大丈夫食堂

營業中

休息中

已經食過幾次 食物味道不錯 但沙律入面有指頭咁大的烏蠅 同服務員反映 只係好快咁收左碟沙律 就當無事發生 一句唔好意思 道歉都無 連上碟新嘅沙律都欠奉想食烏蠅伴菜的 不妨一試這家！😨

大丈夫食堂⭐️⭐️⭐️⭐️💫🐾 吉列豬手扒定食 $108朋友話係呢間餐廳嘅招牌。份量超多，豬扒又厚又大舊。雖然佢嘅炸粉都唔少，但調味啱啱好，唔會係好bland嘅炸粉味。一咬落去個外皮超脆，而入面嘅肉超juicy超軟熟，好驚喜。但舊肉就好似有少少軟熟得太誇張，可能落咗唔少鬆肉粉。🐾 蒜香醬漬三文魚丼 $76同時俾咗蒜香醬漬三文魚同三文魚刺身，份量好足。蒜香醬漬三文魚好香蒜蓉味，送紫菜飯食一流。三文魚刺身雖然偏瘦，但都新鮮。跟餐嘅茶碗蒸好食，漬物係似醃過嘅娃娃菜，酸酸地幾好食。麵豉湯好飲。沙律係生菜x紫椰菜x蕃茄x黃椒配柚子醬油，同白飯一樣可以refill。🐾 芝士蛋糕好香濃嘅芝士味，唔會過甜，味道啱啱好。可惜嘅係佢比較乾硬，好易碎，可能放得比較耐。如果新鮮啲可能會好食好多。🐈‍⬛ Overall 環境好乾淨闊落，侍應都好nice。食物絕對值得呢個價，cp值滿分。📍 大丈夫食堂 (長沙灣)長沙灣元州街350號家壹1樓11號舖#香港美食 #長沙灣美食 #neko_nibbles_csw

推薦嘅長沙灣性價比高日式餐廳 由舊鋪搬到新舖 我都係佢嘅食客 新鋪坐得好舒服 適合一家大細 食物價錢合理 當飯有埋麵豉湯沙律蒸蛋前菜 好抵食飯鐘嘅時候要等位 有時會外賣返屋企食 佢嘅牛油果三文魚飯 啲三文魚勁厚切

呢間大丈夫食堂，喺長沙灣好出名，住喺附近的我經常嚟幫襯😍. 因為價錢合理，咁多年都仲可以保持一定嘅水準👍👍. 除了出名嘅吉列豬扒，其實其他定食和食物都好足料和新鮮.今天天氣好熱，叫了我最鍾意嘅魚生飯. 三文魚腩定食定食包括沙律，蒸蛋，漬物，麵豉湯. 可選多飯多菜或少飯少菜，共有8塊三文魚腩，好厚同好肥味又新鮮😋。沙律都可以再添加的，啱晒我呢個鍾意食菜嘅人😍😍. 蒸蛋好滑.烏冬兒童餐原來呢個兒童餐係新出的，包括烏冬，毛豆，兩件炸雞1隻炸蝦，甜品可選芝士蛋糕或者朱古力蛋糕🍰，一支酸奶飲品. 仲可以抽一份神秘玩具😍😍.

以前成日食我最喜愛嘅餐廳之一嘅大丈夫，今日再去嘅時候發現咗佢出咗好多新嘢，其他食物保持水準今次先試佢嘅藍鰭吞拿魚盛，食咗兩件忍唔住要影相留食評，火炙吞拿魚壽司，肥美入口即溶，好味😋藍鰭吞拿魚壽司及刺身，雖然冇拖羅肥味，但魚味濃郁，又新鮮，就算食得多都唔會覺得膩

呢區唔係好多野食 但呢間一定聽過係樓上舖 都幾大間 好多位雙色丼 ($95)每個定食都有沙律、茶碗蒸、漬物同麵豉湯沙律都幾大碗 正常幾開胃茶碗蒸都幾滑 入面有冬菇蟹柳漬物係類似嗰啲海帶條 都ok個丼飯有8片刺身 都幾新鮮再加d豉油 配飯都幾好食😎吉列豬扒定食 ($115)成間餐廳最多人叫個樣塊豬扒真係好大塊 又真係炸得幾鬆脆味道算係正常啦但又唔會驚艷到我想食第二次😂和牛定食 ($118)呢個配一大兜椰菜沙律 麵豉湯同埋茶碗蒸和牛有8塊 不過偏細塊 男士應該唔夠飽但都幾有牛味 碗飯太大送唔哂😂整體ok啦 食一次就夠🤣

