大門橫丁 (山東街)

營業中

休息中

之前行波鞋街已經見過哩間日式餐廳，一直都好想試下，今次同朋友約左係旺角行街，晚餐就決定係呢間解決！🤣餐牌上面有好多唔同種類既食物，串燒仲要有超多款式可以選擇，選擇困難症既我表示揀左好耐🤣見呢個烏冬係人氣之選，所以就揀左佢😆一食之下發現果然無揀錯！手打烏冬滑溜彈牙，湯底味道酸甜微辣，蕃茄味濃郁，湯入面有切件既蕃茄，飲得出係新鮮蕃茄熬製而成，仲加左好多粟米，重點係可以走青豆🤣❗️❗️❗️唔食青豆既人表示好開心🥳而糖心蛋既熟度啱啱好，牛肉亦嫩滑好味，好食推介！！！🤤🍴豬軟骨手打烏冬（辛辣蕃茄湯）$80📌大門橫丁🍽️旺角山東街76號地舖

約咗朋友到旺角行街，她建議到這間「大門橫丁」食午飯，她讚好好食。真的冇騙我，每款串燒都好正。午間限定串燒丼飯，可選擇四款串燒包飲品只係$69，超抵食👍選擇亦非常多，我揀咗鹽燒鯖魚，韓醬小牛排，韓醬燒雞軟骨丸和汁燒雞髀菇，全部都好味，真係每樣我都好想食，下次再嚟試過👍

🦞性價比🦑：🟢🟢🟢🟢🟢🥞美食體驗🧇：屹立旺角多年，超好味又平的手打烏冬店，大門橫丁!📸打咭體驗📸：佢鋪位比以前坐得逼左好多.....只能認為佢地生意太好，要坐逼啲先坐得哂啲客。不過佢地真係有水準既，咁多年的水準都無乜跌過，都係好好味又平。抵佢開多間分店。佢地個鍋每次上都勁熱，好特別。係第二度唔會咁樣，都可以算係特色？🍗必食：一口豆腐，地獄湯底烏冬，我差唔多次次去都食

同朋友想食烏冬，好多湯底可以揀沙爹湯底好似幾吸引，仲可以揀辛辣🌶️可以揀豬扒/雞扒/肥牛/蔬菜做配料雞扒幾嫩滑沙爹湯底真係好濃郁好好味仲叫左芝士年糕，配埋煉奶超好食呀🤤冇諗過會點煉奶食！另外再試埋芝麻醬撈烏冬不過冇影低但都係熱食嘅烏冬好食啲🤣

今日夜晚晚凍凍地想食碗湯麵類既野🤔去到旺角緊係諗起大門橫丁啦！去到都要等一陣枱，不過交枱速度都好快😆我就嗌左個燒鳥🐔魚介石鍋烏冬😙😙😙 男朋友嗌左蕃茄🍅🦀蟹肉石鍋烏冬。烏冬彈牙！夠熱！上菜速度夠快！雞扒個皮燒到好香好脆😍😍勁好味！必試！食過咁多次，水準keep到！不過可惜當日好多海鮮都無哂😿可惜！ 仲嗌左鹽燒三文魚頭！好味到唔記得影相🤤❤️❤️❤️燒得勁油香~回頭指數❤️❤️❤️❤️環境👍🏻👍🏻👍🏻👍🏻

約19:25入座19:31落單叫了一個牛肉撈烏冬，一個吉列蠔配辛辣沙嗲湯底烏冬牛肉撈烏冬10分鐘左右到吉列蠔大約20分鐘左右到20:00左右烏冬還未到，於是催單（其實我哋唔趕時間，不過炸蠔已經攤凍）炸蠔配醬汁味道不錯烏冬不美觀（見圖）流心蛋上枱時是浸於湯底的烏冬質感普通，同在坊間買的冷藏烏冬沒有分別湯底味道不錯，不過要逐粒辣椒粒挑出來真係食到忟辣椒粒切到很碎如果切大少少較易處理20:20見我哋食完烏冬，飲品未完就執枱，說75分鐘用膳時間差不多完（19:25入座的）烏冬不值得試

