大記攦粉糕點專門店

營業中

休息中

今日同事帶我去試香港特色食飯。依間餐廳係同事食完一次會再去食，同事講到咁好食令我十分期待。炸墨魚卷：熱辣辣，新鮮炸出嚟。外脆內軟，咬落去仲有汁（⭐️⭐️⭐️⭐️4/5推介指數）炸魚腐：口感好神奇，好似油炸鬼咁。味道不錯（⭐️⭐️⭐️⭐️4/5推介指數）炸雲吞：味道美味，有濃濃的鮮蝦味，但略炸耐左少少，外皮硬了一點炸鯪魚頭：細細粒，一口鯪魚頭，味道不差，可以一試（（⭐️⭐️⭐️3 /5推介指數）豬骨湯底加攦粉入口滑溜溜、彈牙好似粗和彈牙牌的米線。第一試依個口感，好好食😋手打攦粉-香港只有一間，絕無分店。

這家粽子已有多年歷史，主要做中山3鄉蘆兜粽為名，店舖也會有好多傳統糕點賣！中山芦兜粽中山芦兜粽好大條，要兩個女生才能吃完，里面的肉很扎实，一口咬下去咸香咸香的～吃完好滿足✅肇庆粽红豆被煮的软绵绵的～一口咬下去！红豆和糯米吃起来糯叽叽的！里面还有咸蛋黄🙌怎么吃都吃不够！還有有萝卜糕、芋头糕、蔗糖年糕、马蹄糕等等！每一个我都想吃💯颜值真的好高当然啦～如果怕太甜也没事它家还有各种健康糕点👇👇椰香黑芝麻桃胶糕、桂花杞子桂圆糕、椰汁红豆糕等！

路過呢間舖頭門口見到擺嗰啲糕點好靚，所以買咗幾個糕點，之後發現有攦粉，姐姐話啲粉係粘米粉整嘅，同瀨粉好似，但係又唔係同一樣嘢，滿腹胡疑決定試吓。粉嘅口感的確同瀨粉有啲相近，但更加飽滿同埋紮實同埋滑。平時食粉麵好少一個人會食完一碗，今次係個例外。唔係話好食到好驚艷，但係一個凍冰冰嘅早上（今日好似14度）食一碗咁樣暖笠笠嘅粉，好家常既感覺，飲埋大半碗湯，心裏面好滿足🫶之後又再打包左一個豬嘴邊肉同埋農家小炒返去。農家小炒呢個炒雜菜都好好食。

價錢唔算貴不過啲包裝好隨便 有待改善唔係話在意外觀但係包得唔好唔妥當感覺衛生方面可以再進步少少😂😂😂😂😂不過糕點嘅選擇都算ok多仲可以一塊塊咁樣買價錢都算係合理嘅芝麻糕、椰汁紅豆糕、紅豆糕、杞子圓肉糕、南瓜糕、清熱綠豆糕、椰汁馬豆糕、宮廷桂花糕、上田馬蹄糕、紅棗雪耳糕全部都聽落唔錯不過今次淨係買咗幾件本身淨係諗住買兩件但係個阿姐話買三件就$20一件$7三件$205件$30買多啲感覺真係平少少我係做早餐定係下午茶都OK嘅

朋友話依間有好傳統嘅蘆兜糭賣，幫佢買之於我自己又順便叫個外賣。炸墨魚卷非常惹味，亦都係招牌菜之一，買外賣回到家才吃仍是十分香脆，碗灑粉都好多料，配菜有好多蔬菜感覺好健康～另外仲買左茶果同砵仔糕。居然有黑色的砵仔糕，即係芝麻味，而且他所有砵仔糕都是十分多豆，佢擺晒出黎可以自己揀～茶果有三個口味，眉豆，花生及紅豆，餡料都好滿，抵食～啲姐姐好熱情招呼，基本上只要經過舖頭佢哋都會問你食啲咩，而且地理位置都近地鐵站，好方便。

2020年端午節食過一次綠豆糭，以幾十蚊既價格黎講，算幾好。上星期路過再買黎食，糭既大細無變，綠豆份量少了點，或者剛好係呢隻，但比起其它店都多好多，鍾意多綠豆既朋友我仍然十分推薦。今次試埋芝麻卷同芝麻糯米糍，我係唔算食好甜既人，但覺得無乜甜味，芝麻味亦唔算濃，唯獨糯米糍個糯米皮好食，可能下次試花生。

