又一戟

營業中

休息中

平時都好鍾意食pancake，葵涌廣場有間價錢幾親民嘅pancake，但係我試過之後覺得冇其他人講嘅咁好食，主要係因為佢實在太太太太甜，食完超口渴，回頭指數：0

由於疫情關係避免除口罩邊行邊食，所以幫襯app外賣自取，可能由於疫情關係，而家經app外賣自取有八折而且買滿100蚊用優惠碼 "PICKUP"仲可以減15蚊葵芳依間又一戟已經幫襯咗幾次，每次幫襯都一定會買佢杯奶昔飲，佢既曲奇奶昔同埋士多啤梨奶昔真係好好飲，比起旺角另一間又一戟好飲好多，望住店員用四至五球雪糕同奶打成，整杯奶昔好creamy味道好濃，麥當勞一杯奶昔都要13.5蚊，其他飲品店既飲品都要差不多20蚊杯，佢地既奶昔只不過係10蚊一杯，相比之下佢既CP值真係好好，以依個價錢真係抵飲，解渴一流！！除咗佢既奶昔好飲之外，佢既吞拿魚班戟同埋咸牛肉班戟都好正，份量好足料，好食！！

呢間班戟店由我中學時代已經係度，每次都有不少人企係度等 好受歡迎，而家仲愈出愈多口味添！今日放工同男朋過黎買香蕉朱古力班戟，員工會問加唔加忌廉或者雪糕，如果加雪糕就要加錢。班戟即叫即整 大概等左5分鐘 ，捲成甜筒型食得好方便，香蕉配朱古力醬超夾，皮薄足料，廿幾蚊咁大件 抵食😋

這家在葵涌廣場3樓的pancake店，其實又一戟已屹立多年，由中學時代開始光顧它，多年來味道都保持水準，當然價錢也或多或少有所調整。不過葵涌廣場來說應該沒有另外一間可以和它比較，是晚和同事去shopping ，難得趁此機會又會一會它。我點了鹹味的蟹柳粟米紫菜pancake，同事則點了甜美的焦糖疏乎厘pancake。我最愛這裏的咸pancake有滿滿的沙律醬。來葵廣不是不掃街吧？食完pancake再過隔離買杯珍珠奶茶，掃街一樂也～

明明啱啱先食飽魔鬼院友話呢度啲班㦸真係好好食難得嚟到一定要食一個我本來都唔買㗎見佢買完揸住佢個杯香蕉朱古力pancake嘩見到個實物真係忍唔住啦🙈🙈然後我就唔覺意行咗過去買😅😅😅佢有好多種款式揀嘅，其實有鹹嘅pancake不過食完午餐梗係要食個甜㗎啦我最後揀咗士多啤梨pancake佢入邊有雪糕亦都可以揀味道我本身係諗住揀綠茶嘅因為我係綠茶控但係見到豆腐味雪糕好難得，所以揀咗豆腐味雪糕入邊又有雪糕又有cream，一層層咁個班戟個皮仲脆架😋😋肥死就肥死啦

每次泥葵芳廣場都忍唔住食嘅一間pancake店而每次都忍唔住食佢地嘅 咸牛肉班戟Lee度嘅班戟無論咸定甜都一樣好足料！同好食！我嘅咸牛食到最尾都誦有好多會食到有d跌出泥😂😂😂加上就算唔加extra芝士條，佢地都有好多芝士加上少少黑胡椒就好perfect了😋😋😋另外，我朋友叫左佢地嘅新品榴蓮香蕉芝士班戟（唔記得影相🤣）試左啖！真係好多榴蓮😂😂第一次食榴連野係熱食，又唔錯🤣唯一係香蕉係成個班戟嘅中尾位所以係食左榴連先見到香蕉🍌同埋都係好多料，所以食個時要小心d🙈🙈🙈

