千の味刺身壽司專門店 (海福花園商場) (已結業)

同朋友farewell ，諗住買埋壽司俾細路，朋友係千之味會員話質素唔錯又外賣自取有9折，就試下啦。我地簡左千之味壽司盛盒A $268 25件同千之味壽司盛盒B $258 25件。睇menu 既就真係大大粒。嗱！睇番實拍照真係唔係照騙，全部都大大粒，好靚仔，三文魚油脂分明，壽司飯亦唔會舊舊，飯粒粒粒分明，壽司上面既帆立貝，吞拿魚，北寄貝，魷魚都食得出好新鮮。最驚喜就係包裝，估唔到有埋冰袋冰種，好細心，現在就算天氣熱都唔驚中途變壞。總結係一定有下次。

今年夏天好似特別炎熱。。。。。。熱到信義妹所有惰性都走曬出來。。。。。自然連飯都唔多想煮。。。。。 所以係今個夏天。。。。外賣都食多咗。。。 今日就去千之味買外賣啦～ 一人一個定食唔駛爭啦～  五色丼 三文魚，吞拿魚，油甘魚各2件，赤蝦1隻，三文魚籽～赤蝦係巨大的啊～內充滿甘香的蝦膏，大大滿足啊～ 魚類刺身鮮甜。三文魚籽撈飯鹹味適中，口感豐富。 火炙壽司冷麵餐火炙三文魚，三文魚腩，鰻魚，左口，熟蝦冷麵有青瓜絲，蟹柳絲，蟹籽。麵不糊身，青瓜絲清爽， 蟹柳絲夠多，蟹籽脆口，配上芝麻醬，夏天消暑啊～若果唔想食刺身，都有熟食既選擇～燒汁牛肉飯定食洋蔥香氣無遮蓋牛肉的濃郁味道，熟的洋蔥更多一點甜味，很好下飯啊～～～ 日式豬軟骨飯定食 豬軟骨炆得香濃入味，但又唔會過鹹，味道適中，帶少少甜口。  定食係會有沙律和小食架～ 沙律菜新鮮不帶澀味～因買套餐關係，所以係連飲品架～～～ 有多款飲品可以選擇～信義妹就揀咗OOHA 白桃烏龍茶味汽水 和 荔枝乳酸味汽水。 整體每份份量都充足，不論飯跟餸都合理，信義妹唔算細食， 但係都夠食。 最後值得一讚既係，

五色丼 $98有三文魚、吞拿魚、大蝦、三文魚籽、油甘魚。刺身好肥美同新鮮😍醋飯都好大碗火炙丼 $85有左口魚、三文魚、大蝦同玉子。左口魚好正，輕燒左，咇層油脂出黎😋三文魚外層有火炙既香，內裡亦有刺身既鮮味，正。吉列炸蝦 $38炸得唔錯，外脆內爽。厚燒🥚玉子 $30玉子分層做得幾好，帶有蛋香味同微微輕燒既感覺。三文魚蟹籽沙律🥗 $52簡左胡麻醬，俾左兩兜醬，落完一兜都已經好入味，鐘意重味既人可以落多兜。份量好足夠，好多三文魚，配清新既青瓜絲，正。呢間店無論食幾多次，水準依然保持到。重點係$300已包送貨。

今日好晏先收工，唔想返屋企煮飯，最後決定係屋企附近買外賣～今次試咗呢間千の味刺身壽司專門店，成日LUNCH TIME見到好多學生排隊，原來好多款式種類揀！除咗一般壽司刺身，仲有多款丼飯、定食、炸物、小食等。照燒雞扒飯定食份量十足既雞扒煎得好香，加入日式照燒汁，兩者超級搭！雞肉嫩滑，啖啖肉夠JUICY，甜甜地嘅照燒汁拌飯一流，大人小朋友都岩食，正~燒鯖魚飯定食口感細嫩既鯖魚啖啖肉，淋上檸檬汁更能提鮮，同樣配搭沙律同螺肉小食，定食SET真係好抵！蟹柳玉子燒口感較扎實，味道鹹鹹甜甜，唔錯。蟹子沙律(胡麻醬)面頭放滿卜卜脆嘅蟹籽，粒粒爽口彈牙，拌以爽口青瓜，夠哂清新，淋上胡麻醬仲特別開胃，好岩而家天氣食呢~

