天松屋 (已結業)

第一次光顧於假日非繁忙時間，不必等候。由於爸爸戒澱粉質，點了一份扒餐，份量充足。另外，點了一份牛丼和一客雞翼。味道當然有水準。期間有两隻小貓咪相伴，得意乖巧。小朋友在附近踢完波後要求再次光顧天松屋。第二次光顧時，親切的老闆送來開胃前菜，而且熱情相待。佢竟然仲認得我們，真的好神奇！小朋友本來輸波唔開心，但嚐完美食後就開心返。食物味道佳，價格經濟實惠。實屬一間位置不算顯眼的溫暖小店，一定要讚揚希望小店生意興隆！

我今次係響 delivery 度叫外賣既🛍️ 。所以個價應該同堂食個價💸唔同既 。 好似係會貴 d 既 。衣個係2A.關西咖喱吉列豬扒🐷大盛$77 。 🍚係飯黎既 。 個咖喱有小小甜甜地既 。咖喱味都好香 。同埋我叫左大盛所以可以一碗分兩餐食😂🤣😹 。右手面果個係1A.天松牛丼$55 。個飯好林 。🐄 d牛都幾似吉野家果 d 😂🤣😹 。 左手面果個係S6.珍寶吉列炸蝦(4隻)$47 加 S2.日式芝麻雞翼🍗(三隻)$38 。佢個雞翼好廋同好硬 。🍤個炸蝦正常發輝冇咩問題 。

今日興起行落葵芳食中午飯, 間餐廳鄰近學校區, 一到中午時間有大量附近學校嘅學生幫襯, 頓時成為學生飯堂。今次我叫咗個關西吉列咖哩豬扒飯, 套餐連埋味噌湯, 合共52元, 唔使收加一服務費。碗飯賣相相當吸引, 店方係以一個特大嘅滿盛載住啲飯同吉列豬扒,咖哩汁佔咗成碗飯八成位置, 飯嘅份量相當多, 吉列豬扒都有成七塊咁多。 而味道方面, 咖哩汁 唔係好辣, 塊吉列豬扒同坊間食肆嘅有好大分別, 呢間鋪啲豬扒冇乜油溢味, 豬扒上枱仲係好爽脆可口, 應該係即叫即炸, 新鮮即做!味噌湯味道尚算可以, 材料有豆腐、 蔥花等。總括嚟講呢間鋪啲物價都算係價廉物美唔怪之得有咁多學生哥嚟幫襯啦！

平日食飯時間去， 座位比較迫， 座上客基本都是附近的學生。 看過餐牌後價錢比較大眾化，應該是吸引學生的原因之一。 他們的丼飯有普通份量，亦有加大份量(加$10)， 任君選擇。 不過飲品選擇 比較少， 印像中只有幾款罐裝汽水。衛生方面: 覺得可以，餐具都算衛生 。服務員: ok，見客無order飲料都問你要唔要水飲， 做街坊的生意為生，幾細心泡菜拌溫泉蛋牛丼(加大)……$58女士細食的話其實可以兩人share一份食， 味道同醬汁都好味， 泡菜唔辣、 牛肉都算多，鋪滿飯面日式餃子……$28味道一般， 試試無妨

原本老公帶我來天松屋試拉麵，我卻對烏冬情有獨鍾，我點了雞翼肉燥𤏪烏冬，雞翼普通的炸雞翼， 但肉燥不會死咸，烏冬夠彈牙，值得一試，下次會試炸雞肉燥𤏪烏冬 老公點了海南雞飯 （日本菜竟然有海南雞飯？）他說雞很滑，味道不錯！ 而且有中湯及羅宋湯可選，其實店內不止有日本菜，還有扒類等西餐，選擇算多，小食我們選了炸生蠔， 炸餃子及炸芝士年糕， 炸芝士年糕必食，超好食！ 不油膩不痴牙，很香很軟，下次再來一定會再點！價錢相宜，支持小店經營，看出老闆用心製作，熱誠招呼

印象中已經第三次幫襯呢間小店，簡單嘅裝修反而令我覺得好似當年去幫襯日本鄉郊d舖頭仔。為左配合日式小店嘅主題，我從來無叫過烏冬同拉麵以外嘅食物（海南雞飯之類）。講真味道真心好食嘅，份量唔係超大份但一碗已經足夠令小弟叫飽唔駛加小食。今晚嗌左咖喱牛肉烏冬同天松牛肉烏冬，味道咁耐都keep到，落單叔叔態度又好，就算係對外賣速遞員都好好態度，每一位都問佢地食左飯未。成個環境令到我可以好好享受美食。埋單2碗烏冬$97，真心超值！下次經過一定再嚟！

希望係因為外賣所以咁難食Deep fried oyster is sooooo hard that it’s like a rock. I can only eat the tiny oyster in the middle.The rice the very dried with very little sauce at the bottom. I was see if sauce was missed because it’s a takeaway. The sliced pork was of good flavor.

