味千拉麵 (第一城中心) (已結業)

日日要老婆煮飯，佢真係太累了！所以過左第一城睇下有咩買黎食，知道味千外賣自取轉左新包裝，所以又試下。吉列豬扒拉麵吉列豬扒同拉麵都係分開包裝，再配一包豬骨湯，外賣盒上層放拉麵，下層係加熱包，外賣時會比埋煮食方法，跟住做就得了，先將湯倒落麵到拆開加熱既包裝紙，放返原位，倒半柸水落盒到，放番麵去原位，加蓋得5分鐘，有d似食柸麵但lee個會噴氣出黎。豬扒好大塊，炸得脆。長崎海鮮拉麵老婆要長崎海鮮拉麵，海鮮配材都幾多。水果茶凍酸酸甜甜，都唔錯，夏天飲一流章魚小丸子

平時外賣粉麵類，好多時返到屋企就成碗麵冇哂水或煮d麵脹哂。近排味千拉麵外賣自取推出左新包裝，豬骨湯底係真空包裝，仲有外賣麵盒，盒有2層上層係麵同食材，下層放了一包加熱包，拉麵盒有張紙條教你點整，首先拆開豬骨湯倒落麵隔，然後撕開加熱包既透明袋後放返原位，加半柸水到注水綫（唔好放熱水呀）加蓋等5分鐘就食得。唔駛開爐又唔駛叮番熱，方便又熱辣辣。長崎海鮮拉麵材料份量都算多，有大蝦、元貝、日本魚蛋、獅子狗、菜同芽菜，湯濃麵爽口。蒜片牛肉粒牛肉粒嫩唔靭，蒜炒得香。仙草奶茶甜度ok，仙草麵幾滑

見有一段時間冇去過味千食拉麵，今日經過沙田專登去試下。今次點咗全盛拉麵、吉列豬扒拉麵，小食叫咗蒜片牛柳粒同埋煎蝦餅，飲品就叫咗兩杯凍水果茶。 全盛拉麵入面有好多材料，有蟹柳、叉燒、粟米、吉列蝦、同埋芝士獅子狗卷，每一樣材料個質素都好高，叉燒夠冧夠入味，芝士獅子狗卷就熱辣辣，入面d芝士溶溶地口感一流 ，吉列蝦就好香脆。而另外一碗吉列豬扒拉麵個豬扒就超大塊，而且甘香鬆脆，豬扒又夠厚夠juicy，湯底就辣嘅，夠曬刺激，喺夏天食夠哂開胃。總括嚟講兩個拉麵嘅麵底都好有傳統日本風味 ，而且湯底亦如是，有機會一定會再嚟食。而蝦餅就煎得金香可口，特別要重點推介蒜片牛柳粒，跟鐵板上真係冇得輸，可能係用咗上等和牛柳粒關係，牛柳好冧好有牛味，跟埋炸蒜片食絕對食到停唔到口，兩杯新產品凍水果茶解暑之選，甜甜酸酸好好味。

疫情問題，安全起見，人人都係留家用餐！今日試食味千拉麵既下午茶，價錢超平！價錢由$28起，連餐飲, 最好係星期六日都有喎 ~而且以為價錢平份量就會少, 份量都OK 呀 ~ 包裝好似好用心,好似好專業咁, 下次再會食~ 

對味千一向無咩特別感覺，反而叫咗佢個兒童餐又幾有好感。啱啱聖誕帶住兩個小朋友，佢哋食量細特登食聖誕大餐又唔係好抵。行過味千見有兒童餐，仲寫住加錢有泥膠換，小朋友立即好有興趣。入到去叫咗兩個兒童餐，本身得兩款，就各一啦。不過職員話泥膠換曬無貨了，噢，咁就可惜咗點。除咗兒童餐外叫咗一個炒飯，正常質素，不過都幾大碟。個兒童餐就同圖一樣，都幾精美，同埋四十五蚊有個嘢飲字有甜品都算唔錯，其中一個仲有飯又有麵，帶住小朋友嚟食係幾好選擇。

