大川滬 (已結業)

土瓜灣, 不是我熟悉的地方, 但在這區, 其實也有不少值得前往的店子. 這晚來到的, 是大川滬. 當然, 這裡有川菜, 也有滬菜, 但這晚主力就吃滬菜吧.嫩雞煨麵 $68小晴晴愛吃麵, 嫩雞煨麵, 是她由小開始吃的項目. 大川滬的嫩雞煨麵, 是正宗的煨麵, 雞肉呈方粒, 麵條質感合宜, 還下了不少菜蔬. 常常在想, 青菜煨麵, 跟嫩雞煨麵其實分別不大, 想吃菜, 又吃雞肉, 就選嫩雞煨麵.蒸銀絲卷 $25這晚吃的, 都是我們常常在滬菜館子會吃的東東. 蒸銀絲卷, 包身夠軟熟, 起碼不是饅頭的格式, 吃的時候, 例牌沾上些煉奶, 甜美, 就是這樣子. 有時候, 吃傳統, 簡單的菜式, 一樣也可以很甜吧.豆漿 $14小晴晴大了後, 汽水還不會喝, 但就會喝豆漿, 這裡的, 大大杯, 豆味是挺香濃的.紅棗桂花糕最後, 還有甜品, 是紅棗桂花糕. 如果是吃完辣的話, 來客紅棗桂花糕, 就是解辣的好幫手. 當然, 現在吃, 也是挺清甜的.帶著小朋友, 吃滬菜從來是個好選擇, 在土瓜灣北帝街的大川滬, 吃到的, 就是傳統的滬菜.

自從上月到過鴨脷洲 Staycation，發現舊區潛藏著值得探索的香港味道，而那些味道往往被我們忽略了！曾居於紅磡一段長時間，跟紅磡接連的土瓜灣是老爸經常領著我們徒步而至的地方，不過到長大後甚少再到土瓜灣，除了對馬頭圍道留有記憶外，土瓜灣的內街已忘得一乾二淨。今天趁著有點空檔，由紅磡步行至土瓜灣，踏上昔日老爸 (壯爸) 和我們的足跡，順便探索一下這個舊區，此短行甚有意思！北帝街有不少食肆，而且屬於香港人特別關注的小店，「大川滬」是其中一家，沒吃早餐的我，趁機支持一下！主打四川和上海兩地菜式，中午還有親民的客飯，老區食肆的服務對象顯然是街坊！客飯選擇不少，共一至十二款口味，任君選擇。我們要了第十號的口水雞 ，套餐連例湯、白飯和飲品才 HK$55，一看端來的份量，在未清楚味道之前，起碼肯定能吃得飽！湯色清澈，湯料有粟米、紅蘿蔔和合掌瓜，嗒出清甜和無添加的天然味道，一碗令人舒暢的素湯！首先要讚口水雞肉質緊緻嫩滑，而且細薄的雞皮不帶皮下油脂，正是我喜歡的，聽聞是選用新鮮雞製作，看來小店對質量很執著呢！至於味道，喜歡辣的朋友可能會嫌未夠刺激，個人認為並無損口水雞的吸引力，皆因雞肉本身帶有微微的鹹

 隨住『魚頭火鍋』全面徹出香港，筆者呢幾年甚少踏足土瓜灣，頂多是偶爾去8度海逸食下自助餐，僅此而已。近日因私務再次來到這區，北帝街已面目全非，大部份的食店也沒有試過，有些名字更是聞所未聞。其中有間大川滬，在這一帶來說門口比較光鮮及濶大，從店名猜度大概是主打四川及上海菜吧，我蠻有興趣。翻開餐牌，的確有唔少川滬菜式選擇。嚐上海菜無理由唔食小籠包，有理無理先來一客，形狀幾靚仔，用筷子夾起唔會穿，湯汁充盈，收入口可做得小一點就好，不過已是合格以上的出品。可惜筆者胃納太小，否則一定會叫埋生煎包。另外柯打了擔擔麵，除了肉末，還見有榨菜在陣，是老式的做法。成品很香，辣度於我而言是剛好，還滲出麻醬的味道，湯頭挺合心，麵條也煮得爽滑，不俗。朋友是年糕癡，必要點上回鍋肉炒年糕。腩肉夠邪惡，唯略嫌過咸了一點，不過煙韌的年糕與及豆干就十分出色，口感與味道尚佳，即使是放耐了，也絕不會硬得像擦字膠。懂吃的，當然要叫客蒸銀絲卷，汁醬一滴也不要浪費。風沙雞大概不是滬菜菜色吧，但也按店員推介，要了半隻。估佢唔到咁皮脆肉嫩，面頭大堆炸蒜夠晒惹味，果然無介紹錯。飲埋杯餐廳自家煲製的薏米水，大滿足！