周年會員大會後已近八時，由翠園到新都會廣場到金潮小廚都排滿人龍。走到仁芳街，見天松屋無客，有點意外，但之前叫外賣吃過吉列豬扒飯都不賴，就坐低試吓堂食。點了牛丼和日式餃子。切得薄薄的牛肉鋪滿飯面，伴上醬汁，加上味噌湯，才四十塊錢，真有抵食夾大件的感覺。夥計大哥遞上餃子時不忘提點小心熱，十分貼心。這夜夥計十分健談，跟之後來的幾位客人都傾上幾句，在小店用饍就是有這種溫暖。近一兩年葵芳舊樓區多了日本料理店，無論是同在仁芳街的山下見，還是葵芳匯的惠比壽，又刺身又壽司又魚生⋯⋯相比之下只靠賣牛丼、炸雞、吉列咖喱豬扒的老店難免被比了下去。不過，味道不錯加上價錢公道，還是值得一讚嘅。

限聚令下很多餐廳推出外賣自取優惠, 這間位於葵芳的小店也不例外,外賣自取9折。買了一個咖哩吉列豬扒飯, 配麵豉湯,原價$48,  9折後$43。咖哩煮得很香, 不比平時日本餐廳七八十元的咖哩差豬扒不但炸得金黃,口感鬆脆,而且也很大塊,切開有七到八件,厚度合理,不會是只得炸皮的那種一個字,正現在有質素又價格便宜的小店愈來愈少了,惡意抹黑惑者可以換到你一時快感，但卻可能令小店因而大受影響,甚至結業。小店的理念跟你不同,你大可以不幫趁,但無中生有,惡意抹黑是要不得的行為。本人好像是第一次在openrice寮寫食評,眼見近年愈來愈多因個人取態而寫的假食評,實在無奈~

我朋友經foodpxxda叫外賣原本叫咖喱牛肉飯，點知碗飯食到一半發現原隻曱甴喺碗飯入面依家嚟睇評論先發現原來有前科諗住打電話去投訴啦，點知佢個舖頭電話打過去係長途電話黎，打咗幾次都係咁，而呢間鋪亦都冇任何網頁， 專頁可以聯絡到佢哋，即係投訴無門。朋友當日即刻嘔吐，到第二日，即係今日都依然覺得不適兼且再嘔咗幾次。強烈呼籲大家冇飯食都不要食這一間。除左向外賣平台反映之外我地已經報左食環，希望食環會做嘢

唔講咁多啦，自己睇圖。介紹返，「百潔布牛丼」。如圖，今日叫咗一份外賣牛丼，食食下食到百潔布......差啲以為係紫菜食埋...... 真係好無奈，仲以為得自己一個咁唔好彩，點知一襟入openrice先見到原來咁多人都中過招，好後悔自己冇睇評論就喺某外賣平台叫咗外賣。枉佢仲擺喺Food pxxda 頭幾間，好陰濕已經向Food pxxda公司反映，如果大家仍然見到呢間店係頭幾位姐係Food pxxda 唔做野。

有曱甴系個飯入面！！！諗住佢有特價 平平地試下，離晒大譜！啲牛煮太耐韌晒既 飯又涷 份量又吾多其實有冇心做生意？打電話番去投訴，有個老女人聽 講野又吾正 有大陸音 不過都吾系重點 重點系佢講啲野好吾負責任。 佢話個飯甘樣吾關佢事 吾會再送多次飯黎 真系嬲嬲地成個飯dum左佢 冇影到相 我諗各位都唔想見到隻曱甴奉勸大家一句，唔好貪平幫襯呢間好垃圾 不可一 不可在 除左晒錢買飯仲晒左時間同口水！邊有人甘做生意？打開門做生意 錯米認 吾系貪您要多個飯，比啲交代都好 我比吾起個20幾30蚊咩？ 您送多個飯黎/講聲吾好意思 條氣都順啲 不過都吾接受拉有乜可能有隻曱甴係個飯入面？環境衛生一定好差大家真心考慮下 見吾到曱甴嘅真身 唔代表你食緊個飯係乾淨！

網上外賣平台叫左2枝津路烏龍，點知黎左2枝淳茶舍既普洱.個烏冬張圖有蛋，黎到蛋殼都無塊.個牛肉丼d牛同張圖又唔同，變左肥牛，味道吉野家都好食過佢.總括，貨不對貨，唔值呢個價.網上外賣平台叫左2枝津路烏龍，點知黎左2枝淳茶舍既普洱.個烏冬張圖有蛋，黎到蛋殼都無塊.個牛肉丼d牛同張圖又唔同，變左肥牛，味道吉野家都好食過佢.總括，貨不對貨，唔值呢個價.網上外賣平台叫左2枝津路烏龍，點知黎左2枝淳茶舍既普洱.個烏冬張圖有蛋，黎到蛋殼都無塊.個牛肉丼d牛同張圖又唔同，變左肥牛，味道吉野家都好食過佢.總括，貨不對貨，唔值呢個價.網上外賣平台叫左2枝津路烏龍，點知黎左2枝淳茶舍既普洱.個烏冬張圖有蛋，黎到蛋殼都無塊.個牛肉丼d牛同張圖又唔同，變左肥牛，味道吉野家都好食過佢.總括，貨不對貨，唔值呢個價.

平時經過都見到呢間食店，尋晚終於「記起佢」😂😂，就去試吓。估唔到，都唔錯喎！我諗我會再返嚟食！首先佢有拉麵，烏冬，丼飯，小食，汽水，啤酒。我哋叫咗拉麵&烏冬，冇食飯。另加兩樣小食，同埋一枝烏龍茶，埋單都只係$177，抵食啦！出面淨食一碗拉麵有時都過百。味道方面係好食嘅，牛嘅份量算俾得多，骨腸小食好正！餃子細細隻，都OK！不過想提一提，拉麵個湯底可能會略為甜咗DD，烏冬個湯底就正常。雖然店內阿姐有口音，感覺好唔日式 😅😅 但係作為一間小店嚟講，佢算係水準之上。

已經第三次來到這裏吃晚飯，嘢食水準中上， 不會令人失望。 炸雞飯和牛肉烏冬也很好吃。 服務和態度都很好， 香港現在很難可以找到這樣的小店。 絕對係非常推介不會令你失望。 以後又會常常來這裏吃飯。裝修平民化味道不平民， 價錢也大眾化。