嚐見 (已結業)

呢間餐廳位於觀塘附近，一入到去都幾環境都光猛，我地坐低左呢度係qr code落單好方便，我地叫左一碗崩沙牛腩河粉，牛腩比起平時食既爽口，牛腩層次分明，崩沙腩係比較特別唔係周圍有得食，仲有叫左一碟豬扒煎蛋轉左米線既，豬扒超大塊好軟淋，仲有兩塊甘多，仲有叫左碟雙拼餃子，有好多餃子鍋貼，芹菜牛肉餃同蝦肉既餃子都多汁，好juicy，一份有8粒都幾多,仲有可以一次過食晒2種唔同口味,有好多款餃子而且價錢好抵,唔算好貴。

觀塘新開的牛腩麵、餃子專賣店🥟❗️——▪️餃子（煎餃 +$4）多種餃子款式選擇🥟！點了：1️⃣菠菜馬蹄豬肉餃2️⃣京蔥甘筍牛肉餃皮不是水煮QQ口感，是煙韌有嚼勁，要多咬幾下的那種口感～ 牛肉餃很多汁！第一口咬下，馬上爆汁！▪️雞翼 $25/3隻肉蠻多，蠻少吃到塗桂花蜜的雞翼！◾️牛坑腩河粉 $65有蘿蔔！蠻甜，但有一點渣🤏◾️飲料飲料有抹茶椰汁🥥💚感覺好酷也蠻吸引的，下次有機會喝喝看😗😙▪️其他除了牛腩麵和餃子外，還有幾樣飯可以選擇！而且還有沙爹牛肉麵，咖喱牛腩麵等等，也有賣早餐！

呢一間新開嘅餃子店係喺牛頭角地鐵站附近~ 真係啱晒喺觀塘或者九龍塘返工嘅大家🧑‍💻 佢除咗主打餃子之外, 仲主打騸牯牛腩粉麵🍜 另外仲有一啲小食, 例如雞翼, 豆腐等等~ 餃子嘅種類都有好多🥟 有唔同嘅蔬菜做基底🌱 例如菠菜馬蹄餃子, 芹菜冬菇等等🍄 一樣可以揀煎餃或者湯餃🥣 價錢相宜, 真係啱晒打工仔🥰 而且環境好乾淨闊落👩‍🍳 🤍騸牯牛坑腩河騸牯牛嘅肉質真係有驚喜🤩 軟嫩得來唔會太淋身, 保留到牛肉彈牙嘅肉質🐄 而且真係好有牛味! 🤍芹菜冬菇牛肉煎餃芹菜嘅味道好突出! 食得出好足料🫶🏻 煎得啱啱好, 小小脆, 唔會太硬身~ 🤍椰菜粟米豬肉湯餃呢款餡料就比較常見~ 而我自己就本身好鍾意食粟米餃🥟 呢款餃子嘅粟米都好夠🥰口感好正~🤍桂花蜜糖雞翼雞翼都幾有驚喜!! 本身賣相有少少桂花喺面頭好靚~ 蜜糖味突出之餘唔會死甜🍯 而且仲有淡淡的桂花香🌼 推薦大家嗌呢款小食!!

-嚐見-@觀塘.平時好鍾意食餃子，經過觀塘小巴站附近見到哩間以騸牯牛同餃子為主的餐廳，款式選擇都唔少，都幾吸引，便入內一試。.餐廳面積唔算大，但唔會安排到座位好迫，坐得都好舒服。.椰菜粟米豬肉餃拼麻辣三鮮豬肉餃 ($50)餃子每粒都好飽滿，餃皮雖然唔算好薄，但好滑溜，食落都好順口。.2款餃子餡料的配搭都好好，爽口的椰菜粟米配上豬肉，口感好豐富。.麻辣三鮮唔會好辣，香料麻香濃郁。.京蔥甘筍牛肉餃湯米 ($50)米粉份量好足料，質地夠順滑。京蔥甘筍牛肉用的係騸牯牛，食落肉質更柔軟牛味更香。.三料蔥油雞翼煎蛋飯 ($48)雞翼煎到金黃，外皮夠香脆，咬落肉質夠嫩帶肉汁。而且雞翼醃得夠晒入味，加埋蔥油夠多，用黎伴飯一流。.抹茶椰汁冰 (另加$15)估唔到椰汁和抹茶都夾到。椰汁冰夠香，套餐加$15就飲到，好抵。.

