十三姨酸菜魚 (置富都會)

營業中

休息中

怎么会有人说他平价。一碗鸡丝凉粉58 盘子只有10cm直径，鸡丝只有两根。 酸菜鱼随便就200多了，正常吃人均不可能下低于100.分量真的很少啊，我在红磡店。难道其他店铺不是？这种怎么能叫做抵食

無水吧沖飲品，都算，當你想慳皮，呢層我體諒，但真係好少餐廳會甘失色無水吧，點餐有檸檬茶，我點後居然整一包康師傅檸檬茶，當場呆左，為左慳皮居然出呢一招真係比較肉酸，食物質素過得去，價錢亦相宜，由起初酸菜魚份量極少，食物款式又少，到後來酸菜魚份量變多，食物款式又變多，睇得出由開業到依家係有進步的，店舖裝修可以，坐得舒服，光猛企理，環境衛生唔錯，如果往後可以增設番水吧，甘就perfect very good 了

呢排天氣一直悶熱，胃口不佳，要來一餐酸辣川菜，刺激一下味蕾十三姨酸菜魚就在紅磡站上蓋國際都會，大堂當眼位置，很多留學生以及街坊幫襯。餐廳裝修簡單而華麗，座位四正寬躺招牌十三姨酸菜魚（小）（小辣）未上菜遠距離先聞到酸菜魚的香氣，每枱必叫之選。我選了薯粉做麵底，飽肚之餘亦可滿足口感魚片鮮嫩脆口，沒有細骨，酸菜芽菜份量適中，每啖都有正宗酸菜魚的味道家常肥腸血旺（小辣）比較少有的菜式，肥豬腸配上鴨血同豆瓣醬爆炒，香濃味美，配白飯一流清炒萵筍絲濃味菜式一定要加配👆🏻萵筍爽口清甜，每條切絲，粗幼度適中🦵🏼配埋冷泡桂花烏龍茶，啖啖烏龍茶香，解膩必選

有時在網上看到一些vlogger 吃四川冒菜，麻辣串串，酸菜魚等，吃得津津有味，看得我口水直流，難得在公司附近有一家吃川菜簡餐的店子，有辣有不辣，讓不太嚐辣的我也能品嚐平易近人的川菜。招牌十三姨酸菜魚米線 (小辣)   $93平時食酸菜魚動輒要兩三百元，現在不到一百就可以食到，而且好大碗，魚片份量亦有不少。魚片應該是用桂花魚切成的，味道鮮甜，完全無腥，肉質細滑，而且無骨，可以咕嚕咕嚕的吞下肚。菜式的靈魂-酸菜惹味得很，鹹酸得宜，吃完都不用狂灌水，亦能帶出魚片的鮮甜。另加入了不少辣椒及花椒等，辣度可不輕啊！酸菜魚中有很多萵筍，爽口清甜，米線亦煮得剛好，非常彈牙。卜卜冒粉（水晶粉）（鮮茄湯）～唐山菜 滑牛肉 酥肉 金錢肚 抄手       $92冒菜是四川成都的特式小吃，就是把蔬菜及肉類放入辣湯中煮熟後食用。簡單來說就像是一碗「火鍋料」及車仔麵的合體。有不同的湯底可供選擇，可辣可不辣，選了蕃茄湯，湯底內有很多蕃茄及薯仔粒，味道酸甜，有點家的味道。有很多餸料可供選擇。酥肉沒有另外分開上，外層被湯浸淋了，有點可惜。牛肉滑溜軟腍，金錢肚爽口入味，抄手是菜肉餡的，有肉汁。薯粉彈牙又吸湯。另加入青豆

趁住腦細放假同同事三缺一出去食十三姨，每次都鼓唔起勇氣試其他野食，見人地隔離枱嗌口水雞飯同冒粉都好似唔錯，但我永遠都唔捨得佢個酸菜魚encore佢個湯無論係麻定係香都做得好出色，酸菜無噏味，魚好滑，但稍嫌多碎骨仔。唔想食到洗曬鼻水咁辛苦我擇小辣算啦，本身跟白飯，但強烈建議加錢轉水晶寬粉，好滑身，索汁又煙韌

