十二味 (LADDER Dundas)

營業中

休息中

今日冇煮飯就買嘢返屋企食， 又想食啲辣嘅嘢，就去咗十二味買外賣店員服務非常良好，一上到去我表明想要外賣，即刻畀張餐牌我畀我慢慢揀，等外賣仲叫我坐喺店舖入面，唔使喺條街度企喺度等,非常好👍見到有個首屆食辣排行榜食得辣嘅可以試下又見到原來有啲嘢可以買,都幾得意叫咗一份大盤花菜，一份口水雞，一個黯然銷魂炒飯，一個酸辣木耳， 初頭仲驚唔夠食點知完全係食唔曬， 份量超多黯然銷魂炒飯完全係塞盒滿滿 整個外賣盒一打開有一種好好滿足嘅感覺, 炒飯粒粒分明 食到底都唔會覺得好油膩酸辣木耳43蚊， 打開個盒係冇諗到會有咁大份 ，比我心入面嘅份量多一倍以上夠酸夠辣，好下飯口水雞份量都算多, 唔會淨係得骨頭雞肉夠入味大盤花菜叫咗小辣,大大碟, 有一啲腩肉好香口，惹味腩肉吸咗啲辣椒嘅香味, 椰菜花有吸咗啲豬油香值得一提黯然銷魂炒飯同大盤花菜係可以揀全素, 完全走肉, 都好適合同素食者朋友一齊嚟食另外再讚侍應每一個落單都有問一問辣度, 對於我這些不能吃辣的人,真的覺得很窩心

之前已經食過黃大仙同尖沙嘴嘅分店，今晚就嚟到旺角分店，相比另外兩間，呢度舖面較細，坐位較少。不過正正可能係因為地方細，侍應的招呼更見殷勤，經常主動加水，上菜速度也快。簡簡單單叫左幾款食物，埋單人均$180，仲可食埋甜品，真係好飽。主菜： 小辣 水煮牛肉($158)滿盆嘅乾椒同花椒，視覺被征服了，心諗：會唔會辣到食唔到呢！夾了一小塊牛肉，慢慢放入口……好香嘅辣味，但入口無難度，牛肉非常嫩滑，味道只係微辣，送飯一流。食到盆底，有不少寬粉，頗煙韌爽口，但沾滿了湯汁，味道較濃，啱嗜吃重口味人士。驚喜係竟然有油墨菜，雖然菜面充滿油光，但夾起稍稍滴走葉面嘅油，好好味！小食：炸串套餐 ($58)有羊腩筋、腸小腸、香口牛。個人最喜歡羊腩筋，有嚼勁，帶小小羊羶味，配上孜然粉，美味可口。羊小腸炸得十分脆，脆得像吃蝦條一樣。酸辣無骨鳳爪($53)開胃前菜，酸辣味平衡，鳳爪爽脆，食到索索聲，如果再多一點點辣，相信會更好食。伴碟有很多青瓜，變相多碟涼拌青瓜嘅小食。甜品：紅糖糍粑($48)非常好吃嘅經典川菜甜品，糯米條炸得金黃，名乎其實嘅外脆內軟；面層舖滿黃豆粉，增加了不同口感，亦多一份黃豆香。嗜甜者，不妨蘸多一

其實我已經不是第一次食十二味，因為覺得佢個酸菜魚好好食，所以今次經過旺角見到十二味的分店，我不禁又衝左上去。雖然這間分店店舖比較細間，反而令到店員更加招呼周到👍🏻。先來杯熱情果梳打，嘩！大大杯，好誇張😆，再來有乾煸四季豆，小小辣，炒得好香好惹味😋。再來有水煮牛肉，超大碟，而且非常多牛肉，底食到爆，而且唔太辣，合我口味🥳。主角出場啦-人見人愛酸菜魚，上枱就聞到好香，這個時候，我一定要碗白飯，一啖魚一啖飯一啖湯，超好配搭，啖啖魚肉好正😊😊😊。非常值得再encore

