大喜屋

營業中

休息中

我已經好耐冇喺香港食過放題，估唔到而家進步咗咁多，上食物速度超級快～🌪️完全冇辜負我成個下晝冇食嘢，期待嘅呢一餐呀！🤭出面自助BAR既食物種類，超級豐富，除咗有多款水果及配菜選擇之外，仲有凍青口同熟蝦嘅海鮮冷盤等等等等。。。🥢飲品方面，令人最surprise既係！！有珍珠奶茶放題😍🧋仲有自家製無糖鴨屎香檸檬茶添！🍹簡直滿足晒花心嘅我呀🥂✨重點推介✨😋極品金枕頭榴蓮燒超級香榴槤味，外脆內軟，榴槤肉超級香滑，基本上見到所有枱都嗌咗一盤，鍾意食榴槤嘅你，絕對不可以錯過！😋金蒜蓉粉絲蒸扇貝上面嘅蒜蓉，用咗炸香既黃金脆蒜，口感極度豐富，粉絲一啲都唔硬，仲要十分入味！😋脆炸貓山王一啖咬落去，中間榴槤肉係即刻流出黎！超級香係勁有驚喜，就算我平時少食榴槤都覺得好好食！😋鵝肝多士下面多士十分香脆，配合鵝肝的香滑油脂味道，一咬落去即刻充斥着香、滑、脆既口感。而且配合脆多士一齊入口，一啲都唔覺得油膩！📍大喜屋 (沙田)沙田沙田正街21-27號沙田廣場1樓33-35, 44-46號舖

今日去到沙田廣場附近同朋友食一間日式放題！點解放題之前嘅分店都好似有食過！就感受吓，咁啱我朋友住喺沙田附近、睇吓有啲咩分店唔一樣嘅嘢我哋呢度有得食！呢度刺身，多咗象拔蚌，蟹腳依然都有！仲有我好鍾意食嘅三文魚、同埋大大隻嘅甜蝦！刺身嘅種類多咗一兩款、壽司方面多咗池魚壽司、同埋油甘魚壽司、呢兩款出面都未必有得食！呢度竟然係可以任食好抵食超回本！除此之外，呢度仲多咗個點心區，同埋湯區、未開始食之前可以食一盅兩件再加湯做熱身！水果區亦都好多新鮮水果同埋好有特色嘅水果選擇！海鮮區就有凍蝦同埋凍青口！配上好好食嘅紅酒海鮮醬就更加正！亦都有配檸檬雙重美味！估唔到連冷盤區都非常有驚喜！除咗有我鍾意食嘅酸辣鳳爪，甜螺肉，中華沙律之外！竟然仲有花椒魚皮，呢個亦都係我好鍾意食嘅冷盤菜！甜品區嗰邊一啲都唔輸！有好多唔同種類嘅蛋糕，仲有甜品卡、布甸、同埋日本好流行嘅大幅都有！唔夠喉？仲有一個冬季專門係裝雪糕雪條種類亦都非常多！唔怪得知一開舖嘅時候就咁多人排隊等着食！除咗多嘢食之外，仲有店舖嘅王牌產品；極品金枕頭榴槤燒、呢個係期間限定賣晒就冇㗎啦！除此之外，價錢亦都非常之抵！全部都係任食2小時！#沙田美食 #香港

知道大喜屋有榴槤放題即刻同埋屋企人嚟到位於沙田廣場大喜屋食過午市放題，這裏除了自助區有大量食物供應之外，入座後可以用QR code落單，每次嚟到都有新菜式果然有驚喜。極品金枕頭榴槤燒榴槤外皮燒得好香口，微脆，肉質軟綿綿好清甜，榴槤嘅味道好香濃吸引，每人食咗大約五至六粒。食唔停口。刺身拼盤刺身雖然有十幾至二十款選擇，我哋最鍾意食嘅都係三文魚同牡丹蝦，三文魚好肥美，蝦肉亦都好鮮甜爽口，樣樣都好新鮮。鵝肝多士鵝肝好香脆，味道濃郁，加入蔥粒一齊食，味道更加有層次。香草燒羊鞍基本上每一枱都必點的，每一啖都啖啖肉充滿肉汁，羊脂亦都啱啱好，正！比目魚西京燒魚皮酥脆，魚的肉汁很鮮嫩，加入沙律醬一齊食味道一流。其餘嘅食物都好好味，最後食埋甜品，超滿足！

