壽司郎

營業中

休息中

見到壽司郎聯乘李錦記出左幾款壽司😵估唔到兩個唔啦更嘅牌子都可以crossover😂🔹️李錦記蠔油×日本帆立貝 $22食完都係覺得點返壽司豉油同wasabi算😂😂蠔油唔係唔好食但兩個夾埋有啲奇奇怪怪咁😂晒左隻帆立貝😂😂🔸️真激辣•吞拿魚伴蝦米辣椒油海苔包 $17吞拿魚粒加埋三文魚籽配埋蝦米辣椒油幾新鮮感都幾夾‼️佢聲稱為壽司郎最辣嘅壽司🔥但食落其實都唔算好辣😂😂但可以一試😂😂不過今次去壽司郎體驗麻麻，大埔呢間出面因為裝修，搞到又大塵又熱🔥😐㩒服務制等左好耐先有員工黎，有兩碟冇黎到又話送左，不過最後店員都有俾返我地😆態度都保持到嘅👍

眾所周知，壽司郎長期都要排隊，如果唔想排，外賣回家係１個唔錯的選擇。懶得諗，直接ORDER兩個兒童套餐，有腐皮壽司(2件)、吞拿魚沙律軍艦、粟米沙律軍艦、熟蝦、八爪魚、蟹柳、玉子焼各1件，共8件。好豐富，我覺得比以前大件左，有D食唔哂。幾欣賞佢米煮得幾好，飯粒軟硬適中，醋既酸度恰到好處。腐皮及玉子既甜味同壽司飯既酸好夾。粟米和吞拿魚沙津既醬，與壽司的搭配非常協調，口感豐富。反而熟蝦、八爪魚，如果沒有同壽司飯同食，略嫌無味。另外，茶碗蛋材料丰富，有2隻蜆連殼蒸，令蛋有海鮮味而且好滑，好食，但蜆有沙。

望到門口排隊既人群，就打消堂食的念頭，而且佢有限時，如果想舒舒服服咁嘆住食，外賣會係個唔錯既選擇。依家外賣平台除了外賣自取有折扣外，套餐及單點既款式也比之前多，買２個SET加件千層蛋糕甜品才＄100，真係好抵。兒童套裝有：腐皮壽司(2件)、吞拿魚沙律軍艦、粟米沙律軍艦、熟蝦、八爪魚、蟹柳、玉子焼各1件，共8件。壽司飯煮得軟硬適中，醋味恰到好處，不用點任何醬料都好好味。自選壽司6貫，２８款壽司中自選６件，有部份款式需要加錢，價錢合理。甜蝦、帆立貝、北寄貝雖然唔係好大件，但新鮮，性價比高，難怪經常都咁多人。

同朋友夾時間食飯，夾到14/2 情人節，一早透過壽司廊apps預約，去到登記都係等左10-15分鐘左右，真心覺得手機預約超級方便！！多謝朋友的介紹和分享🤭（溫馨提示：即使事前手機預約，大家到達後要取票確認！唔係就會懞豬豬甘一直等架啦🤣）同友人共三位被安排卡位，坐位略為高左少少出現吊腳情況🤣由於只有60分鐘的時限，一坐下朋友便極速下單，壽司🍣炸物🍤蜆肉湯一次過運送三碗蜆肉湯，輸送帶好震撼🤭仍然覺得最好食的係。炙燒羅勒三文魚壽司🤤叫到成枱都係食物，人均消費都係 $120正呀👍🏻👍🏻

壽司郎而家有新年豪食祭🧧🧨松葉蟹🦀軍艦配海膽三文魚子雙味 $27$27真係幾抵😃有松葉蟹又有三文魚子仲要有海膽😆松葉蟹🦀都雖然唔多，但都鮮味嘅但海膽就真係麻麻地，有啲苦🤨另外佢仲有啲野食做緊特價抹茶🍵蕨餅原價$13而家都係$10，食落都唔錯，不過好似淋左少少仲有麵豉湯原價$17而家做特價都係$13咋😆仲出左個萌抱散壽司 $108佢用個好得意嘅壽司形狀嘅盒裝住啲壽司架🍣食完仲可以拎走個盒添😃個盒大概手掌咁大到，拎返去俾小朋友裝糖果🍬🍭、裝啲飾物都幾靚架😍

相信大家都知道，壽司郎等位要等好耐，所以外賣就會係一個唔使等又食到嘅好方法。但係，壽司郎叫外賣一向唔會好多人叫，因為佢以往嘅外賣主要係pre set 咗一啲壽司嘅盛盒，選擇唔多，所以受歡迎嘅程度始終唔及堂食自由選擇咁好。但係，最近偶然中發現佢嘅外賣已經提供自由選擇嘅選項，而且價錢唔貴，大家可以一試。，佢嘅壽司外賣自由選擇，可以有唔同嘅件數選擇， 以下為16件自由選擇，價錢都係$150唔使，當然，有啲壽司如果你選擇嘅話係要加錢嘅，以下幾件就是有件要加錢，部份就唔需要。但價錢尚算合理。而且，佢嘅外賣整好之後都係會放喺雪櫃保存，到你拎嘅時候先會攞出嚟，所以壽司都算新鮮。

