影片
港鐵沙田圍站 C 出口, 步行約3分鐘
繼續閱讀
付款方式
以上資料只供參考, 請與餐廳確認詳情
買咗個油麵（麵算多）、牛根（得2舊）、鵝腸（得2條）、魷魚（又係2舊）收50幾！第一次買差到咁嘅車仔麵、記得呢間野初初開唔錯的，宜家變成咁點叫人幫襯，附近乙明邨30幾都好佢好多、冇下次
繼續閱讀
名店車仔麵，價錢上真係名店，但食物質素同服務就普通平民車仔麵水準。份量少之餘，河粉係碎到要用匙食；冬菇得兩粒，仲要大個粒中間煮唔淋；豬頸肉煮得淋，但長期暴露係空氣中，見職員夾嘅時候乾到黏住個盤，是旦扯一塊大剪幾塊細俾你就算；要幾多沙嗲汁，咖哩汁或其他醬汁其實落單時講唔講無分別，職員會按佢標準俾你。
繼續閱讀
12月17日晚餐,返到去又唔諗唔到食咩就去咗名店車仔麵食肆餸車仔麵,我叫咗牛腩支竹同埋雙腸仔,佢哋牛腩切得比較細粒容易入口又好入味,腸仔同支竹就正常,不過最緊要加入佢哋嘅咖哩汁拎成碗車仔麵昇華！
繼續閱讀
店員態度差，尤其係個女人…外賣盒好差，呢種盒次次都會漏出來…腸仔7蚊得1條ja…咁大個仔未見過7蚊1條腸，仲要唔係廚師腸…☹️我問個女人腸得1條？7蚊？佢話「我哋係7蚊條腸架啦」我問可唔可以轉其他食物，佢話「唔可以wo，冇得轉」貴係貴，但態度真係…另外勁辣魚蛋好難食，食落口全部都是粉嚟😓牛筋丸一d都唔牛筋丸，普通牛丸ja😮💨其他食物就好一般，個湯底算是最好了（一碗咖喱、一碗沙嗲加小辣）總結冇下次，貼錢買難受
繼續閱讀
有朋友推介呢間店舖嘅雞翼尖，好似元朗某間出名嘅糖水舖嘅雞翼尖，今日我就嚟試下先。🤗呢間店舖喺街市入面嘅賣熟食嘅位置，本身主打賣車仔麵，但再有賣啲小食。我只試咗佢嘅雞翼尖，姐姐筆咗一大碗俾我，都只係$22，我就坐咗喺佢店舖前面嘅位置坐低食。首先望見每隻雞翼都算大隻，聞落去已經有好嘅香蒜蓉辣椒味道，我本身都鍾意食辣，而呢個汁係甜甜辣辣咁，亦會越食越辣，十分開胃，正呀😋😋 但佢呢個汁嘅辣度係無得選擇嘅，如果唔太食辣嘅你，就可能會覺得好辣，但如果係嗜辣嘅你，就一定十分喜愛。😍😍😍
繼續閱讀