對比起牛頭角站商業區，牛頭角道至宜安街果邊的餐廳，價錢相對便宜，亦不乏很多好味小店，久唔久lunch time都會嚟搵嘢食這間新開麵店，專食新鮮騸牯，騸牯牛是1 歲以前閹割的黃牛，牛肉脂肪會被未閹的牛多，比例分布更細膩一碗新鮮騸牯半腩半筋麵($65)，牛腩牛味濃郁，口感非常腍滑，基本上輕輕一咬便可分開，吃罷很滿足，牛筋也很易咬開配搭的白蘿蔔也很腍身，夠甜，沒有渣跟餐+$15配金桂檸蜜，很香桂花味，還有少少柚子肉蠔油生菜($18)新鮮爽口

新開的新鮮牛腩小店，主打是牛腩和餃子，全都是新鮮配做的！而且還很特別的見到用新鮮騸牯牛來做沙嗲牛肉麵，不過我來到的時候就賣完了，下次有機會再吃吧！新鮮騸牯牛坑腩麵（６５元）可樂（跟餐＋８元）用上新鮮騸牯牛吃起來的肉質非常有彈性，但亦因為油花很足，會帶點入口即化的口感，牛肉味香濃！而我選了河粉，這裡的會比較有彈性一點！湯底會比較清淡，想濃味一點可以加辣椒油！配菜蘿蔔清甜無渣！（煎）京蔥甘筍牛肉餃拼韭黃鮮蝦豬肉餃（８隻）（６１元）煎餃即叫即煎的，每粒吃起來都是爆汁的，外焦裡嫩的！牛肉餃帶有甘筍的清甜，濃濃牛肉香。鮮蝦豬肉餃的蝦味突出，口感爽滑！孜然炸豬扒（２０元）孜然脆皮雞翼（２５元／３隻）兩個調味都一樣，亦是新鮮炸起的，豬扒肉感多點，雞翼就外脆內嫩一點！桂花蜜糖雞翼（２５元）這個有點像平常吃的蜜糖雞翼，但會多了一份桂花香，肉質嫩滑！

呢條街都幾多食肆，見到呢間門口poster有騸牯牛，我又冇食過，所以想試一試，見有又有牛腩麵食，又有餃食，都算多元化。叫咗双拼煎餃，d餃皮食落質地好煙韌，煎到底部脆卜卜，一啖咬落去d肉汁漏晒出黎。韭黃鮮蝦豬肉餃，入面有原隻蝦，蝦肉爽口，豬肉涵好juicy。麻辣三鮮豬肉餃，一咬落去勁香麻辣味，豬肉都好嫩滑，一d都唔鞋。新鮮騸牯牛半腩半筋麵，原來騸牯牛嘅重味都幾重，食落好鮮味好淋，肥瘦脂肪均勻，而牛筋食落有煙韌嘅感覺，都好入味，麵質好爽口彈牙。蠔油生菜，要黎同牛腩麵一齊食，絕配。三料蔥油豬扒煎蛋飯，d蔥油好香，好惹味，豬扒份量都幾多，有2大塊，煎到有少少焦焦地，好香口，隻太陽蛋都好吸睛，食完呢個飯好滿足。涷檸茶，茶底幾好味，檸檬夠酸，酸酸甜甜正合我意。

