咖啡灣 (太和中心) (已結業)

今日去食lunch, 叫咗焗豬扒飯豬扒完全冇煎過一様，飯冇焗過同食白飯冇分别！杯熱咖啡超難飲，放到凍哂都冇人送過嚟，D侍應掛住傾計都唔知送餐！雖然超肚餓都食唔到一半！ 見隔離枱食其他嘢，都係食咗三3份一，杯嘢飲左五份一就埋單走人！應該唔係得我地覺得難食！之前食過都唔係咁樣，唔知係咪轉咗手！個意粉連我唔係好識煮嘢食都會煮得好食過佢，廚房,樓面都完全冇心機做一樣，已經未到lunch hour 已整到咁，以後唔會再去！

今日去咖啡灣食lunch, 叫咗個焗豬扒飯，平時上枱都整得好靚，今日完全用求其嚟形容，攪到連影佢嘅意欲都無！焗豬扒飯面頭嘅芝士變咗係片裝芝士，仲要溶唔曬嗰種，而豬扒就完全無味，個炒飯底就淋pat pat. 十級難食。D waitor 清一色男性，服務水平下降！落單同叫佢比餐具嘅態度都好似唔願做咁。除咗咖啡keep到水準之外，食物難食，服務態度惡劣。本來係至愛餐廳之一，今日打後唔打算再幫襯。黃店唔係大曬，你話你忙到整得唔好就話啫，但你又唔爆都整到咁無heart, 其實你附近仲有好多黃店可以支持囉

薯條外脆內軟 炸雞夠juicy🤤有三種醬 除左基本必有嘅茄醬同芥末 仲有隻果醬 味道好特別😺😺熱帶森林水果茶 好香🤤係新鮮水果唔係乾嘅個隻 越飲越濃 越香❤️❤️適合鍾意飲水果茶嘅朋友仔微辣蟹頭油大蝦海鮮意粉 🦐 98蚊雞都係唔錯 人氣之選no.1中式意粉🤣🤣黑白松露香濃蘑菇湯 35蚊雞個人麻麻地黑松露就無試到 我淨係聞到好大陣黑松露味🤣🤣🤣男朋友就表示全部都係黑松露味道🤣無咩特別櫻花蝦明太子煙肉義大利麵 74蚊雞見到推薦所以點左 是唔錯的😬

心型架！呢間小店雖然只系cafe,但甜品質素好高💕球雪糕好濃紫薯味🍠窩夫外層好脆 內裏好綿密 好香蛋味 甜甜地😃可惜裏面無紫薯蓉 如果唔系就perfect啦😊Ps.呢度坐得果1個半鐘咋 唔太符合cafe慢活既原則🧐好多人一家大細去食 環境會嘈少少🤯

店舖一開門我們就來到咖啡灣。親切的店員把我們帶到近窗的一張枱。溫暖的陽光照着感覺很舒服！雖然來咖啡灣的重點是吃窩夫，但他的主菜其實水準也很高呢。吃過漢堡包和早晨全餐後，就是我們最期待的甜品時間。黑魔王窩夫配上熱帶水果茶就是完美的一天！

今日去咗呢間咖啡灣，舖仔細細，但都坐滿人。- 鐵板雞扒蕃茄醬汁燴意大利麵 $72雞扒嘅雞皮燒得好香脆，係整道菜嘅亮點！意大利粉軟硬度都算適中，味道就中規中矩。-BBQ黑豚肉太陽漢堡 $72麵包烘底加上牛油，香口又鬆軟😋黑豚肉熟度剛剛好，不會太老。太陽蛋嘅蛋汁流落黑豚肉同麵包上面，更加滋味！最吸引嘅係佢啲薯條，雖然色澤唔會好金黃，但外層好脆，入面仲有薯仔肉，食到停唔到口。叫左一杯瑞士朱古力同一杯玫瑰咖啡。朱古力味道普通，唔覺得有咩特別「瑞士」😂玫瑰咖啡個玫瑰味都重，唔錯👍🏻兩杯都有靚靚拉花圖案美味指數：3️⃣/5抵食指數：3️⃣/5再食機率：65%