她, 新居入伙在即, 拉了苦榮到區內了解周遭環境, 順道午餐. 午市客飯抵食, 有主菜, 白飯, 湯或飲品, 但她還是鍾情滬式點心, 皮薄多汁小籠包和軟熟生煎包, 看她吃得一臉滿足的樣子, 可知是好東西. 除了上海美食, 餐廳仲有地道港式食品, 苦榮的豬扒包香脆美味, 在未能與她並肩同遊澳門的日子, 這個豬扒包頓時成為了心靈良藥. 飲住香濃奶茶睇Viu TV, 比被迫看CCTVB好得多. 既然餐廳有播英超, 搵日捉埋兩個老友嚟睇波飲啤酒.

疫情關係很久沒跟好友密密斟了！他忽然約我去土瓜灣吃上海菜我便知道這夜有口福了！約到位處土瓜灣北帝街的大川滬原來已座落該區兩年，相信附近的街坊應都幫襯過不少！對於我這個東涌友來說當然是新鮮店吧！門面整齊企理內裡亦如一在小店來說已經是十分寬敞舒適！最重要是衛生夠理想嘛大家也知從前的老派上海菜環境和潔淨度有多特色的吧！！我們被安排座於福蔭下舒適的卡座就吃得更自在暢快！服務亦相當貼心有禮感覺到有份久違了的人情味！我地由六時多開始傾到成十時才走途中絕沒趕客的感覺(餐廳坐了不少客人)。甫坐下服務員介紹了有緣才品嚐到的檸檬薏米水，原來是由老闆娘親手泡製怪不得那麼足料，味道清甜不漏絕對是住家的好味道！兩條友仔乜鬼都想食那便一於豁出去吧！足足點上三菜兩點心是我近來吃得最放肆的晚餐！先品嚐生煎包＄40/3隻賣相挺美的，包身軟熟可口而包底則煎至微脆，內裡肉餡富咬口味道調得不俗，以這價位來說我就收貨有餘了。涼菜我們選了家鄉燻魚拼肴肉＄75兩款也是水準之作，家鄉燻魚是典型的上海家鄉菜我自己在家也喜歡弄來吃，這兒的魚肉弄得外脆內軟口感不俗，吃下酸酸甜甜鹹鹹的味道十分香濃但不會過火，最重要是用料新鮮魚肉沒帶上丁點腥

好想食小籠包、水煮牛肉，羊肉呀～行過見到呢間牌面唔錯，多人食同埋都幾光猛。羊肉鍋貼$58有四隻，肉汁多到咇出嚟！🤩👍👍好出色！勁足料！連個底都煎到金黃香脆，就算唔點喼汁都得，因為已經好有味，羊肉大塊又香濃多汁～小籠包$42有四隻，一樣肉汁多到咇出嚟，配埋有薑嘅喼汁，口感juicy。酸辣湯拉麵$68都好推介，酸辣湯不馬夫，酸同辣好ok，可以飲晒個湯～拉麵不過不失。食完再食水煮牛肉拉麵$80，呢隻辣都有參照大陸風味有放花椒同辣椒，幾惹味，牛肉仲有8塊，夠晒飽。

