影片
港鐵銅鑼灣站 F1 出口, 步行約3分鐘
繼續閱讀
電話號碼
25293030
營業時間
今日營業
12:00 - 14:30
18:00 - 22:15
星期一至日
12:00 - 14:30
18:00 - 22:15
以上資料只供參考, 請與餐廳確認詳情
今日係平安夜大家食咗聖誕大餐未先！我就醒喇之前已經同老婆大人去食咗正嘢慶祝，唔使同人哋迫餐死呀嘛哈哈。嗰日我哋去咗銅鑼灣食壽喜燒地點好鬼方便就係渣甸街。餐廳喺6樓一行出lift就見到個竹林好鬼有日本feel。入面大約有30個位有啲係卡位有啲就係我哋坐嘅吧枱位，地方幾清雅又唔會好嘈啱晒我老婆大人。一坐低師傅就開始幫我哋整嘢食！話晒都叫做慶祝聖誕節梗係食好啲啦，我哋就叫咗有成八個菜嘅壽喜燒廚師發辦午市套餐，等老婆大人食得開心啲又滿足啲嘛。淨係前菜都有鬼咁多嘢食！一個盒仔入面有三碟唔同嘅前菜好鬼豐富啫。呢一杯仔就夠特別喇佢係一個海膽茶碗蒸不過佢係凍食㗎，新鮮嘅海膽配咗滑嘟嘟嘅凍蒸蛋，食落去又冇咩違和感喎唔錯唔錯，跟住呢個係南瓜羊羹、唐揚八爪魚同埋炸合桃，一碟有齊煙靭香口鬆脆嘅口感仲有五味雜陳嘅味道太豐富喇。跟住呢個係汁煮和牛食落去好鬆化香滑，味道仲好香甜添啱晒鍾意食牛嘅我。 食完前菜整碗熱辣辣嘅茶碗蒸嘆吓先！滑到好似豆腐花咁嘅蒸蛋加埋鮮味嘅蟹肉又點會唔好食呀！呢個時候師傅準備緊第三味菜就係刺身！好鬼俾心機咁擺盤靚靚仔仔咁送到我哋面前，第一樣食先嘅係醬油漬帶子，日本豉油嘅香味令到呢隻帶子嘅鮮味更加出，再嚟有瓣瓣新鮮嘅海膽，食落去入口即溶啖啖鮮味正到講唔到嘢啦，最後仲有呢兩件大拖羅！一啖咬落去魚油就標出嚟加埋冇筋食落特別香滑。食咗幾樣嘢之後係時候到今日嘅重頭戲壽喜燒出場喇！首先有一大盤日本野菜同我哋見面！入面有冬菇、正菜、京蔥仲有日本洋蔥同豆腐，一陣間要嚟煮我哋食嘅肉索晒啲香甜味一定好正啫。我呢個牛魔王梗係要食和牛啦！今日我可以食到三個唔同部位嘅牛肉，有近江牛A4和⽜⾁眼同埋A4和⽜西冷，另外仲有京都姬牛嘅A4和⽜肩⾁，唔食牛嘅老婆大人就嘆佢嘅北海道四元豚，我哋兩個都可以各自各精彩yeah。師傅首先用和牛嘅牛脂嚟起鑊然後就放京蔥同洋蔥落去煮！跟手加埋佢哋個秘製壽喜燒醬汁，呢個時間嗰陣香味真係不得之了。首先食A4和⽜⾁眼未煮之前嫩紅色嘅牛肉雪花好均勻，脂肪比例好均勻質地好鬼嫩滑，食落去肉味又夠香濃正呀喂。呢度好特別雞蛋唔止比一隻！師傅除了俾咗一隻蘭王蛋之外仲另外比多一隻經過巴氏殺菌同埋嚴格加工處理過嘅雲朵無菌蛋，兩款都好鬼正如果講特別嘅當然係嗰隻雲朵雞蛋過癮啲啦。除咗有雞蛋之外仲會送啖飯俾我哋！用嚟同肥美嘅和牛一齊食超級正斗，唔夠喉嘅話可以要求添飯㗎最緊要你食得落。第二件要食嘅係西冷位嘅和牛，呢個時候仲會煮埋冬菇同埋豆腐，呢兩樣索味嘢吸咗啲醬汁應該會好好味。呢件A4和⽜西冷嘅牛香比肉眼仲要濃厚，而且佢嘅肉質好有彈性所以咬口就更加豐富喇。呢件豆腐同冬菇果然係好入味，特製嘅壽喜燒醬汁甜得唔會漏，尤其是嗰隻冬菇吸晒嗰陣香甜味好食到不得。