大記嘅評價一直都係好壞參半，不過對我來講，我覺得呢度真係又平又好食，可能係我好彩啦，你咁多次真係冇失望過☺️首先唔係度度有得食攦粉，我自己就好鍾意，因為佢都係比較粗條嘅面，咬落去嘅口感好煙韌，好有咬口🥢每一次必食佢哋嘅鮮炸墨魚卷，夠晒彈牙，好鬼好味🤤份量都較多，我食完都覺得飽，連埋嘢飲都係$40鬆啲，其實真係物超所值，平靚正👍🏻性價比極高呢度係小店，喺度工作嘅姐姐又未至於賓至如歸，不過佢地嘅隨性，我覺得幾舒服

路經太子，原本已經行過咗呢間舖頭，耳邊聽到有個年青人話芝麻卷，所以停低望望。而家都好少見到有呢啲中式點甜點賣。所以都要咗一盒芝麻卷，跟住見到佢話$30有兩盒，就揀多咗一盒黃色有豆，和芝麻有豆的砵仔糕。芝麻卷：-整體係可以嘅唔係太甜有少少芝麻味。砵仔糕：-難食-真係送俾我都唔要-質地完全係結實的，口感同味道完全都唔係砵仔糕。咬咗一啖就揼咗。-真係唔明，芝麻卷有芝麻味，但點解芝麻砵仔糕就一啲芝麻味都冇。

自疫情好耐無去食大記攦粉，有以下畫面和情境：1. 店面同事與疑似店東持股有人高談闊論，手持砵仔糕，正在包裝唔包裝時，談及有人擺唔擺款，三叔公、六叔公等事，但疑似店東持有人，重點：這人拉低口罩正在準備午餐，洗米、往來廚房處理佢條大鯇魚尾。😡2. 店面同事興之所至，見疑似店東持有人一同拉低口罩，在廚房旁繼續高聲談論，出菜位有醬料準備上檯，更引來廚房同事行出黎（都係拉低口罩行出黎）加入討論團，呢個同事唔係飲水，係吹水。重點：負責廚房阿姐見人睇唔到就拉低口罩😡3. 講返碗粉「炸墨魚卷攦粉」，清湯到一個點「無味」，炸墨魚卷纖體成功，瘦到得中指咁粗，以前係拇指咁粗架，仲要重口味精到一個極致，以往食佢最欣賞係個小炒喺湯面（蔬菜），家下大縮水不在話下，仲要將蔬菜頭頭尾尾都炒埋一齊。有辱掛喺舖面「蔡潤」個牌

之前無意中發現到呢間攦粉店，俾佢既純米漿人手製作吸引左，感覺好似好健康，而且我不嬲都幾中意食瀨粉，bookmark左一段日子之後呢排晚市開放返堂食就同男友去試下～可能咁岩新年忙住整糕點，好多野都無提供/賣晒，一心諗住食切雞攦粉但食唔到😥 隔離檯叫幾款糕點都無最後男友叫咗一個炸墨魚卷攦粉酸辣湯底，一盒芝麻糕同埋一支綠豆沙～男友話墨魚卷炸得好脆，但裡面唔彈牙好淋👎攦粉好彈牙好煙韌，係幾好食既 (不過走嗰陣見到雪櫃裏面有獨立包裝既攦粉可以買，見到成份有小麥粉同玉米粉？！)個酸辣湯底偏酸但係唔香，似純粹用酸菜加清湯調配出嚟，一般般～芝麻糕口感煙韌唔會太甜，但係之前係元朗食過一間係最裏面都會有黑芝麻所以更加香，呢間就冇，相對比較遜色～綠豆沙唔太甜，味道正常整體係對呢間老字號失望，因為：1.攦粉唔係純米做2. 想食切雞食唔到 (然後退而求其次嘅墨魚卷一啲都唔彈牙...)3. 芝麻糕唔夠香我諗。。都未必會再黎嚕～

呢間野係我兩年前無意中發現架 係意外之喜到左今時今日 水準都保持到 贊贊贊👍🏻👍🏻👍🏻佢款式都幾多下 我揀左最中意既香茅雞翼沙爹味 同牛腩酸辣湯味 正個碗係用木桶裝 幾好 又有特式 中意食粗粗地既粉 大家可以試下 佢個粉名幾特別下次要食麻辣 今次去吾食得

