點半，期間上菜快，店員還多次給我們器皿處理骨殼及執拾。三百幾很抵👍🏻
繼續閱讀
其實由一入門口個下開始班呀嬸態度已經好差。唔講真係以為自己去錯左d街邊大排檔。由頭到尾都係比人黑口黑面呼呼喝喝，食到最後仲衰，阻人收工掛應該，落單d口氣差到一個點。唔想做生意可以唔好開門，唔想返工不如辭職。又唔係平，呢個價錢食到一肚氣唔上黎寫返食評條氣都順唔到。同埋兩個人個d位好窄，就算係閒日夜晚其他大枱係吉晒，話要坐佢都唔比你坐。食物黎講質素正常。牛唔夠牛味，湯底都係普通野，不過海鮮算唔錯，只係成件事加埋都唔足以令我再黎。
繼續閱讀
舊同事好快就要移民去英國，好可能要一段長時間再見🙂↕️ 呢晚朋友仔安排咗我哋去「家嫂一家大小」同佢餞行，實行吃個飽🤤 今次餐廳為我哋安排咗喺轉角位置，感覺比較寬敞。如果大家有幫襯過「家嫂」嘅話，都知道成晚會有幾忙😉 第一道上嘅係六款唔同口味嘅小食，爽口嘅 #酸蘿蔔配皮蛋 可以話係我嘅至愛，#蝦多士 都可以嘅，不過口感有啲油膩😅 至於其他嘅 #茄子、#生菜、#糖糍粑… 我就唔建議大家浪費肚仔嘅空間喇🤤 之後再上嘅可以話係呢餐嘅焦點，成米長嘅 #魚生船 非常吸睛👀可以話未食先興奮！不過所有 #魚生片 都係一人一件，而且質素只係一般，#海膽 更加係好睇唔好食，就當過吓口癮啦😉之後再嚟嘅係 #雞煲，味道唔夠香濃惹味，試吓就算😏 而最後上嘅係 #海鮮火鍋，生猛嘅 #鮑魚、#生蝦、#蠔… 樣樣有齊🤩 可惜嚟到呢刻，我已經飽咗九成😅只可以食到兩三片 #肥牛 同 #白灼蝦 落肚😅 就連朋友仔最後為我哋安排嘅 #海燕燉鮮奶 都只可以淺嘗😅 所以任食一向對我嚟講真係冇咩着數🤭 唯一buy 佢哋係「用餐時間無限時」，不過班姐姐就由九點鬆啲開始以身體力行話俾我哋聽趕收工😅而且全程都以極不耐煩嘅面口幫我哋落單… 咁嘅服務態度，真係想留客都難囉😅😅📍 家嫂一家大小 (佐敦)彌敦道223號盛樂中心M樓
繼續閱讀
My friend tried their hotpot and loved it here so we came with her to have it again. Non-alcoholic drinks were unlimited while alcoholic technically were unlimited but it will be served only when the cart with the alcohol arrives to your table. First came the appetizers and then the sashimi which were really fresh.The next should have been the chicken hotpot but we decided to skip it as we wanted to eat more of the regular hotpot as it is unlimited.The seafood option was abundant including oyster, abalone etc. while my favorite, the beef, was really tender without being too fat. Definitely a good choice if you enjoy beef and seafood combo
繼續閱讀