成日想食大餐又唔知去邊好，食放題就至啱！大喜屋價錢公道，有自助吧枱食前菜甜品雪糕等，其他野用QR Code落單，上菜速度快，屋企人都食得好滿足😋🍴自助吧 - 出面有各樣前菜冷盤，驚喜嘅係竟然仲有個小海鮮吧，平時呢d都係自助餐先有🤣 今日有凍蝦，蜆，海鮮無雪味幾好👍🏼🍴刺身壽司 - 食日本野叫刺身壽司係必須😌 呢度刺身壽司每樣都有成10幾款，我同屋企人都鍾意食貝類同蝦，鮮味十足！🍴熟食 - 除左刺身之外，呢度熟食都有好多款，幾款特別出色嘅係:🐑燒羊架 - 羊架厚肉大大件，有羊味但唔會好羶，上面有唔同香料醃製，非常惹味😁🦪醉飽魚 - 估唔到呢度會有鮑魚食😮 飽魚非常入味，酒香十足！🍲芝麻雞翼 - 日式料理經常出現嘅菜式，呢度嘅雞翼即叫即炸，熱辣辣，勁多肉汁😊🍴甜品 - 食到差唔多飽就可以出面甜品櫃拎甜品作結。甜品選擇都唔少，有幾款蛋糕仔，豆腐花，布甸等，我地已經好飽所以只可以每樣食少少，捧住個肚走😄

最近聖誕節同朋友去咗食放題，去咗位於沙田嘅大喜屋！二百零蚊已經食到好多種類又好味嘅嘢食，非常抵。餐廳非常大，而且有好多大枱，適合聚會。食物方面，多數係用QR code點單，廚房即叫即做。另外出面仲有自助區，有大量飲品、甜品同小食。例如小食，今次見到有沙律、蝦多士、章魚燒等等。飲品方面，除咗有汽水，仲有椰青水、啤酒、同一啲自家製產品，選擇豐富。甜品方面，今次見到有三款口味嘅Häagen-Dazs雪糕！仲有啲雪條同甜筒等等。燒金枕頭榴槤特別想同大家推介燒榴槤！放題有得任食金枕頭榴槤好少有。榴槤燒過後暖暖地，表面脆脆地，食落味道更濃，更加甜！榴槤肉軟腍腍，好Creamy，味道好濃郁。大蝦咖喱配薄餅今次嚟到見到唔少新品，欣賞餐廳會更新Menu。咖喱少少辣，好香好惹味，配薄餅一流。大蝦好大隻，肉質彈牙。黑松露糖心蛋糖心蛋整得啱啱好，蛋黃好靚仔，好流心。表面淋咗啲黑松露醬同埋醋，食落酸酸甜甜，再有陣陣黑松露香。燕窩燉蛋白燉蛋白我次次嚟都有食，蛋白好滑，質地好似布甸，食落蛋白味好香，甜甜地。燒牛舌嚟到我最鍾意嘅串燒類。燒牛舌香噴噴，牛舌充滿油香，表面灑上黑椒，作為少少甜味。燒翠玉瓜翠玉瓜必點！佢好厚

Sashimi & sushi 刺身及壽司🍣 刺身船涵蓋多款新鮮刺身，好似有油脂好重嘅三文魚魚腩、肥美嘅吞拿魚🐟、爽口螺肉、一疏疏嘅日本松葉蟹腳🦀、清甜大蝦🦐、鮑魚片等，而壽司米帶有微酸🍚，夠晒正宗，而且份量夠細，可以試到更多唔同款式啊Japanese grilled skewers & cooked food 串燒、熟食類 🍢🍲餐廳自助吧有海鮮、炸物類、是日湯水🥣、傳統港式點心、六至七款冷盤等，相當豐富，而可以自己order 嘅由矜貴嘅鮑魚、滋補養顏花膠、乳鴿🦆、特色小食、燒物、小炒類🔥去到壽喜燒鍋都有，的確唔錯👍🏻Beverages & desserts 🍨 飲品、甜品甜品嘅選擇好多，有女士好啱食嘅燕窩燉奶🪺、補身又唔會太甜嘅紅棗鮮奶🥛、大概10款自家製desserts，另外仲有三款口味嘅haagen dazs雪糕任食🍧，飲品方面都有大概20款選擇，好高質

