影片
營業時間
*截單時間: 2200
星期一至日
11:00 - 23:00
以上資料只供參考, 請與餐廳確認詳情
家人唔食得辣，唯有叫酸菜魚，魚冇骨但湯底唔係話好正宗，整體而言鹹味多過酸味。所以我無飲到啲湯。特別想講吓燒羊肉，因為羊羶味很重唔係人人受得了，落左好多味粉都散唔走，另可能overcooked羊肉有啲un，亦唔似羊架咁啖啖肉，所以建議唔好點呢個。其他燒物都普通，而且份量全部係一人份很難share，如兩人吃要每樣叫兩串。當晚我地無叫到辣野，唔排除烤魚係好食..但其中一位職員服務幾好。*強調絕對鼓勵大家應留在家中，避免到人多地方
繼續閱讀
前排涼涼地，一早約左朋友食烤魚，點知食飯當日回暖，成廿幾度，我地又懶得另覓地方，好彩餐廳除左烤魚外，仲有多款四川麻辣小菜，一於去馬。坐低先上前菜，有酸蘿蔔、蒜片，夠晒酸同爽口，超開胃。麻辣汁調得出色，先係酸、麻、香，辣勁慢慢先出黎，雞絲份量足，唔鞋，粉皮呈卷狀，幾特別，夠滑溜。水煮魚大大窩，選用生魚片，啖啖肉冇骨，配料非常之多，有雲耳、鷹咀豆、蒜頭、大蒜、芽菜、薯粉、蒟蒻、芫茜、椰菜，當然唔少得花椒同辣椒，麻同辣調配得恰到好處，湯底有別於常見水煮菜式，面頭冇一大層油，食落自然冇咁油膩，可以直接當湯飲。回鍋肉炒得好惹味，椰菜鮮甜，豆乾煙韌，夾辣味一流。炒飯份量多到嚇親，四個人食都夠，鑊氣十足，粒粒分明，碟底冇多餘油份，物超所值。柑桔蜜同柚子蜜應該係用現成貨沖出黎，但絕不馬虎，落足料，超濃味。
繼續閱讀
近排香港又涼涼地，最啱就係去食辣野啦見到有間囍囍麻辣好似幾吸引於是就入去試下啦！首先叫左個霸王辣子雞，因為男朋友唔係好食辣嘅關係，所以我哋叫左小辣賣相都幾吸引㗎對於鍾意食辣嘅我黎講，簡直係色香味俱全！！雞肉好入味呀，仲有粒粒脆卜卜嘅花生可能我哋大食啦，好快就俾我哋清晒了再黎一碟蒜燒茄子入口係好香嘅蒜茸味！呢碟茄子，我哋用咗10秒，係10秒就清晒🙈🙈🙈壓軸登場嘅有大叔保證嘅香辣泡椒味烤魚魚質鮮嫩，辣辣地好惹味！如果份量再多啲就好了🙈🙈🙈🙈
繼續閱讀
兩口子已經一個月沒有外出吃飯，趁星期五下班之後，當是抖抖氣。走到花園城囍麻囍辣開餐。當日坐在餐廳一個角落，有種自成一角的感覺，感覺有私隱得來更加安心自在。餐廳侍應先送上小菜一客，是辣蘿蔔，很醒神。點了三款食物。第一款是招牌老壇酸菜魚。上碟時，見到超級大的一個碗，完全被其氣場壓到。魚肉非常細嫩鮮甜，絕對是新鮮的滋味；當中或會帶著小小的魚骨，吃時要留神。魚肉之外，還帶著很多配料，例如芽菜、Q彈木薯粉等等，讓口感更為豐富。不得不提是酸菜魚湯，酸勁一流，當中滲著微辣，很有層次。四川香芽菜醬油蛋炒飯炒得夠乾身，不會太過油膩，醃菜既咸又香，伴著蛋香，有夠滋味。份量十足，以我們食量，大概夠三至四個人享用。熗炒糖醋包心菜是微辣，但從照片可見，已可見到辣油於菜葉之間，並不簡單。每片爽口菜葉均勻地配著辣香，醒神之選。飲品凍柑桔蜜和凍生薑蜜，前者是淡淡的微甜，即使少冰也夠凍；後者有甜中帶辣，和包心菜的辣互相輝映。二人消費共約$ 350。侍應添水也挺殷勤，值得一讚。
繼續閱讀
響沙田食飯比較多搵新城市以外，近河畔花園有好多特色餐廳，而且個邊人會少啲。朋友同我都喜愛食辣，大叔烤活魚吸引咗我地，一定要叫嚟試吓！另外有酸菜魚、麻辣小菜和焼烤等菜式。烤魚有兩款選擇，最後揀咗鉗魚因為貪佢肉厚無刺，味道有5款，有辣有不辣，如果有選擇困難症可問問店員，佢介紹咗微辣香辣泡椒味比我地。先來一碟涼菜，酸辣的芽菜和黃芽白，凍凍地好醒胃。一個大的烤盆爐上枱，賣相好豐富。烤魚上面有好多配菜，店員提醒整盆已經熟哂，最好再等佢滾多滾先開始食。可以先嚐一口湯先，微辣而清甜，食到咁上下再飲湯就會太辣了，飲唔到湯的味道。鉗魚一開半，魚肚位嫩又重魚油味，魚肉味濃郁，唔會因為泡椒的辣味遮蓋魚味，提升了魚肉的香濃，辣多於麻，鉗魚以係大骨為主，另外個皮烤得好香脆，一啖接一啖非常好食。如果多幾個人，可以加其他配料，飽肚少少就叫咗寛粉同豆腐皮。寛粉十分煙韌，越煮越軟，食到中間食就最適中，佢吸哂魚肉的鮮甜同泡椒的微辣，非常野味。豆腐皮係打咗結的形狀，可以浸落湯到煮多陣食會無咁硬。烤魚鍋有黃芽白、洋䓤和切片的大䓤，可以最後先食，煮到入哂味又甜，唔好浪費咗佢地。唔食得太辣的要小心個鍋除了泡椒以外的細椒，有青有紅，好易會以為係䓤。最好叫埋凍飲，係最佳的配搭又可以解下辣，有少少美中不足係杯柑桔檸檬唔夠凍...
繼續閱讀