一落腳入到呢家店，閃閃發亮嘅櫃檯就引起我嘅注意啦🤩，開餐之前心口就已經暖笠笠。先黎個蜆肉茶蒸碗，口感滑溜溜嘅蒸蛋夾帶著淡淡嘅茶香，蜆肉鮮味又彈牙呀～好正！特選大吞拿魚腩今次就有啲失色，用「麻麻哋」嚟形容啱哂 – 解凍得未夠徹底，啖啖魚，但就失去嗰種舊時嘅油潤滋味了。😔😔嚟到炸蝦天婦羅拼盤，佢就即刻扳回一城。外面薄脆，蝦肉受熱啱啱好，口感鮮嫩得嚟唔油膩，啲紫蘇葉仲帶點提味嘅效果，食咁多層次，搶鏡！最後當然少不了甜品啦，布甸嘗落有啲水水地，甜而不膩，一啖，心頭就好似融咗嘅糖咁甜滋滋。至於個脆皮朱古力香蕉味雪糕蛋糕，真係得意到爆炸！組合又夾，味道層次分明，讓人心情好到冇得講。正！總體嚟講，今次食嘅嗰幾樣雖然有起有跌，但味道整體仲係過得去，希望下次能夠再捕捉到以前嘅經典味道啦！🥰🥰🥰

今日去超級城購物，午間時候經過壽司郎，見到唔駛等位就立刻入去食午飯。食物：個蟹肉蒸蛋好似季節限定，好正，一個人食左兩個。然後仲有烏冬，toro壽司，三文魚壽司，海膽。好滿足，好好味服務：帶入座好快，埋單都好快。都係咁啦，唔係食服務，服務冇所謂，雖然好似收左服務費。。環境：環境舒適，唔會好吵。地點又唔錯，食飽行出去就係巴士站，好方便。餐廳裡環境乾淨。總括，呢間壽司郎真係好OK，會翻黎encore。唔錯唔錯

今日老公早放工，一於去食壽司郎，星期六中午時間等大概一個鐘。一入到去已經好肚餓🤤叫咗好多款壽司🍣♦️特選中吞拿魚腩 $17口感唔錯，亦有油脂香味，以呢個價錢來講收貨👍🏻♦️牛肉烏冬$32湯底夠味，烏冬夠煙靭，但略嫌牛肉比較多筋😟♦️特選松阪和牛 $27望落油花分布平均，但食落一般，因為可能凍食關係，咬落有點乾😂♦️海膽海苔包 $27海膽不錯，有甘香既味道，海苔脆，配合一齊好味😋♦️純白戚風蛋糕配特製忌廉 $27呢個有驚喜，戚風蛋糕軟熟，忌廉亦夠香滑有奶味，但估唔到亦有一球雪糕🍨，不過雪糕嘅味道十分似嘉頓雪芳蛋糕芝士味🤭總括而言，如果等待時間可以快一點，係日常不錯嘅選擇！😆

1. 口感豐富：牛肉壽司的牛肉切片通常非常嫩滑，與壽司飯和海苔的結合提供了豐富的口感層次。當您咀嚼時，可以感受到牛肉的柔軟度和壽司飯的綿密口感。2. 鮮美的牛肉風味：牛肉本身具有獨特而豐富的風味，尤其是在生牛肉壽司中，可以更好地體會到牛肉的鮮美。牛肉的鮮甜和微妙的肉香與壽司飯的酸甜味和海苔的風味相互配合，營造出美味的口感。3. 多樣的調味：牛肉壽司在調味方面可以有多種選擇。有些人喜歡使用醬汁、醋或芥末等調味料來增添風味，這些調味料可以提供額外的層次和味道，使牛肉壽司更加美味。4. 創意和多樣性：牛肉壽司的美味不僅來自於牛肉本身，還來自於與其他配料的結合。壽司店和餐廳通常會提供各種不同的牛肉壽司選項，結合了不同的蔬菜、醬汁或其他食材，以創造出獨特而多樣的口味。