大喜屋是連鎖日式放題料理專門店，分店遍佈港九新界，這間位於沙田市中心的分店，從未試過，今晚便專程來到這裏一試。進入食肆內，首先便是自取區，有冷盤、沙律、飲品、清酒、冷盤、冷泡茶、甜品和雪糕。款式都很齊全，近其他分店沒有分別。首先必定是點了刺身拼盤，款款刺身都很新鮮，其中以油甘魚最為鮮甜美味。油甘魚和三文魚腩壽司，都很鮮甜味味，是壽司必點的。海膽手卷，海膽味道鮮甜，份量適中，喜愛海膽的，這個可以無限追加。燒菠蘿經過燒烤之後，酸酸甜甜非常開胃，這個是放題必點的。燒七味鱈魚乾，香脆似餅乾，非常美味。烤榴槤，經過烤焗的榴槤，味道更加鮮甜。蝦球伊麵，蝦球爽口彈牙，伊麵，軟腍腍可口。新出蛇羹任食，新出爐的蛇羹，蛇肉充足，味道不錯。

大喜屋今日老婆生日，突登book左中午去食大喜屋，貪佢地多選擇，任食，地方大，最重要係依期做緊燒榴連任食，所以都好期待。中午12點開咗，已經有一條龍排緊隊，包括我地。坐低左即時qr code落單，唔駛一陣就送到。燒榴槤：咁既價錢仲要任食榴槤，真係買少見少，榴連好甜，好creamy，仲要係點左8隻黎足8隻，唔駛催單，食得好過癮。因為太多款關係，所以推介會encore既食物刺身：有三文魚/帶子/希靈魚/北寄貝/甜蝦，全部都好新鮮熟食有羊架/燒鰻魚/芝麻雞翼/鹽燒雞翼/乳鴿/蒜蓉扇貝/蟹粥/牛舌炸物：天婦羅蝦/蟹🦀柳捧/bb甜薯/榴連炸彈壽司方面都好多款式，全部都係一口食晒，細細件，可以試多幾款。雪糕方面就有我最愛既h牌，我一個人都食左4杯。總結：食左咁多年都keep住咁優質都幾難得，最重要係性價比🥰

半自助午餐定食套餐：前菜、湯、飲品等等⋯⋯都可以自己到自助區選取！前菜的酸菜魚非常美味，魚肉嫩口，麻辣味非常溫柔，入口微微刺激，慢慢感受到更加濃郁的鮮香味道！非常值得推介👍🏻❤️塩味醬炒牛舌定食（$98）牛舌分量十足，焦甜香濃，肉質比較緊實，但咬落有筋，牙不好不要食🫣❤️壽喜牛肉鍋定食（$88）分量比起之前食少左，牛肉係半生上，用筷子輕輕將生蛋及牛肉攪拌！甜身壽喜湯底配上娃娃菜及金針菇，美味可口！

⭐️晚市放題任飲任食兩個鐘 時間好充裕食物種類選擇豐富 有壽司 刺身 燒物 串燒 天婦羅 炸物同多款一品料理等另外出面仲有冷盤小食 飲品同甜品供應刺身新鮮 多達十多款選擇 賣相吸引燒物串燒燒得香口 推介雞翼 牛舌和菠蘿 另外皇牌燒乳鴿和鵝肝多士蝦球伊麵等都相當唔錯甜品推介有燕窩蛋白燉鮮奶 足料香滑全晚最不能錯過還有期間限定推出的極品金枕頭榴槤燒 香甜軟滑 好正正出面可以自取食物款式亦不少有湯 凍海鮮 前菜 點心 水果 甜品和飲品甜品雪糕方面 還可以任食Häagen-Dazs總結：食物選擇多 味道都不錯食物出菜速度快 沒有漏單情況這價錢來說 性價比很高

🤝🏻都算係大喜屋嘅忠實粉絲，大家都知旺角極尚大喜屋質素唔錯，不過今次去佢哋連鎖店入面🆚較平價嘅沙田大喜屋！😼究竟質素又如何呢？Let’s gooo～🧚🏻‍♀️~~~~~~~~~~~~~~~~~~~~~~~~~~~~🧚🏻‍♀️（大喜屋官網會持續update menu喔）🔸刺身/海鮮冷盤幫大家統計過啦😎刺身總共有14款，魚、貝、蝦類全部齊嗮，仲有好特別嘅加拿大雪蟹腳！🐟私心推介三文魚、油甘魚同帶子，肥美鮮甜偏厚切，整體擺盤精緻非常高質！🔸壽司/手卷/創作壽司全部加埋都接近有30款！🫦入口即溶嘅法式紅酒鵝肝搭配藍莓蘋果非常清新。冰鎮花海蜇同泰式虎蝦都係必🥰p.s.壽司飯份量較少，唔洗驚食飯食飽～🔸串燒/燒物呢度無論款式定味道，🇯🇵都做到居酒屋水準！👍🏻特別推薦爽口厚切牛舌、超甜爆汁燒菠蘿、嫩滑啖啖肉嘅比目魚，燒鱈魚肝都有意外驚喜，香脆可口！仲有期間限定⚠️極品金枕頭榴槤燒⚠️外層微焦內裡軟熟creamy～🔸一品料理認為呢區先係大喜屋嘅精髓❤️‍🔥中西日泰各種料理全部都好高質！！🫵🏻極力推薦！！皇牌燒乳鴿王香口嫩滑、鮑魚花膠濃郁入味、🦪碳燒廣島蠔肥美creamy、牛油大蜆鮮甜大隻、避風塘魷魚圈超級惹味！