跟住師傅就煮最後嗰件牛肩肉，佢用咗大白菜嚟做呢個和牛嘅配菜我覺得好啱key。呢件A4和⽜肩⾁係三件當中肉味最濃嘅！雪花分布完美入口肉汁豐富質感又軟又嫩，仲要油香十足食到我舔舔脷呀。剩返落嚟嘅醬汁師傅仲用咗蒟蒻麵煮埋佢，充滿彈性嘅蒟蒻麵吸晒壽喜燒汁好香甜，細細碟食咗都唔會好頂胃。呢個午餐我哋仲有個雞蛋蓋飯！炒到滑嘟嘟嘅嫩蛋同埋香軟嘅日本米一齊食真係滿足到一個點呀。飯後仲有一碗熱辣辣嘅蜆肉味噌湯，平時唔鍾意飲味噌湯嘅我都飲晒呢碗勁鮮甜嘅熱湯，一啲都唔會過鹹仲好鮮甜而且飲完暖笠笠好舒服。甜品係凍冰冰嘅抹茶雪糕都幾甘香同埋滑溜食完夠晒滿足喇。
繼續閱讀
壽喜燒幾乎大家都鍾意食.銅鑼灣新開嘅壽喜燒-友 主要係以煮既方法做出關東⾵壽喜燒.整個體驗更加有Omakase 既fusion感😲😲 平時食關西壽喜燒既肉係用煎.再落砂糖醬汁調味. 關東則是以煮肉方法煮.再放自家製醬汁同蔬菜整體味道會比較統一🥩晚市前菜已經非常精緻有驚喜.就好似食緊omakase ge時令前菜.海膽蒸蛋同汁煮和牛.南瓜羮.八爪魚🐙咸甜交替喚醒味蕾.為濃味既和牛壽喜燒做準備🤤🤤🤤先有A4近江和牛肉眼. ⾁味最濃口感軟嫩.之後係西冷同和⽜肩⾁.⾁質緊嫩.餐廳重會提供2種蛋汁.一款係蘭王蛋.比較香濃.牛肩肉就可以配另一款⾹港壽喜燒店少⾒既無菌蛋蛋白🥚.食落少D膩滯感.如果鐘意濃味之人就可以點蘭王蛋🤭食和牛之間都會有蔬菜.日本洋蔥.豆腐.以及蛋飯收尾.其實食到一半已經好飽但到甜品黑洞貴全開.餐廳準備一部日本刨冰機.用日本冰磚🧊做抹茶紅豆冰.好有趣😍😍🍧🍧🍧相信有唔少人都食過香港幾間既壽喜燒.不論係關西或關東風.相比之下小妹比較喜歡會同客人互動同有心思既餐廳☺️而且午市同晚市性格比都高~
繼續閱讀
聖誕節車爸爸要返工所以我們的聖誕大餐就要提早吃了！今年我們決定去吃Sukiyaki來慶祝，因為太豐富的關係所以選了在午餐時去享用，等肚仔有多點時間去消化美味食物。地點非常便利正是位於銅鑼灣渣甸街的Sukiyaki Yu，此店於11月中才Soft Open可說是城中新貴。甫踏進餐廳以襌味十足的翠綠⽵林乘迎賓，內裏Sukiyaki吧位連卡座可招呼共30位客人，環境寧靜又舒適這天我倆也吃得很愜意呢。這頓午餐我們被安座於吧檯位置，可以面對面對著師傅為我們炮製這一場壽喜燒。我們點上8道菜的壽喜燒廚師發辦午市套餐$850/位，當中包括有前菜、茶碗蒸、刺身、壽喜燒、日本野菜、米飯、漬物、味噌湯、雞蛋蓋飯及甜品，這陣容實在是豐富得太過分了選午餐吃好聰明，此刻師傅正默默地為我們準備豐富的前菜，即時感受到肚餓的呼喚真的超期待耶，我們這天得到三款美味的前菜，打開小木盒子賣相精緻的前菜亮於眼前非常吸引。先品嚐口感清爽的南瓜羊羮！吃下軟糯而甜度恰好的南瓜羊羮好養生，唐揚八爪魚則煙韌香口，最後還有口感超豐富香脆的炸合桃，以優雅的美味洋溢於溫暖的午餐之中套餐中本來這個前菜是汁煮牛肉！