影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
去完朋友公司大型開張儀式，玩咗幾個鐘好高能量好攰，唔想返屋企煮飯，陪朋友返馬鞍山，梗係首選至愛飯堂大自然啦！星期六晚未夠7點，唔使等位。好肚餓，先叫一客法式牛油果焗多士。跟住叫咗魚香肉醬焗棉花茄子及原隻金瓜焗飯。等咗約5分鐘，好開心有嘢食啦 今晚嘅多士味道不變，幾香，只係烘得唔夠脆。第一次食焗茄子及金瓜焗飯，保持茄子滑嘅秘密就係油浸，魚香肉醬有驚喜，好咸香，配茄子中和咗咸味，好夾。仲有4條菜芯伴碟，簡直兩眼發光，有菜食 至於金瓜焗飯，南瓜夠冧，炒飯幾香，比較淡味，加上魚香茄子一齊食，正 終於都係食唔晒，打包回家。最後，送來綠豆沙，熱辣辣上枱，好新鮮，有豆味，有陳皮碎，又起沙，唔會甜到漏好滿足
繼續閱讀
星期五晚9:00，我同同學去社區中心玩完好夜就去咗新港城中心搵食，經過咗大自然素食，發現8:30後所有食品半價，睇個樣好抵食，入到去時店員好有禮貌招呼客人，喺Menu見到原本大部份食品介乎8-9字頭，看起來依家變成4-5字頭，真難遇見1.豉油王雜菌炒麵 $86 ＞$43呢碟炒麵帶着我充滿蘑菇味嘅口感，真係好食，又兼大份喎，裏面都夾雜着蔬菜類，真係帶着新鮮感2.日式燒汁鰻魚飯 $86 ＞$43我以為好似普通日本餐廳嘅鰻魚飯咁普通，最後加埋沙律，啲鰻魚飯都已經令同學很滿足，但係沙律有點苦，不過佢都冇所謂依間店舖仲會送埋豌豆同糖水豌豆啲外皮無味，我無謂食四五嚿就放棄了糖水是紫米露製成的，飲咗紫米令我更加幸福好想添飲。至於茶錢方面，每人都要$12茶位費，都比其他茶樓貴一倍，但我猜測晚餐茶位貴的，最後我同同學不斷飲茶，因為想便宜／及大部份時間沒有飲水，PS:食完嘢記住去飲茶
繼續閱讀
素食食物新穎創新，外表唔會好似昔日嘅素食咁dry，食物創新，吸引左好多年輕一代去食❤️今次同屋企人去食晚飯，叫左個原個黃耳素翅燉椰皇💗😍個湯勁入味，超有椰香，飲第一淡個陣，我同屋企人都覺得勁special。另外，仲叫左個粟米粥，初頭以為一小碗，點知嚟左一窩粥🤣🤣好抵食🤣個粥有玉子做底，令到個粟米粥唔單調。另外叫左一份蓮藕餅，今次煎得唔係好夠脆口🥲所以略為遜色左少少🤏而豆腐煲都唔錯，清清淡淡，配合芥菜👍🏻👍🏻❤️🥰最正係每次晚飯後都會有碗糖水附送，今次就係木瓜雪耳糖水🥰🥰非常滋補喔❤️❤️❤️
繼續閱讀
已經唔係第一次黎呢間素食餐廳，第一次黎認真顛覆我對素食既認知，原來素食可以咁好食，賣相亦可以咁吸引某幾次正初一日子，會比較多人，門外都會有人排隊等食，平日基本上都唔需要點等位就入得餐廳入面闊落，簡單裝潢，感覺乾淨，叫左幾樣餸，侍應亦推介佢地既蜜汁叉燒包，唔駛一陣好快全部都熱辣辣上菜了送既餐前小食雜菜燒汁鰻魚粒口感似雞肉，外面炸得鬆脆，裡面材料豐富，基本上唔講一定會以為係肉類，朋友亦稱最滿意呢道菜式三絲炒上海年糕味道唔錯，但比其餘兩道菜會相對偏淡職員推介既蜜汁叉燒包冇諗到“叉燒”同包原來分開上，味道亦超出預期，可以做到有蜜汁燒香既口感，絕對值得一試麵包有麥包同白麵包，熱辣辣好柔軟，配埋蜜汁叉燒，好好味最後仲有糖水送，再食埋甜品呢餐真心滿足
繼續閱讀
今日是農曆十五，到大自然素食午餐，今日相對比平日多人，全場滿座，還有多人在門口等位。每次必定叫木瓜蔬菜沙律及香煎芋鴨，沙律菜顏色豐富，有木瓜、柚子、藍莓、士多啤梨、沙律菜....沙律汁酸甜醒胃,推薦。香煎芋鴨煎得香脆可口，還有生煎叉燒包再來一客煎藕餅，藕餅沒有蓮藕的口感，只是覺得在食素扎肉。因今日人多，快快食完結帳離座，讓更多人可分享素食想提一下麥茶，非常清香可口，但番沖一次水後已經冇味，希望店主能改善🙏
繼續閱讀