早排附近有間老牌豆品專門店因收樓而結業，幫朋友買咗樽腐乳因疫情一直 keep 住喺我度，呢排好啲朋友就揾我撐檯腳。叫咗 2 個客飯加小籠包再加 2 杯豆槳，小籠包新鮮蒸起，包入面有湯汁，好味道，客飯一個回鍋肉，有鑊氣，小小辣好惹味，涼瓜炆魚大大碟。餐廳啲人都好有禮貌，收碟都會講聲 👍👍

土瓜灣食上海菜既餐廳唔多，而哩間真係算係區內比較好味😋 叫左個晚餐，上海排骨菜飯，幾好味，香酥既豬扒配菜飯，正！炸銀絲卷即叫即炸，好脆同好香口😚 最推介紅油炒手，雲吞足料又大隻，好有豬肉味！服務好，坐得又舒服👍🏻👍🏻👍🏻

#大川滬 #抵食下午茶 主食配小食都系$48，味道又唔錯，好抵食！——————————————————————#酸辣湯 酸辣湯味道好濃郁，飲落唔會太辣，但酸既味道令人精神一振😂同埋入面既材料都好足，仲有少少稠身，齋睇已經流口水🤤好味指數：8.9/10#擔擔麵 擔擔麵湯底酸酸辣辣，仲加入左花生醬令到成個麵好香✨✨好味指數：8.9/10#小籠包 小籠包薄得尼唔易夾穿，入面d汁好juice 😻汁同肉既味道都好鮮甜！好味指數：9/10#鍋貼 鍋貼即叫即整既關係令到等既時間會長d，而味道方面同小籠包一樣禁鮮甜，外皮煎得幾香口！好味程度：8.7/10抵食程度：8.8/10回頭度： 8.8/10——————————————————————📍地點：大川滬 (土瓜灣)土瓜灣北帝街21-25號匯川大廈地下B-J舖⏰營業時間：星期一至星期日07:00-01:00☎️電話：27133343#美食#相機食先 #上海菜 #下午茶 #土瓜灣美食 #foodie #foodies #hongkongfood #hongkongfoodie #hongkong #food #foodssss___

夜晚在土瓜灣搵食，見到有間叫大川滬食上海菜既餐廳就入去試下。餐廳都算大，而且環境坐落都舒服，一家人黎食飯都合適。食物方面我地叫左四入套餐，入面有：雞絲粉皮 陳醋黑木耳黃金蝦球 風沙雞粟米魚肚羹小籠包上湯浸時蔬豆沙窩餅雞絲粉皮同陳醋黑木耳都做得幾好，黑木耳入味，如果雞絲多小小就更好。粟米魚肚羮就足料既，仲好大煲飲唔晒。黃金蝦球好香蛋黃味，蝦亦都新鮮同爽，最怕食到霉既蝦🤢 但份量有D少，覺得可以加多DD。隻雞味道黎講係唔錯既，但我就覺得有少少乾。小籠包係我最鐘意，呢到既小籠包新鮮熱辣多湯汁，必定要叫黎食。一客有四粒，除左套餐本身果份，我地另外再叫多份黎食。👍豆沙窩餅我就覺得冇咩特別，可能因為本身唔太喜歡豆沙，但唔係差既。呢間上海菜4-6個人黎食最好，可以食到多D唔同野，又可以坐得舒服D。

土瓜灣其實係好多美食，作為土瓜灣街坊，好想試晒地區嘅餐廳，今次就試咗上海菜館。一入去餐廳，老闆同職員都非常熱情同招呼周到。奶油津白 $78美味之選，好多上海舖只有火腿津白，見到有奶油津白即刻就叫。奶油濃度適中，令到啲菜好滑，但又唔會太過creamy 紅油抄手 $45紅油抄手皮薄餡靚，但係有待改善位係唔夠入味，只係得辣油味小籠包 $42我覺得上海菜館一定要整得好嘅，一定係小籠包。佢嘅小籠包皮薄餡靚，肉汁鮮味，屬於正常發揮鍋貼 $48鍋貼煎得香口，而且一啲都唔乾身，肉汁豐富高力豆沙 $58係幾好食嘅一道甜品，唔算太甜，咬口鬆化揚州餚肉 $62係我哋叫咁多樣餸裏邊最唔好食嘅一樣，一咬就散開，肉同水晶比例同相片不一樣，真實嘅肉少好多Overall係幾好食嘅～最後係環境相：