今餐主打食串燒，3個人食了20碟都夠飽，每碟串燒都是即叫即整，調味種類有五款：辛辣燒、岩鹽燒、自家製汁燒、韓醬汁燒，芝士燒，串燒味道可以，不過價錢偏貴。侍應好熱情，需要什麼都好快提供。鹽燒雞皮串 - 脆口特式燒茄子🍆 - 醬汁比較咸，燒得唔夠耐炸墨魚咀 - 炸粉剛剛好，夠脆口

前幾日咁啱經過呢間餐廳見都幾多人食，所以就入咗去，而且客人都幾人才濟濟全部full晒，最出名就係佢哋嘅烏冬全部都係人手打，麵質都幾彈牙，份量亦都偏小，但係個湯底就好濃郁，除咗佢哋嘅招牌手打烏冬🍲之外，仲有好多唔同款嘅海鮮串燒或者炸物等等，所以就叫咗佢哋嘅蟶子同埋炸蠔🦪，蟶子都好新鮮，而且炸蠔都唔會有腥味

🔅辛辣蕃茄湯燒鳥手打烏冬 ($84)燒鳥即是燒雞, 燒得十分脆口, 配上少量燒汁, 味道十分好 湯底選澤左辣蕃茄, 有點酸带辣味, 出奇的夾, 而且開胃, 可以食辣既團友必試辛辣蕃茄湯 烏冬彈牙 都係店鋪必選⚠️ 湯底既辣多數沈在底部 建議搞均享用🔅 豬骨湯吉列蠔手打鳥冬 ($82)吉列蠔上菜時仲好熱, 食落脆口。蠔既size 就正常👍 唔係出邊既蠔仔size 豬骨湯比較辛辣蕃茄湯味道比較平實, 雖然無酸辣既層次, 但飲得出係時間煲出黎既足料濃湯👍🔸本身想試試佢既鰹魚湯, 但無貨。 有興趣既朋友仔下次可以試下

夜晚喺旺角等人設計周圍行吓睇吓有咩餐廳好食，見到呢間位於轉角位嘅日式餐廳，見就見得多，不過咁多年從來未食過，於是走入去試吓。餐牌勁多選擇，主打烏冬和串燒，淨係串燒都成半本餐牌咁多，有選擇困難症嘅就真係弊傢伙啦😆 串燒有唔同嘅醬汁配搭，有好多款式，我哋叫咗鹽燒雞皮蘆筍、黑松露金菇牛肉卷和芝士秋葵三串，小食就叫咗土佐豆腐和蒜蓉燒貴妃蚌，價錢都唔係平，不過味道不錯，雞皮好香脆，燒貴妃蚌好惹味，但覺得芝士秋葵味道唔係好夾，麻麻哋。主食我哋叫咗推薦菜式嘅沙嗲湯極上牛肉手打烏冬和極上牛肉冷手打烏冬，一凍一熱兩個人互相試吓，比較下覺得湯烏冬好食好多，沙嗲湯底極之濃和入味，好似火鍋湯底咁濃厚！2個人食咗八樣嘢埋單四百幾蚊，串燒價錢貴咗少少，其他都係正常價錢，餐廳開到凌晨一點，絕對係食宵夜和夜貓嘅選擇。