天氣咁熱，真係唔多想下廚煮飯，間唔中都會叫下外賣返屋企慢慢歎。今日就買咗千の味刺身壽司專門店既外賣，種類選擇多，有齊壽司、刺身、丼飯、定食、小食等等，店員有禮又快手，難怪咁多街坊幫襯~甜蝦刺身味道甜美，肉質細綿，口感非常好。帶子刺身鮮嫩爽口好彈牙～藍鰭吞拿魚赤身刺身油脂分布均勻，魚味濃，口感柔軟。厚燒玉子將蛋煎香再疊起，食落好有層次感，帶少少甜味，蛋味相當濃郁呢！燒汁牛肉飯定食特製醬汁香濃又惹味，大量牛肉片嫩滑得黎夠入味，仲配搭埋沙律同螺肉小食，好豐富。鰻魚飯定食超大條鰻魚，賣相好吸引！！食落魚肉緊緻柔軟好Q彈，夾落唔易鬆散，夠新鮮～肥美得黎好柔滑，口感一絕。

天氣咁熱唔想煮飯，呢D天氣最啱就係食壽司，唔會越食越熱。樓下有間刺身壽司外賣專門店，咁就買返屋企食吓先。呢度都好多晚餐揀，仲送罐裝汽水。我就叫左三個餐，等嘅時候發現都有幾多外賣客人。店員都幾細心，將凍食同熱食分開入袋。凍食驚變壞，仲比埋舊冰客人。呢舊冰啫囉仲可循環再用，好環保。五色丼：刺身有三文魚、吞拿魚、赤蝦、油金魚同三文魚籽，件件均勻，size正常，刺身帶薄薄油脂，唔會乾爭爭。唔好睇少呢個丼，飯嘅份量都好多吓，估唔到呢個丼都幾高質。壽司餐：有三文魚兩件、油金魚、白身魚、赤蝦、吞拿魚、蟹籽，熟蝦、玉子同鰻魚。呢個餐幾好，款式夠多，有生有熟，滿足晒樣樣都想食嘅心理。除左魚類刺身好食，連熟嘅壽司都做得唔錯，即叫即整，夠晒新鮮。邊旁仲比埋隻碟要黎裝豉油同wasabi，真係very good。火灸三文魚：燒到好香，入口油慢慢滲出，好好食。燒鯖魚飯定食：除左主食，仲有蔬菜沙律同埋中華沙律，真係夠晒豐富。鯖魚旁邊仲預備埋檸檬同醬汁，魚燒得唔錯，加埋檸檬汁一齊食夠開胃清新。飲品：見到有教主代言飲品OOHA，簡直開心啦。荔枝乳酸味係我最愛，有氣夠凍無糖又解渴，識揀一定係佢。

為咗感謝細佬幫我做嘢，我買咗千の味比佢做dinner💕 同時都要記錄下我慷慨解囊嘅時刻🌟以下都係佢嘅最愛（都係我嘅😋 🎈雙色三文魚丼 $65🎈左口魚壽司 $20🎈腐皮壽司 $12🎈火炙三文魚壽司 $25🎈火炙三文魚腩壽司 $29🎈火炙左口魚壽司 $28🎈火炙壽司拼盤 $124呢餐要鬥手速🤣 真係手快有手慢無呀😝✌🏻雙色三文魚丼係千の味咁多個套餐之中，我哋一致認為，係CP值最高嘅！仲有不敗嘅火炙系列🤤🤤🤤 左口魚係我每次必食嘅🥰