以前係葵興附近上班，有時候放工都會行過去葵芳食小食，而葵芳最出名的商場—葵廣就必然係流連的地方。其中三樓的又一戟經常都排滿等候的人，可見其受歡迎的程度。今日放工因為突然想食而特意坐車過去，由於時間已經有點晚，所以沒有太多人等待，於是就立刻叫了一個鹹牛肉班戟。大約等了八分鐘左右就有得食，它全都是外賣沒有堂食，而葵廣特色就是企和座在不同的地方都可以食，當然就要找一個有點空曠的位置進食。鹹牛肉班戟由於剛剛煮好，在手上依然很熱。它的牛肉料十分足夠，而且當中有時青菜增加口感，引致到食的時候不會單調，不過牛肉真的有點鹹。如果要點這個的話，一定要記得買杯飲品一齊就很好。整體而言，美味不變依然依舊。

今天在葵芳廣場大吃特吃，來到頂樓的又一戟，這間小店在這裏已經很久歷史了，出名多人喜歡吃，有咸有甜，種類繁多，是很多學生和年青人的至愛，買完之後就坐在對面的公共長凳上慢慢吃，聊着天。原本今天想吃這個西米布甸班戟，但是有看到鹹牛肉好像很好吃，今天就吃鹹牛肉吧，鹹牛肉班戟一定要加上芝士才是最美味的。今天等候的人不算很多，以前試過等15分鐘才能吃到，鹹牛肉班cake裏面有沙律醬鹹牛肉和生菜加上芝士，對我來說真的是人間極品，溶化的芝士跟沙律醬混在一起，加上爽脆的生菜絲和鹹牛肉，這個配搭真的非常非常合我口味，他在你買的時候還會問你要不要黑椒， 加一點黑椒會讓這個班戟更香，就是一個人吃一整個會有點滯，還好我今天真的肚子很餓，自己吃着吃着就把整個班戟吃進肚子裏了。這一間小店甜的和鹹的也各有特色，下一次一定要試一試他的人氣班戟第一名。

葵廣入面嘅甜品老字號，可以係呢個咁高競爭嘅地方屹立不倒咁多年，緊係有佢嘅厲害之處啦。今次嗌咗個「香蕉班戟配豆腐咪雪糕」，盛惠$27先講味道，係唔錯嘅...因為香蕉見佢即叫即剝皮，唔係用嗰啲都唔知放咗幾耐，一嘢匙羹”不”比你嗰啲水果，至於雪糕方面，我嗌咗豆腐味，食落去豆腐味都幾濃但衛生我就要減下分啦，因為我見店家哩頭收完我錢，嗰頭就即香蕉嚟切，雖然有帶手套，但閉在佢收錢嗰刻都帶住個手套收...咁咪即係無分別？不過哩啲小店一腳踢...都明白嘅...想食嘅朋友而又唔介意就ok

又一戟(4.5/5) 🌕🌕🌕🌕🌗推薦程度：🔥🔥🔥🔥🔥 (5🔥為最高)今次再帶大家黎到葵廣，係呀又係葵廣，葵廣真係好多野好食。依間都係不得了，中學🏫時代已經成日幫襯啦，有咩咁吸引到我一直到而家都繼續幫襯，睇埋呢篇食評你就知😉。周圍舖頭相繼結業，開其他店舖，少有在葵廣咁耐都仍然營業🈺️，🤔唔知味道能唔能夠保持到水準呢😋？又一戟位於葵廣3️⃣樓『食街』，扶手電梯附近，基本上上到黎左邊⬅️就見到。係人來人往嘅葵廣，又一戟對面有啲位坐，好多人係又一戟買完班戟就過去食。又一戟款式真係好多，有甜有咸，有熱有凍，無論香🌱夏☀️秋🍂冬❄️都啱過黎食。太多款唔知點揀好，幾乎每款都有圖片顯示🤗，有啲更大有埋實物樣本😯係到，下面更加講埋比你知Top 🔟人氣班戟，心大心細嘅你唔會唔知點揀好啦。我呢通常都會最左手邊個個鹹牛肉班戟，而屋企人就揀左隔離個個吞拿魚班戟。買完就有張手寫號碼比我，即叫即整，多人要等耐啲，可能疫情關係，少左人幫襯，今次等左5分鐘野食就到啦……鹹牛肉班戟加芝士(4.8/5) 🌕🌕🌕🌕🌖鹹牛肉班戟($27)加芝士🧀($4)加黑胡椒，加埋$31蚊。價錢中規中矩💸，係葵廣好普遍。賣相正正常常，店員好細心每份班戟

