十三姨酸菜魚 (Mikiki)

營業中

休息中

Open rice search 到mikiki 新店，見到個晚市餐牌$88 就有大碟酸菜魚，特登嚟朝聖試吓！計過數兩個晚餐再加多一碟餸都要$300，最後叫咗個228套餐，套餐主菜有酸菜魚，小菜可以在Menu上面揀一樣，今日揀咗口水雞，仲有小食兩碟可以選！加咗$6要烏龍茶！味道非常之正宗，而且唔會因為將價就貨偷工減料，附近有間出名燉湯川菜好出名！但個酸菜魚真係好難食！估唔到呢度咁出色！而且分量充足魚片新鮮而且夠厚身，我諗呢個餐兩個男人就啱啱好，我同老公食就一早投降了！真係太飽！重點係我地唔係食得太辣，口水雞雖然係雪雞，但味道唔辣好嘢味，另外逢一至五夜晚六點後入車場只要係食肆消費$100，就可以泊三個鐘頭！怪唔之得叉電嗰啲位排長龍

一直好鍾意食酸菜魚，見到呢間晚市好抵食👍2人套餐入面勁多嘢食，價錢又平。我地揀左招牌酸菜魚做主食。酸菜魚入面我地額外加左一份午餐肉，午餐肉係煎過再擺入去，好香口👍酸菜魚口感好嫩，份量好多，配菜都好多😂夫妻肺片整得好好食，味道幾正宗，夠辣，紅油好香炸雞翼即炸，外皮夠脆夠熱，味道醃製得剛好，係好食既炸雞翼👍皮蛋份量好多😂呢個餐真係勁抵食，佢每一個小食份量都唔少👍每次去食酸菜魚我都一定會叫一份紅糖糍粑食，糍粑外皮脆脆入面軟糯

呢間十三姨酸菜魚坐落在Mikiki 商場入邊，餐廳環境寬闊坐得相當舒適，自助落單上菜又很快價錢也適中。招牌二人套餐$228超抵食！點了口水雞，涼拌皮蛋，炸雞翼，酸菜魚，仲有兩個米飯添。招牌十三姨酸菜魚首先配料十分豐富，一上枱就見到好大一煲！魚肉又滑嫩又大塊，芽菜爽口，仲有萵筍，水晶粉，酸菜。湯底濃郁，酸辣味道啱啱好，酸菜魚真喺好開胃。十三姨秘製雞翼雞翼即叫即整，炸得香口，又酥脆又不帶油膩感，再點上川菜特有的香辣粉好惹味超正！口水雞呢個口水雞係無骨嘅，雞肉又新鮮又嫩，口水汁又辣又香，但係辣度又唔算太辣，唔會辣到食唔出雞肉嘅香味。涼拌皮蛋作為前菜來說係比較開胃啲，皮蛋加上醃製的辣醬食落一啲都唔腥。桂花烏龍茶玫瑰花茉莉茶叫了兩款冷泡茶，茶味濃郁配有淡淡的花香味，既解膩又解辣👍🏻。十三姨冰粉食辣嘢最鍾意最後叫冰粉食，份量適中，仲有淡淡的桂花香又有提子乾，食落可以中和麻辣的口感。

去Mikiki見到十三姨酸菜魚當然要去吃我食媽鍾意嘅酸菜魚啦！，去到時18:30冇乜人所以就唔使等位，即刻可以入座『當然要記得嘟安心出行同疫苗紀錄先入得架！』。 環境乾淨優美，卡座相對闊落，裝潢跟一般中餐廳不一樣！全餐廳是以木色系列為主題這裡是以掃碼方式下單，食物有套餐或散點選擇。我地揀咗晚市自選套餐中嘅二人餐$228。。。。有招牌十三姨酸菜魚！這個是二至三人份量，另有水晶粉配著。 店員話係用了海鱸魚，這款魚較少骨的是常見做酸菜魚的品種。魚肉的份量幾多，魚肉嫰滑啖啖肉冇骨而且不腥！🤤。可自選辣度，酸酸辣辣好開胃，水晶粉吸入湯汁好入味😆仲配埋配料，“鹹菜，萵筍， 水晶粉，豆芽” 十分豐富，我地仲加咗土豆片增加口感！辣味我們點中度辣，感覺剛剛好！不太辣！不太酸亦！不太鹹！而其實內裏包了水晶分基本上不用點上白飯！除了酸菜魚仲有1個小菜同可以揀兩款小食。小菜揀咗口水雞而小食就係酸辣小木耳同雞絲涼粉。口水雞完完全全合我心意，口水雞辣味十足，雞肉是涼的，配上脆口香花生及香蔥，整個搭配得非常完美！雞絲涼皮夠惹味，啲涼皮滑脫脫，冷盤小食唔錯！酸辣小木耳。。酸辣度剛剛好！甜品就加咗我鍾意嘅紅糖糍粑(6件

