味千拉麵 (第一城中心) (已結業)

呢排經過味千，見到新推芝士產品 芝士竹輪豚肉拉麵作為芝士怪當然會試，賣相就一流喇，食落就一般。長長的獅子狗入面鋪上一層芝士，可惜融唔曬，食落口芝士還芝士，獅子狗還獅子狗，還好的係食到芝士味咯。豚肉同一般拉麵店的無乜分別，不過豬肉唔鞋都值得一讚ge。拉麵麵身較為軟，唔夠爽口，湯低都係同一般麵豉湯無異，整體黎講成碗麵毫無特別。

2:30開始下午茶不用等位，環境舒服點了蕃茄肥牛拉麵加熱柚子蜜$30蕃茄湯底淡左少少，濃d會好味d麵沒特別肥牛都幾多柚子茶太甜女店員經常扮見你唔到一係做自己野唔望過黎舉好耐手先望到你

一個人的lunch其實有好多選擇，但lunch peak hour黎講就好少選擇，因為周圍都要等位，而我又唔想同人搭枱，所以最後揀左無咩人既味千拉麵。雖然知佢個湯底係味精湯，但以前食過都ok既，揀左叉燒豬軟骨拉麵，lunch set連飲品$62? 好似係。一黎到其實俾個湯嚇親，有一層厚厚既油係面但都要食既，麵既軟硬適中，豬軟骨都縛淋幾入味，反而叉燒就太瘦有啲乾，個蛋都幾好味。好彩有好多蔥，因為我中意食，所以個湯底咸左啲我都接受到既!頹食既拉麵，要求就唔洗咁高吧!

首推：日式手造餃子！menu睇毫不起眼，但真係好食！我覺得好味過拉麵。因為佢真係手製，皮薄餡靚，又即叫即做，煎到好香咁。入面唔似上海鍋貼咁有好多汁，但係乾得來都係好味既。因為乾啦，可以慢慢食到入面d味，唔錯。豬軟骨拉麵豬軟骨既軟骨真係可以食曬入去，煮得完全夠軟熟。一碗拉麵有3舊豬軟骨，size都ok，夠食。味千拉麵主要賣拉麵，所以佢d拉麵水平都有一定保證。但因為豬軟骨都比較中式，大家去味千拉麵可以試下叫佢日式d既拉麵，例如叉燒拉麵、豚肉拉麵咁樣，先會覺得食緊日本野。Anyway，味千d拉麵偏幼d，咀嚼時候有d融化既感覺系度。D湯都好濃，會眼見到系奶白色。雖然好味，但唔建議多飲，因為聽講落好多唔知咩劑落去，食多唔好。蒜片牛肉粒好多人去都會叫既小食，蒜片脆脆地，平時屋企煮飯唔會食蒜頭既我都會送埋一齊食。牛肉粒切好曬，容易入口。但係水準就睇果日廚師，有時候會太老，但多數都係ok既，蒜香會令到d牛肉粒更加好味道。呢道菜無點樣太多加工，幾單純，所以唔會太鹹，可以專心食到d牛肉。

好耐冇食過日式拉麵 咁啱經過味千就入左去試下 鋪面唔算大 環境比較窄 但服務質素不錯 D野食好快就有我今次叫左個新推出嘅熊本拉麵 味道幾好 湯嘅顏色同香味都好濃 隻溏心蛋好值得推介 D拉麵好有口感 總結 :物有所值

嗰日同朋友一齊去第一城食午餐，搵左好耐最後決定食味千拉麵。我同其中一個朋友嗌左個兩人套餐，而我自己就嗌左當中嘅豬軟骨拉麵同埋炸雞塊！豬軟骨拉麵嘅麵質感幾好，軟硬適中，令人回味無窮。除外，豬軟骨佢嘅骨感都好好，骨膠原豐富，真係好吸引呀！比起外面嘅豬軟骨拉麵更來得引人入勝！佢嘅湯底係屬於比較濃味嘅一種，可能會有人覺得唔合口味，但我自己就非常滿意！炸雞塊都好好食！ 佢嘅咸度唔係平時得個咸味，反而咸中帶雞，係好難做到嘅！ 作為套餐嘅一個小食，算係冇得彈

