和味日本料理

營業中

休息中

新蒲崗少有幾間日式小店每逢假日都有好多人排隊今次見佢門口，冇乜人，即入去試🔸(送）味噌湯湯嘅味道啱啱好，唔會太濃，又有海帶味👍🏽👍🏽🔸炸豬扒湯烏冬豬扒炸得超酥脆👍🏽👍🏽，食埋個烏冬，飽哂。🔸雙拼烏冬（壽司）份量超級多，壽司冇得選擇，待廚師發辦，也不過不失。🔸鰻魚芝士反卷我以為計時係 cream cheese, 放入鰻魚壽司隔離，點知係芝士片放喺壽司上邊，但價錢對得住食物質素，成正比

┈┈┈┈┈┈┈┈┈┈┈┈┈┈┈┈┈┈┈┈三文魚魚生飯 走沙律菜三文魚已解凍處理, 口感ok但三文魚味欠奉, 只好配上wasabi豉油作調味.Wasabi頗辣會攻鼻,日式豉偏濃而不搶味, 為三文魚加上味道.醋飯為微暖珍珠米, 有淡淡既醋味食落好吸引.為抵食性價比高既一餐┈┈┈┈┈┈┈┈┈┈┈┈┈┈┈┈┈┈┈┈和味日本料理❰三文魚魚生飯❱ $52┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧好味: ①②③④⑤⑥回頭: ✓┈┈┈┈┈┈┈┈┈┈┈┈┈┈┈┈┈┈┈┈地址: 新蒲崗康強街用餐時段: 午餐用餐方式: 外賣┈┈┈┈┈┈┈┈┈┈┈┈┈┈┈┈┈┈┈┈

午餐時段和朋友去到新蒲崗，隨意走進這間日本餐廳，都未叫野湯已到朋友叫左個角切魚生飯，我叫左個雜錦壽司盛，碗魚生飯好多飯，朋友細食，食唔哂d飯我11件壽司覺得剛好，兩個都好味又抵食

午市套餐好抵食 最平嘅魚生飯都只係45蚊 而且都算幾多選擇 仲包一碗麵豉湯！麵豉湯雖然係送嘅但係都有好多料 除左豆腐同海帶 仲有啲蘿蔔絲！角切魚生飯 $45份量好多 魚生份量都唔少 食到三文魚有魚油味 好新鮮嘅 唔駛$50食到呢個水準 係非常滿意！！！！三文魚及甜蝦魚生飯 $62絕對對得住呢個價錢 雖然唔係好費但一啲都唔馬虎 三文魚同甜蝦都好鮮甜 而且仲有啲沙律菜令到整體成個飯好清新 飯嘅份量亦都幾多紙包飲品 +$3（綠茶/烏龍茶/蜜瓜豆奶）炸芝士年糕 $32 （兩件）

Omakase 環境服務一流第一道菜日本生蠔有兩款非常有驚喜 好似自己去咗日本咁 非常新鮮有兩種唔同嘅口感，一種比較Creamy 另外一種比較鮮甜之後再食咗帶子唔使講又係好好味另外師傅揀咗兩條魚刺身俾我哋食非常新鮮特別 仲有其他串燒 外脆內嫩師傅又會出嚟同你傾吓計問吓你的意見感覺非常開心 💪🏻💪🏻💪🏻🤟🤟🤟🤟