請了全家人來食，體驗都算不錯。放題餐品豐富，都不失不過，有亮點的亦都不少。個人中意的是烤榴蓮、油甘魚、三文魚、海膽手卷、避風塘魷魚、蜜汁一口牛以及香草燒羊鞍，都算滿足。

金枕頭榴槤燒放題😃主打日式包括剌身、壽司、天婦羅🍤自助區方面有白灼蝦、螺肉、海蜇、中華沙律、酸菜魚、多款口味Haagen Dazs雪糕🍦飲品方面有各種汽水，自家鴨屎香檸檬茶同啤酒等等🍻個人推介食物🙋🏻‍♂️極品金枕頭榴槤燒🔥榴槤燒外層燒一層酥脆少少濃，聞到濃郁香氣甜味，金枕頭榴槤果肉質地非常柔軟，細膩綿密，感受到榴槤獨特芳香甜美😋😋油甘魚刺身🐟食落有甘香嘅魚油，肥美嘅口感😀原條穴子壽司🍣肉質有咬口紮實，好肥美嘅口感☺️阿根廷赤蝦🦐蝦身配上蝦頭膏，鮮甜嘅肉質味發揮得更加好😍赤貝🐚新鮮赤貝質地柔軟口感清甜😍金蒜蓉粉絲蒸扇貝🦪超大隻嘅扇貝，扇貝都好厚肉吸晒蒜蓉嘅香味，燒扇貝火喉啱啱好🐚皇牌炸乳鴿🕊炸乳鴿嫩滑肉質柔嫩，口感細膩味道鮮美😀芝麻雞翼🐓芝麻雞翼外皮炸得酥脆，內部肉質會保持多汁嫩滑，外脆內軟嘅口感😃

喺沙田搵放題食大家都會諗起大喜屋我欣賞佢成日都會有唔同嘅新主題新野入去喺門口見到佢竟然依家主打有得食榴槤椰子雪糕同埋烤榴槤立即預約同朋友去吹吓水開懷大食一下首先，當然唔少得一大盤刺身大喜屋嘅刺身一向都好有保證三文魚油脂分泌旺盛而且紋路好靚大大件仲會有長腳蟹腳加埋大大嘅蝦真係次次食放題都唔可以錯過呢度仲會有烤生蠔烤嘅時間控制得好唔會過時加埋啲蒜香我個encore咗好多次燒乳鴿都可以做到外脆內軟都係放題返㗎本之選當然唔少得我俾佢門口吸引嘅烤榴連輕輕烤我嘅榴連外表脆脆地但係入邊烤完之後甜味更突出而我更喜歡榴槤椰子果凍甜品下面係呢個人嘅椰子奶凍，上面係好Creamy嘅純榴槤肉濃濃榴蓮味正到爆最估唔到係連Häagen-Dazs都係任食㗎嘛依間放題喺沙田，簡直係沙田友之福

最近又去咗食大喜屋放題，今次去試吓沙田分店！而家做緊榴槤主題，鍾意食榴槤一定要試吓燒榴槤，榴槤味好香，肉質軟稔🫶🏻另外推薦蝦球伊麵，佢又大隻又新鮮，爽口彈牙，有少少蒜蓉嘅香味串燒方面比較鍾意鹽燒雞翼，雞翼開邊燒得更香，鹹香十足❤️女仔養顏首選燕窩燉蛋白，蛋白滑溜，燕窩份量都唔少🫶🏻最後估唔到日式放題都有港式點心，好似蝦餃同牛肉球等等，仲有酸菜魚，款式非常之多.📍 大喜屋 (沙田)沙田沙田正街21-27號沙田廣場1樓33-35, 44-46號舖