係網上見到好多人都讚曲奇奶昔好好味，所以專登買來試一試曲奇雪糕嘅份量果然好多，見到店員足足抔咗四球雪糕😱而奶昔嘅味道表現正正常常可能係雪糕嘅份量太多，飲落仲有啲飽

今日同細妹行街街，去左葵涌廣場，我地第一站就係去搵食😂，細妹帶左我去食pancake，呢間又一戟，真係好多款口味，不過就要係商場內立食咁我選左個焦糖燉蛋雪糕pancake，雪糕餡要左曲奇雪糕，個燉蛋係面度彈下彈下，食到我心驚膽震味道就完全夾到不得了。細妹選左個cheese cake 雪糕pancake，雪糕餡就薄荷朱古力碎雪糕，cheese cake份量都唔少我地買完就企埋一邊立食，快快脆就食完呢個兒時回憶呢間又一戟真係大件夾抵食，我地每人都係用左$35

行開葵涌廣場，有好多唔同款式嘅嘢食，上到3樓一見就見到喇間鋪頭排晒長龍，肯定冇死於是就決定試佢😛佢有好多唔同款式嘅班戟同雪糕，係甘多嘅選擇之中我就間左花生醬+煉奶+豆腐味雪糕班戟！😋一攞上手就見到個豆腐雪糕喺個面度，咬落去好重花生醬同煉奶味仲夾雜着一啲榛子醬朱古力味，甘多味道係個口到，非常豐富好好味😋而且值得一讚嘅係即使食到最底都有花生醬同煉奶。不過我就覺得班戟個皮就凍咗少少唔夠脆而且我個人就麻麻地cream , 食到中間會有好多cream,食得多有啲濟！不過總括嚟講呢間舖頭性價比高，價錢唔貴，嘢食好味值得一食👍🏾

單球珍寶雪糕 🍨💰HKD$10-如果你經常到葵廣掃街的話，又一戟這個名字你一定很熟悉吧，每次都葵廣都會見到又一戟門口有一堆人等待食物。又一戟賣班戟而成為葵廣名店，但其實他們還有雪糕及奶昔﹗-雪糕的味道非常大眾化，不是生果口味就是豆腐、咖啡等日常都會輕易吃到的味道，所以在雪糕口味上請不要有太大的期待，但你可以在份量上有大大的期待😂。因為單球的珍寶雪糕已經是超大杯，兩人share也不為過，我也不敢想像雙球和三球的珍寶雪糕是有多少份量。-現在說說非常不專業的食評吧~這杯雪糕要了曲奇口味，味道與一般的曲奇雪糕差不多，不過奶味比較突出；吃時更是每口都是曲奇碎。最重要的是10元就有這麼一大杯，性價比超高，學生的你一定要試試﹗-►好食指數：8/10很重奶味，份量超足﹗比起同場的1x元5球的那間，我更喜歡又一戟的雪糕。-

曲奇奶昔🥤💰 HKD10-上次post了他們的雪糕，下面有人留言說他們的奶昔更「正」﹗好吧，今次就簡單地說說這個更「正」的奶昔啦～-其實這杯奶昔的造法很簡單，店家把曲奇味雪糕和牛奶加以攪拌，奶昔就出爐了～老實說奶昔味道和雪糕的都是一樣的，但最驚喜的是它的雪糕量超級多﹗雪糕疊起來的高度與杯是一樣的，是非常足料的雪糕奶昔。🥛由於加了牛奶的關係，口感上也會比雪糕的更厚實順滑，而曲奇的味道也沒有被奶味沖淡，味道依然很濃烈。-►好食指數：6/10口感有趣，有時不想食雪糕的話，喝喝也可。-✎想看更多的請到IG@wd.smallworld