我一直都係酸菜魚的粉絲🤤唔可以錯過每個食酸菜魚的機會呀!😍最近成日去新蒲崗，都見到這間十三姨酸菜魚📍見到有酸菜魚，環境舒適光猛，決定一試呢!🌻-整個餐廳環境光猛，以QR CODE落單好方便📱除了酸菜魚外，仲有烤魚等好多唔同選擇📝由於今晚唔太餓，又想試其他野，所以我點了一配酸菜魚配米線🌶🥢份量剛剛好!🧡💛招牌十三姨酸菜魚米線，點了小辣!🌶對我來說好好呀! 而且魚身好滑😋亦都有好多唔同配料，好正!而且唔會太酸，所以岩岩好呢!🤩-老公由於想食飯，所以點了啖啖無骨雞飯配口水汁🤎呢個真係好惹味，都幾驚喜🍚而且啖啖肉好正呀!由於老公唔食得辣，佢都話味道岩岩好😋唔會辣到食唔到，又有D香口!🥢所以好開胃呢!🥣-另外，我們都點了2個小食，分別係麻辣豬耳🌶同手拍青瓜🥒麻辣豬耳少少麻同辣，好惹味!🥳而且份量十足!手拍青瓜以蒜味為主，食唔到辣的朋友都食到!💕絕對係小清新之選呢!💚-飲品方面，我跟餐點了冷泡玫瑰茉莉茶🥃養生清新之選呢!💡-好滿足的晚餐，環境舒服，而且份量好足夠呢!✅一直看到其他食客有試烤魚😋決定下次試下先!

$228二人套餐有一大盤酸菜魚，加自選主菜一碟及自選2款小菜，係咪好抵食？ 第一次嚟，環境座位幾寬敞及舒服見到個menu有二人套餐(A+B +C)覺得價錢好親民, 上菜之後見到所有野都大大份就真係開心到嘩嘩聲雖然係二人套餐，但份量及足料程度绝對足夠三個人食，味道又好味，絕對會再嚟幫襯。A. 二選1(可選酸菜魚或蕃茄湯清甜魚)當然揀左招牌酸菜魚啦。二人份量好大盤，而且好足料，魚件係大件厚身啖啖肉又無骨，滑嫰得嚟又吸收哂湯汁嘅酸辣香味，辣度只係少少辣，成個湯底好開胃惹味，勺一碗當湯飯食都綽綽有餘不會嗆喉，正！配菜包括有大量酸菜、萵筍片、芽菜及水晶粉。唔食飯嘅朋友可以食水晶粉，又大條又彈牙，好味! B. 八選一主菜要了口水雞，雞件飽滿多肉，雖然是口水雞，但醬汁以惹味香口為主不會辣得過分，底下鋪了很多青瓜。 C. 小菜六選二大部份係凉伴小菜，亦有雞翼可選，我要了一份擂椒松花皮蛋及蒜茸拍青瓜。皮蛋軟綿綿沒有腥味，伴隨些碎椒粒放入口很清新。紅糖糍杷(4件)外表酥脆酥脆的，但內裡口感煙韌，甜甜的紅糖漿將加上香口的黃豆粉，不經不覺咬了一口接一口，絕對喺出色嘅飯後甜品。

晚市自選2人套餐超抵食！$228包左勁多野食！我揀左椒麻汁啖啖無骨雞，蒜茸拍青瓜，秘制雞翼，招牌十三姨酸菜魚，加了錢加個小水晶粉，仲有兩碗飯包埋，真係三個人食都夠😂😂😂椒麻汁啖啖無骨雞估唔到主打酸菜魚但個雞都勁好食，又滑又冇骨又有雞味，唔洗諗一定叫佢蒜茸拍青瓜依個都ok，份量多，當菜食。秘制雞翼4隻又係幾好食😂炸得好脆，熱辣辣，點埋辣粉仲正招牌十三姨酸菜魚魚都ok，冇腥味，個湯酸麻味做得幾好，仲有魚味！加了錢加紅薯粉，口感煙韌，酸菜魚同紅薯粉嘅配搭係絕配飲品叫了豆漿和冷泡玫瑰茉莉茶最後食埋個甜品紅糖滋粑就好滿足了🥰🥰