有時想食得自在啲又唔想自己煮，就會買外賣返屋企慢慢嘆。千之味而家都幾多分店，買滿💲3️⃣0️⃣0️⃣就免費送貨，真係幾方便👍🏻原來除咗壽司刺身之外，佢哋仲有丼飯🍱今次我哋就叫咗日式牛肉丼飯試吓，份量都多唔少。除咗配一罐飲品之外，仲有沙律🥗同前菜。牛肉夠入味又唔韌，非常好送飯🍚加拿大海膽軍艦壽司都真係幾抵食，唔使$50就有兩件，一件有一格海膽😍味道夠鮮，大大塊滿足感即刻提升😋左口魚壽司上面嘅刺身同樣都幾大塊，咬落爽脆，油脂十足又夠juicy。大大片嘅劍魚腩刺身好肥美，而家唔係度度食🉐️到🥲甜蝦刺身都幾大隻，味道鮮甜🤤

🍣千の味刺身壽司專門店🍣📍:大圍積運街海福花園商場地下31-C1地舖⏰:11:00am-10:00pm呢一間刺身壽司專門店已經系我第二次回訪 除咗琴我返工地方之外 佢嘅價錢同質素亦都比坊間嘅大型壽司集團更加便宜🤣壽司同刺身好新鮮 大大件之餘仲有好多唔同款式嘅套餐 有學生餐、午市套餐 價錢都比較平 呢間主要係做外賣 可以晏晝買公司食 壽司都係即叫即做😋製作需時！款式種類選擇多 有丼飯、炸物小食、壽司、刺身 亦都有壽司蛋糕同多人刺身拼盤等😍值得一提 好貼心嘅係餐廳外賣會Pack埋一包冰袋👍🏻🍝火炙壽司冷麵餐個餐裏面有火炙三文魚、三文魚腩、左口魚、鰻魚、熟蝦 因為火炙過 所以滿滿嘅油脂香 食落口啖啖肉得泥又暖暖地 加埋冷麵 夏天食呢啲 真係好開胃！🍣三文魚冷麵冷麵好爽口 沾滿左滿滿既胡麻醬 再加上巨量既三文魚粒 新鮮之餘啖啖肉 好滿足！🍤吉烈炸蝦卷 🦪吉列炸蠔 🥟煎餃子佢哋嘅炸物一樣咁出色 熱辣辣即叫即炸 脆身次餘裏面好嫩口 仲會配埋沙律醬 好正🥰

大圍好多野食，同朋友經過見到有間千之味係度喎，之前都有食過千之味，朋友都想試下佢，我地就啞左外賣返去食，我地叫左有：日式豬軟骨飯定食火炙三文魚腩壽司三色花卷 三文魚粒軍艦千之人氣壽司盛盒A(14件)朋友話壽司，刺身同定食都係好好味壽司吾差，原來連飯都吾差定食價錢合理，呢個價錢食到呢個質素真係值呀！第一次試定食，已經有驚喜！大圍海福花園呢間分店近地鐵站，等外賣時間亦不長，員工好快手，而且都好貼心俾埋冰袋我地，下次我地都會嘗試埋佢其他食物。

大圍街坊成日推薦呢間壽司店，皆因即叫即製，用料新鮮...除咗壽司之外，試下定食，又真係好正。價錢仲好經濟。「日式豬軟骨飯定食」豬軟骨份量一啲都唔孤寒，口感唔錯...有咬口，仲有螺肉同沙律菜，加埋飲品，一個set就滿足哂「燒汁牛肉飯定食」燒汁夠濃郁，好惹味，牛肉都好多片，完全唔會靭，好味沙律菜新鮮爽口「火炙壽司餐」10件款款唔同嘅壽司，啱哂一個人想食多啲款，又唔怕食唔哂。「火炙壽司冷麵」炎炎夏日最鍾意食冷麵，配蔴醬夠哂香，仲有大量蟹柳絲．青瓜絲．蟹籽，令口感更豐富。