貼心的師傅將牛轉成間八魚醬油漬給我這個不吃牛肉的人！油甘魚肉質口感紮實配襯濃度恰好的醬油鹹香非常可口，最後還有這個凍食的海膽茶碗蒸，新鮮甘香的海膽襯上滑溜凍蒸蛋口感冰涼，跟熱食的茶碗蒸不相上下同樣精彩。吃過凍食的茶碗蒸當然要嘆埋熱食的版本！滿滿鮮甜蟹肉伴著熱辣辣嫩滑的蒸蛋，加上幽幽的木魚香氣總是帶出令人神往的味道，美味得令我不經不覺一吃而盡滿足矣。接下來師傅即為我們準備三點刺身！當中包括有海膽、鮮魚及貝類，全部也是我喜歡的刺身好開心啊，端到我們面前有醬油漬帶子、海膽及拖羅！三款也非常新鮮我已急不及待想品嚐了，醬油漬帶子口感非常實在很喜歡它的醬油香鮮而不鹹，中間還夾著點鮮味的漬物吃到師傅的細心鋪排，新鮮的海膽永遠也是那麼誘人！配上少許鹽花和清爽的青瓜絲來品嚐已經是人間極品，最後還有肥美鮮甜的拖羅作刺身的結尾！充滿魚油香氣的拖羅肯定是追求肥美口感朋友的摯愛，我就喜歡加點紫蘇花一起品嚐味道會更有特色。這刻我們要迎接壽喜燒的環節嚕！師傅先端來五款日本野菜當中有冬菇、大白菜、野菜、京蔥及洋蔥，配搭我們選擇的肉類一起在壽喜燒鍋內烹煮，索盡肉類的香氣相信這些野菜必定好好味道。不吃牛肉的我選了日本豚肉來品嚐！這個是由⽇本四個最佳豬種混種育成的北海道四元豚，肉色光鮮紅潤肥瘦均稱好吸睛喔。車爸爸當然享用和牛而他得到的是京都姬牛和近江牛，分別有三個部位包括A4和⽜⾁眼、A4和⽜西冷及A4和⽜肩⾁，這天他可以大快朵頤地吃肥美和牛真的爽到不行啊。而壽喜燒的好朋友雞蛋除了有甘香的蘭王蛋供應外，更有一隻經過巴氏殺菌及嚴格加工處理過的無菌蛋供佐吃。說時遲那時快師傅已經開鑊為我們烹煮第一段美味的壽喜燒，先將各類野菜和豆腐放入壽喜燒鑊內，將之煮至焦香後加入師傅秘製的壽喜燒醬汁頓時香氣洋溢。第一件壽喜燒豚肉由師傅親手送上！那隻來自日本美美的碟子超級漂亮將豚肉襯托得更加出色，京蔥被秘製醬汁洗禮過後香甜味更加出眾，四元豚肉味濃而沒有豬臊味肉質鮮嫩有彈性香氣非凡，甜而不膩的醬汁沾甘香蘭王蛋來共嚐，吸引程度絕不比和牛弱耶。第二件豚肉用上雲朵無菌蛋來配吃，蛋味挺香濃但重點在於那雲朵蛋白上！它令豚肉增添了不少口感和濃郁蛋白香味，絕對是品嚐Sukiyaki的超新正體驗。這一刻師傅為我們送上特製醬汁烹調過的豆腐和冬菇，味道香甜可口吃罷會令人有非常幸福的感覺。另外師傅還會送來漬物及三款醬料，大家可以隨著自己口味而作出不同的變化。緊接著師傅為我們烹煮第二款野菜配壽喜燒，用了我最喜歡的香甜洋蔥來作豚肉的伴侶超期待喔。已經焦糖化的日本洋蔥入口香甜無渣，伴上肉味香濃的四元豚絕對能起到美味的化學作用！這刻服務員端來一口秋田小丁米飯，用來拌香甜洋蔥豚肉吃非常有滿足感，如果一口飯不夠可以請服務員給您免費添飯，喜歡吃米飯的朋友可快樂了。接下來兩件豚肉分別伴以大白菜和香濃野菜，味道有清爽亦有濃郁能品嚐到豚肉不同的感覺變化多端。車爸爸吃的靚和牛也是高水準出品，大家想知道有多美味就要去車爸爸那邊看他的優雅介紹。