香港食酸菜魚嘅餐廳越嚟越多加上呢家香港飲食業寒冬 平日出街食飯嘅人好少但今日平日晚餐時段 十二味居然full house以性價比同食物質素嚟講 十二味算係無得輸\ 人見人愛酸菜魚🐟 x 中辣🌶️ x 加寬粉🍜 ($276) /店員捧住行緊過嚟嘅時候已經聞到陣陣酸酸辣辣嘅香氣份量比我想像中大 魚肉份量非常多加上大量酸菜 萵筍 雞脾菇做配菜2-3個人食都好充足單單係酸菜已經混搭咗三種不同地區嘅酸菜 包括雲南、四川、廣東而湯底係以豬骨、鰂魚、鱸魚骨熬製而成 加上指天椒、花椒、炸蒜等香料🌶️湯底層次豐富 加埋鮮甜嫩滑嘅魚肉 非常惹味!!! 🔥食酸菜魚一定要搭配寬粉 佢嘅寬粉口感非常煙韌 就算浸得耐都唔會軟咗一口魚肉 一口酸辣湯 一口寬粉 一口接一口 完全停唔到落嚟唯一美中不足嘅係 嗜辣嘅我覺得中辣都唔夠辣\紅糖糍粑 🍡 ($48) /即叫即炸嘅紅糖糍粑份量大 足足有8件 上面灑上滿滿嘅黄豆粉咬落外脆內軟 入面嘅糯米香甜軟糯 喜歡甜甜嘅味道可以蘸上紅糖汁 食完有滿滿幸福感以味道 份量 價錢嚟講 十二味絕對係性價比之選!!而且分店非常多 喜歡酸菜魚嘅朋友值得一試～

今日可以嚟到自己其中一個最鍾意食嘅酸菜魚餐廳食飯，佢嘅酸菜魚實在值得推介！酸菜魚果然魚如其名，真係好味到人見人愛！呢個酸菜魚嘅味道麻辣夠味之餘都相當平衡，再加埋帶有少少微酸，唔會太重口味嘅，同時又食得出唔同味道！今次叫埋有寬粉嘅版本，吸晒酸菜魚湯汁嘅精華，食落淡淡香口！而且佢亦都有唔同配料，例如筍、雞髀菇，樣樣都吸收晒湯汁嘅酸菜魚香！最後梗係呢度嘅主角 - 魚！魚片唔單止肉質嫩滑，更加大大塊，配埋白飯食真係一流！酸辣土豆絲呢一味係我自己一個人最鍾意食嘅小菜，雖然好似好簡單平凡，但係炒出嚟鑊氣十足，熱辣辣嘅溫度，配上微微酸辣嘅土豆絲，作為配菜真係一流！紅糖糍粑呢個甜品絕對值得推介！雖然係熱食，但係作為甜品絕對出色！外表微脆，內裏煙韌，口感十足，配埋紅糖漿更是甜美可口！凍柚子茶大大杯又抵飲既解辣精選！總括而言，作為一間連鎖店，可以保持到咁高質素嘅酸菜魚水平，實在值得推介！

因為餐廳嘅酸菜魚，幾乎隔一排就會去食😋水平一直保持高質，真係超好食，食完會念念不忘，忍唔住要打篇食評推薦下！🔸 人見人愛酸菜魚（加寬粉、小辣） $276🔸白飯 $12呢度嘅酸菜魚出名三樣：大、很大、好大！呢個份量真係世界級，最重要有一個再大啲份量嘅，真係難以想像！今次仲要叫埋寬粉加落去，配埋原有嘅筍、蘿蔔片、雞髀菇片，加埋大量入味嫩滑嘅魚肉片，真係食到唔停得口！更加重要嘅係，佢辣味同埋麻味平衡十足，而且又唔會蓋過咗微微嘅酸味，一啖就食到酸菜魚唔同嘅味道！🔸川式口水雞 $73鍾意食辣嘅朋友，一定要叫呢一味餸，佢嘅辣味真係香口而麻度十足，真係十分過癮。加上雞肉大嚿多肉，食落去又辣又滑，好滋味！🔸紅糖糍粑 $48食到尾梗係要一個甜品，今次就叫咗呢味熱食。一食落口，外表微脆，內裏煙靭，配埋紅糖漿更是甜味十足！食多幾舊都唔會濟！🔸凍柚子茶 $28大大杯，而且飲落亦都夠晒味，唔會太甜，抵飲之選！