其實去到味千唔一定要食拉麵既，今次我就試左豚肉炒飯同埋鐵板牛肉粒呢間味千個廚房係半開放式，所以可以見到廚師炒飯同埋整鐵板牛肉，所以保證新鮮熱辣，同埋夠曬火侯味道幾好，可能因為炒飯同牛肉都有蒜片既關係，所以有幾大既蒜味，唔雖要太多其他既調味，牛肉亦都好好，幾滑同軟熟所以下次去味千唔一定再係拉麵同拉麵

小編琴日同朋友拍完片想食下拉面，但附近又冇其他拉面店，就入左好耐冇食既味千拉面。以前成日食，本身諗住嗌返平時食開既帆立貝拉面，但見到有新出既熊本湯底就想試下！於是同朋友嗌左個二人餐，兩碗面兩個小食兩杯野飲，大約每個人$90啦。冇諗過味千新出既熊本湯底會意外好食，比起佢原本既湯底拉面更加扺食！溏心蛋都整得好好味，比起其他拉面店扺食好多！小食就嗌左蟹肉沙律同炸雞。蟹肉冇雪味，食落去都幾新鮮。炸雞唔多肥膏又夠熱，好扺食！冇諗過食味千會有意外驚喜！比起以前既湯底真係好味好多啊！服務都唔差，野食都好快就有，值得加一服務費！

第一次寫食評就奉獻左比呢間味千味千真係食過好多間好像覺得每間的質素都唔同咁我和友人一行五人光顧 因要事務弄至九點半吃晚飯但我們五人都不熟悉這帶見到味千 友人說很久沒吃便上去了正常地九點半不太多人我們五人準備步入找位子廚房的員工看著我們目瞪口呆不知是甚麼原因但令我更目瞪口呆的是有幾張空桌竟要我們等位十分大惑不解隆隆作響的肚子已等不及派了兩名友人作探子看隔幾間鋪的壽司店有沒有位子正好他們回來的時候店員便告知有位 可以入座其實位子一早便有 只不過不知甚麼原因還不早早處理坐下便快快看menu五人叫了兩個定食和一個刺身拉麵二人餐和一個韓式黑豚拉麵 後加六隻餃子等了十分鐘 食物陸續上枱我吃的是叉燒拉麵 本來有半生熟蛋 被愛吃蛋的友人苦苦哀求底下 便割愛吧最喜愛四塊叉燒 肥瘦均衡 入口即溶 算是不錯餃子一向會點的 煎上來好像有點馬虎 有些失望坐到十點五還沒有收碗收碟沒有趕客可惜的是有部分店員（可能是兼職或暑期工）講野真係勁細聲同唔清楚希望佢地越做越好給客人稱心滿意的服務吧

午餐來到味千吃，今天不想吃麵選了定食，定食有一個小食，麵豉湯同汽水，轉餐飲要加六元。豚肉生薑燒定食。麵豉湯清淡，好夠熱，有少許海帶，唔錯。青瓜好酸，開胃。至於主菜，豚肉片炒薑，芽菜同洋蔥，好水，雖然份量唔少，但無乜味，唔掂。好在白飯用上珍珠米，綿又有飯香。汽水要了罐裝百氏，三叫侍應都唔拎黎，最後有位貌似經理級嘅人拎到，ok啦。

今日自己一個食lunch, 簡簡單單食餐麵.食餐味千拉麵.叫咗碗九州辣麵.以前覺得味千啲麵麻麻煩地,無食一排有明顯進步.啲麵質地好咗,有啲彈性啲料都ok啦!有豬肉有蛋,辣辣地,味道ok啦!

我好鍾意食味千拉麵！屋企樓下終於開番間，即刻要去試試。一坐下waiter就介紹刺身，說是非常新鮮。我看了看餐牌，＄38有4片三文魚刺身，屬正常價錢。不過我當晚只想吃拉麵。下次再試。同爸爸點了個2人套餐， 有2個拉麵，2個小食，2罐汽水，未加一前＄148。小食先上。餃子6隻，太餓的關係，未影相就消化了。芝士免治雞肉串。好味，啖啖肉。爸爸要的是豬軟骨拉麵（單點＄55）。豬軟骨麻麻地，冇乜軟骨。套餐沒有我最喜歡的“味千拉麵”，於是點了全盛拉麵（單點＄55）。福袋好有趣，不過好睇唔好食，很油的腐皮包著的原來是糯米。其他都OK。最重要是湯底好味！新店開張，運作算成熟。waiter們看來都是有經驗的，很有禮貌。