下午三點幾想搵間咖啡店坐下🌤兩個人叫左一個set lunch 同半份waffles，仲有兩杯野飲。其實想食下午茶餐，點非要成四點鐘先有...太晏啦飲品叫左杯紅豆綠茶曲奇沙冰同岩鹽咖啡咖啡杯幾靚嫁，但咖啡就一般。唔知係咪因為我叫特色咖啡？因為佢同一般咖啡無乜分別，所以飲唔出個岩鹽味道朋友話綠茶沙冰就唔錯的。然後叫左的意粉，忘記左佢叫乜名，好似忌廉煙肉溫泉蛋咁上下。我覺得幾好食啵真心，你當係食卡邦尼咁嘅味道。同後就係半份waffles ，雪糕熔得超快總括然而，我覺得平日下午茶時間黎食就價格偏高，但食物係唔錯嘅。

呢間cafe swan係大埔都開左好多年嗌，間唔中都去幫襯，今次一於寫番個食評先！首推一定係軟殻蟹炒意粉！大大隻軟殻蟹加個意粉，一百蚊都唔洗！價錢親民，而且味道非常之好。軟殻蟹微脆得黎仲有肉汁，又唔會話好細隻，食落好滿足😋意粉用左乾蔥等配料炒過，食落好有層次，非常之抵食！嗌熱飲仲有個咖啡師識拉花，我想要隻熊仔佢就拉左比我😊 好靚呀差啲唔捨得飲，味道都好ok!其他小食如雞翼同bbq ribs就不過不失啦，係一間值得推薦慢食既cafe~

得閒經過屋企人話想食西餐，就求其帶左佢地過黎。Cafe Swan一向水準都好穩定，實唔使驚老人家投訴。門口擺設都幾有心思，個lego好得意。叫左玫瑰Latte，個拉花好有心機 ( 但我睇唔出佢拉緊乜 )小食：三色燒雞翼、牛油煮青口三色雞翼分別係有蜜糖、玫瑰醬同黑椒汁，三隻味各有特色。牛油煮青口都好好味，湯底唔會太濃，帶起個鮮味。主食：海鮮意粉、All Day Breakfast海鮮意粉夠足料，All Day Breakfast都好有水準!基本上樣樣都有水準，就係等野食時間比較耐。好休閒咁喺度傾下計就OK，適合消磨時間。

咖啡灣豬肋骨伴薯條 食豬肋骨，最重要係個汁同埋肉烤出黎既肉地，大部分鋪頭既汁都整得好好食，於是我 見佢張相咁靚就叫左黎食。但有D失望。佢既肉烤得好乾，食落好老完全可以用乾黎形容。醬汁亦都少得可憐。薯條可能整定左好耐，所以食落好冧。炸雞伴芝士麵包當一黎到已經有好香既芝士味，而佢既炸雞食落已經好夠味，就算唔點芝士都好夠味，但點左芝士之後成個感覺唔同左。有好香濃既芝士味，外皮好脆，入面好嫩滑。黑松露蘑菇飯一開始叫到個圖好似唔係好吸引咁，平時食到既大啡菇都有d青青地既味道，而見佢成碟野都白色好似冇咩味咁。但食落又有驚喜啵，佢既大啡菇好吸味，將佢點d黑松露白汁食，完全冇青味，仲好香tim，我地差d連汁都飲埋。玫瑰士多啤梨窩夫佢既窩夫一直都係我既最愛，賣相十分吸引﹑超靚之餘。個味道亦絕對唔會令你失望。窩夫係即叫即整，一黎到就已經聞到好香，而因為岩岩烤好，所以外皮好脆，而入面就好似面包咁鬆軟。而窩夫既餘溫，令到雪糕溶溶地，再加埋新鮮既生果，酸酸甜甜咁超好食。