黎到長沙灣呢邊食都算多野揀有唔同既餐廳可以選擇~今次就揀左呢間食堂試下, 環境係寬敞又坐得幾舒服既~午餐就點了三文魚飯太餐試下, 雖然份量唔算大不過50幾蚊還可以接受既~因為都有唔少配菜.三文魚都算大塊而且口感唔錯, 賣相都ok既.其他配菜味道正常,普普通通沒有特別~自己唔太好呢類沙律菜就只係食左少少, 蒸蛋都算滑,味道正常吧~>>>整體黎講<<<坐得舒服既餐廳, 食物質素係ok唔錯既地方~食lunch黎試下係一個選擇~

位置方便 性價比高百幾蚊食緊二三百既野由以前舊細鋪食到而家大鋪一直都係忠實客戶食品質素非常唔錯但仍然係平民價位唯一可惜係下午茶時間無做生意好幾次都黎到發現無野食會繼續支持的 希望會開分店

喺長沙灣嘅大丈夫由佢細舖頭食到佢變大舖頭，食物仍然保持水準，一樣係咁高質，仲加咗唔少菜式。南蠻炸雞定食$75之前食開炸豬扒飯，都知道佢炸物係做得出色。今次試咗佢嘅南蠻炸雞，果然不負所望，好食! 新鮮炸起嘅大大舊雞塊，肉嫩多汁，再點沙律醬一齊食係完美嘅配搭。成個set有湯有菜有蒸蛋先係$75 好抵食，真心推介👍🏼火炙魚背壽司(2件) $29正常水準，無乜特別蝦天婦羅 (4件) $42 + 茄子天婦羅 (4件) 正常水準，無乜特別

原來是一間日式餐廳🤭主打日式定食及丼飯🍱而招牌吉列豬扒是最受歡迎的🤩每當吃飯時段都高朋滿座環境寬敞座位坐得舒適😌食物質素很好👍價錢親民🤑吉列豬扒定食🐷🍱吉列豬扒🐷切開成𝟞小件，炸粉厚薄適中，外層酥脆內裡鬆軟，蘸上專用豬扒醬油使味道更上一層次😋，可惜其中有𝟙件豬扒筋部位置有少許韌較為遜色，椰菜絲口感清爽脆甜配芝麻醬一起吃更滋味，亦可減低炸物的油膩感，日式蒸蛋入口嫩滑，而珍珠米質感軟熟，份量十足很有飽足感🫄🏻燒鯖魚定食🐟🍱鯖魚🐟燒至微微焦香，肉質結實加入檸檬汁提升鮮味，搭配醬汁非常開胃😋，鯖魚進食時要小心吃以免魚刺卡喉嚨，定食有日式蒸蛋、漬物、麵豉湯、沙律和白飯燒魷魚🦑燒魷魚一上枱已聞到香氣撲鼻，肉質鮮嫩彈牙，再配上蛋黃醬令人回味無窮，真的忍不住一口接一口，超愛吃😍

因工作關係 成日要出長沙灣成日覺得長沙灣好似比較舊區冇乜好食嘅嘢見到啲人推介呢間就試下一入到去 座位都算闊落聽人講左口魚壽司好食就試吓$29另外嗌咗個牛油果三文魚丼$88哈哈 講到好似左口魚先係主角～😂🙈嘢食一嚟到 我心諗：份量使唔使咁多？可能佢名叫大丈夫 份量應該係偏男仔（估一開始飲佢個湯 同埋食茶碗蒸 屬於正常唔會話特別驚喜然後食我最期待嘅左口魚🥰好好味 又唔會話太油膩唔舒服然後食牛油果三文魚丼食牛油果都有啲飽肚 佢個三文魚都幾juicy😋最後食咗大半 就食唔到落去了 太飽我覺得如果兩個細食嘅人 嗌一個正餐加少少壽司都夠我覺得都幾抵食 性價比算高會encore 下次試吓燒肉嗰啲先咩都好，左口魚壽司必定要嗌！😋

