友記餃子

營業中

休息中

餃子爭霸戰滿城風雨之時，隱世高手在地鐵站旁跟🔹雲耳椰菜鮮豬肉餃🔹 $37｜淨餃 (8隻) 絕對係你會掂行掂過嘅小舖，豈料滄海遺珠是也🥟個頭大隻飽滿，餃皮界乎東北厚派和南方薄派之間軟軟韌韌 八隻都有飽足感😙菜肉比例大概係7:3，雲耳椰菜爽脆，豬肉嫩嫩der~仲內藏汁水，清甜鮮美，係住家湯嘅感覺😍💦點醋！記得點佢個陳醋！味道有昇華到

印象中嚟呢度食餃子都好幾次，不過冇影相冇寫食評，今次咁岩記得影相就分享下啦！同附近幾間魚湯餃子比較呢間質素唔差，而且冇咁迫添，但如果係呢個位置咁多年，我相信佢都keep到食物品質，不得不讚每次嚟食既味道都一樣冇點變過。芹菜豬肉餃＋雲耳椰菜豬肉餃子兩款都好味，芹菜同雲耳餃食落都比較有口感，芹菜就爽d，雲耳椰菜就多一份甜味，餃子既調味適中，啖湯亦唔會好重味精，湯就飲唔到又魚味但都算唔錯，我食完8隻餃子，湯都飲得7788，杯飲品就唔好有咩要求。另外兩款餃子我都試過，韭菜餃同栗米餃都唔錯，個人喜好芹菜同雲耳多d；好幾枱客都同我一樣堂食完都會買一兩打拎走，其間你會見到佢外賣生餃子都多。餃子又大隻又平，我記得以前有多一兩款是日精選餃子貼係牆上面，今次就見唔到。如果鐘意香口就揀煎餃，但相對比較膩，湯餃冇咁乾，呢d天氣食完就暖d，蒸餃都唔錯原汁原味。價錢反映食物質素，小店算keep得幾好。

成日係隔離個間食豆腐花時都見到呢間鋪，成日都想試下今日過黎食野，店內唔多人，價錢亦唔貴叫左8隻煎餃同水餃麵*煎餃揀左雲耳椰菜，味道麵係可以預計嘅但算大隻飽滿，點埋豆瓣醬味道好好煎完仲有小小肉汁，唔錯！*水餃麵有四隻粟米豬肉唔知點解湯餃望落好似大隻啲😂😂😂可能係吸左湯漲左係新鮮粟米包不過好似有啲單調，如果可以加小小菜會好食啲*店內可以揀嘅餃子種類得4種比起其他出名餃子店十款八款種類同埋以老火湯作招來真係蝕左啲呢到啲湯應該係普通清湯無特別，未至於味精飲完口渴，但一定唔係好飲希望湯可以進步吸引多啲客！

地鐵站上蓋方便到爆Google map搵平之旅想食餃子🥟就即刻搵Google大神幫手然後就彈左間4星嘅餃子出嚟見好似評價又平凡得泥都值得試吓就去試下先嗌左個粟米豬肉湯餃🥹8隻$40樣貌真平凡 味道都無咩特別粟米唔係罐頭粟米 🌽個湯唔知咩湯 感覺好似味精湯如果係豬骨會加分感覺上嗌淨餃好似抵啲🤭不妨一試 小店雖然唔起眼 但都真係好需要大家嘅支持 先撐得住💪🏾