又去觀塘搵食，今次係近牛頭角個邊搵到間食騸牯既店舖，店舖有餃子有飯有麵仲有唔同既小食叫黎食。新餐廳大概開左2個月左右，店舖唔細人流都算多，難得搵到一間食騸牯牛既店，今晚得閒，晚餐就去幫襯一下。新鮮騸牯半腩半筋麵 $65 本身真係好鍾意食牛腩牛筋麵，呢間餐廳真係岩晒食，價錢相宜，食到新鮮既騸牯都係$65，而且份量唔少。幾舊腩幾舊筋再加埋兩大舊勁甜既蘿蔔，識食一定要食清湯原味食出騸牯既香。 騸牯腩位非常稔身，油香感滿滿，騸牯既肉同油甜香入口會散發出黎，而且有入口即溶既感覺，完全唔需要點咬就食到。筋位都好好食，夠軟身當中有少少筋位彈牙既口感，好有骨膠原既感覺。 香港真係比較少地方食到騸牯牛，好難得有一間整得咁好食而且唔算貴。(8隻雙拼)煎韭菜鮮蝦豬肉餃 + 芹菜冬菇牛肉餃 $61全部餃子即叫即煎，個底煎得好香脆，餃子皮身原本都係薄薄地唔會太厚。本人比較鍾意食豬肉餃多少少，呢款仲要有埋鮮蝦係入面，而且內料都都好豐富，口感好多，蝦身大粒爽既，仲要有好多肉汁包晒係入面，幾正。牛肉餃都好食，芹菜夠香好配牛肉味。桂花蜜糖雞翼3隻 $25 蠔油生菜 $18叫埋雞翼同菜食，雞翼煎到好香個皮身好脆身，桂花味

做完運動，經開觀塘宜安街，見新開左間餃子店，幾骨子，就入左去🤭🤭重點佢又唔係單單食餃子，仲有騸牯牛食！韭菜三鮮豬肉煎餃：外皮金黃香脆，入面有鮮蝦所以食落口感幾好，連埋韭菜，食落好鮮！feel到餃子新鮮即包，因為餃子咬落入面既肉唔會話實的的！騸牯牛半筋半腩麵：呢到用左騸牯牛既筋同腩，所以佢食落果個牛味比較濃郁，牛腩食落質感幾腍滑！而個牛筋幾嫩滑同夠淋！麵就用左幼麵，食落爽彈，唔錯🥰個湯底幾清甜蠔油生菜：生菜幾新鮮，爽脆，連埋蠔油一齊食幾好青檸梳打：飲落好消暑解渴，岩曬而家既天氣飲

行開Apm睇下附近有咩特別既野食見到有間食騸牯牛，係牛肉之皇重點係食完就可以坐紅van番荃灣十分方便😍❤️攷然脆皮雞翼攷然粉舖面而炸成，很香口攷然味十足重點雞肉十分嫩口👍❤️桂花蜜糖雞翼桂花蜜糖味濃食完桂花味充斥住個嘴原來加左桂花係幾特別雞翼皮脆肉嫩無得頂❤️韭黃鮮蝦豬肉餃餃子真材實料每隻餃都有好多蝦肉蝦肉配韮黃又係無得輸的組口而且餃子鎖到肉汁，好juicy🤤❤️新鮮騸牯牛坑腩麵騸牯牛坑腩同平時食既牛腩唔到牛味特別濃，肉質十分嫩滑食落去個口感好彈牙平時好少地方可以食到值得一試👍❤️抹茶椰汁冰椰汁味濃，椰汁配抹茶原來又幾夾，呢杯可以用做手搖而且都係加$15就飲到好消暑解渴😊❤️青檸梳打完全係透心涼之選酸酸涼涼夏天飲就岩曬推介騸牯牛坑腩麵平時好少舖頭有得食而餃子都有不同味道梗有一款合自己口味😌

之前嗰間餃子店執咗笠，今次都係開返餃子店。雖然座位闊落左，比以前舒適，但係味道就比之前遜色，希望之後會進步啦。不過店員都好有禮貌湯底真係完全冇味煎餃比較OK，食到肉汁！雞翼都算唔錯可以加$8 飲嘢，都算係咁

嗰日lunch 叫左個椰菜粟米餃子加米線，餃子米線一齊放，外賣攞到黎都痴埋曬，一夾就爛，另外無比餐具添餃子內餡比較味精味，皮太厚，建議煎會比較好食，米線個湯完全無味，雖然有比辣油同醋，但都係唔夠味，加上d麵痴埋曬，食得好辛苦