好佰佰

營業中

休息中

無論堂食定外賣，都係一樣差，食物質素都愈黎愈差，執外賣個個好似欠左佢咁，唔想有人幫襯其實就唔好打開門做生意，就算平都唔想在去比錢受氣，而堂食都係叫極都扮聽唔到，落張單慘過咩咁，足足等半個鍾先落到張呀，上菜又慢，同趕客無分別

下午買了一個燒味雙拼飯，凍檸茶！燒味飯大約2至3分鐘已經做好，但再等了10分鐘凍檸茶仍然未做好！（當時堂食及外賣沒有顧客等，所以上前問包外賣的職員我這個飯還要等什麼！這位職員答我：等凍檸茶囉唔係等乜嘢啊！另外一個職員說水吧在睡覺，沒有人沖飲品！今時今日還有這樣的服務態度！

黎呢度食嘢，好似欠左呢度啲人咁！超級差，似住有隔離酒樓同一集團唔休做就可以咁既態度茶餐廳唔要求你有服務有態度，但都唔係呼呼喝喝，一句我唔得閒大哂落單明明講左3次都聽錯，仲要話番你轉頭真係祝呢間嘢生意興隆

洋蔥豬扒飯🧅🐷🐷🧅洋蔥嘅香甜同豬扒真係百年好合，😋點煮都好食，🏡亦係唔少家庭嘅常用菜式，👨‍👩‍👧‍👦所以好容易食出家嘅味道！🧇最地道的美食，往往能勾起心中最深刻的回憶。

叫個外賣，樓面d人 就叫 嗌你呀聽五到呀？哇心諗 你嗌得咁細聲我點聽到呀？好似差佢錢咁😅我都知你地五休做架啦 態度差成咁 衰過出面旺角d茶餐聽呀大老 🤣🤣🤣🤣🤣🤣🤣🤣🤣🤣🤣🤣🤣🤣🤣

叫左個外賣，啲叉燒係燶嘅，仲要燶到苦既都出俾客😒認真覺得，佢地價錢雖然平，但係食物質素麻麻地，可能係想搏外賣客唔會返轉頭投訴佢掛🤷🏾‍♀️為左慳個幾粒叉燒做衰自己名🙄

行山後食下午茶是旦搵最近估唔到商場最高果層都有餐廳見佢門面有燒味好靚就入去試試估唔到下午茶咁多選擇冬陰公豬扒湯飯👍🏻😋好食過泰國菜館個湯好濃另外更係叫燒味啦叉燒瀨$20 份量正常加飲品$6 都ok 杯咖啡即磨唔錯

平均一星期都光顧一至兩次，食物水平不過不失，但染紅色頭髮既收銀態度極之惡劣(不止第一次發生，也經常俾客人投訴！) 我黎食野唔係黎受員工氣😡剛才買半斤叉燒，因銀包只得一張五百蚊紙，收銀話：我地只收一百蚊紙，唔收五百蚊架喎！What? 唔收五百蚊紙我真係第一次聽，加上你貼出黎既告示都係話唔收毫子。咁我就直接話唔落單，取消，我冇錢俾。收銀先話落左單啦！冇得唔收，先肯找錢俾我（明明見住有好多張一百蚊紙）再有下次直接投訴😒

收工就去食個晚飯醫肚我哋就火炭的「 #好佰佰 」餐牌上的食物好啱我口味之外仲有我最鍾意嘅看燒BB乳鴿二話不說即刻入去試吓先🤤⊰⊹════════════════⊹⊱✎ 食後感 ：✨二人套餐 : 先飲老火湯濕一濕口🤎️「 #酸菜魚 」呢一盤酸菜魚頗大鍋咁有份量二人食唔使爭食先飲一啖酸菜魚湯味道很濃郁哦還有魚的份量很多魚肉質感滑溜但食唔到有味不過欣賞佢入面配菜非常足料可以索哂湯底嘅精華味道配以白飯一齊食就更match💛「 #香燒BB乳鴿 」點少得我最鍾意食嘅乳鴿即叫即炸新鮮美味果然係好Juicy啊而且肉質好鮮嫩令我哋食得好滋味❤️「 #尖椒回鍋肉 」回鍋肉肉質鮮嫩最喜歡半肥瘦咬口的感覺而且佢嘅醬汁少少辣好惹味仲好有鑊氣是送飯一流的家常小炒！再飲埋杯暖笠笠嘅熱華田為呢一餐咁豐富嘅川菜晚餐畫上句號

駿洋邨正式入伙都已經好一段時間，商場食肆交通🚏都運作了好一段日子，與之距離十多分鐘⏰步行路程的我其實一直都沒有來過這裡😅，這次就趁假日走來這邊吃🍽早餐，順手看看這個新屋邨🏙沙嗲牛肉出前一丁 配 自選兩款食材 及 牛油多士 連熱飲 $35 （+$3 冷飲）（+$3 轉奶油豬或蘿蔔糕）香港人愛吃出前一丁，但要在茶餐廳吃這個就要額外💸收費；可是這裡就有一個「出前一丁」系列，連自選兩款食材跟多士和熱飲不過$35，不配自選食材也只是$30，很便宜😆呢！麵身煮得不錯，出餐時偏硬一點直至送到客人口中就變得剛好👌🏻！湯底不算有太濃郁的沙嗲味，添加最重點✨的麻油包也好像沒有麻油香，始終前者味道較濃必然遮蓋後者，如果我點其他口味的會比較好☺️沙嗲牛肉份量多，不過味道跟肉質就中規中矩沒太驚喜💁🏻‍♀️；搭配的自選食材點選了太陽蛋🍳跟香腸，略嫌太陽蛋有點太生，香腸味道正常自問不是太愛吃茶餐廳🧈牛油多士的我（澳牛另計！），看到這裡可以加錢另配奶油豬或蘿蔔糕這個加配選項表示很可以🥳！加配了一件蘿蔔糕，一般只有快餐店有這個選項，這店的味道不錯，😋煎得香口～ 而熱奶茶就正常發揮，以這個價錢絕對滿足🥰！店家位於新落成公共屋

