喜來稀肉

營業中

休息中

旺角喜來稀肉幾出名的韓燒餐廳食物種類多選擇燒肉有好多豬、牛唔同部位韓式主菜都多元化🥳環境亦唔錯空間夠大座位坐得舒服👍🏻特別一讚餐廳多款前菜都係免費自助形式有醃製泡菜、酸蘿蔔、青瓜、芽菜、生菜等味道唔錯😃⭐️爐邊蛋韓燒必食😍有兩款爐邊蛋原味&芝士超中意食蛋滑得黎又香芝士甜甜地同蛋好夾🤩⭐️韓豚五花肉🐷有兩大塊依款五花肉正半層瘦肉半層肥肉間隔肉質緊實油脂令佢燒起來好香口食慾大增😋加埋燒肉醬料連埋生菜🥬包住上味道一流啖啖肉⭐️人蔘雞湯份量好有誠意絕對夠兩個人飲而且隻雞大大隻好滿足😃以石鍋盛上的熱辣辣蔘味足夠雞入面帶住人蔘的香味😙配埋糯米集中所有精華正👍🏻⭐️水冷麵🍜味道酸酸甜甜夠清爽+開胃😆食完燒肉食碗水冷麵好岩解膩感一流仲可自己加芥末醬同醋調味🤝整體來說燒肉正主食又出色😊價錢合理值得推介🫶🏻

係OP睇到哩間韓燒泡菜任食，咁即刻試試。店鋪以藍色為主，裝修得好INS風。宜家新推出咗數款新品，睇落唔錯。晚市兩個人都可以安排沙發位，坐得好闊落。一座低，侍應即刻落左蒜片同爐邊蛋，仲會加芝士落蛋裡面。出面泡菜好多款式可以揀，有酸蘿蔔，韓式醃黃瓜，芽菜同2款泡菜等。最鐘意食酸蘿蔔同喜來泡菜，酸辣惹味。醬汁種類都唔少，有4-5種可以揀。可樂，食開韓燒一定要叫汽水，同烤肉好夾。牛五花，牛肉薄切好大一件，燒大概1分鐘已經可以食。牛肉肥瘦相間，食落牛味好重，肥膏處有少少奶香同彈牙，好味。辣韓豚五花肉，預先用韓式辣醬醃制，醬料入到五花肉裡面。五花肉好厚切，要燒耐少少，逼出油脂，食落才唔會滯。五花肉加埋蒜片，泡菜同生菜一齊食，好食到停唔落口。豬肉泡菜湯，配料比湯還多。落咗大量泡菜，豆腐，五花肉同金菇，食落酸辣開胃，好飲。最後食完烤肉，仲可以食埋爐邊蛋，芝士落咗蛋裡面，蛋更加嫩滑同埋好香芝士味！

呢間韓式燒肉嚟香港開咗好多年，應該好多人都食過～ 今次嚟食見到佢哋做緊10周年優惠，有7款肉都做返10年前嘅價錢，都幾抵食！雖然個優惠而家完咗，不過都推介食韓燒嘅朋友仔試吓～ 一坐低店員就會加蒜同埋倒蛋汁落爐邊，有一半爐邊蛋仲加咗芝士，而且有得免費refill真係好正！泡菜、生菜同醬汁都係自助，配菜都有幾款，夾多幾次都無問題！店員仲好主動換網，服務幾好👍🏻🔸真雪花牛肉 特價$200用木盤裝住，幾打卡～ 有十幾塊，牛肉每面各燒幾秒就食得，肉質軟嫩，牛味香濃！配油鹽醬食好正！又可以用生菜包住、加啲泡菜一齊食😋🔸護心肉 特價$130招牌肉之一，護心肉係豬嘅橫隔膜同肝之間嘅肉，數量比較少～護心肉油份唔多，口感比較爽滑！都幾好食！🔸水冷麵食燒肉當然要配冷麵啦😍 叫咁碗水冷麵試吓，估唔到好好食！香港嘅冷麵好多都一般，但呢度嘅好正宗，冷麵湯好清爽又夠味！唔會淡而無味，同喺韓國食嘅味道好似！麵條好煙韌爽口，好好食👍🏻

