影片
港鐵九龍灣站 A 出口, 步行約6分鐘
繼續閱讀
營業時間
星期一至日
11:00 - 21:00
以上資料只供參考, 請與餐廳確認詳情
.口痕想食芋圓糖水🤤見呢間有幾款芋圓糖水就打算試下，就算唔好食就係一次者，點知⋯⋯我叫左兩份，一份係黑糖芋圓($23)，另一份係紅豆芋圓燒仙草($25)。黑糖芋圓 - 黑糖水 + 好多粒三色芋圓😂不過啲芋圓唔煙韌，似食粉團，就算份量多都加唔到分，失望😢紅豆芋圓燒仙 - 三種配料既份量都平均，同樣地芋圓唔得🤦🏼♀️其他配料味道就正常啦咁佢主打都唔係芋圓既，其他台灣小食我未食過，唔知味道、質素如何。但有樣值得讚既係糖水包裝盒好實淨，唔會怕糖水倒瀉。另外店員都有禮貌👍🏼不過芋圓就可一不可再了。.味道 ★ ★ ☆ ☆ ☆環境 ★ ★ ★ ☆ ☆服務 ★ ★ ★ ☆ ☆價錢 ★ ★ ☆ ☆ ☆
繼續閱讀
1 人富足套餐 ($118 by 網上外賣平台)🐤鹽水雞配滷香豆乾、雞腎、花枝丸賣相：🐧🐧🐧味道：🐧🐧🐧配菜一共有27種可供選擇，種類頗多。賣相方面，餐廳把撈好的雞和配菜直接用大紙碗裝好奉上，簡單又大份。味道方面，由於個人不食辣，走辣令整碗鹽水雞偏淡無味。鹽水雞嬌嫩香滑，無骨啖啖肉大滿足，可惜鹹味不足。滷香豆乾口感有彈性嚼勁，但滷香味欠奉。花枝丸爽口彈牙，能吃出花枝原味。🐥鹽酥雞賣相：🐧🐧🐧🐧味道：🐧🐧🐧🐧🐧鹽酥雞一口大小容易入口，色澤金黃沒有焦燶，外表乾身不肥膩，加上一打開外賣袋已傳來陣陣香味，令人食指大動。唯一不滿是餐廳用了不透風紙袋盛裝雞粒，容易令雞粒變淋。味道方面，雞粒外脆內嫩，調味適宜，使人吃不停口。芋圓燒仙草賣相：🐧🐧🐧🐧味道：🐧🐧🐧芋圓色澤鮮豔奪目，大大粒很是吸引，而且數量算多。味道方面，芋圓咬口尚算煙韌，但味同嚼蠟，跟食粉團無分別，令人失望。燒仙草伴以椰汁糖漿食用，甘苦味全被椰香甜味覆蓋，喜歡與否見人見智。仙草口感軟嫩，可以輕鬆入口。候餐時間：🐧🐧🐧在公眾假期下午4點左右下單，約需時30分鐘，跟外賣apps 的預計時間相約。🐧❤️結語：一口鹽酥雞絕對值得一試🐥
繼續閱讀
一次過買曬佢地啲嘢食，有鹽水雞飯，宜蘭X包，蔥油餅鹽水雞飯唔錯，可以加少辣，味道更加好。個包比較多油，唔係太鐘意。蔥油餅就太乾身啦，有啲硬，唔推介。都係鹽水雞便當最好食
繼續閱讀
經網上外賣平台叫左四樣野，1) 台灣香腸：好味, 無問題2) 雞胸腿便當：送黎只有配菜和麵，放漏左雞肉3) 紅豆芋圓燒仙草：芋圓中間好硬，唔掂。燒仙草食落係涼粉味，質地比其他地方的燒仙草硬，應該係用涼粉代替左燒仙草。4) 紫薯雞蛋手抓餅：雞蛋消失了，只有手抓餅和沙律醬，個手抓餅幾好味，如果比番個雞蛋我可能仲好啲。打左去店鋪，叫佢送番啲雞黎比我，佢話因為經網上外賣平台，佢地做唔到，話只可以聯絡網上外賣平台退番優惠券比我，我話問啲券幾時到期? 因我唔係成日叫網上外賣平台，好快過期的話，對我無意思，佢又話唔清楚。咁我提議我比我地址佢地，叫佢地經網上外賣平台落單送番啲雞肉比我就算，佢又話未試過咁做，要問下老細先，第二日先覆我，咁我問佢呢餐飯點算，佢話有配菜，都可以食到喎~ 嘔血！最後佢問老細和網上外賣平台，話網上外賣平台會退番一半錢比我，我無心情再同佢地糾纏，因為佢地都無誠意去解決我呢一餐的問題。唯有等網上外賣平台打黎，對住盒青瓜麵，真係食唔落，放番入雪櫃等第二日有餸先再食。第一次的食評竟然係劣評！
繼續閱讀
今日放工經過，見到得寶商場新裝修food court, 花多眼亂，在芸芸美食之中比我發現到一間新開的正宗台式鹽水雞店。店面雖然簡潔，但麻雀雖少 但五臟俱全，在店面已經有一個透明櫥櫃盛放著不同種類的配料。本身套餐包半份雞胸腿和自選三款料及冷麵，另加2蚊有埋紙包飲品，價錢十分抵食。而我就揀了綿中帶軟的百頁豆腐，口感Q彈的甜不辣及清脆爽口的蓮藕，辣度就由無辣至大辣不等，今次我揀左小辣。份量都非常多，一個人食已經足夠，雞雖然無想像中咁有雞味，但都唔會好硬及夠淋，而我最鍾意既係百頁豆腐及蓮藕，搭配埋小辣及雞肉都幾夾。下次我一定要試埋其他小食，聽講手抓餅同鹹酥雞都幾出名。仲要試下我最愛既芋圓仙草。
繼續閱讀