看到紅色就聯想到川菜館，聯想到川菜館就想起十二味～吃了無數次的十二味，今天點了麻辣乾鍋做外賣～外賣也沒有失色，超大一份而且依然好吃！這裏的麻辣干鍋配料可以自由配搭，選擇十分多超級豐富，大約有三四十種！其中大腸、豬頸肉，鮮蝦、香腸、雞翼、蒿荀、藕片 都是我的最愛，辣度就可以自選的 ～菜品炒得非常入味吸收了自家的干鍋辣醬、香油、芝麻和香料太惹味了！除了麻辣干鍋，還有小龍蝦，酸菜魚，酥脆炸串等～ 清淡點的又炒萵筍絲和薯仔絲可以選擇用蒜蓉炒，不吃辣的也可以點～

又係加班嘅日子，放工即刻約埋同事那那聲去醫肚先，最後我揀咗去「十二味」食大大盤嘅香鍋，呢個鍋我已經食過好多次，可以根據自己嘅口味配搭唔同嘅食材，單單食材已經多達三十幾款，而所有餸都可以揀辣度/唔辣，啱晒我唔食得辣嘅同事😆秘製醬香鍋自選食材我地揀咗雞翼、滷水肥腸、鵪鶉蛋、土豆同寬粉，每個香鍋上都會灑上白芝麻、芫茜同脆豆，食落特別香口，單骨雞翼經炸過後，個皮脆脆地零舍入味，滷水肥腸乾扁後外面脆裏面軟腍帶少許脂肪，食多幾舊亦唔會覺得油膩，土豆切條，每條都裹滿白芝麻同醬汁，香脆內軟，粉粉嘅口感非常好食😋香鍋必點嘅寬粉，煙煙韌韌又Q彈，同香濃嘅醬汁絕配👍🏻川香回鍋肉份量十足大大碟，半肥瘦嘅五花腩加入香蔥同京蔥去爆炒，夠晒鑊氣，五花腩食落一啲都唔會覺得肥膩，油份已經迫出，彈牙有咬口，用黎送飯一流黯然銷魂炒飯炒飯乾身粒粒分明，火候十足，材料勁豐富，加入蝦仁、豆角、肉碎、蛋、紅蘿蔔同雪菜，蝦仁新鮮爽口，豆角爽脆，每一啖都食到唔同嘅材料，口感豐富而有層次📍十二味 (LADDER Dundas) (旺角)旺角彌敦道575號LADDER Dundas 2樓人均消費：$200-300食物：⭐️⭐️⭐️⭐️⭐️環境：⭐️⭐️

今日唔夠時間煮嘢食，唯有去十二味嗰度買個外賣嚟食，估唔到咁大間嘅連鎖店都有小店咁精緻嘅出品❤️夫妻肺片：夫妻肺片是一道經典的川菜，這家餐廳的夫妻肺片令人印象深刻。肺片切得薄而均勻，口感鮮嫩，配上麻辣的調味料和特色的辣油，風味獨特。配料中的花椒和蒜頭提供了豐富的香氣，使整道菜更加美味。這道菜的辣度適中，辣味與麻味平衡極品麻婆豆腐：這家餐廳的極品麻婆豆腐非常出色。豆腐口感滑嫩，與麻辣的醬料完美結合。麻婆豆腐的麻辣味道濃郁，辣椒和花椒的香氣令人垂涎欲滴。豆腐吸收了醬料的味道，每一口都充滿了豐富的口感和風味。辣到飛起跳水蛙：這道辣到飛起跳水蛙給人留下了深刻的印象。蛙肉炒得熟透，肉質鮮嫩多汁，與辣椒和香料的結合非常美味。這道菜的辣度非常高，辣椒的火辣味道讓人嘴巴發麻，但同時也帶來了舌尖上的快感。蛙肉的口感頗有彈性，吃起來很有嚼勁。這是一道勁辣的菜品，只適合喜歡辣味的人品嚐。

油麻地地鐵出口行數分鐘，餐廳大約可以坐30幾人，入門口有好多功夫熊貓圖案。Menu有水煮菜式，酸菜魚，麻辣小龍蝦，炸串，煮食包括蔥油拌麵，炒飯，同埋我必點嘅紅糖糍粑。酸菜魚顏色同香味都值高分，有蒜頭椒香，冇乜油份，魚片份量都好足夠二至三人。魚完全冇骨，加上寬粉吸晒上湯，不到10分鐘已經清晒。水煮牛肉香氣撲鼻，order小辣都係輕而易舉，牛肉滑嘟嘟，睇見都流口水。串燒魷魚鬚，每個order十串，加入孜然粉，好在食物份量唔算太大，否則食唔晒。