午餐同同事去咗位於瓊華中心7樓嘅喜來稀肉食韓國嘢❤️餐廳以藍色作為主調，員工態度幾好佢哋嘅前菜係任食，包括咗 酸蘿蔔、青瓜、蔥絲、酸泡菜同埋喜來泡菜其中我最鍾意嘅就係酸蘿蔔、青瓜同埋泡菜，比起超級市場買嘅好食好多倍👍佢哋嘅lunch Menu價錢非常實惠，石鍋牛肉拌飯只係$58有洋蔥、紅蘿蔔絲、冬菇、芽菜，再加埋紅卜卜嘅韓式拌飯醬，有地道嘅韓國風味～出去食飯特別鍾意食石鍋飯，因為佢哋個飯焦真係好正啊，平時喺屋企真係好難整到卜卜脆嘅飯焦烤肉拌冷麵$64好特別，可以自選牛肉或者豬肉，今次我揀咗牛肉～冷麵嘅口感彈牙，入口滑溜，入邊有青瓜、酸蘿蔔、車厘茄同埋雞蛋～烤肉份量好多，味道甜甜地，撈埋落冷麵度食一流石鍋烤牛肉 連同一盤生菜上碟，入邊有紅蘿蔔、大蔥、冬菇，同埋超級大片嘅牛肉～烤牛肉嘅湯汁用嚟撈跟餐配嘅白飯，每粒白飯都吸滿咗肉汁，令人食得超滿足！去韓國餐廳食嘢，餐飲梗係要飲佢哋嘅梨汁/桃汁啦！另外試咗餐廳嘅柚子汽水，酸酸甜甜味道唔錯👍

韓燒真係食極都唔厭😆😆今日同朋友仔喺旺角行街，行完就走咗上嚟食喜來稀肉，好耐之前食過印象係唔錯👍🏻原來依家前菜係自助式，仲有好多選擇添，泡菜、芽菜、酸青瓜、酸蘿蔔、仲有生菜都可以任食！一坐低店員已經幫我哋加 芝士及蛋漿我好鍾意食佢芝士蛋護心肉$158 豬既護心肉平時好少食到，經過醃製，燒一燒，肉質外焦內嫩，肉汁豐富牛肋骨肉$150 肉質緊實而富有彈性，帶有濃厚的牛肉香味，好好味🤤海鮮蔥餅$90 海鮮蔥餅，煎至外脆內軟，每口都吃到豐富的海鮮料，係傳統韓式美食，每次韓燒必點💕

牛肉冇肉味又唔新鮮，咬落去又好韌，總共嗌咗三碟牛肉，around 800hkd，都係招牌，但都唔好味。去過銅鑼灣分店食過，但係完全不同質素，完全理解唔到，點解個對比可以咁大。

今天我和好友來到了位於旺角彌敦道的韓國燒肉餐廳—喜來稀肉。餐廳環境整潔，座位寬敞，整個用餐環境非常舒適。服務人員非常親切。餐廳前菜免費自助的形式提供前菜，有醃製泡菜、酸蘿蔔、青瓜、芽菜、生菜等。泡菜值得一讚，酸酸脆脆，味道恰到好處。爐邊蛋有原味及芝士，韓燒必食。海鮮泡菜餅煎餅鬆脆可口，泡菜和海鮮的味道清新。喜來烤肉肉質鮮嫩，味道較濃郁，搭配生菜、泡菜及醬料，味道一流。牛肋骨肉口感嫩滑，骨邊牛肉鮮味比更他部位更加濃郁。海鮮牛胸肉大醬湯上菜時很大煙，熱辣辣，配料十分充足，湯內有牛胸肉、蜆、蟹等，泡飯食一流！

@seorae.hk今日嚟到旺角瓊華中心呢間韓烤店🥰店內環境好精緻～最特別係有個自助區，可以任食韓國小食，泡菜、沙律、芽菜等☺️☺️☁️燒牛五花🔥🐮呢道菜係一個絕佳嘅選擇！牛肉五花肉經過炭火燒烤，表面烤至金黃酥脆，內裡嫩滑多汁，帶有濃郁嘅肉香味🔥🐮☁️人參雞湯🍵🐔💪呢碗人參雞湯絕對夠幾個人飲🤩湯底清澈透明，雞肉嫩滑，配合人參煮成嘅湯汁，滋補又滋味十足。飲落去，暖身又補氣🍵🐔💪☁️石鍋牛肉拌飯🍚🥩🍳呢道菜絕對係石鍋飯嘅經典組合！🥰石鍋內嘅飯底經過炭火燒烤，底部有一層酥脆嘅焦香，加上嫩滑多汁嘅牛肉片同煎蛋，混合一齊食，口感豐富🍚🥩🍳☁️蟹籽紫菜飯團球🦀🍙呢款飯團球真係好特別！飯團內包裹住豐富嘅蟹籽同紫菜，一咬落去，蟹籽爆裂嘅滋味同紫菜嘅鮮甜🦀🍙☁️大麥茶🍺❄️呢杯大麥茶係解渴嘅最佳選擇！清涼又爽口，令人舒爽嘅飲品。特別係凍飲嘅形式～好襯燒肉呢🍺❄️♥️喜來稀肉 ⭐️旺角彌敦道628號瓊華中心7樓#hkfoodie #hkfood #香港美食 #foodie #hkigfood #hkfoodstagram #foodporn #yummy#旺角美食#美食 #旺角 #正 #l4l #like #lov