中學同學約食飯，原來佢搬咗黎大埔嘅村屋，成年冇見面，搵個舒服嘅地方坐低食下野傾吓偈。方便佢喺太和搭小巴，揀咗小店咖啡灣 ，佈置很有家的感覺，以天鵝做標誌，水準一直唔錯，所以久不久會來encore。見 menu 有期間限定，不用想太多，一於 order 有新鮮感的。《黑洞奶黃芝士麵包脆雞》 $128賣相打卡一流，黑洞其實就係黑炭漢堡，黑色的竹炭內裏的鹹蛋黃奶芝士汁，金黃色的絕對有滿到溢出嘅感覺，用嚟點炸雞粒真係絕配！好味到難以形容，食完一件又一件。《西班牙海鮮燴飯 》$118金黃色的燴飯帶點咖喱香辣味，上面鋪滿海鮮好豐富滿足，青口新鮮不腥，八爪魚仔、蝦鮮嫩彈牙，蜆肉甜，飯粒吸收了所有海鮮的精華，鹹香美味。《紫薯咖啡拿鐵》$38紫薯甜美，咖啡香濃，口感幼滑。《黑魔王窩夫 》（half)$40甜品跟餐有優惠，又點可以錯過呢！窩夫製作需時，賣相精緻，最愛 Oreo餅乾口味，再加一頭草莓雪糕添！窩夫口感柔軟，跟雪糕一冷一熱的口感，為晚餐寫上完美句號！

今天是想要跟家人去吃飯慶祝媽媽的生日媽媽下班比較晚所以就去家裡附近吃就好在網上看到這家的食物看起來不錯吃就去試試看但誰知道今天遇到賣相ok但味道不太討好的食物而且價錢也不可愛軟殻蟹沙拉$98但沙拉的菜是最普通的菜沒什麼特色軟殻蟹偏油炸雞拼盆$128雞塊只有幾塊其他都是軟了的麵包那個醬不知什麼醬沒吃出來墨汁帶子意大利麵$78只有四粒帶子而且不是新鮮的是冷藏的麵沒什特味道有點後悔來了這家吃真的非常難吃...

之前經過這餐廳已被門面及裝飾吸引了，上網查看食評不錯，於是今次專程來吃晚餐。夏威夷果汁醬燒豬肋骨$138軟腍帶少許肥的豬肋骨配上有果汁味的燒汁極之juicy，不太嗜肉的我也吃了兩條，豬肋骨底下還債有一塊菠蘿 櫻花蝦明太子煙肉意大利麵$74意粉醬汁味道香濃帶點微辣，櫻花蝦很有鮮味蒜蓉牛油焗鮮什菌$28有金菇，冬菇，蘑菇等，蒜蓉味不會過濃凱撒大帝沙律$56足料好味玫瑰花釀水果茶$30(餐價)杯內放有切開了的葡萄，很特別，味道清甜，連平時不會喝熱飲的老公也飲了數杯

係粉嶺中心完成工作想醫肚，經過呢間餐廳覺得幾靚，係開放式嘅，醒起食過大埔分店，食物質素唔錯，於是坐低左。午餐嚟講算中價啦，有湯有飲品，揀左三文魚他他忌廉燴意粉餐飲叫左檸茶，檸檬幾新鮮無咩澀味，個人幾中意用原個茶包沖出嚟嘅檸茶餐湯好高質！忌廉磨菇湯好正，唔係一般嘅湯意粉到喇，好大碟，食到最後我都食唔曬三文魚同蟹籽都好多，撈埋汁食，每一啖幾乎都食齊所有料係一個唔錯嘅午餐體驗其實窩夫都好吸引，但一個人真係食唔落，唯有下次再食啦。

太和呢一條街係匯聚咗國際唔同嘅高級美食天堂。咖啡灣係一間由我中學開始就情有獨鍾嘅cafe，有環境，有情調，有質素。三文魚白汁意大利麵，煙燻三文魚就不過不失，意大利麵維持一貫水準，有咬口而唔軟爛 白汁奶香味重，唔太油膩 ，配合蘑菇同蟹子， 蟹子清新鮮味，蘑菇香濃， 非常好。今次軟殼蟹有少少唔夠脆， 可能擺咗有一段時間，入口唔夠熱，有少少油膩感， 平時有80分今日畀75， 意粉都係白汁就唔再評論， 軟殼蟹意粉都係非常值得推介嘅一道菜， 希望下次食可以有番一貫嘅水準。