影片
電話號碼
61882038
營業時間
今日營業
11:30 - 15:30
17:30 - 23:00
星期一
11:30 - 15:30
17:30 - 23:00
星期二
全日休息
星期三至日
11:30 - 15:30
17:30 - 23:00
以上資料只供參考, 請與餐廳確認詳情
老友話跑馬地有好介紹，今晚終於有朋友回港聚頭有試食機會！不得了，每道莱色都十二分出色！朋友們都讚嘆不已！頭盆三小碟：沙姜葱油豬肚又夠冧又無臭豬尿味，避風塘鮮魷，同盬燒九肚魚脆炸漿夠薄火喉剛剛好，保持肉鲜嫩滑！頭盆已經咁出息，十分祈待主菜！都有廣東懷舊粵菜，香煎韭菜墨魚餅 ，琵琶豆腐，杏汁花膠白肺湯，飲完個唇好膠，差不多失傳的粤莱，兒時回憶，今晚返晒來！我們食得出主厨的心機，心思，工夫，個胃全部接收晒！意大利黑醋咕嚕肉，白切走地鷄是清遠鷄，用上湯浸，時間掌握剛好，肉質嫩滑沒有多餘肥油，直頭一絕👍！鷄油花彫蒸馬友，又係驚喜，越似簡單的蒸魚，越見大厨真張！仲有招牌炒飯！居然用砂鍋上，內有大大粒海参鲜蝦，炒飯粒粒分明夠乾身但不失濃厚飯香，拍得住日本米芝蓮鐵板燒炒飯感覺！最後2個招牌甜品西米蓮蓉焗布丁及沙翁！個胃已經call我話好飽，但係都不能抗拒要食！好彩食埋，蓮蓉混入芋蓉，甜度剛剛好！最後沙翁的濃郁疍味，又炸得外脆內軟，正正就是兒時回憶的味道！食得感動又開心！還有侍應大姐熱情招待，又介紹每道餸莱的特色，貨源，用料，食材，果然是top sales!真係有小店温馨特色！朋友個個萬二分滿足，已經约定下次再食過的時間！👏👏👏👍👍👍
繼續閱讀
887 瀏覽
跑馬地又見到新餐廳「嚐粵樓小館」裝修，大食會會員咁多街坊喎，一開張即急不及待組團去試。地舖樓底高高，散座其實唔算多，最大嗰張圓枱頂多坐八個人，全店估計可容納上三十多人。室內光線充裕，簡單嘅盆栽及小和尚擺設已流露出中國風。第一次幫襯，好自然地憑螢光幕嘅靚相點咗啲招牌菜。另外再加咗啲是日推介菜式。每個位都有齊備嘅自用及公用餐具。小食$18/碟，不過內含花生，細佬唔食得。甜蜜脆芋絲（$58）：修長嘅芋絲條條脆卜卜，沾上少量嘅蜜糖添上甜絲絲，十分可口。沙薑蔥油豬肚（$78）：豬肚質感爽脆，而且一啲押味都冇，惹味醒胃。蒜蓉粉絲蒸聖子（優惠價$48/隻；原價$68/隻）：特價聖子體積就夠睇頭，無奈咬落偏韌，長輩們都嘆自己牙力有限。甜桃香芒脆蝦球（$88/位）：蝦球西式嘅賣相高級，可惜敗筆在層炸皮唔夠熱同唔得香脆，蝦身唔爽彈，而且個芒果醬酸度過高，$88絕對食唔過！椒鹽炸鮮排骨（$148）：排骨每件都好大舊，唔用刀叉食真係有啲狼狽，加上硬而不脆，不吃也吧！竹笙元貝豆腐羮（$58/位）：白雪雪嘅豆腐羮不單水汪汪，飲落鹽味最重，完全飲唔出元貝嘅鮮味！避風塘粟米芯炸鮮魷（$138）：炸至金黃嘅鮮魷皮脆肉Q彈，微辣香口，配角粟米芯則爽脆甜美，送酒一流！手工墨魚腐芥菜煲（$198）：脹卜卜嘅墨魚腐鬆爽鮮甜，個人只係略嫌煲中嘅湯味道過咸！鮑汁八珍炆豆腐（$148）：豆腐用煲上都唔係好夠熱，加上調味勁咸，個個都話要飲可樂解一解！魚香茄子腸粉煲（$128）：相比起下，連相到睇得出依個煲真係熱到出哂煙，茄子半腍半爽，最正係本身滑嘟嘟嘅腸粉入哂魚香茄子啲味，食落又唔覺得佢油，組合可以話係無懈可擊！生炸皇子鴿（$78/隻）：即叫即炸嘅皇子鴿新鮮熱辣辣，鴿皮香脆，肥膏唔多，鴿肉鬆軟，一人半隻剛剛好。