影片
電話號碼
37493873
54089985
附加資料
到會全年無休 (餐廳例外)
營業時間
今日營業
08:00 - 17:30
星期一至六
08:00 - 17:30
星期日
全日休息
公眾假期
全日休息
以上資料只供參考, 請與餐廳確認詳情
相關文章
呢間係火炭工廠大廈入嘅西餐廳性價比極高。呢個德國脆皮豬手配薯角嘅餐加埋杯凍咖啡盛惠$81，當然純價錢睇就覺得高，不過食過之後你就知個質素如果喺出邊其他地方食應該要差唔多$200先至食得到。豬手雖然係前臂，不過其實份量都幾多，豬手皮夠脆，而豬手肌肉又唔會整到好韌，可以揀飯意粉薯角或者沙律，我就揀咗薯角，另外佢有韓國泡菜做配菜。我個friend就帶咗all day breakfast，聽講唔係成日有，份量都係誇張豐富，份炒蛋都幾大份，腸仔用咗一條紅腸一條白腸，份沙律又係誇張地多，好食抵食。
繼續閱讀
5-11-2023 (Sun) 同老公喺西貢參加細妹婚禮,斟完茶就食個到會lunch喇,由於我唔太餓,所以攞啲精緻啲,似一口酥嘅嘢食,一食,好好味.再食焗薯都唔錯.有個肉丸串有啲軟骨喺入面,又幾好食.朱古力布朗尼夠濕潤,味道夠濃又幾飽肚.之後啲戥穿石切開一大個火腿,我就夾嚟食,好味,有柚子蜜中和佢嘅鹹膩感,好好味.我問做另一個餐飲嘅妹夫係味佢公司嘅到會?好好味.佢答唔係,而呢間佢都知出名係好食.我睇睇黑色紙箱嘅餐廳名再上嚟搵,原來係呢間,我同老公係食過嘅(上次食評係2018年12月22日刊登嘅呢篇: https://www.openrice.com/zh/hongkong/review/%E4%B8%AD%E4%BC%8F-e3252624).而其實主食我都冇乜試喇,一日都係怪我個肚唔爭氣.
繼續閱讀
今日下午茶☕️時間 黎到火炭既隱世餐廳😍食物質素非常好👍🏻感受到廚師是用心製作的味道方面都是非常好食😋食左咁多樣野都唔洗$200😱自己整都真係整唔到 性價比超高 值得比💯
繼續閱讀
餐廳係先到收銀處點餐及付款，之後就會有職員送餐到檯面下午茶時段3：00 – 5：15🍴吉列魚柳配沙律菜及香蒜牛油包$38魚柳炸得新鮮熱辣香脆，不過炸粉皮太燶；沙律菜都幾新鮮🍴火腿芝士西多士$32西多士炸得唔夠香脆，比較腍身，但係整體好食，而且食落唔算油膩🍰朱古力心太軟$38（跟餐價）心不軟，幾“鞋”身，跟餐價都要$38，唔好食唔抵食🍰白桃乳酪慕絲蛋糕$38（跟餐價）蛋糕質地都算幼滑唔太甜，有微微白桃味下午茶餐抵食，質素正常發揮；蛋糕味道一般，$38唔算抵食，如果原價就更加貴餐廳環境坐得舒適
繼續閱讀
【沙田區】【圓點工房】唔知大家仲記唔記得好耐之前我同大家講過我會去㘭背灣街附近唔同嘅工廈做嘢，要喺嗰邊食埋嘢先走。初初嗰時有請教過大家嘅意見，但係我發脾氣鏟咗手機冇咗張 cap 圖，所以僅憑我嘅記憶嚟搵嘢食，愛在記憶中找你咁。趁呢個走訪不同工廈嘅情況，就順便開埋 1am火炭工業區 系列畀大家做個參考。嗱，我唔係鼓吹大家以外來人身份特登走入去食，因為工廈食堂都只係可以 serve 喺嗰幢大廈工作嘅人，好似我咁都係去邊幢做嘢就喺嗰幢度揀。去到華樂工業中心，已經係近駿洋邨嗰邊，上 3 樓就有呢間 Canapés Room 可以食。第一次去因為做嘢晏咗就食下午茶「漢堡系列」，「芝士牛肉」漢堡都幾好食，加埋薯角同「凍檸茶」走甜先 $49，以呢個質素嚟講算抵食。過咗幾日又喺嗰度做嘢，今次試埋午餐嘅「德國原隻咸豬手配蜜糖芥末醬」，呢個係有位讀者朋友介紹，我忘記咗佢係咪都係 foodie 嚟，不過都算好食喎。份餐配埋「薯角」，上次都食過，都係幾好嘅，今次保持水準。佢仲有餐包蒜蓉多士，不過餐湯好似話冇晒，冇所謂啦，飲埋杯「凍檸茶」少甜，咁樣 $79 都唔算特別貴。總括而言，我覺得以返工嘅工廈食堂嚟講，佢畀到一個西餐嘅選擇已經係幾難得，再加上價錢唔係話好貴，係可以嘅。。。（地址：火炭山尾街31-41號華樂工業中心A/B座3樓23-26室）#1amfoodie #foodie #hkfoodie #thatfoodiething #hkfood #food #instafood #delicious #globaleats #followforfollowback #love #eat #1am沙田區 #火炭 #圓點工房 #CanapésRoom #西餐廳 #下午茶 #漢堡系列 #漢堡包 #芝士牛肉漢堡 #凍檸茶 #午餐 #德國原隻咸豬手配蜜糖芥末醬 #薯角 #德國鹹豬手 #豬手 #1am火炭工業區 #1am0751 #1ambackup
繼續閱讀