夜晚差不多九點，深水埗買完電子產品，知道呢間食店，開咗一段長時間，但次次路經都未幫襯過，今日剛過完黑色暴雨、及 3 號風球，見堂食人少少就嘗試幫襯。叫咗全日餐 D 餐其中、「雲耳椰菜鮮豬肉餃上海麵+凍檸茶」，凈食麵 $36元，加凍飲另加 $6元，共 $42 元。先上一杯凍檸茶，一見到茶底唔濁好清澈，檸檬五片新鮮冇梅，真係同大家樂差唔多水準！坊間好多不論冷熱檸茶，好多都好混濁好苦澀，好多係用沖熱奶茶茶膽溝，根本唔識沖好難飲。難得呢間專做水餃食店，竟然可以沖出一杯，我覺得值 85 分以上水準，難得啊！雲耳椰菜鮮豬肉餃上海麵，一樣有驚喜，水餃內餡料豬肉新鮮，雲耳及椰菜都好味，椰菜咬落爽脆，上海麵唔會過淋口感唔錯，落上海麵果種豆瓣醬，好食！我見廚房內每出一碗，都用倒數計時器計時，淥嘅時間啱啱好，出品確有心！阿姐尚且有禮，期間見好多人買外賣，證明熟客都唔少。現場唯一希望改善，係希望加部電視，及俾杯清茶或清水，應該會增加到堂食客。下次都會再幫襯，試下其他餃子及小食。店內堂食環境門外餐牌直幅

由細到大都好鍾意食餃子，食過好多香港唔同嘅餃子店，但往往最好食嘅都係一啲唔起眼嘅小店👍🏻呢間餃子嘅味道令我感覺媽媽嘅味道😋呢間友記餃子係地鐵站附近，38蚊有8大氧，餃子大大隻非常足料，肉質鮮甜完全沒有隔夜的感覺，加上醬料令餃子的味道層次更上一層樓👍🏻會令人想食完一隻又一隻👍🏻👍🏻煎餃非常香口，以為會好熱氣，但食落唔會油膩，仲令你食唔停口，同行友人一口氣食左20隻，推介大家試吓韭菜餃同粟米餃😋

今日同老公無聊行下深水埗，本身都唔想食野，但見到呢間～友記餃子，見佢門面都無咩特別，但個心太想念日本餃子🥟，所以都想去搵下有無呢種感覺我地叫左一湯一煎🥟，煎既係韭菜鮮豬肉煎餃、湯既係雲耳椰菜鮮豬肉餃，我地跟餐仲可以加錢有飲品🥤🥟🥟一黎到我個❤️真係跳左出黎真係勁大隻囉，齋睇份量已經十足，試埋個味先，韭菜煎餃煎得好香係即叫即煎唔係煎定架，所以食時真係要小心佢D肉汁（beat)出黎，勁juicy勁好味。而個雲耳湯餃一樣咁大隻，係大過隻湯匙😱，餡料真係好足，每隻一定都會見到指定餡料總結係咁既貨錢💵有咁既質素，真係無得彈環境就一般啦，食物搭夠返唔記得講，佢仲有生餃賣架，可以買返屋企自己煮呢餐總共用左$84

深水埗芹菜餃子 60分 37蚊深水埗算多平野食，見呢間係地鐵站出口，就去試下，有幾款餃子，比較少見芹菜餃於是點黎試下。其實味道都唔差，中規中矩，有芹菜，有豬肉，有木耳。由於我點係煎餃，但懷疑佢先滾熟左再拎去煎，餃子入面好多水，如果煎餃黎講太多水（湯煮再煎的後果）而唔係肉汁，就算失敗，另外豬肉偏少，但好處係隻隻都大粒，食到好飽，37蚊有8隻餃算平，味道只能講中中，不過呢個款式偏少，如果加多d款式就更好。

上次去鴨記買嘢，貪就腳撞入嚟食，求其點咗客煎韮菜餃，一杯凍檸茶。餃底皮薄香脆，爆餡多肉汁，一食驚為天人，今日特登去翻尋味。平時食開八方雲集嗰個冇得比唔在講，附近名氣大得多嘅圓方亦差幾皮，因為冇食過太子嗰幾間名店，所以無從比較。呢家小店，主打都係湯餃煎餃，餡料都只係得幾款，韮菜/椰菜/粟米木耳之類，其餘就係炸豬排同沙爹牛肉都只係聊備一下，亦唔多見人點。總之，巴打絲打嚟開高登黃金鴨記，不妨一試，一定不會失望。