分別點了炸雞定食、火炙北海卷及鹽汁和牛定食。炸雞定食份量十足，套餐還包括白飯、味噌湯、醃漬海帶和茶碗蒸。炸雞大小適中，肉質鮮嫩，茶碗蒸也質地柔軟。另外我選取了「醬另上」，方便自己添加適量醬料。火炙北海卷壽司份量也十足，入口即化，有淡淡的炭烤香氣。和牛定食是自行燒肉。和牛肉質細緻，帶有脂肪紋理及濃郁的牛味。這份定食也配有白飯、味噌湯、醃漬海帶和茶碗蒸，男士的話可點300g白飯。有機會會再次光顧。

昨日我踏入位於深水埗的「大丈夫食堂」，這家日本餐廳為我帶來了一次難忘的味蕾體驗。其中最令我驚喜的是一碟精緻的八件左口魚壽司。這壽司以其獨特的鮮美和細膩口感，讓人一試難忘，品嘗後讓人會心微笑，仿佛帶領味蕾踏上一段日式風味之旅。「大丈夫食堂」不僅是一間餐廳，更是一個味覺的樂園。它的魅力在於，即使位於深水埗這個熙熙攘攘的地區，依然能提供如此高品質的食物，讓人忍不住再三回訪。這裡的人氣可見一斑，常常需要等待15分鐘甚至半小時，但這等待無疑是值得的。這家店以其卓越的食物質量和獨特的風味，在我心中自然而然地躍升為前十名的食店。我極力推薦給尋求正宗日式美食體驗的您，一定不容錯過「大丈夫食堂」這個美食寶藏。

依間餐廳人氣高企，堪稱區內食堂🥇，有唔少街坊和打工仔支持💪🏻近年更搬新鋪，地方大咗、座位多咗，但人龍依然不絕‼️.✨ 大丈夫食堂餐廳主打日本菜，即叫即炸嘅吉列豬扒更係招牌名物💯以價錢親民的日式定食和丼飯而大受歡迎。.✨ 定食套餐所有定食都會有沙律（椰菜）🥗、日式蒸蛋🥚、漬物、麵豉湯🫕，而且沙律、飯量各有3個份量可以自己選擇，或者+$15 白飯轉烏冬。一個價錢包曬前沙律、小食、主食、餐湯😜🥢 吉列豬扒定食 $115豬扒份量好足料好大塊😱而且炸到金黃色，非常吸引😍炸炒粉唔算多，所以炸皮非常酥脆，而且炸得好乾身！豬扒幾厚身，但咬落鬆軟唔會太韌😋試完原味，可以蘸下啲調味醬料，有日式炸豬扒汁同埋芝麻醬，豬扒汁酸酸地幾開胃又解膩👍🏻🥢 南蠻炸雞定食 $75一樣炸到金黃色🤤炸雞外脆內軟，食落一啲都唔乾，仲有肉汁流出嚟，十分Juicy💦 依個價錢嚟講，份量好足夠、好抵食👍🏻🥢 火灸玉子手卷 $16玉子食落鬆軟綿密，中規中距。🥢 牛油果三文魚手卷 $18牛油果口感香滑順口🥑配埋三文魚同埋蟹籽，口感十分豐富🥰.🥢 蔥粒吞拿魚腩手卷 $24吞拿魚蓉好creamy😋軟綿綿嘅口感，加埋魚油香，每一啖都好幸福😝🥢

忽然心血來潮想食炸豬扒，即刻諗起好耐冇食大丈夫食堂，即刻過去。lunch time嚟到，即時入得，轉咗新舖位啲位真係多咗好多，又好坐！呢度啲飯同沙律菜可以自己揀份量，而且可以免費添加架👍🏻👍🏻👍🏻🍴吉列豬扒定食 $100吉列豬扒層炸漿入口鬆化，一啲都唔油，豬扒好鬆軟唔會好硬同鞋身，仲好大塊添😋🍴鰻魚定食 $98鰻魚定食用個盒裝住，都幾有驚喜！鰻魚有兩大舊，而且夠肥美又唔腥，呢個價錢食到真心無得輸！！🍴炸沙追魚炸得幾鬆唔油，味道就一般🫣CP值好高既一餐🥳價錢 $275味道 🌕🌕🌕🌕🌑環境 🌕🌕🌕🌕🌑服務 🌕🌕🌕🌕🌑衛生 🌕🌕🌕🌕🌕抵食 🌕🌕🌕🌕🌗