我都係第一次食喜來稀肉，難得跟朋友食，佢上次去唔成韓國，食韓燒就當去左石鍋牛肉伴飯牛肉滿滿的，仲有一隻太陽蛋，甜辣醬分開上，隨自己的喜好加入。石鍋很熱，仲食到脆卜卜的飯焦，拌飯時發出滋滋聲，很惹味。海鮮牛胸肉大醬湯牛胸肉爽滑，仲有肥美的沙白，半隻鮮甜的蟹肉，爽口的金菇及嫩嫩的豆腐。上枱時仲不停翻滾，小心燙口，味道較濃郁。終於到左燒肉環節，護心肉是豬的部份，油花分佈均勻，爽口，牛肋骨肉重牛味，食起來很滑，唔算太肥膩。前菜任食，小食區有不同的泡菜及醬料，都好方便。

喜來稀肉🧡🧡森仔同女朋友呢排個胃唔係好大 忽然之間想食嘅嘢就會去食 呢日我哋好想去想食韓式燒肉 於是我哋揀咗可以嗌輕量牛加少少，主食嘅喜來稀肉😎無論係器皿 環境同氛圍都好似真係去咗韓國咁卡位非常寬闊燒肉笑得好舒服 唔會太近個爐唔會太焗熱 食完燒肉又唔會太大浸味 一坐低我哋拎咗圍裙 跟住我哋就去拎可以任添嘅配菜有泡菜蘿蔔生菜等等 搭開始幫我哋倒蛋漿 兩邊有蛋漿 其中一邊仲有芝士🧀😙😙 蛋漿仲可以任添 佢哋仲俾咗一碟配菜入邊有黑豆燒肉方面，我哋嗌咗一份牛五花同牛肉眼牛五花胸腹較後位置嘅肉 用嚟烤肉一流 油脂分布平均得來飽滿 肉嘅部份亦好厚實 唔會太乾亦都唔會太膩 肉質柔嫩 肥瘦相間 牛肉味香濃 牛肉眼肉質鮮嫩 脂肪呈大理石紋理分佈的平均 每一口都唔乾澀有韌性得嚟又夠鬆軟 烤完牛肉味更香濃 Waitress見到我哋剪唔掂塊排 主動幫我哋處理咗🥰可以任添泡菜生菜 我哋鍾意燒完之後連配菜同辣醬夾嚟食 蔬菜10分新鮮爽口 配埋泡菜嘅辣味 燒肉熱辣辣肉汁多汁豐富 牛肉味濃郁 夾埋一齊口感同味道10分出色 海鮮拉麵拉麵麵質同辣味適中 海鮮配料豐富鮮美石鍋豬肉拌飯好多配菜 上面好厚嘅紫菜 最下層仲有飯焦

旺角想食韓國菜就諗起喜來稀肉～已經好耐冇食，但質素依舊今次冇食咁多款燒肉，反而點下其他主菜都唔錯！喜來稀肉嘅爐邊蛋真係好適合我呢種蛋控人😍夠晒濃郁，大愛芝士🧀蛋🤗而且呢度嘅蛋漿可以無限添，亦都有個好款式嘅前菜corner，大辣小辣泡菜，芽菜，蘿蔔，生菜等～🔅 韓豚五花肉 $1804塊厚度都ok 的五花肉！本身冇調味，所以我先可以自由發揮用醬汁燒出自己中意嘅味度🤗 雖然睇落好似好肥，但燒完之後並沒有過度油膩感～燒到外皮脆脆，油脂半溶最好食～ 建議配生菜再中和一下🔅 石鍋牛肉拌飯 $85正常份量，配料都幾多的～個石鍋熱到呢！味道可自行調製，拌勻後仲有香脆可口飯焦🤗🔅水冷麵 $95燒肉後必食，冰凍又有啲酸，麵質好Q彈～可以解下燒肉後嘅膩🔅牛排骨湯 $125牛味唔算好濃～ 清清地又有牛肉食都唔錯