有次放工經過mikiki已bookmark 想去這間酸菜魚餐廳，去到環境好舒服，有卡位👍🏻服務態度很好，而店員推薦食二人套餐$228，真係幾抵食架！蕃茄湯清甜魚唔想食辣既朋友就岩晒啦，一上碟睇到好大碟湯中有蕃茄、萵筍片以及去骨魚片，相當足料👍🏻魚肉新鮮鮮甜嫩滑，萵筍片口感清爽，湯很濃郁鮮甜美味😋椒麻無骨雞雞肉好鮮嫩惹味，雞肉無骨食落啖啖肉😋最惹味是配上特製的椒麻醬，帶點麻麻地和微辣，呢個味道剛剛好，下面有仲青瓜墊底吸到麻辣很爽口美味👍🏻涼粉質地晶瑩剔透，冰涼清爽，配搭酸酸辣辣麻辣醬汁，上面再灑上香脆的花生，味道相當開胃。十三姨秘製雞翼雞翼外皮炸得香口，內裡肉質嫩滑多，唔覺油膩感，再加點香辣粉，更加滋味可口冷泡桂花烏龍茶好香桂花味令烏龍茶更突出唔會蓋過左桂花味道冷泡玫瑰茉莉茶清新的茉莉荼加玫瑰茶，入口清香消膩😋

二人套餐$228，有酸菜魚、口水雞，拍青瓜，木耳，2碗飯同酸梅湯，真係超級抵！開頭以為咁平會將貨就價，份量好少，點知份份都大大碟又足料。酸菜魚啖啖肉，冇骨，啱晒我呢啲懶人，而且佢仲有芽菜，薯份，味道唔會話太酸，只係略嫌唔夠辣，下次再嚟我會叫辣d。口水雞都唔錯，首先佢已經冇骨，唔會話鞋口，調味合宜。平時食完酸菜魚呢類菜式，喉嚨通常會好乾，今次食完無呢個感覺！唔錯！唔錯！至於前菜，木耳夠酸，青瓜夠爽，兩個前菜開胃又解膩

想吃酸菜魚，平日午餐時間來，見不用等位便入去試試。午餐選擇算多，一心要吃酸菜魚，對其他選擇沒有多看兩眼😁午餐的酸菜魚是配飯，亦可+$5 改配米線、幼薯粉、水晶粉、烏冬、淮山麵，並附酸梅湯。~~~~~~~~~~~~~~~~~~~~~~~~~~~~~~🍲酸菜魚水晶粉🍜（附酸梅湯） $73⭐️⭐️我選小辣。賣相漂亮；碗大、分量多。先喝一口湯，唔⋯⋯淡淡的，失望；與我期待的味道甚有差別，拌開魚片，撈勻一點，再喝一口試清楚⋯⋯湯很淡！不夠味！加$5轉水晶粉，是想到水晶粉盡吸湯底後會很味美，可惜湯底味道太淡、小辣亦只算微辣，完全不惹味，夾起見到水晶粉蘸湯後仍然晶瑩剔透，味道淡淡的。魚片淥得嫩滑，這點要讚，大約有七片；芽菜、酸菜份量算多，這點也做得好；但味道都是淡淡的。個人覺得酸菜魚要惹味、辣度夠而不搶酸味，酸度充足而不嗆喉，魚要鮮甜滑溜⋯⋯才吃得過癮！這碗酸菜魚水晶粉，只做到魚嫩滑，整體是非常淡。至於酸梅湯，味道正常。總括而言，味道太淡，吃得不過癮！失望！~~~~~~~~~~~~~~~~~~~~~~~~~~~~~~環境方面，地方大、座位多、乾淨，侍應有禮貌。

午餐價錢合理，而且有Honey喜歡的酸菜魚。招牌十三姨酸菜 $68可以選小辣、中辣、大辣。好大碗，上面鋪滿魚塊，是好滑好有魚油香的魚塊。酸菜和大豆芽好多，而且不會過熟，有新鮮蔬菜的口感。而且還有刨成一片片的萵筍片，好好味。酸菜湯也不太鹹和酸，可以拌飯吃。另外 也點了Honey喜歡的擔擔麵 $38不貴喎，而且這個價錢還包括了一碟伴菜。青瓜粒新鮮爽脆，雲耳爽口。加一杯豆漿，只加$3。另外，我們又追加了三隻炸雞翼，+$18，剛炸起，好好味。整個午餐豐富多元，只是$120，很好的午餐選擇！

這天吃酸菜魚，但甜品才是重點！這是招牌十三姨酸菜魚，小辣配搭水晶粉。酸菜魚這個辣的程度我完全能夠接受，白嫩的魚肉真的很美味。這是秘製雞翼。它味道很好，而且炸得香脆不肥膩。我覺得這個味道很獨特，香料配搭不是常見的。接下來是甜品-紅糖滋粑。我不好辣，但酸菜魚確實有點辣更美味。為解辣這個甜點很重要！不過，其實外皮香脆，裡頭綿密的甜食，一向非常打動我...飲品是黑糖珍珠烏龍茶，主要亦是用來解辣。它的茶味稍淡，但整體味道與手搖飲品店的差不多，而且我喜歡它Q彈的珍珠！