垃圾餐廳，態度衰到無人有，趕客，其實果晚都係諗住食過快飯，跟住就返公司開會。不知所謂嘅員工（應該係腦細，一個係女嘅，一個男嘅，女嘅負責廚房，男嘅負責壽司枱）⋯⋯6點左右入座，入去時無講過限用餐時間，過咗10分鐘左右就不停問啲人到未，又話我哋未人齊，咁我入嚟果陣你都見到我未齊人架啦，吹吹吹，吹乜啫，依家係你想做我生意，打開度門比我入嚟坐架！我同事坐正路口位，跟住個疑似腦細嘅人係壽司枱入面大大聲咁同佢個樓面講，叫佢（即係我同事）坐番埋啲啦，咁我就梗係望一望我同事有幾阻條路啦⋯⋯頂，佢個樓面成個人都行得過，我睇唔到有幾阻。就算係阻都唔使咁無禮貌咁大聲叫出嚟同佢樓面講嘅。唔想受氣就唔好去呢間嘢喇，因為佢覺得你阻住佢做之後果啲大生意，因為我聽到佢講，呀x生今晚有個朋友嚟唔到，又蝕咗$700…可唔可以叫呀x生揾多2個朋友嚟呀⋯⋯食物質素唔評論喇，想受氣嘅就試吓啦！

呢間餐廳我地已經食左好耐，呢個價錢咁嘅質素都算ok，但係尋日就發生咗啲好唔愉快嘅事，大家評評理：我地大概6點去到，得幾枱客，任坐。叫野食之前告知冇天婦羅，咁冇關係啦我地叫左壽司同冷麵同其他小食。叫完之後我問侍應攞杯茶，侍應話每杯茶3蚊(但係以往茶係免費嘅)，咁ok我地要咗兩杯水。結果轉頭話俾我地聽而架無壽司，因為壽司要整俾外賣(明既，但係常理係咪應該整完手頭外賣就整番俾堂客呢)，話我地要等最小45分鐘先有！真係離哂大譜，我以後吾會再食，大家評評理，係咪趕客先！

和味平日晚上前來（唔係星期五晚)，成間鋪只得－枱客，諗住入去坐住等啦，點知被拒之門外，－樣要等齊人先俾入去坐。下？我得兩個人咋喎，天寒地凍，要我外面等？唔係嘛？使唔使咁呀？成間鋪冇乜客喎？以前外面都會放下兩張凳俾客人坐住等，今晚唔知係咪冇乜客嘅關係，連凳都冇，要你罰企！靚女，妳好嘢啦，－句公司規矩就算！仲要怕外面啲風吹入去冷親，連門都立即關上埋！呢啲服務真係very good!!! 話曬我每個月都會嚟幫襯－兩次啦，咁樣對我？ 加上，又加咗價，三文魚🍣刺身要成$50！ 變番正常價，冇以前咁扺食了。最後，我當然冇入去幫襯，走咗啦⋯⋯唉！講番食物質素：三文魚刺身，件件厚切，新鮮美味嘅！三文魚腩刺身，價錢貴少少，件件切得冇咁厚，冇咁抵食，但味道就多咗啲肥膏位，新鮮好味嘅，不過，我個人喜歡三文魚刺身多啲。壽司拼冷麵，啲壽司千其唔好同壽司郎比較啦，天與地，不過價錢平，又有壽司食，件數又多，味道－定好過明將壽司嘅！啲魚肉新鮮嘅，彈牙嘅，口感不錯的。冷麵方面就做得唔錯，好味過壽司郎，麵條Q彈，掛上豉油味及Wasabi，美味可口的。鹽燒三文魚頭／骨腩／尾，非常香口，魚香撲鼻，肉質帶肥美魚油香，燒功－流，

Omakase 大廚話事 🤣🤣🤣 真係大廚話事‼️ 喺新蒲崗 Mikiki 商場附近做完嘢，咁就搵間餐廳醫下個肚 😙 見到有一間居酒屋新裝修幾靚，咁就入去試吓啦。間鋪不算大，但係坐滿客人。好似大部份都係熟客，同啲員工有講有笑。餐牌有好多選擇，但係突然之間唔知係唔係老闆及大廚過嚟推介當日到港飾物。見佢咁有誠意，我就講一句你話事啦！🤣🤣🤣 結果就有咁多嘢食，最重要係每一樣嘢好新鮮 好鮮甜。見到啲食物我心諗二千幾蚊應該走唔甩，點知千頭就可以拍屎窟走。超抵食！其實佢哋有好多清酒介紹 🍶 咁啱今次唔方便飲酒。同佢哋傾咗一陣計先知道，原來老闆好熟悉不同地方嘅日本菜。不同材料用不同煮法 配不同清酒。呢間餐廳真係值得讚 👍🏼