所有肉類和野菜煮完之後師傅會將餘下的醬汁精華用來煮蒟蒻麵！索盡所有香味的蒟蒻麵味道非常濃厚挺重口味，加上煙韌彈牙的口感真的叫人回味。。以為這樣就完結了嗎不要太天真吧師傅還會為我們烹調雞蛋蓋飯！炒至滑溜勝雪的雞蛋躺於軟糯米飯上灑下蔥花和芝麻點綴，不論吃至多飽也有足以令人難以抗拒的魅力。吃過香滑美味的雞蛋蓋飯之後還有一碗熱騰騰的蜆肉味噌湯！濃郁鮮香的海洋香氣浸淫於味噌湯之中，絕對是吃飽飽後最舒適的暖胃湯汁。而甜品我們可以得到雪糕口味分別有抹茶和柚子雪葩可選！我跟車爸爸當然兩款也叫上來開心Share，抹茶雪糕味道挺甘香但我還是喜歡清新的柚子雪葩，貪其可以清新味蕾兼消滯帶來完美的Ending。香港能吃Sukiyaki的餐廳有很多但這麼專注又出色的真不易找到，我跟車爸爸也非常喜歡這兒的出品、招待和氣氛，很推介大家來品嚐高質豐富的壽喜燒。
繼續閱讀
媽咪話好想食壽喜燒，之前食過銅鑼灣有間好好食嘅壽喜燒，所以特別同佢去試下個$1080晚餐😛。餐廳裝修同擺設好靚，好似入左竹林咁，環境好乾淨🎍沖繩水雲、松葉蟹凍蛋、鴨肉松風、蜜柑寒天：呢個前菜既豐富又好開胃😳媽咪勁愛凍蛋，滑溜又帶清甜既松葉蟹肉味。蜜柑十分開胃，寒天又爽口，講起都流哂口水✅季節料理-吉列甘鯛：甘鯛魚肉鮮嫩，口感豐富，魚肉保持了原有鮮甜味道。外面微微金黃，外酥內嫩，媽咪都大讚好食✅A4和牛 -肉眼，西冷，肩肉：廚師係我地面前燒和牛，燒到香噴噴，咬落熱辣辣，和牛味超級濃郁，非常好味，肉汁軟腍，越咬越多牛肉汁，好食到停唔到手，壽喜燒 友竟然仲有兩款蛋比我哋食和牛，我偏好外觀精美eye catching d 嘅雲朵蛋，唔會搶走咗主角和牛嘅美味✅滑蛋蓋飯：濃濃既滑蛋，再配上海量既蔥同芝麻，香口惹味到不得了！加上軟嫩可口既米飯，十分暖肚✅環境坐得好舒適，仲好靜好有私隱度，今次同媽咪食得好開心，高質又好味😋
繼續閱讀
和牛他他 配最中餅雖然只係小食之一，但係和牛他他都唔係敷衍的！牛肉都幾淋。日本野菜用咗壽喜燒的醬汁煮，蔬菜都吸晒味道！而且都煮得幾淋下的。吉列甘鯛其實我覺得好似吉列魚柳，但當然比平時嘅魚係咁高質啦！魚肉係比較紮實的，而且魚味會重啲！壽喜燒A4和牛 一共有5塊牛肉，肉眼和西冷各一塊，而肩肉就有3塊。個人最鍾意就是肉眼和牛，油脂分布都好靚仔，唔算係最多油脂的牛肉，但是就唔會覺得好滯，牛肉味都入口即溶的程度！但牛味係好濃，冇牛肉的羶味的，再加上甜甜的壽喜燒醬汁真的絕了！另外，西冷和牛相對比較普通，牛味正常發揮。最後，肩肉和牛油脂最少的，但也很好，牛味偏濃。餐廳提供兩款蛋for 壽喜燒和牛，蘭王蛋(蛋黃偏橙黃，蛋清圍住蛋黃),雲朵蛋(蛋白以泡泡嘅狀態包住蛋黃) , 唔同嘅蛋，唔同嘅牛部位，加上壽喜燒汁，口感好唔一樣，美味更加升grade！壽喜燒炒芋絲一上枱嘅時候望一望個menu點解好似冇嘅，再問店員先知原來係menu 冇但會有的！芋絲每一條都充斥着壽喜燒的醬汁，簡直就係吸晒所有的精華！愛！
繼續閱讀