已經超過十年冇食過味千, 因為之前响唔同地區食過兩次, 每一次都係fd叫食呢間, 但每一次我都覺得好難食, 好勁鹼水味, d麵又淋, 價錢又唔係特別平, 所以已經十多年black list左佢, 但見佢到今時今日都仲未執, 而且咁啱知道佢呢期有韓式炸雞拉麵, 心思思想試, 於是膽粗粗試第三次, 希望唔係狼來了.................呢間分店不嬲都冇乜人幫襯, 所以都唔心急去, 不過慣咗放假早食飯, 所以都係六點左右去到, 到食完都係得小貓三幾只, 所以兩個人都比你坐4人卡位.............佢食物選擇唔多, 拉麵同飯得幾款, 仲有十款八款小食同飲品, 所以其實都叫做冇乜選擇, 咁都好, 起碼冇咁傷腦筋諗食乜, 都係叫去到邊度新舖都要試的豬軟骨同埋為咗佢先嚟的炸雞拉麵, 另外再加多一款小食~唔知係咪又講環保, 唔叫都唔會比水, 真係得水囉~ 呢間好似係日本餐廳, 但竟然冇茶, 只係得水, 連港式茶記都有茶啦~ 鹽燒冰魚老公比冰魚呢個名吸引咗, 話唔知咩叫冰魚, 所以就要叫嚟見試一下, 其實真係唔平, 廿幾蚊先得兩條, 仲要睇相都睇到條魚可以用串燒果支竹籤串住, 即係大極

下雨天來到呢邊，冇咩選擇下去食味千。拉麵水準之差人所共知，但價格亦非便宜故選了鐵板肥牛飯。此飯味道不俗，有pepper lunch 8成水準，六十幾蚊，我不覺跌錢。另叫了杯生薑蜂蜜，出奇好飲。以上是優點，到缺點。口痕叫小食，香煎蝦餅，十分難食，不要試，別中伏。另外，店員全程準備收工，hea到癲，揮手無人理，隔離枱又漏單，另鄰桌有小孩落單，慘被怒啤。總括食物與服務，就是一間性價比低的茶餐廳，無聊時可一食。

逛完超市出来随便吃点，面稍微有点硬，但服务令人心情不好，给了500现金买单而不是信用卡waiter就全程黑着脸，问有纸巾吗也态度超不好地回复说没有，excuse me？！ 餐厅连纸巾都没有？ 不会再去光顾了。

已經很久很久沒有吃味千拉麵，最近看見這間分店新裝修，一改以往黑沉沉的顏色，所以星期日午餐便去一試。看見菜單上的拉麵也不貴，五六十元也有交易，反而他的套餐也不是特別有優惠。我們便要了一個豬軟骨拉麵、一個九州豚肉辣麵套餐（包小食、熱飲）。論質數，當然比不上其他日本品牌，總感覺這裏多了一點港式茶記的感覺。不過論，算幾特別。另外點的豬軟骨拉麵也不過不失，豬完骨夠林。還是很經濟實惠的。我叫的九州豚肉辣麵味道很像擔擔面，算幾特別。另外點的豬軟骨拉麵也不過不失，豬軟骨夠淋。跟餐的炸八爪魚丸也很有誠意，新鮮即炸，夠脆夠熱辣。

係第一城食lunch來來去去都係個啲 諗住食味千拉麵可以穩穩陣陣 食完快啲返去做野 點知等左25分鐘都未有野食😰 一坐低睇到好多客都差不多食完 之後我地就即刻叫左兩碗拉麵 諗住15分鐘就有得食 點知一路等 等到新一批客都入晒黎 直至佢地都落埋單有晒野食 我就發覺唔妥就同侍應講等左好耐 佢先話再得多5分鐘先有😡上到枱碗麵仲要好似未煮熟甘 味道尚算一般 有啲偏咸 其他整體上面都算唔錯 唯一係等左好耐 遲來先上岸 去返工返學既人黎講唔係一個好選擇👎