韭菜煎餃 $38+ 淨餃$32每款八隻，算幾平，原本怕唔夠飽，點知隻隻都好大隻，煎同湯都好食，韭菜香口，同肉既比例啱啱好，咬落去仲有啲肉汁咇岀嚟，小店嚟講好唔錯，而且價錢平，下次諗唔到食咩又多個選擇

今日一個人食lunch，想搵個地方唔太多人，就諗起"友記"。我一向都好喜愛食餃子，呢度只有3款餃子口味。可選擇煎、放湯及蒸。我點了雲耳椰菜鮮豬肉餃麵，餃子有4隻，隻隻體積都好大，咬落去啖啖豬肉，有雲耳及椰菜伴，又多肉汁，出色....👍湯底清清地，唔花巧，感覺唔油膩。我之後加了少少豆瓣醬同醋，真係好好的配搭。再叫了杯凍檸茶，茶夠味唔苦，唔錯。叧外店內有外賣生餃子，下次經過一定買一打回家，跟家人分享。 深水埗區食過不少餃子店，呢間算係幾出色的。

一間位於深水涉唔太起眼嘅小店，價錢合理，主打食物就係三款水餃，特别喜歡雲耳朱肉淨餃，鲜甜，落口有種滿足嘅感覺! 唯一美中不足係最近餃子size好似缩左水! 員工十分親切!

今日突然間好想食餃子，所以就喺地鐵站附近搵左間餃子嘅鋪頭嚟食。其實鋪頭餃子款式唔多，都係得三款，但係就有湯餃、煎餃、浄餃揀。由於我今日想食得香口啲，所以就選擇左煎韭菜鮮豬肉餃。餃子嚟到賣相都不錯，而且仲冒緊白煙。睇得出係啱啱新鮮煎出嚟完。一啖咬落去都食到滿滿嘅肉汁，睇大家要小心唔好熱親個口。韭菜味超級香。但略嫌皮有啲厚同有粉嘅感覺。枱面亦有三種醬汁沾餃子食，分別有豉油、醋同辣椒醬，值得一讚嘅係辣椒醬有咸香，應該落左豆瓣醬一齊整，為餃子增色不少

今日想食清清地，就決定食餃子啦！Openrice發現呢間餃子店，未食過就試下呢間先~~~過左午飯時間黎，店內不太多人。粟米鮮豬肉餃幾特別，其他餃子店少見呢款餃，就試下先！！因為未食lunch, 所以叫埋上海麵啦~可能因為新鮮整，所以要等一段時間……終於黎喇 ~粟米鮮豬肉餃配上海麵4隻餃，幾大隻，皮唔算好薄。隻餃好多粟米，好清甜，但有點蓋過肉味，喜歡濃味的朋友呢款餃未必能滿足你~上海麵遍淋，份量不太多，剛剛夠飽。湯底就普通濃湯寶味…整體而言，粟米鮮豬肉餃都不錯，幾清新，其他就普普通通啦~

小妹從小就喜愛食粟米餃子🥟可惜好食既真係少之又少🙃但今日途經呢間小店，竟然比我食到我夢想中既粟米🥟😍😍叫左粟米湯餃$35/8隻，韭菜淨餃$30/8隻，炸豬扒⋯⋯炸豬扒真係一黎到睇佢唔出咁好食，外脆內軟，重點係香味呀！肉質彈牙🙂粟米🥟就係我最喜歡既，點上少許陳醋，簡直幸福到不能相信😍😋😋可能覺得我誇張，但真心推薦，因為掛住食我都無影相了 哈哈😄走個陣仲買兩盒生🥟，31蚊有一打，回家繼續享受😛因為一星期內要食完先買兩盒咋 haha希望小店保持水準，等我可以一直食到我最愛的粟米餃子🥟