本人鑑於 很久沒有食呢間野啦，見今日老公有搭車出到去旺角，順便可以買下外賣（ 鑑於疫情我哋都唔會堂食） 大家食過佢都知道，自從搬了舖頭後， 水準越來越差， 呢個都冇所謂， 有時食都係懷念下以前。不過估唔到的是，今時今日疫情關係外賣已經係普遍， 每個商店已經將外賣同外賣盒都完善化啦， 可以保證回到家你的外賣都可以完整無缺， 由其粉麵類。不過呢間嘢， 味道已經沒有以前那麼好，你的外賣都可以做到咁差， 都唔知你為咗係慳成本定係 環保喇， 你個外賣未返到屋企個蓋都已經四分五裂，個碗都可以變晒型， 其實你哋知道自己個外賣盒唔鞏固， 買咗兩碗粉你都可以用一個小小嘅膠袋將佢哋放埋一齊， 啲餸仲要打橫打直拍埋落去， 我都自問小心翼翼地保護佢回家， 但係返到去其實係冇得食嘅， 其實如果本店唔想做外賣， 你也可以唔做外賣。

話說大記開咗咁耐 朕終於的起心肝去幫襯 去之前我仲上網check吓"攦"嘅讀音係乜 係咪好認真先😌攦粉個樣好似烏冬 都ok煙韌 我想講佢個炸墨魚卷好鬼好味 夠晒彈牙🤤其實之前睇過OP 評價好壞參半 有人話攦粉唔夠煙韌 都有人話墨魚卷唔夠彈牙 如果真係要睇運氣撞廚師手神嘅話 呢日應該係我嘅幸運日🤗heheTea time時間去 連埋凍飲$40 要翻啅!

今日經過太子的大記攦粉糕點當然停一停步看有沒有糕點賣，這裡的糕點味道以中式為主而且十分特別，價錢有點貴但每次都會看有沒有得賣，今日幸運有不少，而且砵仔糕仲有優惠二十五元有四個，我就買了二盒去找朋友，其一中盒是芝麻和白色的砵仔糕給朋友，她都說十分特別。而我的是黃色和白色，只到家打開見到都有不少紅豆但紅豆比較細粒，黃色是傳統款，味道不太甜，口感硬了點，紅豆的口感不夠淋身但味道不錯。而另一白色以為是白糖原來是椰汁，味道都有椰汁味不太濃，如果以二十五元四個來計不叫十分便宜，但都夠大舊而且都幾足料。

因為某旅遊app做優惠嘅關係，所以發現太子有呢間賣「攦粉」嘅小店，其實唔知係乜東東嚟，就試下啦。呢日lunch time就去咗太子，個位都幾近地鐵站。門面細細，出面主要就賣糕點，入面就有幾張枱櫈可以食攦粉。我同兩個同事一人叫咗一碗攦粉，用木桶上幾吸睛😛。湯底可以揀清湯、酸辣、麻辣同沙嗲，辣度就再有得揀。我就要咗沙嗲，一嚟到已經好香🤤，湯底夠味掛粉唔錯，唔會辣。至於同事叫嘅清湯就無咁惹味，芹菜味較重。沙嗲湯仲配埋紫菜添，清湯無的，而每碗都配有啲瓜菜蘿蔔絲👍。我哋夾埋叫咗三款唔同嘅餸share食，有🍢鮮炸魚片頭($33)、🦑鮮炸墨魚卷($38)同🐔香茅雞翼($38)。每款餸嘅份量都唔少，雞翼4隻，墨魚卷3條，魚片頭4嚿(呢樣就略嫌少啲)。3樣都幾好食，特別係雞翼，脆得嚟唔乾身，味道適中；墨魚卷就可以再彈牙啲。講返攦粉，我相信其實個名係佢哋改的🙈，因為google完無乜大記以外嘅結果。攦粉係用米漿造的，個感覺似銀汁粉咁粗嘅瀨粉，每條都好長好滑，粗幼度一樣，成條都好平均👍。不過就略嫌唔夠煙韜，夾得耐會斷。但overall嚟講，呢個攦粉初體驗都唔錯，而且性價比高，平均$3x搞掂，食完又飽飽😋。呢