影片
港鐵炮台山站 A 出口, 步行約5分鐘
繼續閱讀
電話號碼
24130123
開飯介紹
大隱隱於市的日式西餐廳，主打創意日料和西餐，刺身、牛扒、沙律、甜品、酒等一應俱全。店面樸素，但食物絕對能驚艷到你。是一家來了都想私藏的精緻小店。
繼續閱讀
營業時間
今日營業
12:00 - 22:00
星期一至二
12:00 - 15:00
星期三至六
12:00 - 22:00
星期日
18:00 - 22:00
以上資料只供參考, 請與餐廳確認詳情
食家推介
晚餐有湯有沙律，主食+餐茶，加埋唔夠$200(未包+1服務費)，性價比高。以前晚餐定價偏貴，300蚊樓上，今次竟然降到$200樓下，真心性價比高。關鍵係有鴨肝，而且食物好味，環境夠靜，可以支持下呢間小餐廳。餐牌入面仲有其他選擇，都係200蚊樓下。另外，午餐更加平
繼續閱讀
位於天后木星街 離港鐵站七分鐘 幾方便同朋友相約食好西 我話好耐無食過西餐😭佢地就揀左初味 我仲話個名咁唔西餐既😯餐廳入面唔算太大 不過枱數唔多 所以都唔會迫裝潢就無咩特別 但食物卻係相當有水準 有驚喜😍食物選擇算幾多 份量唔少👍🏻揀左幾款前菜 主食同甜品加勒比野生大蜆🧭個汁帶白酒香同微酸 幾開胃 😙蜆都算大隻 大部份都開左煙法國鵪鶉脾💯當晚既MVP 焦香脆皮 肉嫩得黎有咬口 幾出色 香草牛油焗白菌田螺較一般 薯蓉幾香口 可惜田螺無咩味 比白茹蓋過燒牛肉溫泉蛋雜菜沙律配和風汁溫泉蛋 流心既亦夠味雜菜份量十足 略為油左少少🤏🏻燒牛肉 火喉剛好 肉味濃郁西班牙燒乳豬脆皮嫩滑 油脂較少 幾唔錯🙂炭燒牛腹肉✌🏻牛肉依然燒得好唔錯 熟度岩岩好 夠淋 肉味突出唯獨醬汁太多 就咁牛肉已經好食黑毛豬火腿雜菜芝士薄餅不錯 黑毛豬火腿份量有點少 可以再整焦香D 朱古力心太軟配雪糕正常發揮 有流心 夠朱古力味🍫Overall 份量不少 亦有質素 價錢親民 幾抵食想食親民既西餐 可以黎試下🥳😋方便指數: 4.5/5環境指數: 3.5/5回頭指數: 4/5地址: 天后木星街9號永昇中心地下1-2號舖
繼續閱讀
雖然餐廳所播放的純音樂都幾好聽,但食物並不便宜,我們由入到去餐廳直至到離開時,全程服務員都沒有笑容我們點了一份大蝦湯,唔知係咪佢地落威士忌落得多咗,所以我飲完個大蝦湯後冇幾耐,個頭開始覺得有d暈,然後慢慢開始臉紅+臉熱,而且個湯都幾鹹下,這個大蝦湯仲要不便宜,$108一碗我哋杯水飲哂好耐,但服務員又唔會主動幫我們斟水,每一次都要我叫佢,佢先幫我們斟水,態度非常被動我們點了一碟煎雞,落單時服務員說碟雞要等20分鐘,我哋ok,但點知過咗三十幾分鐘後,碟雞不但沒有來,連其他食物及湯也還沒來,但服務員卻沒有主動跟我們報告返個情況,直至我主動詢問服務員時,她才告訴我要再等耐少少,還堅持跟我說:「當初我說預20分鐘的時間只係大約的時間。」哦,明白了,原來20分鐘同三十幾分鐘都是差不多的,沒有分別,我們的肚已經好餓,他們仲要全程一句道歉也沒有,還要不停跟我辯駁、跟我吵。其實我並不介意等耐d的,但要早d講囉,就算等等下真係比預期遲咗,都最好主動向我們交代聲,而唔係當冇事發生過,由得客人繼續等等等,唔知等到幾時。後來我忍唔住同個老闆投訴個服務員的態度,但老闆初時都係有佢講冇我講,不停打斷我說話,缺乏聆聽及溝通技巧, ANGRY到我要求即時取消咗張單並離開,貼錢買難受,去到呢一步,個老闆先識話會送甜品俾我當補返,但最後我們埋單到走時連一份甜品都無,真係好有口齒呢 ^_^ 怪不得Happy Friday晚上還是門可羅雀，大把空枱,經過這次事件後,我們決定永不再光顧這間餐廳。題外話,後來我睇返其他食評,原來都有其他客人留負評,有食評話他們的食物有蟑螂,但服務員全程連一句道歉都沒有看來這間餐廳的服務員連最基本的待客之道也不懂呢,犀利^_^
繼續閱讀
夜晚路過見到唔多人，試吓先知成功尋寶睇個Menu得啲印得唔清楚嘅字，價錢都唔平，開頭都驚中伏，環境就整潔，正正堂常咁啦。落完單仲要等咗起碼20分鐘都未上菜，心諗搞乜春點知一上菜每一碟都好正，真心好好食從沙律嘅牛肉，調汁，菜嘅選擇到魚嘅調味配菜同火候炒意粉嘅辣鹹平衡嘅調味所有嘢，每件食材嘅處理都好正！下次返嚟香港一定會再嚟食，試埋牛排同意大利飯之類嘅其他嘢。雖然真係上菜慢咗啲，但呢間餐廳係的確做到慢功出細貨。
繼續閱讀
中午約了朋友在天后吃西餐。餐廳開十二點，午飯時間七成客滿。午時套餐選擇頗多，豬、牛、魚、海鮮、沙律都有。先來個㕑師沙律🥗，加餐湯配美味多士。西班牙乳豬配黃姜飯，燒帆立貝：乳豬皮薄肉嫩，但皮略不夠脆口，醬汁不多但算美味。帆立貝一小塊，燒得軟滑。黃姜🫚飯加一口配雜菜吃很好。燒紐西蘭牛牛扒配法國鵝肝：一小塊鵝🪿肝滑溜入口化開，牛扒也燒得可口有肉🥩汁，味道不錯。中午飯套餐除去加一，現金交易🤝實則95折埋單。
繼續閱讀