影片
港鐵寶琳站 A1 出口, 步行約15分鐘
繼續閱讀
電話號碼
62270717
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
位於景林小食街內的隱世小店！麵包引用日本麵粉非常軟熟，咖啡10幾蚊可以飲到好似其他咖啡店四五十蚊的水準。泡泡棉密，咖啡豆吾錯好香！！！飲過美式咖啡也不錯，性價比極高推薦推薦
繼續閱讀
本身去景林村街市附近買餃子，點知等緊嘅時候，聞到好香嘅麵包味，發現呢間小店。店面同店名一樣普通，唔起眼，無精美酒店麵包display櫃，得一塊玻璃睇穿入面有個麵包爐，手寫麵包幾錢。但係細心睇，會發現每處都充滿熱誠及心機：店面前有一排凳比街坊坐，桌面有幾個店長建議，教你點order手沖咖啡配奶油麵包，當時有幾個阿伯嘆住咖啡食麵包；旁邊 2 塊小木板，上面有句手寫字，意思大概係「為夢想努力、加油、做自己喜歡做嘅事」，然後入面就見到「日式麵包王」造型嘅阿Joe師傅同另一位年輕店員托緊麵包出爐。見到咁老套，我決定試試店長嘅「夢想」有幾好味：點左一個 $8 奶酥麵包同 一個 $10 吞拿魚麵包。包面好雪白，白到有一刻我以為係未焗好，望個樣都知一定軟熟；拎上手仲熱，聞落好香麵粉同小小米味，但係無麵包店嘅奶精香精味，賣相同感覺類似 $20 一個包個「糧友工房」嘅日本米麵包。一咬個「奶酥麵包」，一咬好軟熟，然後趙落有小小煙韌，同埋米香加奶油味，中間奶酥係類似菠蘿包的甜皮，做法想像係日式版嘅雞尾包改良，但奶味濃啲，唔太甜，無假奶精味，剛剛好，$8 真係好抵，賣 $18 我都信有人買。師傅建議係即時嗌多杯 dirty / americano 現場食。時間關係，下次先。等緊嘅時候都有幾個街坊來單點一個包就走。「吞拿魚包」一樣軟熟 + 煙韌，甜奶油味少啲，多啲啲牛油香，中間吞拿魚夠料，無食錯嘅話應該係鹽水吞拿魚，唔係美心啲打芡沙律醬吞拿魚。包入面深紅色吞拿魚好濃味，麵包香 + 魚味剛剛好，唔係溝沙律醬或者其他味。$10 真係好抵。太好食關係，無影相就食完。自後回程買多幾個比老豆老母食，佢地影左張相回報，大讚好軟熟，無同佢地講幾錢，佢地大概以為我做乜忽然買啲貴麵包俾佢地。傻啦，點會 ⋯⋯
繼續閱讀
經過呢間賣新鮮麵包、蛋撻，確實唔太起眼。見到有人買戚風蛋糕好鬼靚先知仲有生日蛋糕賣，仲要係街坊價錢試下無妨😛🥑戚風蛋糕（抹茶/伯爵茶/朱古力）$20 +杏仁片海鹽芝士奶蓋$8 老板好随心，准备搞啲創意花款🤭，今次試左伯爵茶戚風蛋糕配上抹茶Cream，鋪上粒粒紅豆🫘。蛋糕好鬆軟，淡淡既抹茶味。聽佢地介紹，用左特別方法處理紅豆，令到紅豆唔爛，仲粒粒分明有咬口。好鍾意佢地崇尚低糖低油，食完一啲都唔膩🥰除左甜品麵包，仲有coffee 嘆下，仲會派咖啡渣俾啲街坊，真係好環保♻️好貼心🧡🧡𝑳𝒊𝒌𝒆 & 𝒇𝒐𝒍𝒍𝒐𝒘 𝒎𝒚 𝑰𝑮 @annasan.cat
繼續閱讀