呢間上海旅廳曾經參與過5/8罷工，電視又淨係會播ViuTV，唔使驚要睇住CCTVB食唔落飯！一坐底店員就送上蕎麥胚芽茶，聞到好香，又重麥味🍵 上海小籠包（四隻）$40呢度嘅小籠包好出色！皮得黎薄又唔會好易穿，餡肉鮮甜，一咬滿滿嘅湯汁嗶曬出嚟，不愧為招牌菜🤤 擔擔面$48呢樣都有驚喜，呢間鋪頭用嘅面比平時粗，麵質似陽春面幾有咬口，湯底都唔錯，有少少花椒香味，唔會太辣，如果花生味再重啲就好啦🥜上海粗炒$70麵既口感煙韌，食落都唔會太油膩，仲好大兜添！總括而言一間舖都值得回頭，而且仲開到凌晨，啱晒遲食飯嘅朋友🥳

大川滬 #土瓜灣 #黃店❗️難得高質上海菜黃店❗️一向都好鍾意上海菜，但要搵一間黃嘅上海菜真係好難，好難得喺土瓜灣遇到！仲要大大份又好味，真係值得支持。蔥油開陽拌面 $56上海菜嘅麵食一向款式多，除咗耳熟能詳嘅擔擔麵之外，相信唔少人都好鍾意食蔥油拌麵！特色在於用上香蔥油去撈麵，簡簡單單但非常惹味。今次呢款仲特別用上蝦米，令到成個麵更富鹹香味，而且一粒粒脆口嘅蝦米亦都增添左口感。底下再加上豉油汁，都幾好食。味道:4.1/5性價比:4.3/5回鍋肉炒年糕 $78呢個更加好食！甜甜辣辣嘅回鍋肉，配上煙韌韌嘅炒年糕真係超好味！特別欣賞佢嘅年糕煙韌得恰到好處，有少少咬口得來有絕對唔黏牙。回鍋肉嘅醬汁亦調得好好，稠稠地平均掛滿喺每塊年糕上，而且份量超大，真係好滿足。味道:4.4/5性價比:4.3/5整體來講呢間上海菜的確係平價好食之選，仲要好難得係黃，雖然位置有啲偏僻，但其實同而家好Hit嘅on the hill相隔10分鐘路程左右，當日我就係食完呢一個再去Cafe食甜品啦！

在疫情之下，留家抗疫，顧已及人，但尋日（05.04.2020）要帶龜龜去睇醫生，所以去左土瓜灣, 想支持黃店，搵到呢間。1）服務好入店拎住野，店員問重唔重要幫手拎嗎？好窩心叫左個午餐（回鍋肉）同小龍包，午餐有湯同嘢飲，亞姐送多左個湯又拎多個碗（已消毒）因為食唔到辣，但又想食回鍋肉，叫食辣，佢又ok 2) 味道好午餐有餸、飯、湯+飲品都係$5-6x 不等，回鍋肉送飯味道幾好，例湯足料好味，小龍包皮薄味道好推介！

香煎素鵝，腐皮煎得香脆。海蜇拼餚肉，海蜇爽，但麻油味可以濃些。餚肉咬口ok。砂鍋雲呑雞湯，雞湯濃，但無乜雞味。雲吞較鬆散，味道可以。炒鱔糊，鱔肉軟，份量不多。賽螃蟹，淨係得蛋白，炒得太老，有些韌。火腿蓉津白，有鹹香。上海炒年糕，年糕相當依韌，有咬口。青菜煨麵，湯底奶香唔夠，麵質較依韌爽口。麵超多，青菜較少。鮮肉鍋貼，烹煮的時間很到位，皮亦薄餡多，底部煎得脆卜卜，一定要襯熱吃。上海小籠包，有驚喜。皮薄饀多，湯汁亦多。豆沙鍋餅，豆沙餡唔多，皮不太脆。