大圍呢間壽司店，絕對係呢區最有質數。除咗即叫即製夠新鮮，仲好有效率，價錢仲好大眾化。幾十蚊一個餐仲跟埋飲品...抵食。仲有幾款新口味嘅梳打汽水，同壽司一齊飲，確係爽...揀咗兩款10件嘅壽司餐，每件都唔同款，店員即時製作，真係好新鮮，特別喜歡火炙壽司，勁鍾意燒至半熟嘅質感。「壽司冷麵餐」冷麵加入麻醬超香，仲有大量蟹籽．青瓜絲同蟹柳絲，再配搭5件壽司夠哂滿足。$300就可以外送，學生著校服嘅餐超平，勁抵食。良心壽司店...讚...讚...讚👍🏻👍🏻👍🏻

千の味刺身壽司專門店（海福花園商場）🍣🍣收工交收完見大圍站🚈5分鐘路程唔洗有間千の味。特登走嚟支持下。一啲都唔難搵。地點方便就腳。🚗🚗三色花之卷$72-海膽花之卷，家母話海膽好新鮮，非常鮮甜😋。魚子花之卷，粒粒魚子非常爽脆，咬落去漲卜卜。然後係口腔爆開晒魚子入面鮮甜。令人回味。蟹籽花之卷。對比起魚子花之卷就比較失色。🫠三文魚腩壽司$20，三文魚咬落好新鮮。而且魚肉肉質滑身。輕輕點少少🤏wasabi已經好好食。藍鮨吞拿魚🐟🐟赤身壽司$40，雖然價錢唔平。但我推介一定要叫。吞拿魚魚肉本身已經好肥美。成個魚新都充滿魚油甘香味。食落去明顯高其他壽司🍣🍣幾班。特大赤蝦$32，又一個必點item。蝦🦐肉非常大隻。食落新鮮而且肉質結實。劍魚腩$28，雖然都係腩肉部分。但明顯油脂唔夠三文魚腩油脂比例高。但食落都好爽口同新鮮。帶子$35，爽口，好食😋玉子壽司🥚同中華沙律🥗壽司各$15，由於家父唔食生野。所以點左兩舊熟食滿足下佢老人家。玉子壽司望落都厚身。而且玉子長度比飯更長。中華沙律亦好足料，好似多到就快滿瀉咁。老實講，呢間千の味係我食過咁多間入面門面最唔靚嘅一間😂（我認我以貌取人）亦好驚會食到肚屙。但

而家食魚生壽司唔使一定去店內食，買返屋企食都一樣咁滋味，在大圍嘅御品千之味外賣壽司專門店，都係我首選外賣店。佢嘅燒汁牛肉飯定食配沙律及螺肉小食(未必每次都係螺肉)都好抵食，我老公都話，好多牛肉喎⋯⋯洋蔥牛肉味道好濃😋餸飯一流午餐$68晚餐$78二人刺身盛D ，16件三文魚2件、赤貝4件、油甘魚2件、帶子4件、松葉蟹腳4件$228唔好以為細細盒，其實每件都唔細，都好新鮮，今日最想食就係松葉蟹腳，鮮甜嘅，但只有4隻腳就唔夠喉😆我諗下次要買兩盒。

好鍾意呢間小店，食物有水準、店員亦友善，每次經過都會忍吾住回購😋今次嗌左$188 人氣壽司盛盒E(15件)、$18 鰻魚壽司、$35 帶子壽司、$22 火炙芝士鰻魚壽司、$48 軟殼蟹反卷(4件)😚所有壽司同平時一樣，都好新鮮👍🏻 大大隻既帶子非常鮮甜，一啖食落好滿足😻軟殼蛋卷餡料吾少，真材實料👏🏻👏🏻 屋企人最鐘意花之戀，份量好足，食完幾舊已經飽飽地了🤭小店仲有吾少既便當，下次lunch可以買黎試下😚