🍴旺角| 韓國菜| 喜來稀肉🍴.📌唔係講笑，真係開咗好多年，亦幫襯咗好多次🤣📌記得當年仲好多韓國Opps喺度打工😛📌泡菜無限添加，包括有:芽菜，酸蘿蔔，酸青瓜，辣白菜等📌生菜都係任食，用嚟包住肉食無咁膩👍🏻📌爐邊蛋都係任食，加分加分！📌其實講落真係好多嘢都任食🤣🤣.📌醬油蟹有唔少蟹膏，鹹香鮮甜，食落沒有腥味，一試愛上！📌把醬油蟹加到蟹籽紫菜飯內，混和後一併進食吃，真是名副其實的「白飯小偷」.📌辣味護心肉，基本上是每次都會叫的菜式🤭📌護心肉位於豬的橫隔膜和肝之間，每隻豬只有二百至三百克，極為矜貴📌燒香後油分不多，爽滑彈牙，有肉香😋.📌唔想全部都食肉，燒魷魚都係好選擇📌其實魷魚基本上怎樣煮也很好吃，加上韓式醬汁更加惹味

旺角瓊華呢間喜來稀肉地道嘅韓國燒烤。正👍🏻。環境方面，真係坐得好舒適闊落。而且店員服務很好。上菜速度理想。坐低首先會上咗兩碟特定前菜。其他不同既配菜就自助形式，好企理。啲生菜好新鮮好爽脆。我好鍾意食泡菜同埋芽菜仔，呢度可以食幾多都得。超正。而且佢嘅泡菜有兩款選擇。😋👍🏻👍🏻👍🏻我哋兩個人叫咗1）調味醬油雞肉2）石鍋牛肉拌飯3）烤調味牛排骨 - 整體肉質好鮮嫩入味😌唔錯👍🏻。我哋今次跟咗韓國食法用生菜包住啲燒肉同埋飯再加少少醬汁，呢個食法好推介，因為咁樣就唔會覺得好油膩。😀個石頭鍋飯超讚👍🏻。唔單止食咗好耐都仲熱辣辣，而且裏面嘅配料都好足又有啲飯焦，好香好惹味。扺食。燒完肉後爐邊嘅蛋：一邊有芝士/一邊係原味，食完燒肉時間啱啱好就可以食。整體上我都覺得好滿意👍🏻絕對唔伏。好推介。

又嚟食燒肉啦！今日係mk瓊華食喜來稀肉❤️呢間分店大d好坐d~一樣係自己scan code order, 配菜出面自助揀😝 坐低會有沙律、紫菜同芝士蛋個d prepare 先！一樣先點喜來烤肉、牛五花同牛舌啦😗喜歡肥少少一定要嗌牛五花，油香四溢😛牛舌薄薄地但又有得咬下！.喜來烤肉就濃味d~ 配紫菜加蘿蔔食真心正🥰.加碼嗌多左個牛護心肉，冇咁肥，都有肉味，口感多啲☺️.主食唔少得嗌拌冷麵，酸酸辣辣好開胃❤️❤️❤️❤️❤️ #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

話想食韓國野朋友就推介咗呢間俾我，出面有免費仼拎嘅酸蘿蔔、泡菜、芽菜、生菜😋泡菜仲有得揀偏酸定係偏甜，佢嘅泡菜真係好入味😜另外個爐邊蛋都好重蛋香同芝士味🥚🧀水冷麵🍜天氣咁熱所以就想試下食有冰塊嘅冷麵🧊睇上去好似冇乜味，但其實食落去係酸酸may may（有啲似酸蘿蔔嗰隻味），仲可以加啲醬會更加惹野，配埋啲青瓜絲，成個麵食落好開胃同清爽😍麵條用幼蕎麥麵，好煙韌爽口👍🏻石鍋牛肉拌飯🍛入面有各式各樣嘅配料，例如煎蛋、脆紫菜、芽菜、蘿蔔絲等等..記得要將全部配料加醬汁撈勻一齊食🤩口感同味道都大大提升，個飯嘅色澤睇上去都好開胃～大醬湯個湯好濃郁，但唔會好鹹/食落去好重負擔。入面仲有啲海鮮、豬肉片、滑豆腐、同菜，十分足料，呢個湯絕對係白飯小偷🍚🥳烤肉啲肉醃得好入味👍🏻而且肥瘦均勻，配埋啲蒜片一齊食辣辣地，好惹味🥺啲肉好新鮮好嫩，完全冇冰鮮味，大小啱啱好，唔使自己再剪開啲肉，十分推介😎