影片
以上資料只供參考, 請與餐廳確認詳情
下次來馬灣食雞煲打邊爐就食佢秋高氣爽，同朋友去了馬灣行行沙灘，影影相。由於想食中餐，所以我們在馬灣商場揀了間雞煲打邊爐＋小炒﹣﹣味道農家雞煲王海鮮小炒比食海邊西餐實惠嘛嘻嘻！餐廳坐得幾舒服，位置幾寬敞唔會太迫夾～好岩食中餐嘅我地～我和姊妹點了一個雞煲打邊爐。裡面有半隻雞。還點了一碟時菜。雖然說是半隻雞，但都幾足料。2個人食超飽。而且雞肉幾嫩滑，又夠晒入味。時菜點了我最愛的通菜。時菜點了我最愛的通菜。食完仲有甜品送。
繼續閱讀
前嗰排天氣唔好打颱風，冇得出去玩，終於等到好天，就決定同朋友欣賞下比較偏遠市區既地方，於是我同朋友就去咗馬灣玩，仲可以去沙灘游水同曬太陽。至於馬灣有咩好嘢食我哋都唔太清楚，而最後我哋就決定咗係沙灘附近嘅商場2樓食一間雞煲，感覺上比較多人去食，而且菜式選擇多，除咗一般嘅雞煲打邊爐之外，仲可以叫唔同嘅小炒，任君選擇！我同朋友兩個人最後叫咗半隻雞同一碟蒜蓉炒時菜，雞煲雖然係半隻，但份量都幾多，兩個人食都好足夠，而且雞肉鮮嫩，唔會熟過頭，加上醬汁調味幾入味，辣度仲可以自己選擇，食唔到辣或者想食好辣都有得揀。至於個蒜蓉炒時菜都好重蒜蓉味，而且當日既時菜仲係我最鍾意食嘅生菜，配埋白飯食就剛剛好！最估唔到嘅係食到7788嘅時候，原來仲送甜品添，佢哋今日送嘅甜品係椰汁西米露，雖然個椰汁西米露唔係凍冰冰，而係熱嘅，但係免費來講幾好食，而且西米數量都多，唔會剩係得椰汁個種！整體而言，間餐廳坐得幾舒服，而且傾計傾幾耐都冇問題，加上選擇都幾多，下次如果來馬灣嘅話都可以選擇去食下，價格唔算貴都幾合理，吾錯！
繼續閱讀
同朋友喺馬灣個沙灘玩左成日，晚餐我哋揀咗喺隔離既呢間雞煲王海鮮小炒，舖面好闊落好多張大枱，玻璃窗望岀去就係青馬大橋，可以邊欣賞夜景邊食飯望下個餐牌入面都有好多個選擇. 除咗佢哋嘅招牌雞煲同打邊爐嘅材料之外，仲有好多唔同嘅餸可以逐個嗌，基本上你岀面食到嘅餸佢呢度都有，下次如果一大班fd尼到尼間都係幾好既選擇呢次我地兩個人就叫咗半隻雞煲同幾個小菜，有我去到邊間都必嗌既椒鹽九肚魚首先嚟到嘅係椒鹽九肚魚，每一條都有返咁上下大舊，粉冇話落得好多，鹹味適中，可以一試，而個份量尼講三個人食都應該冇問題 到咗主角雞煲，以半隻雞嘅份量來講算係非常足料，雞件都冇話好多骨，個人覺得小辣啱啱好唔會話啲辣味襟左雞既鮮味，連煲入邊嘅配料例如蒜頭嗰啲呀都嗦哂d雞汁非常惹味，撈飯食一流唯一不足嘅地方就係個雞嘅皮有少少"un"，但份量同名味道整體嚟講都唔錯，果然係佢嘅招牌 到最尾仲送一人一碗熱嘅椰汁西米露，入邊嘅西米都好足料堆到上碗面，好滿足呀 味道農家雞煲王海鮮小炒地址:馬灣珀麗灣沙灘商場2樓1號舖
繼續閱讀
今日放假同媽媽係葵芳行完街，就唸近近地入去馬灣靜小小既地方行下，坐下海邊睇下日落，食個晚飯休閒咁過一日晚餐我亦一早唸定先，當然係簡我媽媽最愛既中菜搵到呢間小炒雞煲菜館就係沙灘旁邊，方便又可以欣賞下風景！對住青馬大橋嫁！另外餐廳內地方寬闊舒適！我地兩個就安排到卡位坐，乾淨又舒服，絕對吾似出面又逼又窄，媽媽到大讚然後，坐底就睇睇餐牌先～媽媽今日話想食雞煲，一如就試下啦！招牌秘製雞煲（半只）-等左大約8分鐘就上菜啦！上菜時仲沙沙聲！新鮮滾熱辣秘製個然不一樣，味道特別，雞嫩半鍋份量到不少，可以話足料抵食魚香茄子鍋-我同媽媽至愛！送飯一流！肉碎夾著咸魚香飲品-咸檸七，食完濃味野飲簡直滿足！總括黎講，環境非常加分之外，食物亦抵食有質素推介
繼續閱讀
今日難得放假，加上炎炎夏日，約左男朋友入黎馬灣東灣海灘游水消暑，順便享受下呢到寧靜環境游完水囇完日光浴梗係要搵地方醫下肚！係泳灘旁邊就搵到呢間小炒菜館。岩哂愛中菜既我而且就係海攤旁邊超方便！仲有指示教tim！坐底就睇睇餐牌先～決定左叫半份雞煲先因為同男朋友到好喜歡食辣！加上雞煲！完全係至愛！一上枱原來半份已經好大鍋，兩個人食夠哂！雞內有種淡淡沙薑味，配上麻辣配料，係另一種風味魚香茄子煲-配上白飯一流！充滿咸魚香，肥而不膩！我男朋友話可以食多幾碗飯啊！飲品-咸0七喜食完濃味點既餸，飲簡直爽啊！仲要整粒咸0上！總括黎講，食物份量質素大份又底食！味道亦有獨特風味！再配上環境對住青馬大橋，超加分！令整日休閒假期畫上完美句號
繼續閱讀