好喇~上次試完雞煲, 今次就試下小菜先!一共叫左五個小菜~首先想叫個<燒鴨拼燒腩仔>,點知燒腩仔已經賣哂...咁唯有淨食燒鴨喇~ 不過不失!跟住叫左<豉汁蒸鯧魚> 魚仔雖然細細條, 但食落好滑亦都無泥味!<回鍋肉>個賣相望落去就麻麻,  食落去都系偏啖味啲啲<---個人覺得系食肉獸既健康之選<沙爹粉絲肥牛> 雖然吾整到咁濃味系幾健康既一件事, 但系真系吾知點解可以連沙爹味都無埋最後叫左個<薑汁芥蘭>, 但一黎到系變左【薑粒芥蘭】,真系哭笑不得結果系食一條菜就啜一粒食到咁上下,全場突然爆滿, 仲好多人叫鐵板餐, 莫非尼到最好食既系鐵板餐?咁就可以有多一個理由再試多一次

見收工凍凍地又肚餓, 走上去駿洋邨睇下有咩食先見到尼間好佰佰有雞傃食,就同同事衝入去!叫左個二人套餐同兩份雞煲,一個辣一個吾辣~雞煲份量略嫌小左啲,好彩叫左兩份, 如果吾系6個人真系食吾飽!咪道尚可以接受, 比起平時食既淡味小小二人套餐揀左酸菜魚同咕嚕肉!酸菜魚望落去無其他餐廳果啲咁大兜, 但碗裡面系密密麻麻 ,好足料!亦都見到好多花椒, 味道吾錯!!!咕嚕肉份量正常, 味道都無咩分別, 不過不失!睇下下星期黎試下啲小菜先

今日🚶去完火炭揀傢私，經過駿洋村米入去行下，發覺原來入面都幾大，自成一閣，都幾多野食，行下行下去到1/F見到間叫（好佰佰）既茶餐廳，見仲有下午茶餐🍜食，就入去坐低試下。佢地下午茶價錢都幾抵食，同埋都有d出面冇，唯獨依度有既特色茶餐。最後叫左2個茶餐。✨豬扒冬蔭功湯飯🍲：好大碗，好足料，塊豬扒🥩大塊又入味不在話下，個冬蔭功湯飯🍲好好食，d飯索晒d冬蔭功湯，變埋泡飯，1味2食。✨燒鴨🍗瀨🍜：燒鴨🍗一食落去就知有料到，外皮香脆，跟住一層薄薄脂肪，再到肉，層次分明，問番師傅，原來依度燒味係自己燒，唔怪之得咁有水準，仲要係$25，邊度食到。✨+$10瑞士汁雞全翼🍖：隻雞全翼滷得好入味，又唔會太鹹同太甜，味道剛剛好。✨紅豆冰🍧：有三分之二杯係紅豆，我要粒粒都咁大粒，跟餐加五蚊就有，仲要大大杯。雖然我係食緊下午茶，但我留意到原來夜晚佢哋都有雞煲食，而且聽講仲係招牌菜，下次一定會再嚟試。

Chicken fillet has always been my favourite when it comes to hk-style breakfast. That’s why I didn’t hesitate to order this when I was chicken instant noodles on the menu. The chicken is really good, crispy on the outside, and tender inside. The meat is really juicy too. Goes really well with two eggs and one carrot cake!雞扒一丁餐 ($38)經開火炭想食個港式早餐，即刻諗到好佰佰呢度嘅雞扒好大塊，大過我隻手，食落皮脆肉嫩，肉汁飽滿，完全唔係出邊嗰啲細細塊一啖就食完，同埋呢度嘅公仔麵係要出前一丁，麵質特別爽口彈牙。另外仲可以自選兩個配料，我揀煎雙蛋，而牛油多士仲可以轉做蘿蔔糕或者奶油豬添，選擇都幾豐富！

早兩日係火炭行完山，落返去係新屋邨駿洋邨，肚餓到爆，一人叫左個下午茶，屋邨茶記黎講個西多士幾正😋🤣.佢有個下午茶「叉燒瀨粉$20」👊🏻👊🏻無錯 係$20 🤣🤣 平到我第一下都唔信，但原來熱飲係加$6，不過都真係抵食啦，有成4-5舊叉燒，叉燒質素都唔錯，瀨粉係幼身瀨，比較彈牙。.之後其他餐都係正路既下午茶款，比較特別係可以自己擇A配B咁，唔使規定一定要配薯條/沙律咁。叫左「吉列豬扒配薯條$38」吉列豬扒正，炸到夠晒脆唔過火，薯條粗薯。「金磚四國西多士$30」就係呢個西多覺得好好食，中間既花生醬幾足料。「生炸雞髀配奶油豬$38 」奶油豬脆卜卜都唔錯，雞髀生炸都係咁，不過不失。.跟餐轉特飲算抵飲，轉凍檸樂+5 👊🏻，屋邨茶記好滿意啦，平均每人$30左右👍🏻