📍新蒲崗 和味日本料理📍和味係一間性價比好高嘅日本餐廳😆，之前裝修嘅一排，最近見佢開番，係Upgrade咗嘅店面，內部都明顯唔同咗，舒服咗，更加有日本Style！午市嚟食大約四十幾五十幾蚊就有個魚生飯，再加一不碗麵豉湯！好足料㗎個湯！比之前大碗左幾乎一倍，正🥰。魚生飯就推介角切魚生飯，五十蚊都唔洗就可以食到幾款魚生，而且都係幾靚嘅料，性價比勁高！仲有三文魚配唔同魚嘅魚生飯都唔洗六十蚊！大大塊，好足料！推薦嚟飯性價比高嘅Lunch！😀😆

見佢重新裝修完，諗住幫襯下，加咗價唔緊要，但重點係出餐好慢，唔夠人手唔該請人。淨係加大個鋪面係冇用，啲單都做唔切。我唔知係因為我叫得少佢做咗大單先定點，我叫一盒雜錦壽司已經早20分鐘打過去，去到都仲要等多20分鐘，期間有好多大過我嘅Number（我估佢係順序）都拎咗外賣走。以繁忙時間計呢個等待時間一啲都唔OK，買到返公司都得返十幾分鐘食，食得慢少少嘅人真係要諗一諗。食物質素就正正常常，對得住個價錢，份量唔算好大，勝在抵食。但如果等待時間冇改善，真係咁慢嘅話，下次都未必會再幫襯。寧願俾貴少少食其他可以多啲時間休息下，而唔係係條街度企

重新裝修之后第一次叫外賣我只係叫左個三文魚魚生飯，但等左半個鐘有多33號拎埋，我個飯仲未有間野吾會叫number,要自己入去睇幾時有真係有等到飯都煲起附送麵豉湯，豆腐海帶吾會有，味道正常係等超耐，呢個刺身飯吾值等30分鐘吾夠人手真係要請人

刺身又新鮮又好味連配菜都咁有水準串燒 簡直有驚喜❤️❤️❤️❤️👍🏼甜品又好味 服務態度又好樣樣都都份量十足一定會再去幫襯🥰🥰🥰🥰🥰🥰❤️❤️❤️❤️

明白一分錢一分貨，來之前都有心理準備。地方細，尚算ok. 晚上定了位，等了一陣入座。樓面一個人，接外賣，安排外賣，落order, 上菜，乜都係佢！勁！入坐叫天不應叫地不聞，都算啦，咁未自動開啓自理模式，但係人家可能覺得唔係咁好意思，面有不悅。跟住就冇答好食啦！雖然唔可以話叫乜冇乜，但係有啲特色菜，就話乜都冇。最離譜問佢有冇蠔，即刻話冇 （但係明明打咗嚟話有嘅！），以為賣晒咁算啦。點知佢見到熟人，聽到佢同個客講，食唔食蠔！以上只是敘述經歷…..

呢間小店睇落無華麗嘅裝修，但食物質素超過佢嘅價錢，特別係啲魚生，聽講老闆入嘅貨都係新鮮同埋高質嘅貨，which我食親都覺得係正！推薦佢嘅角切魚生飯，超多料，又好食。有三文魚、吞拿魚、油甘魚、玉子、青瓜同埋飛魚籽！啲料係鋪滿成個面的，絕對唔，heaaa! 外賣只係$43！堂食都只係$48。仲送麵豉湯，加$3就有紙包飲品。仲有佢其他刺身飯都性價比好高的！同埋佢哋仲有其他日式飯，都不錯的。個人最鐘意都係魚生類嘅嘢！非常值得去試😆😆！