十二味是我一直比較喜歡的餐廳，食材新鮮，口味正宗，非常符合愛吃辣的我～酸菜魚可以必點，酸爽開胃，魚肉滑嫩，無骨，酸菜脆脆爽爽，而且份量十足乾鍋也是不錯的選擇，非常好吃，牛肉、雞翼、萵筍、土豆、午餐肉和香鍋調料混合一起，飄香四溢，望著就流口水了🤤酸梅湯好大一杯，喝得非常爽😍土豆絲酸爽 脆感十足 配飯一流🤗🤗🤗清炒萵筍絲 清爽解膩 回味無窮😋😋😋而且中午有套餐，更是性價比好高👍🏻👍🏻👍🏻

香港🇭🇰超级正的川菜餐厅！✨酸菜魚✨我认为香港酸菜鱼的天花板🐟据说鱼都是新鲜鱼，不是冷冻半成品，鱼肉入嘴鲜嫩。酸菜搭配得刚刚好，不会很油腻。✨肉末豆角✨完全不辣的一道菜，超级香。豆角很脆，又有点清甜，不会油腻。✨夫妻肺片✨其实不是肺哦，是牛肉。有很香的红油味，但这一道菜稍微有的辣。

十二味旺角彌敦道575號LADDER Dundas 2樓呢間旺角店十二味都開咗好耐 之前一路傳話會搬今日搭𨋢嘅時候見到依然喺度 咁啱同友人講緊食探魚見到酸菜魚都有興趣 二話不說 淨係叫咗一份二人份量酸菜魚返去內地食係會平啲，不過時間成本都係錢人見人愛酸菜魚 配寬粉 $276顏色，配料用得好豐富 濃郁酸味和辣味 仲有一串串麻而不辣嘅青滕椒魚片嘅份量還可以 夠滑，而且切嘅厚度啱啱好 如辣椒、姜蒜、豆瓣醬 特製酸菜 花椒呢個湯湯底配埋滑捋捋嘅寬粉 比較晶瑩剔透 所以又叫水晶粉越食越開胃 最後叫多碗飯兩個人分

新年前忙到停唔到手，做到人都癲，唔想煮飯買餸，放工同同事喺旺角等巴士，見到有間樓上餐廳有酸菜魚，比人慫恿之下就上咗去買外賣😂 一去到立即order，等咗10分鐘左右就攞得，勁快手我叫左一個酸菜魚、川式口水雞、大盆花菜、杏仁青檸蝦球，通常外賣拎到返屋企都會走晒樣，但今次打開完全好OK，仲好靚仔！d份量冇因為變咗外賣盒已變少咗，仲係好足秤😆 酸菜魚有驚喜，唔係切到勁薄嗰啲，而且佢分兩兜比我，全部都好足料，仲要有萵筍，正！個大盤花菜其實即係椰菜花，佢連埋半肥瘦豬肉片一齊炒，好入味🥦外賣嚟講佢真係唔話得，價錢都唔貴，下次可以再幫襯👍🏼👍🏼👍🏼👍🏼

《十二味》雖然係一間連鎖餐廳，但係今次係我第一次食！成日見到人哋講到好好味，咁樣終於有機會事啦！我哋叫咗羊肉串！雖然比較奀，但係都好香口好惹味😋另外我哋叫咗《泡椒炒雞》嚟到俾佢個份量嚇親，好大碟配料好多，而且有菠蘿一齊炒，就會比較冇咁辣，而雞肉都唔會炒得好老，好啱配飯食😂之後我哋叫咗重頭戲，《水煮牛肉》，比頭先嗰碟嘅份量仲誇張！侍應一放低，啲麻辣味就搞到我吞口水，好香花椒味道！牛肉嘅份量都好足，我哋食極覺得都食唔完咁！而且入邊仲有薯粉，同麻辣味係簡直絕配！裏面仲有青瓜，覺得有解辣嘅作用！咁鍾意食辣嘅，我哋非常之鍾意呢度嘅水煮牛肉，份量十足，味道又唔會太過鹹，非常推介！