之前講過出去食飯通常都係食一啲喺屋企好難整嘅野食🫢味精酸菜魚喺其中一樣我成日都想出去食嘅菜式去開紅磡就試下一間叫十三姨嘅餐廳，最近好似開咗好多類似名嘅酸菜魚，例如：十三少、十二味、廚十三，大家有冇覺得邊間最好食？🔸招牌酸菜魚午餐配酸梅湯$68哩個應該係我近期食到最唔好食嘅酸菜魚….魚片份量雖然多，但魚片偏腥而且唔夠滑！湯底唔夠酸辣，重點喺….個湯係微暖，一啲都唔好味！搞到成件事個感覺好差😪酸菜魚喺熱先好味㗎嘛…由於價錢唔算好平，而且食物真喺超級一般平或者可以用差嚟形容…所以我會blacklist佢…📍紅磡都會道6-10號置富都會7樓751號舖

見到食評唔錯又唔貴，所以嚟試下，我哋點了晚市二人餐！酸菜魚的份量好足，魚好滑，最美中不足係個湯無咩酸菜味，味淡但辣，比起椒麻雞更辣，但點菜係無辣度揀的，淡而辣的湯實在唔想飲，水晶粉好滑，配料都OK。椒麻雞都好食，唔辣，蔥油香好食，如果可以再麻啲再辣少少就更好，而家有啲似蔥油鷄，見到鷄胸，以為會鞋，但都OK喎，可以接受，而且啖啖肉。皮蛋OK都唔錯，二人餐嚟計份量都多。鷄翼即炸脆卜卜，好滋味，不過其中一隻只得半隻一支骨，炸粉包住睇唔到，咬開才見到。套餐包兩碗飯同飲品，加錢可飲其他，以份量計好抵食，如果可以改善埋個酸菜魚湯就更加好。

放工後，去紅磡體育館看演唱會。怕進場時間緊張，在聽演唱會前，咱們走到最近紅館的置富都會吃晚餐。開通東鐵綫紅磡站，以後從港島過紅館聽演唱會方便多了，我由紅磡港鐵站C2出口，經扶手電梯過天橋，便直達置富都會7樓啦! 不懼晴天曬雨天淋灑，商場有不少中西美食。今次，為趕時間聽演唱會，咱們嚐十三姨酸菜魚，餐牌內選擇多，點了酸菜魚水晶粉(2人份)。上食物時間够很快呢! 酸辣香氣撲鼻，再吃一口酸辣魚湯，味道剛剛好，不油不太鹹，魚肉滑，水晶粉晶瑩剔透，嘟嘴巴，一嗦入口，口感QQ彈。咱們差點清碟吃光整整一大碟。

疫情關係叫外賣，自問試過無數間酸菜魚，呢間有好評又近屋企所以即管試下。個湯幾ok,不過酸菜唔夠，多d會好好多。魚就唔係好得，有泥味，同埋唔知點解d魚肉上哂好多生粉獻。試過就係，不回頭。。。

其實我唔算太食得辣, 但偏偏又好鍾意食酸菜魚, 所以唯有叫少辣😎 推介呢個<十三姨> 酸菜魚, 份量大, 魚片滑, 再配埋寬粉的確係好味😋新措施下夜晚6pm後就冇堂食啦🙈 我都趕到食到晚餐😅. 希望快D 一切回復正常, 可以新年前晚市再去食團年飯啦😃

今日我哋挑戰自己, 試下挑戰味蕾, 去咗紅磡食四川嘢, 餐廳坐落紅磡港鐵站附近, 交通十分方便。一出站五分鐘就到餐廳內裏 人流如鯽, 座無虛席。我哋兩個人點咗一個二人套餐, 包括番茄清甜魚套餐同椒麻汁無骨雞套餐,清甜魚分量相當驚人, 上枱用一個大滿盛載著完全無骨嘅魚塊, 一入口伴隨著濃濃嘅蕃茄香味, 頓時食慾大增。蕃茄十分新鮮, 完全沒有酸味。魚套餐除咗伴隨一碗白飯之外, 蕃茄湯仲內藏乾坤, 配上滑溜烏冬, 烏冬吸收曬蕃茄湯嘅精華, 一啖烏冬入口齒頰留香。無骨雞方面, 一如其名雞件完全無骨伴隨香濃嘅雞味, 拌飯一流。套餐除咗兩款主食外, 仲包括川北涼粉, 涼粉拌以秘製嘅醬汁, 刺激到十足,可謂對味覺嘅另一種挑戰。餐飲方面,我哋叫咗專門用以解辣嘅酸梅湯, 一啖酸梅湯入口 可以堪稱為冰火二重奏, 洗滌味蕾。小食方面,我哋叫咗13姨秘製雞翼同紅糖糍粑。 雞翼配13姨店舖 特別炮製嘅沙茶醬, 令本身平平無奇嘅雞翼增添了一層川味。紅糖糍粑以紅糖同糯米製成, 入口相當煙韌, 飽肚感十足。