向來都是愛吃酸菜魚的狂熱分子,發現公司附近有間價錢不貴的酸菜魚必需一試!
餐廳的環境不錯，卡位很寛闊坐得相當舒適～

必須一讚招牌2人套餐的份量! 價錢不貴但就有相當多食物～CP值超高!招牌二人套餐$228
（套餐）招牌酸菜魚魚質嫩滑 湯汁不會太辣但又夠味👍🏻👍🏻👍🏻 不能吃太辣的朋友也不必擔心入面有薯粉 相當吸味 好好吃！另外還有兩碗飯 酸菜魚配白飯又是另一份美味😋😋😋（套餐）口水雞口水雞還是無骨的 啖啖肉 加上肉質嫩滑 （套餐）川北涼粉醬汁超級㘃味！挺好吃的黑糖珍珠烏龍茶味道拍得上外面的茶飲店 好驚喜！紅糖糍粑非常非常推薦超好味外層炸得脆脆的 不會過火外脆內軟！價錢不貴！整體來說我對這間餐廳超級滿意價錢不貴 分量多質素高 服務態度又很好真心推薦！

雖然香港好多地方都有得食酸菜魚，但係價錢都偏貴，而且分量好大，所以都好少機會食。今日就發現咗Mikiki嘅十三姨酸菜魚，有一人份量嘅餐，終於可以滿足一下味蕾。舖頭用手機落單，幾方便。一嚟到我就已經將目標鎖定招牌十三姨酸菜魚水晶粉，雖然要加錢，但係水晶粉感覺正宗啲，配菜仲有芽菜、酸菜、萵筍。魚肉腍身易咬，湯嘅酸度適中，我叫咗中辣，比想像中mild，應該可以再挑戰大辣。朋友叫咗椒麻汁啖啖無骨雞飯，我哋第一次食椒麻汁，食落都唔算太辣，仲食到唔同層次嘅味道，除咗令到條脷痺痺哋嘅麻辣，仲有黑椒嘅香味，雞肉食落去好嫩滑，而且去咗骨好方便。配菜仲有青瓜，青瓜清清涼涼，同椒麻汁好夾，食到停唔到口。另外叫咗個蒜蓉粉絲娃娃菜，菜同粉絲入曬豉油同蒜蓉嘅味道，分外惹味。食咗咁多辣嘢，餐飲我哋就揀咗酸梅湯下火。喺深圳每次食酸菜魚，都會叫冰粉做甜品，所以見到十三姨冰粉都即刻叫咗，涼涼地甜甜地咁，可以中和麻辣同酸辣嘅味道，仲聞到桂花味嘅清香。

最近愛上咗酸菜魚嘅味道👧🏻得知新蒲崗數月前有間主打酸菜魚嘅川菜餐廳開業🤩嗜魚嘅我當然要去支持一下💕餐廳設計簡潔明亮💡空間感十足👍🏻以QR Code落單📲方便又快捷💃🏼上菜速度都算快✅如果甜品可以最後先上就更好🙆🏻‍♀️∗∗∗∗∗∗∗∗∗∗∗∗∗∗∗∗∗∗∗∗🔥招牌十三姨酸菜魚套餐（$88）👉🏻轉水晶粉（+$5）🧃配酸梅湯無骨海鱸魚肉質鮮甜嫩滑🐠份量十足🙌🏻配菜有大豆芽🌱酸菜🥬萵筍等☺️據知當中嘅酸菜以傳統古法醃製💥所以食落特別酸甜爽脆😻湯底用上魚🐡同雞熬煮🐔配合花椒☄️炸蒜🧄同四川辣椒等香料🌶入口酸辣帶甜🤟🏻味道層次相當豐富😎水晶粉口感煙韌爽滑🍜吸盡湯底精華🎖倍感滋味💜∗∗∗∗∗∗∗∗∗∗∗∗∗∗∗∗∗∗∗∗🍅人氣番茄湯清甜魚套餐（$88）👉🏻轉水晶粉（+$5）🍶配酸梅湯怕辣嘅朋友可選擇番茄湯清甜魚套餐😗師傅首先將新鮮蕃茄炒至出汁👨🏻‍🍳再熬成鮮甜濃郁嘅番茄魚湯😺配上鮮嫩美味嘅無骨鱸魚片🐟同柔軟彈滑嘅水晶粉🥢令人回味無窮💁🏻‍♀️食完更有滿滿的飽肚感🎊再飲用酸酸甜甜嘅酸梅湯😎有助消滯解膩⚡️∗∗∗∗∗∗∗∗∗∗∗∗∗∗∗∗∗∗∗∗🥩番茄牛肉（$78）牛肉以新鮮番茄燜煮🐄食落鮮嫩滑韌又入味💫濃郁嘅