大門橫丁 (山東街) (旺角)旺角山東街76號地下佛心價食串燒🥹🍡🍢🍲當日lunchtime 時間食， 每人揀4 款串燒食， 燒物需時，所以都等左半個鐘先食到🥹各位要比d耐性啦🙌🏻每款飯都可以自選醬汁， 例如燒汁加紫菜、溏心蛋之不過佢紫菜量並非海量🤣 但都夠做唔會呀喧賓奪主🤭兩個人我地試左以下幾款串燒❤️每款都只係60-70 價位左右^_^1. 燒雞翼2. 四季豆配五花腩片3. 翠肉瓜4. 牛舌 5. 鰻魚6. 雞肉丸啖啖肉，燒得剛剛好，唔會燶哂仲好juicy ， 佢另一主打係手打石鍋烏冬，見到在場好多人order, 呢間絕對係會再encore 嘅小店🥰🙌🏻😎

想食烏冬嘅話，嚟大門橫丁就有好多選擇👍🏻第一次嚟食，真係花多眼亂😵‍💫🤣1️⃣胡麻軟殼蟹沙律手打烏冬（$88）夏日炎炎好適合食冷盤！所以就揀咗呢個胡麻醬撈沙律烏冬食，胡麻醬係分開上嘅，唔怕太多或太少醬👍🏻軟殼蟹都算好多，而且夠脆，啲醬分開上就唔驚將佢整淋。沙律有蟹籽同青瓜，撈埋一齊食口感十足。手打烏冬非常彈牙，可以滿足鍾意食烏冬嘅人🙌🏻2️⃣豬骨湯極上牛肉手打島冬（$84）呢個湯烏冬可以自己揀湯底，有魚介豬骨湯、豬骨湯、蕃茄湯等等。由於呢個極上牛肉湯烏冬實在太多牛，湯底嘅牛肉味多於豬骨湯味🤣🤣所以有少少對湯有失望。不過正如上述所講有好多牛肉，食得好滿足，烏冬一樣彈牙👍🏻👍🏻配料亦都有半隻糖心蛋，做到基本發揮。另外想讚一讚配料嘅四季豆都非常新鮮，冇渣，配合粟米粒一齊食，非常有口感。📍總結：-會再次嚟食，因為佢嘅手打烏冬真係冇得彈🥰另外亦有非常多嘅烏冬選擇，下次嚟會想試芝士烏冬同撈烏冬。

🎈 大門橫丁 地址：旺角山東街76號地下💡 和風炒牛肉溫泉蛋撈手打烏冬➡️賣相幾吸引，較多汁，比較水，有d 似湯烏冬💡 鹽燒四季豆豬腩卷➡️燒得幾香，但唔夠味，豬腩超級薄，冇口感💡 鹽燒鴨舌➡️鴨舌超細粒，唔夠有口感，冇肉食💡 黑椒蜂蜜燒雞翼➡️最入味既一款💡 軟殼蟹沙律➡️唔知點解會有菠蘿粒，食下食下成碗出晒水💡 蟹皇醬蒜蓉燒元貝➡️燒得幾好，但唔太食到元貝上面既蟹皇醬味道💡 炸日式腐皮卷➡️份量多，但炸過龍，太過脆

⭐️大門橫丁📍位於：旺角山東街76號地下好耐無食大門橫丁了，所以今晚就去左食和風燒鳥手打烏冬（地獄湯） $84本身鍾意食辣，所以叫咗個地獄湯底，味道非常好味，個雞扒燒得好香口另外叫左辛辣燒鴨舌（$39）同埋汁燒翠玉瓜（$27）辣汁燒四季豆（$23）

📍大門橫丁 (山東街) (旺角)旺角山東街76號地下主食：辛辣蕃茄湯鳥冬、豬骨湯鳥冬小食：炸雞軟骨、吉列炸蠔🦪、炸魷魚鬚、鹽燒牛小排🥩、娃娃豬腩卷4個人食🫣🫣但見隔離枱d小食好似幾吸引，就好想試下😋點知越叫越多，樣樣都想試下😂😂d食物都唔差，炸物類d粉唔會好厚，剛剛好👍🏻仲食到好飽🤤🤤2款鳥冬湯底都好濃，唔錯👍🏻但環境坐得有d擠迫，坐得冇咁舒服😬😬