在下好鐘意食辣，特別掛住好味酸菜魚，最近嘴痕食左想食好耐嘅【十三姨酸菜魚】，真係好有水準兼性價比！👍🏻👍🏻⭐招牌酸菜魚(必食)，天氣凍食辣辣地就啱曬，可以揀小辣，小辣都好夠味了。啲魚🐟冇骨，而且一啲腥味都冇，夠曬多粉皮；兩個人好夠食！鐘意仲可以叫多碗白飯！麵都好多了，仲有我鐘意食嘅牙菜同酸菜，仲有萵筍。鐘意➕料都得，可以加豆腐同埋蓮藕等。❤️碗到仲寫住連湯都可以飲埋。😍⭐飯後嚟一碗經典甜品冰粉。簡單冰粉加上提子幹仲有桂花蜜。簡直係大滿足💓仲有佢嘅酸梅湯都好開胃

友人暫住紅磡火車站的酒店，明天便離開，今晚幾位好友一同吃飯，上房間再飲酒傾談，今晚一別，可能需等上數年後才會再聚。在商場逛了數間食店，友人終選了這間，希望吃到正終的酸菜魚！？一行四人點了二人餐再加其他餸菜，需留肚回房間吃蛋糕水果飲酒，所以不會吃太多。「招牌十三姨酸菜魚」問了侍應，是比一人餐的份量多，足夠二人吃。魚肉夠滑，蒿筍片，水晶粉，芽菜做配料，有些水晶粉黐在一起，很厚及比較硬身，湯頭少酸不夠麻，湯面油份不多，所以湯頭涼得比較快，味道一般般。「椒麻啖啖無骨雞」比想像中好味，因椒麻汁辣度適中，可以更辣，亦有麻香味，挺惹味，雞件相當軟滑，只有少許骨，雞件下邊擺上青瓜條，青瓜條與椒麻汁頗夾，味道不錯，看似很多雞肉，其實是錯覺。「北川涼粉」這是甚麼做的粉，咬下軟軟，容易散開，在涼粉上面加了辣醬，醬油，蔥粒與蒜粒，味道好像夾不上來。還有兩碗「米飯」，比較硬身（唔夠水），有點像意大利飯的口感。「酸梅湯」，味道正常。另加的「麻辣豬耳」$48有驚喜，爽爽辣辣又脆口。「家常肥腸血旺」$88賣相與相片有點出入，嘻嘻！異地沒有血旺吃的，襯這晚吃一點，不懂是雞紅/豬紅，軟軟的，加少許咬口，豬腸縮水了，有豬腸

公司同事難得約我吃晚飯，大家選個中間點，就在紅磡火車站的都會廣場，早前吃過這間十三姨酸菜魚👍🏼👍🏼👍🏼，今天一於再encore。蒜蓉粉絲蒸娃娃菜比想像中大堆頭😂蒜蓉巨量配上粉絲，好味。娃娃菜的份量也頗多，這道菜大約$60 ，真不知道到哪裏找！划算❤️啖啖無骨雞口水汁無骨雞肉吃起來就是痛快，最好的是醬汁另上，辣與唔辣，任君選擇😏。辣汁有點點炒香芝麻，令到這口水雞吃起來是有芝麻香，不錯。十三姨秘製雞翼新鮮炸起脆卜卜，男同事表示相當歡喜。😌黑糖珍珠烏龍茶& 冷泡桂花烏龍茶套餐加$15便有一杯，性價比不錯，值得加點。我就點了冷泡桂花烏龍茶，清香消膩😋

清爽酸菜魚作為一個見識過咩叫做真正川菜酸菜魚嘅人，十三姨酸菜魚係我暫時喺香港探店搵到嘅最貼近四川道地酸菜魚嘅代餐。酸菜魚湯底清爽鹹酸適宜，魚片片得利落整齊大小劃一，入口鹹鮮滑嫩。上面點綴上青花椒及子彈頭辣椒，整碟酸菜魚色香味俱全，令人大快朵頤。不僅賣相好看口感清爽不厚膩，而且價格親民實惠。一碟酸菜魚，再加些紅糖糍粑作為甜品，集齊酸辣鹹甜有如品盡人生幸福百味。有人說人生中沒有苦怎能突出甜，但其實，有些苦，其實是可以不吃的。