作為三文魚控見到壽司郎有一系列三文魚期間限定當然要試了🤩🤩基本上三文魚限定全品項都試哂了🥰🔺三文魚腩配脆脆蘋果飛魚子 $12三文魚上面有一塊薄薄嘅蘋果🍎再加上沙律醬感覺會清新少少✨而且都係夾嘅🔺洋蔥醬油漬灸烤三文魚 $17同想像中有點不同有啲類似果凍嘅東西係表面😙沒有太大特別~🔺香蔥灸燒三文魚腩 $17三款期間限定壽司中最推介係呢個❣️上面有類似洋蔥同蔥🧅壽司係更香同層次都好豐富🙌🏻🔺三文魚親子茶碗蒸 $22茶碗蒸同平時食嘅一樣都係好滑的😚表面有三文魚子,配料還有蝦,三文魚,冬菇同豆🥬個人覺得多咗三文魚子成個感覺唔同咗🤤🔺炸三文魚鰭 $27脆得好脆但就少少滯同偏油👄建議要配檸檬汁中和一下🍋三文魚鰭都啖啖肉~🔺花之戀 $17本身諗住叫厚切三文魚但覺得應該同花之戀差唔多就沒有叫了🤣當日三文魚真係好肥美係三文魚腩部分😍沙律醬係有超級多但真係少膩🤭🔺雞軟骨 $17炸物中的最愛💞雞軟骨大大粒配埋檸檬汁係好正!!!🔺甘口醬油漬灸烤吞拿魚 $17雖然我係三文魚控但都叫咗一碟吞拿魚試吓但呢個就麻麻了🥲冇咩魚味同醬油味都唔出🥹🤤好味度 : 8/10🔙回頭率 : 9/10

大埔開咗壽司郎咁耐，每次都好多人排隊，今次終於比我食到🤤入座時，店員都好體貼，眼見我女朋友隻腳受傷，特定為我們揀咗一個宜上落嘅位，輪椅有為我們一定選了一個位置放置。牛肉壽司嘅牛肉好有牛味，加埋上面蔥花，入口好有層次👍個三文魚腩都好好食，我食咗四舊都完全唔溜。魷魚壽司同鰻魚壽司就正正常常。個人最鍾意中拖羅，有咬口得黎口感好好個wasabi 八爪魚壽司雖然入口好攻鼻，你答八爪鱼好新鮮又有咬感，成件事好match 👍

食完已經2115，啱啱坐咗一個鐘，員工竟然一句「出面有人排隊，你地要離開」為由趕人走，態度惡劣又冇禮貌，比完錢出到去一個人都冇，根本都冇人，你仲有成個鐘先收工，你憑咩趕人走，真係成肚氣

睇完戲喺附近搵嘢食，見壽司郎唔係好多人排，於是就去食下先～喺度想特別讚返壽司郎嘅店員👍🏻因為呢排整親隻腳，要坐輪椅，店員都好細心咁幫我安排我坐嘅位置同架輪椅放嘅位置👍🏻唔知點解三文魚腩壽司會平過三文魚壽司🤣舊三文魚都幾厚切👍🏻好有口感～舊鰻魚都幾大嚿！但佢嚟到嘅時候，舊鰻魚已經唔係舊飯上邊😂不過呢個價錢就唔挑剔咁多😂雖然唔係特別鍾意食蔥，但啲蔥真係可以辟左啲魚腥味👍🏻成個味道都清新啲～喺度要介紹返我其中一樣最鍾意食嘅壽司，就係芥末章魚軍艦🍣少少辣嘅章魚真係好刺激到食慾😋呢個一定係我喺壽司郎必點嘅item✨就係南瓜天婦羅啦😆不得不說我個人認為壽司郎嘅炸物係好食過佢啲壽司😂呢個南瓜天婦羅新鮮滾熱辣炸起，炸皮都幾薄，外脆內軟😋其實呢個炸雞軟骨都好食嘅，不過略嫌細份左啲🫢得個六七粒😵‍💫最後梗係要食個甜品收尾啦🤭個奶茶卡達拉娜少少fail左🫢嚟到嘅時候成舊冰咁硬😵‍💫basque burnt cheesecake就正正常常咁啦～-結論：呢餐都係食左$339咋！好抵食😋壽司郎啲壽司，我一向都覺得係正常，我最主要都係食炸物🤣如果經過有位先入去食啦～

開張咁耐，第一次食壽司郎全因為佢唔使排隊。啱啱5:30經過，晚市開始，竟然可以直入。無可否認，有好多是$12 一碟又真係唔貴，但真心覺得元氣（已冇食好耐、也不打算再食）好食過壽司郎。最難食竟然係個蜜桃芭菲。唔知食緊咩。啲壽司樣樣冇乜味，不過兩件拖羅都正常味道嘅，性價比算ok 而好多人話好食嘅薯條，果然真係好好食。熱辣辣脆卜卜炸粉都做得好好，不過略嫌佢冇乜味… 如果可以講多少少鹽或者其他味道就更加好。總括來說，我其實都冇乜好大嘅期望。