老派菜遠炒牛肉（$148）：大家都覺得例牌炒牛肉隻碟就大，但係份量就少啲，最大問題係牛肉超咸，師傅似乎重手咗。銅盆土魷蒸肉餅（$148）：意外地，外觀粗糙嘅蒸肉餅竟然鬆潤尤甚，厚身得黎毫不硬實，好食到全枱人都覺得值得推介咁堅！豉油皇炒麵（$108）：豉油皇炒麵幼嫩帶脆，唔會炒到油淋淋，簡單可口。桂花瑤柱炒米粉（$148）：煙韌有彈性嘅米粉炒得夠乾身，啲桂花蛋蛋都好軟熟，美中不足係啲瑤柱好濕，唔得香脆。西米蓮蓉焗甸（$128）：焗布甸外表金黃亮麗，不過蕃薯uncle話個皮應該要燶啲，個餡嘅椰香同蛋香唔夠濃郁，新版可能係健康啲，但就冇咗個懷舊色彩，隱世食家果然評得認真！跑馬地新店「嚐粵樓小館」環境光鮮，服務生態度良好，只係明顯仍未上手兼人手不足。粵式小菜標格唔算平，有傳統款式亦有新潮配搭，有啲得、有啲唔係咁得，唔得嘅主要問題係調味過重，飯後仲好口乾，疑似落咗好多味精咁。今次晚餐值篇OK評，希望搵個週末試埋佢啲點心有機會改觀。
繼續閱讀
好難得星期五晚冇訂枱walk in都有位🥹好好彩地坐左最後一張二人枱幾個月冇黎食過，發現多左秋冬推介menu，廚師推介亦有新菜式，即刻試一試佢薑蔥爆汕尾生蠔煲 $238- 非常有驚喜！薑蔥好香，調味恰到好處，帶岀生蠔鮮味，咬落去好juicy好多汁！一煲仲要有6大隻生蠔，性價比極高龍蝦窩飯 $388- 用原隻鮮龍蝦即整，飯粒完全吸收晒龍蝦汁精華，非常惹味，有d似西式risotto，但又唔會太黏太濟！龍蝦份量好足，幾乎仲多過飯，睇住侍應由魚池新鮮撈岀黎另外我地仲叫左椒鹽粟米鮮魷同沙翁，但呢d之前已影過相唔再post了呢間隱世中菜館真係每次食每次都有新驚喜！期待下一次再試其他新菜式本日推介每次星期五晚&weekend都好full😅如無提前訂枱嘅話真係要碰下運氣
繼續閱讀
星期六晚同屋企人去食，全場爆滿，好彩一早有訂枱，之前依個位置好似係間拉麵店，做唔住，見佢轉左新中菜，好岩一家人去食飯！總共叫左琵琶豆腐、菜遠牛肉、椒鹽九肚魚、龍蝦伊面、芝麻卷。 三個大人食，夠哂啦！首選龍蝦伊麵，新鮮，啲肉好彈牙，又好足秤，一睇就知無比廚房佬偷走一兩舊肉，拼拼埋埋去另一碟伊麵個上湯調味岩岩好，唔會好似出面落好多味精，食完要飲好多水。特別推介個芝麻卷，甜度岩岩好，連我屋企人怕食甜品都話芝麻味好足，健康之選！
繼續閱讀
聽朋友講跑馬地新開左間中菜 係前大集團總廚自立門戶 菜式有一定水準 即刻打電話book位帶屋企人去試試 提早慶祝中秋節一入到去環境樓底好高 裝修好靚 待應有禮 又有耐性地同我地推介唔同菜式 上菜快意大利黑醋黑毛豬咕嚕肉咕嚕肉汁酸甜適中 炸過嘅黑毛豬仲好嫩口 皮唔太厚又夠脆 但食落一啲都唔膩 送飯一流芝麻雞皮脆肉滑 白芝麻脆皮咬落好鬆脆 雞肉嫩滑 即使係雞胸一啲都唔鞋 好後悔只叫左半隻 大家都食唔停 下次應該要叫一隻至夠菜遠牛肉呢碟看似最簡單嘅小菜 先突顯廚師廚藝用心煮嘅功夫 佢同一般餐廳過多汁而蓋過肉質同菜原有味道的煮法唔同 牛肉好大塊 而且好嫩口並且明顯2邊煎香過 配上蒜蓉味道好夾 菜芯仲係好嫩 個芡勾得剛剛好 唔多唔少 個汁咁好味 我一直都唔知簡單一個菜遠牛肉可以整得咁好食 搞到我地即刻添多碗飯最後仲有個懷舊芝麻卷（菲林）我屋企人都好開心 估唔到宜家仲可以食到特式甜品 所以一上枱就食哂唔記得左影總括嚟講 呢間中菜真係高水準！食得出係非一般廚師所煮嘅！見到隔離枱都嗌左好多其他菜式好好食 下次要再黎試至得
繼續閱讀