營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
食家推介
又系每月一次嘅壽司郎🤪今個月系赤醋飯祭其他個人覺得同普通壽司飯分別不大只系醋味稍為出少少系咪真系如佢所講有助提升魚生嘅鮮味呢 史努比覺得系冇嘅😂😂純粹系舊飯會酸啲啲咁解 但我鐘意🤭另外見到今個月有最愛嘅油甘魚腩😍😍所以月頭就已經衝咗去食🤣👍🏿大切油甘魚腩配鮟鱇魚肝 $22塊油甘魚真系又大又厚😍雖然加咗價 但都唔算貴而且用料新鮮 完全冇任何腥味油脂豐富 食落口啲魚油bit晒出嚟好甘香🤤不過就略嫌佢嘅鮟鱇魚肝有啲流質如果實淨啲嘅話口感更佳但唔影響油甘魚腩嘅味道😆大推！！！史努比最後仲encore咗多件🤭味道: 9/10性價比: 8.5/10👍🏿鮟鱇魚肝軍艦 $12唔知點解 軍艦嘅鮟鱇魚肝質感好正常🤣份量非常足 滿瀉咁滯😳食落就好似鵝肝咁細滑柔嫩比起鵝肝冇咁油膩更加fresh配搭上面橙橙地色嘅啫喱令佢更加清新😆味道: 8.5/10性價比: 10/10👍🏿鱈魚白子軍艦 $17唔知大家敢唔敢食白子🤣🤣史努比就覺得幾好食🤪口感軟滑 有啲creamy帶嚟一種好fresh嘅感覺可惜而家應該未到食白子嘅季節所以未算話好靚但依然好食😚味道: 8/10性價比: 9/10👍🏿紅瞳赤鯥 $27赤鯥軟滑 而且魚油非常豐富炙燒過嘅魚皮食落更加香😚唔錯幾好食 但就稍稍偏貴味道: 8/10性價比: 7/10👍🏿日本產番薯天婦羅 $17炸漿唔會太厚 但可以再薄少少🤏🏿炸得夠香脆 亦唔會好淋油👍🏿番薯切得都幾厚😳食落軟熟帶番薯香 雖然厚但已經熟透👍🏿甜味好自然 值得一試😆味道: 8/10性價比: 8/10👍🏿油甘魚天身 $17雖然呢個唔系今個月限定款但平時都唔系成日有iPad mon寫住系稀有部位😳17蚊兩蚊都幾抵食😆而且又厚切喎天身嘅質感比起普通嘅油甘魚更軟滑細膩🤤當然油脂唔及腩位咁豐富但亦不失魚油香😚咁樣計落呢個好抵😍味道: 8.5/10性價比: 9/10👍🏿芥末赤蝦軍艦 $12呢個其實就系將赤蝦切成一粒粒Mix埋wasabi同蔥花整成軍艦😂赤蝦新鮮有甜味 食落帶少少蝦嘅漿口🤪配搭適量嘅wasabi味道幾新奇得意🤭加埋蔥花仲有啲脆爽口感可以一試😎味道: 7/10性價比: 9/10👍🏿鮟鱇魚天婦羅 $17史努比一向都覺得天婦羅同飯系唔match嘅🫣所以通常都會先食舊飯😂炸漿同頭先嘅番薯天婦羅一樣唔太厚但可以再薄啲 炸得夠脆身鮟鱇魚軟嫩好滑身😆食落帶少少魚油香唔錯🙌🏿🙌🏿味道: 7/10性價比: 9/10👌🏿秋刀魚 $17第一次食秋刀魚刺身🙈痴線好長好大條😳食落肉質唔算好滑 但唔鞋有啲咬口帶好輕微好輕微嘅腥味不過不失咁啦🙌🏿味道: 6/10性價比: 7/10👌🏿炙燒紅葉鯛 $22廿二蚊兩件 味道似白身魚魚味較淡😗主要靠上面嘅啫喱嚟吊下味唔試都冇損失嘅🙌🏿味道: 5.5/10性價比: 7/10除咗拉麵同甜品之外 史努比應該已經試晒所有期間限定啦😎另外有兩款烏賊要等到15號先有而史努比去嗰日系11月5號😂有機會試完出story同大家講啦🤭Btw今次壽司郎仲出咗$12三件赤醋壽司飯真系諗極都諗唔明點解要咁做😂😂.Overall今個月史努比好滿意冇一樣系特別伏嘅😂而且好多款都值得一試😚大家去壽司郎有冇咩系必嗌架～-
繼續閱讀
間唔中下午2點時段我都會1個人嚟食壽司郎🤭🤭因為一般呢個時間都唔使等位👍🏻👍🏻一個人又可以慢慢嘆壽司🍣飲返杯綠茶🍵我通常都會叫3-4碟左右就夠食我好鍾意食呢度嘅牛油果三文魚卷😋😋三文魚子軍艦😍😍同埋帶子壽司 🍣覺得全部都好鮮味 當個下午茶咁食三四碟真係已經好滿足😌😌我覺得壽司郎平均價錢都算幾優惠比起其他壽司舖可能埋單仲平啲但係感覺食嘅味道又好食啲😂😂如果一般中午時間其實係要等位嘅試過都要等大約一個鐘多啲 但如果兩點呢啲時間多數都唔使等位，可以直接入去🫶🏻
繼續閱讀
冇食午餐所以就食個下午茶樓下有壽司郞記得佢有個逢星期一至五先有嘅下午茶餐就一個人入去試下由店員帶位入座之後用平板電腦點餐點咗個赤身壽司盛合配拉麵魚蝦蟹軍艦三味烏賊三味蔥花吞拿魚軍艦好快就由運輸帶送餐拉麵湯配蔥花真係絕配湯唔太鹹，食完唔會好口渴壽司飯就好結實唔會一夾就散味道就唔太識評論不過好食呢個價錢食個下午茶雖然係貴少少但性價比高當然有一部分價錢係去食個service 餐廳環境整潔企理店員服務態度好好加一絕對俾得過好過另一間連鎖壽司店會繼續幫襯
繼續閱讀
每次經過將軍澳TKO Get away唔知點解都會走咗入壽司郎食嘢今日下午茶時間嚟食唔需要等位非常之好🤣🤣因為平時如果你午餐時段或者晚飯時段已經係超多人排隊我最鍾意佢啲壽司價錢親民，雖然佢唔多款式，但係佢都會保持一定嘅水準👍🏻👍🏻今日我哋三個人食，每人食咗平均10碟壽司今個月佢都有定期一啲新款季節嘅壽司推介但係我每次嚟必食，都會係食佢嘅甜品，抹茶雪糕其實真係做得好出色👍🏻👍🏻其次佢仲有一個芝士蛋卡達拉娜呢個都好好味，不過今次太飽留返下次再食
繼續閱讀
壽司郎定期換上不同餐牌，今期以特選松坂和牛壽司、軟殼蟹最為吸引。品味松阪和牛壽司時，當柔嫩的牛肉融化在口中，帶來絲絲的脂肪和濃郁的肉汁。每一口都充滿了和牛獨有的鮮甜與滑嫩，令人陶醉其中。而軟殼蟹壽司則帶來了一種獨特的口感和驚喜。咬下去時，軟殼蟹的鮮香與壽司米的口感完美融合，展現出一種酥脆和鮮嫩的絕妙組合。每一口都帶來了海鮮的鮮美和壽司的綿密口感，令人愛不釋手。這道壽司不僅味道出眾，而且外觀精美，讓人一吃難忘。當然還可以於下午茶時段配上烏冬或拉麵，配搭四款不同和風口味的壽司最為花算。
繼續閱讀