在吃這碗拉麵前，我已經食過好多次味千了~從前我唯一吃的是午市優惠中的粟米豚骨拉麵，這也是我了解並愛上拉麵後，第一碗吃的拉麵，因為常常吃的關係，更可以説是對此感到熟悉了。粟米豚骨拉麵的湯底比較淡，豚肉事先煎過的。食左幾次後，加上跟其他拉麵店作出比較後，我便認為味道好似唔太夾。雖然食左咁多次味千拉麵，但系都唔肯用更多錢試試午市優惠以外的拉麵 。((學生黨在此然後今日，我終於點了豚骨拉麵！這佔據餐牌一整頁的豚骨拉麵果然不一樣😍豚骨湯底味道濃了一點，剛剛好✨✨✨✨✨感覺這就是最適合我，而且是我的世界中最標準的一碗拉麵🍜

平時到黎 lee 到食野通常都係午餐時間去食, 貪佢選擇多同價錢較化算. 今次夜晚收工去第一城覓食, 見到佢做緊週年優惠 " 本格三豚拉麵  "  平時叫碗拉麵都要 $5x-6x 蚊埋單, 今次咁抵食一於去試下.叫多杯凍蘋果蜜 解下胃~~店員都好快送上. 好飽 ~ 好滿足!  今次真係要比個讚 ! 

今日lunch去咗第一城商場食味千拉麵因為有會員卡，所以可以免加1服務費依間味千環境唔錯，感覺整潔衛生👍🏼👍🏼什錦壽司配迷你拉麵 $49份量偏小，壽司唔凍，唔太新鮮😥😥拉麵麵質較林，而且好重味精味😖蒲燒鰻魚飯 $67前菜: 酸青瓜😋鰻魚比較乾身，味道較淡，份量小總括黎講，味道非常普通，食物唔新鮮如果冇會員卡的話，兩人要$127.6個人覺得以依個質素同份量，價錢偏貴不過環境同服務唔錯，座位寬敞👍🏼👍🏼

兩個人的午餐 要快又要近公司所以去左第一城揾食 好耐無食味千大家同意就入坐 一時時要等位 今日去到門口無人可直接入坐 我揀左蒜片豬軟骨拉面 湯夠熱 陣陣蒜香 豬軟骨也d骨夠透 係湯底略油所以唔敢飲 加追炸雞 同事仔就叫左G餐 係番茄肥牛拉面 + 兩件壽司 (一件三文魚& 一件墨魚) + 凍萍果蜜 湯底唔夠濃 番茄色水淺 淡口 賣相也一般 壽司亦無期望太多 話晒主力係拉面最過份係杯凍萍果蜜 黎到已經無晒冰 同伙記講佢話係凍架 d冰溶左喎 咁點都加d做樣啦 話晒加$3架

識我既人都知道我中意大口仔，由小六開始我就中意啦，前排大口仔同味千一齊出左個大口仔拉麵，心諗正呀！於是一拉就拉左老公去第一城食啦！去到舖頭，好多大口仔呀！逐一影相之後就入座啦，等左10分鐘先有位！我當然係叫「大口仔太肉拉麵」！湯底就無乜特別，都係咁濃咁重味，食完會口渴個種！碗內有紫菜，雞蛋作配菜，呢兩樣野有大口仔個樣架XD，頭頭直頭唔捨得食，但味道當然係好一般啦！都係普通野，我食黎食去都唔知有咩特別，睇怕都係賣個綽頭架啫！蛋係一般溫泉蛋，不過入面凍凍地咁，浸下落個湯先食呀！好，到太肉！我覺得查實同豬軟骨係乜分別，味道一樣，仲有啲似豬腩肉tim！不過價錢都尚可，$65算係咁啦∼